روسيه-گورجوستان ساواشي و بيز - مئهران باهارلي
بای بک، آذربايجان | تُزگؤن, ۲۲-ي قويروخدوغان , ۱۱۰۰۸ اینجی ایل, چولا ۱۴:۲۸ [آ.خ] | یازی و قوشوق
 |
. | ١- گورجوستان`ين گووه نليييني يوخ ائده ره ك، باكي-تيفليس-جئيهان پئترول بورو خططينين و ده اورتا آسيا-قافقاز پئترول آلتئرناتيوينين كؤكونو قازماق، بئله جه آوروپا`نين ائنئرژي ساغلاماسيني اؤز تكه لينه آليب، ائنئرژي باخيميندان آوروپا`ني يئنيدن روسيا`يا باغيملي حالا گتيرمك
٢- باتي و آمئريكا`دان روسيا`نين موتتفيقي اولان يوقوسلاويا`ني بؤلمه لرينين، باتينين موتتفيقي اولان گورجوستان`ي بؤله ره ك اينتيقام آلماق |
روسيا-گورجوستان ساواشيني ده ييشيك آچيلاردان اينجه له مك اولار:
گورجوستان`ين يانليشليغي:
١- گورجوستان`ين ايستيقلال ايسته يه ن آنجاق گورجوستان`ين بير پارچاسي اولان آبخازيا و گونئي اوسئتيا`يا قارشي گوج قوللانماسي، بو سورونلاري سيلاحلا چؤزمه يه قالخيشماسي قبول ائديلمه ز بير توتومدور.
٢- اؤزه لليكله اوسئتيا كيمي بؤلونموش بير خالق و يوردون مساله سي، كسينليكله گونئي اوسئتيا، قوزئي اوسئتيا و بونلارين داخيل اولدوقلاري گورجوستان و روسيا`نين باشقا اولوسلارآراسي قوروملارين قاتيليمي ايله، اينسان حاقلاري، شيددتدن چكينمه، و اولوسلارين اؤز گله جكلريني بليرله مه حاققي چرچيوه سينده چؤزولمه ليدير.
روسييا`نين قيلوبال اؤلچوده كي ايسته كلري:
منجه روسيا بو فورصتي آشاغيداكي آماجلار دوغرولتوسوندا قوللانماقدادير:
١- گورجوستان`ين گووه نليييني يوخ ائده ره ك، باكي-تيفليس-جئيهان پئترول بورو خططينين و ده اورتا آسيا-قافقاز پئترول آلتئرناتيوينين كؤكونو قازماق، بئله جه آوروپا`نين ائنئرژي ساغلاماسيني اؤز تكه لينه آليب، ائنئرژي باخيميندان آوروپا`ني يئنيدن روسيا`يا باغيملي حالا گتيرمك
٢- باتي و آمئريكا`دان روسيا`نين موتتفيقي اولان يوقوسلاويا`ني بؤلمه لرينين، باتينين موتتفيقي اولان گورجوستان`ي بؤله ره ك اينتيقام آلماق
٣- گونئي اوسئتيا و آبخازيا`نين ايستيقلاليني ساغلاماقلا باتيدان بوشناق و كوسوواليلارين ايستيقلاليني تانيمالارينين اينتيقاميني آلماق
۴- دوغو آوروپا اؤلكه لرينين ناتو`يا قبول ائديلمه لرينين عئيني ايسته يي بولونان گورجوستان`ي تنبيه و موجازات ائده ره ك اينتيقاميني آلماق
۵- روسيا چرچيوه سينده اؤزه لليكله قافقاز بؤلگه سينده دئموكراتيك سيستئملرين قورولماسينا ايذين وئرمه يه جه ييني بوتون دونيايا، باشدا بؤلگه ده ياشايانلار اولماق اوزره، بيلديرمك
۶- سوويئتلر`ين چؤكوشوندن سونرا روسيا`نين جيددي شكيلده ضربه آلميش بؤلگه سه ل و اولوسلارآراسي بير يكه گوج (سوپئر پاوير) اولما پيرئستيژيني يئنيدن جانلانديرماق
٧- روسيا`نين اؤزونون چئچه نده ياپديغي سوي قيريم و قاراباغدا سوي قيريم ياپان ائرمنيلره وئردييي دسته يي گؤز اؤنونده بولوندورساق، روسيا`نين گونئي اوسئتياليلارين حاقلاريني قوروماق اوچون بو ساواشا سوروكله ندييي ايدديعاسي اينانديريجي دئييلدير.
