ياشاسين آذربايجان - Long live Azerbaijan

.

من و منيم دوشونجه لريمي اينجله مکده اولان ايکي سويداشيما بيلگي وئرمک اوچون، و گنلده بير سيرا باخيشلارا دوزه ليش وئرمک اوچون بو يازيني يازيرام. اوغوز ارگين* و ايشيق سؤنمز** سون مقاله لرينده چاليشيبلار تا منيم يازيلاريمدا اولان بير نئچه قونونو الشديرسينلر، آچيق شکيلده اونلارا گؤره اؤز گؤروشلرين بيلديرسينلر و دانيشيقلارين داها گئنيشلينمه سينه يارديمجي اولسونلار. باشلامادان اؤنجه، بو ايکي سويداشا تشکور ائديرم و او سويداشلار کي بو جاوابلاري اوخوماغا مجبور قالاجاقلار باغريما باسيرام.

---

من و منيم دوشونجه لريمي اينجله مکده اولان ايکي سويداشيما بيلگي وئرمک اوچون، و گنلده بير سيرا باخيشلارا دوزه ليش وئرمک اوچون بو يازيني يازيرام. اوغوز ارگين* و ايشيق سؤنمز** سون مقاله لرينده چاليشيبلار تا منيم يازيلاريمدا اولان بير نئچه قونونو الشديرسينلر، آچيق شکيلده اونلارا گؤره اؤز گؤروشلرين بيلديرسينلر و دانيشيقلارين داها گئنيشلينمه سينه يارديمجي اولسونلار. باشلامادان اؤنجه، بو ايکي سويداشا تشکور ائديرم و او سويداشلار کي بو جاوابلاري اوخوماغا مجبور قالاجاقلار باغريما باسيرام.

سؤز بايراغ و يا سيمگه دن گئدير کي سون زامانلاردا يئنيدن آکتوال اولوبدور. گونئي هرکاتي اوچون بير سيمگه نين يارانماسي و او سيمگه نين بلکي گله جکده قورولان دئولتچيليگيميزين بير پارچاسي نين گئچيجي اولسادا رسمي بايراغي نين سئچمه سي اؤنملي بير ايشدير.

بري باشدان دئييم کي من شخصن “بايراغ سئچيمي”نين طرفدادري اولاراق، “بايراغين گرکلي اولماسي” و اؤنملي اولماسينا اينانان و بونو “سورون اولاراق” گؤروبده “چؤزولمه سي نين” طرفداري اولان معمولي بير آذربايجانلي تورکويم. بو اينانج، بلکي منيم عومومي اينانجلاريمين بالاجا بير پارچاسي اولسون، آنجاق عومومي اينانجيمداندا آيري دئييلدير.

سؤزوم بوردا جناب سؤنمزه دير کي چاليشيرلار بير يازارين يازديغي بير مقاله ني کي بللي بير دؤنم و بللي بير قونودا يازيليبدير، پاراقراف پاراقراف اينجه لييب و هر پاراقرافدان ايسته ديگيني الده ائتسين.

جناب سؤنمز، هر پاراقرافي اؤزگور بير دوشونجه اولاراق ده يرلنديرمک يانليشدير. هر حالده بيليرسيز کي بير دوشونجه صاحيبي اولان يازارين نه يه اينانديغينا وارماغ اوچون، اونون توم يازيلارين اولدوغو کيمين اوخويوب و آنلاماغ لازيمدير. اونا گؤده، من سيزين سون ايکي يازينيزدا کي مني (منيم دوشونجه مي يوخ) اينجه لييرسيز يئرسيز و يارارسيز ده يرلنديريرم.

منيم وارليغيم بوتؤو آذربايجانين رئال گرچکلريندن اولوشوب، بونا ان آزيندان اؤزومون شوبهم يوخدور. اگر منيم گرچک آدلانديرديغيم سورولار يا وارليقلاردان بعضي سويداشلار ترس آنلام آلماغا چاليشيرلارسا، او منيم پروبلئميم دييلدير. چومکي من چاليشارام گرچک دونيادا و گرچکلرله ياشايام، من رويالاردا ياشايان بير شخص دئييلم.