گونئي آزربايجان پئرسپئكتيويندن:
١- بو ساواشدا گورجوستانا ايلك بومبالاري ياغديران روسيا اوچاقلاري ائرمنيستان`دان قالخميشلار. ائرمنيستان آچيق شكيلده روسيا يانليسي توتوم آلميشدير، حتتا گورجوستان`دا ياشايان ائرمنيلرين گورجوستان`دان تورپاق ايدديعالاري يئنيدن گونده مه گتيريلميشدير. روسيا گره كيرسه گورجوستان`ا قارشي ئرمنيستانداناوچونجو بير جبهه ني آچمايي بيله گؤزه آلابيلير و ائرمنيلر، كؤنوللو اولاراق اونون بو ايسته ييني اويقولارلار.
٢- روسيا گورجوستان`ين باكي-تيفليس-جئيهان پئترول تيرانزيت بورولارينين بو اؤلكه ده اولان بؤلومونو بومبالاميشدير. بو اولايدان بير نئچه گون قاباق، پ.ك.ك. عئيني مارشروتون توركييه ده كي بؤلومونو پاتلاتميشدي. بو ايسه كورد- ائرمني- روس ايستيراتئژيك ايتتيفاقينين باشقا بير سونوجودور.
٣- ايران دؤولت مئديياسي، بوسنا، كوسووا، سيربيستان، چئچئنيا و … قونولاريندا اولدوغو كيمي، گينه ده روس يانليسي بير سيياست ايزله يير و روسيا-گورجوستان ساواشي خبرلرينه، روسيا`نين چيخارلاري دوغرولتوسوندا، سانسور اويقولاماقدادير.
۴- ايران`ين گنه لليكله هر چئشيت ميللي موجاديله يه، كوسووا اولسون، چئچه ن اولسون، گونئي اوسئتيا اولسون، كئشمير اولسون،… اويقولاديغي بايكوت و سانسورون باشقا ندني، بو اؤلكه نين چوخ ميللتلي اولماسي و ايران دؤولتينين بو اؤلكه ده ياشايان ميللتلرين، ميللي اويانيشيندان قورخماسيدير.
۵- بؤلگه ده سون دؤنه مده اولوشموش و گئتديكجه درينله شه ن روم-كورد-ائرمني-فارس-روس ايتتيفاقي، بؤلگه خالقلاري و باشدا گونئي آزربايجان اوچون ايسيراتئژيك بير تهلوكه ساييلماليدير. بو خطط بو و يا او شكيلده قيريلماليدير.
۶- روسيا دؤولتي منيمسه دييي اينديكي ذئهنييتي سوردوكجه (١٩ نجي يوز ايل كولونييال هه وه سلر، سويوق ساواش يئكه گوجلويو=سوپئر پاويرليغي خياللاري)، گونئي آزربايجان مساله سينين چؤزومو يولوندا جيددي بير انگه ل و مانيعه اولاراق قالاجاقدير.
۱۲/۰۸/۲۰۰۸
٫بير ميللتين سسي
پایلاش | پرینت
بورا باغلي يازيلار:
- داستان-ي احمد-ي حرامي - مئهران باهارلي
- بايراق تارتيشمالارينين گره کليلييي و يارارلاري - مئهران باهارلي
- کردستان و کرمانشاهان در جغرافياي تاريخي آزربايجان دوره اسلامي - مئهران باهارلي
- در اعتراض به بازگشائي مدارس استعماري فارسي در آزربايجان و ديگر مناطق ملي ايران - مئهران باهارلي
- آسيميلاسيون پوشاكي - مئهران باهارلي
- ترکان ساکن در جنوب ايران و محروميت از حقوق زبانيشان - مئهران باهارلي
- بايراق تارتيشمالارينين گره کليلييي و يارارلاري - مئهران باهارلي
- تضييق حقوق بشري ترکان جنوب ايران - مئهران باهارلي
- ديل ياراسي: “اؤنه ري” اوزه رينه - مئهران باهارلي
- نوشته روشني بيك و جوابيه تقي اراني به آن - مئهران باهارلي
http://www.baybak.com
بای بک سایتیندان پرینت اولوب
http://www.11008.baybak.com/il_11008_say_810.azr
یازینین اینترنت آدرسی
گوروش کاپانیبدی