جناب ارگين اوچون دئمکلريمي سانيرام داها اؤنجه کي يازيمدا کي اوغوز ارگين و باشقالاري نين فيکرينده اولان سورولارا توخونموشدوم وئرميش اولموشام. آما مع السف يا اونلار او سورولاري و آچيقلامالاري اوخويوب آنلاماييبلار، يادا من آنلاتماغ ايسته ديگيم قونولاردا باشاريسيز اولموشام. بو اولان ايشدير و هر ايکي طرف آچيق شکيلده بير بيرين آنلاماغا، آيدينلاتماغا و آنلاتماغا چاليشماليديرلار. ائله دانيشيغ و تارتيشما دئديگين بوندان عيبارتدير.

بيلميرم جناب سؤنمز ندن بحث ائتمک ايسته يير، اگر نئت بير شکيلده منيم سهو دوشونجله لريمي آچيقلاسالار، بلکي بير جاواب وئرمک ايمکاني ياراناجاقدير. اينديکي دوروما آناتومي باخيميندان باخيليرسا، من بدنين عومومي چاباسين بوراخيب و بالاجا بارماغين ديرناغنين اينجله مکده يارار گؤرمورم.

اونا گؤره ده، گوجومو بير آرايا توپلاييب و بايراغ قونوسوندا اولان گرچکلري جناب ارگين بئي و فيکيرداشلارينا ايضاح ائتمگه چاليشاجاغام.

بايراغ و سيمگه نين يارانماسي سون زامانلاردا گئدن تارتيشمالاردا اؤز يئرين تاپيب و آرتيق ايلگيلي اولان شخصلرين چوخو بو سورونون بير دفعه ليک چؤزولمه سيندن يانا اولدوقلارين بللي ائديبلر. بو او دئمک دئييلدير کي موخاليف يوخدور، دئمک ايستيرم کي قونويلا ايلگيلي اولان اؤرکلي فعاللارين بير چوخو بايراغ و سيمگه نين گرکلي اولدوغون آنلاييب و يالنيز اونو نئجه سئچمکده چاش-باش قاليبلار.

طبيعيدير کي گونئي هرکاتي و اونون دورومو دونيادا تايسيز بير اولايدير. اونو ۱۰۰٪ بير هرکات يا بير سياسي پروسئسله توتوشدورماغ اولماز. بو يونيک کاراکتئر اوچونده، هامي چاليشماليدير تا يونيک چيخيشلارين تاپيلماسينا يارديم ائتسين. سورونلاري اؤزونه اؤزل اولان گونئي، قوزئيدن آيري اولاراق، قوزئيله بيرگه گلجگه ماليک اولان بير هرکاتدير. بو سؤزو من دؤنه دؤنه دئميشم و دييه جاغامدا.

من داها اؤنجه کي يازيلاريمدا دئديم کي گونئيلي سويداشلار ايچريدن سيمبول سئچيب و اؤنرمه لري آلقيشا لاييق بير چابادير، بير چابادير کي ميللي هرکاتيميزدا يئني آچيلار آچاراق، دئموکراتيک تارتيشمالارا گوج قازانديرماغ اوچون اؤنمليدير.

من هئچ زامان دئمه ديم کي ايچريدن اؤنريلن قارا آيپارا-اولدوزلو سيمگه نين طرحي ايله راضييام، من دئديم کي گنل اولاراق او اؤنري نين ايچريدن وئريلمه سيندن يانايام. ياني کي، سويداشلاردان بير نئچه سي يازيلاريمدان ايسته ديکلري سونوجو آلاراق، مني ايکي اوزلو تانيتماغا چاليشسالاردا، بوش چابا صرف ائتمکلده لر و دئمک آچيلان تارتيشمالاري پوزماغا چاليشديقلاريني وورقولاماغي اؤزومه بير بورج بيلمه لييم.

جناب ارگين، منيم گئچميش يازيمدا ترس بير سؤز يوخدور، من اوندا آچيقجاسينا دئميشچم کي يازيلان بيلديريده بئله يازيليب آما من فيکر ائديرم کي يازيلديغي کيمي اولماييبدير! من او يازي نين ديليندن دئميشديم کي “مطالعه اولونوب و.س” يوخسا نئجه اولور کي من اؤز سؤزومون ضيدي اولان باشقا بير سؤزو همان يازيمدا قلمه آلام؟

سويداشلار، يازارلار و فعاللار، من نه زامان دئديم کي قارا آيپارا-اولدوزلو طرحي قبول ائديرم، نه زامان دئديم کي اونو قبول ائتميرم؟

من آيدين اولاراق دئميشم و دئييرم کي، قارا آيپارا-اولدوزلو طرحين اؤنريلمه سيني بير ده يرلي چابا اولاراق، کي بايراغ سورونون چؤزمک اوچون ايچريده کي فعاللار طرفيندن اورتايا چيخيب دستکله ييرم. بونون هاراسي اونو اولدوغو کيمي اونايلاماقدير؟

من ايلک رئاکسييامدا ايکي سورو وئرديم، ايکي اؤنري وئرديم و ايکي ريجادا بولوندوم. بو ايکي مسئله نيده چوخ دفعه لر آچيقجاسينا يازيلاريمدا تکرار ائتديم.

سورولار بونلارديلار:

۱- قارا آيپارا-اولدوزلو چوخ داها اؤنجه، ايستانبولدا يازيلان کيتاب و ب.ا.ب تشکيلاتي طرفيندن قبول اولونان کيتابدا يئر آليبدير!

۲- اؤنريلن بايراغ اوچون معنوي داياغ آختارماغ اوچون مرحوم ائلچي بئي اورتايا چکيليبدير کي بو اولاي ائلچي بئي طرفدارلاري آراسيندا ايختيلافا ندن اولوب.

اگر بو سورولارا يانيت وئرن بير سويداش وارديرسا، دمک من او سويداشين فيکرينه وارمامشام و اؤز سورولاريمي تکرار ائده رک اورتاليغي قاتماغا چاليشميشام! آما اگر کيميسه بو سورولارا يانيت وئرمه دن چاليشير تا موباهيسه ني يولوندان جايديرسين، اوندا منيم سؤزوم اونلارلا اولماياجاقدير.

عزيزلر، ايران آدلانان اولکه نين حاکيمييتي نين نقدر غدار اولدوغون هاميميز بيليريک. بير دنه تورکجه ده يازيلميش تقويم اوچون ايللرجه عباس لئيسانليني تورمه لرده ايشکنجه وئرن، بايبکين شکيلين کيتاب آراسيندا تاپديغي اوچون تورک اؤيرنجيسيني ايشکنجه ائدن و بير دفعه من تورکم شوعاري وئرمک اوچون بير گئنجي تحصيلدن منع ائديب و اونو زيندانا سالان فارس حاکيمييتين هاميميز تانيريق.

و، بيليريک کي تورک فعاللارا ياپيلان دوسييالاردا، خاريجي اولکه لره و گوجلره قوللوغ ائتمک سوچو ايلک سيرالاردا يئر آليبدير. سيزجه بونا گؤره بيزلر دوشونمه مه لييک مي؟

خاريجي اولکه فارس حاکيمييتي باخيشيندا هارا دير؟ ايلک اولاراق آذربايجان جمهوريسي، ايکينجيسيده تورکيه جومهورييتي! هئچ خاطيرلاييرسيز کي آدي گئدن قارا آيپارا-اولدوزلو بايراغين طرحي هاردا وئريليب، هاردا يايينلانيب و هاردا آرشيوه آلينيب؟

ايللردير ميللي فعاللاريميزي ايشکنجه آلتيندا خاريجه باغلاماغ ايسته ين فارس رئژيمي، قارا آيپارا-اولدوزلو طرحي قالديران گئنجي نه ائده جکدير؟ اعدام مي ائده جک يا اؤدوللنديره جک؟

منيم قبول ائده بيلمه ديگيم قونو ائله بوراسيدير کي سيمگه نين اؤنريسي ايچريدن گلميش اولسادا، او سيمگه نين يارانيشي و قالديرماسي تهلوکه لي و ضربه ووران اولاجاقدير. يوخ کي اگر بير سيرا سويداش ميللي فعاللاردان “قوربان”ليق دوزلتمک ايسته يير تا فارس شووونيسمي نين جللادليغين بير داها ايثبات ائتسين، او زامان من اونلارلا دانيشماغدا بيله چکينمه لي اولاجاغام.

سايين ارگين و جناب ارگين کيمين دوشونن سويداشلاريم، لوطفا مني باشا سالين کي بو ايضاح ائتديگيم سورو و اونا وئرديگيم اؤنمين هاراسي و ندن سهودير؟ اگر سيز اينانيرسيا کي فارس رئژيمي قارا آيپارا-اولدوزلو بايراغين قالديرماسيندان فايدالانماياجاقديرسا، او زامان بلکي ميللي دوشونجه لريميزده اساسي فرق واردير! اگر گله جکده فعاللاريميزين خاريجي اولکه جاسوسو سوچوندان دار آغاجيندان آسيلمالارين گؤرمک ايسته ميرسينيزسه، او زامان منيمله ندن موخاليفت ائديرسيز؟

ايکينجي قونويا گلينجه، من گئنه دئييرم کي ائلچي بئي و اونون بوتؤو آذربايجان ايدئاسي ان اؤنملي وارليقلاريميزداندير، آما، وورقولاييم کي بو او دئمک دئييلدير کي او مرحومون توم ايشلري و دوشونجه لري قوصورسوزدور. بو تارتيشماني آچماغ ايسته ميرم و ساده جه اؤز دئديکلريمه، کي دئميشديرم “اؤنريلن سيمگه ائلچي بئي آدينا ايختيلافلارا ندن اولوب” قونوسونا گئچيرم.

من بئله دوشونورم کي اؤنريلن سيمگه نين آرخاسيندا اولان معنوي داياناجاغ شوبهه ليدير. ندن کي بير سيرا سويداش ائلچي بئي يه ايستيناد ائده رک گونئي اوچون بايراغ يارانماياجاغدان دانيشيرلار، بير سيرا سويداش ائلچي بئي قارا آيپارا-اولدوزلو کيتابي اونايلاييبدير و اوندان گونئي اوچون بايراغ آنلامي آلماغا چاليشيرلار، بير سيراسي دا دئيير کي يوخ، ائلچي بئي ساده جه بو قارا آيپارا-اولدوزلو طرحي “بير فيکير” اولاراق قارشيلاييب! بو ۳ قوروپ سويداش هر بيري دوغرو دئيير و هر بيري نين ميللي دوشونجه سي گوجلودور. آما سورون هاردادير؟

بونلار دوغرو دئديکلري آندا، بير بيرينه قارشي دوروب و اؤنريلن سيمگه نين معنوي داياناجاغين شوبهه لي دوروما سالير. آخي نئجه اولور کي بير شخصييته ايستيناد ائده رک، ۳ ده ييشيک گؤروش اورتايا چيخسين؟ بوردا جناب سؤنمزدن سوروشمالي اولاجاغام کي اونلارين اينجله ديگي مقاله لرده اولان چاش باشليغلار ائله بونا بنزر اولاي دئييلميدير؟

بوردادير کي من گئنه گليرم ايلک سؤزلريمه، اؤنريلن سيمگه “اولدوغو کيمين” قبول اولونورسا، گله جگيميزده داها چوخ تزييقلره ندن اولاجاق و حتّی سويداشلارين اعدام اولماسينا فارس رئژيمينه بهانه ياراداجاغ! آما، بالاجا بير ده ييشيمله، بو اؤنريلن سيمگه نين يئني گؤرولوشو هم ائلچي بئه يه سايقيسيزليقلارا ندن اولماياجاق و هم تام يئني بير طرح اولاراق فارس رئژيمي نين اؤنملي بهانه سين اليندن آلاجاق! چونکي، اؤنري ايچريدن وئريليب و بيرگه قرار آلينيب، دئمک هئچ بير خاريجي اولکه يه باغلانا بيله جک بير سيمگه اولماياجاقدير!

دوغرودور کي فارس رئژيمي ائله گونوموزده ده آغير باسقيلار اويقولاييب و ميللي فعاللاري ايشکنجه ائدير! آما، بو او دئمک دئييل کي فارس جللادلارينا ايسته ديکلري قيلينجي بيزلر وئرک!

اؤنريلن طرحين قاليبي گؤزل اولسادا، ساري آيپارا-اولدوز هم داها آنلاملي و گؤرکملي اولاجاق و همده دئديگيم سورونلارا بير تک چوزوم اولاجاقدير. اصلا، منيم يا باشقاسي نين طرحين بير کنارا بوراخيبدا، ياشاما گلن گؤزل، دئموکراتيک و ده يرکي دانيشيغ فيرساتيندان يارارلاناراق گونئي هرکاتي اوچون بير سيمگه سئچک، نه دئييرسيز؟

سويداشلاريم، سورولارين ان اؤنمليسي بودور کي کيملر و نئجه سيمگه ني سئچه جکلر! ائله بونا گؤره دير کي من چاليشيرام چئشيتلي قوروملاري بو تارتيشمالارا داخيل ائدم. هامي دئيير کي بايراغي پارلامئنت سئچر! آيا کوردلرين پارلامئنتلري وارميدير کي هاميسي، هر نه دوشونجه دن اولورسا اولسون بير بايراغ قالديريرلار؟ يوخسا بيزده گئديب پيشه وري هوکومتي نين بايراغينا سيغيناغ و بو دفعه ده فارسلارا باشقا بهانه ياراداق؟ اينانين کي بيزيم سياستلريميزن بير طرفي فارسلاري خلع سيلاح ائتمک اولماليدير.

آرتيق اينانميرام کي بايراغ قونوسوندا دوشونجه لريمي قارانليقدا ساخلاميش اولموشام. تام ترسينه، بير چوخلو سويداشدان کي اؤزلري کسکين مؤوقئييت بيلديرمک يئرينه اوردان بوردان سؤز چيخارماغا چاليشيب و يا داها پيس قاچيب يخدنلرينده گيزله نيبلر! ايلريده يم!

ايشيق سؤنمز-اين يازيلارين اوخويارکين، گوجلو بير قلمله قارشي اولورام. آما بيلميرم يازي و اينجله مه طرزيدير يا کي بير سيرا آنلاشيلمايان اينانجلار، اونلاردان لازيمي قدر يارارلانا بيلميرم. سون يازيلاريندا منيم گوناز و اونون رهبرليگين الشديرديگيمه گؤره ناراحات اولدوقلاري بلليدير! آما ندن؟ مگر بيلميرلر کي بير خسته نين يارالانميش و ايشدن دوشموش عوضوونو دوکتورلار پيچاقلا موعاليجه ائدر، يا کسيب کنارا آتار تا خسته ني اؤلومه گؤندرمه سين؟ من بئله دوشونورم کي هر شئي آچيق دانيشماغ لازيمدير، اگر منيم آچيقلاديغيم سؤزلره اعتيراض ائتمک ايسته ين بيري تاپيليرسا، سؤزلريمين مخاطبي اولماليدير!

جناب سؤنمز، من کيميسه تهديد ائتميرم، گرچکلري دئييرم. تهديد ائتسه ايديم، اونلار کيمي دئيرديم کي بيزيم باره ده دانيشمايين يوخسا بيزده سيزين گيزليلرينيزي اورتايا قوياريق! بو شانتاژلار و تهديدلري منيم آچيق دانيشيقلاريملا توتوشدورماغ سهودير. من دئمه ديم کي “من دئيدن اولماسا ايفشا ائدرم” من دئديم کي “بئله اولوب و بئله اولماليدير”. دئديکلريمده سندلره سؤيکنن گرچکلردير. ايشيق سؤنمز، من کيمينسه سهولريندن يارارلاناراق اونو شانتاژ ائديب و يا شخصي يارارلاريم اوچون اوندان آتو توتماغا چاليشمارام!

خييانت کليمه سينه حساس اولان سويداشلارادا دئييم کي، منيم باخيشيمدان، آذربايجان، اونون بوتؤولوگو و گله جگي باره ده کيميسه بيله رک سهو ائدرسه خائييندير. گرچکلره داياناراق، احساساتدان اوزاق و کسکين بير مؤوقئييتدن چيخيش ائدنلرين ميللي چابالاري هر زامان آلقيشلانيب و ميللي هرکاتيميزي يارارلانديريب.

سؤزلريمده خائيين و يا خييانت قوللاناندا، خاريجده کئفه باخانلاردان دانيشاندا، بيليرم نه دئييرم. جناب سؤنمز، خاريجده کي آذربايجانليلار سون ۱۵ ايلده نه لر ائده بيليبلير؟ سيزين اينجله ديگينيز مقاله لرده بونا تاي سورولار چوخدور! ندن اونلارا جاواب وئرمکدنسه، منيم بير پاراقرافدا يازديغيم بير جومله ني اينجه لييب و ايسته ديگينيز سونوجو اوندان چيخاريرسيز؟ سيز فيکر ائديرسيز کي خورداد قيامي و اونا بنزر انکشافلار خاريجدن مي ياراندي؟

بايراغ مسئله سي ميللي فعال دئديکلريميزين الي ايله چؤزولمه ليدير. يوخسا اوتوروبدا ميللي پارلامئنت يا ميللي دئولت يا رئفئراندوم گؤزله مگه دوام ائتسک، هر ايل بير ايکي بايراغ، بير ايکي سياسي پارتي! و بير ايکي قوروم ياراناجاق و ائله سون ۱۵ ايلده نقدر ايلرله ميشيکسه اونون تايي ايلرليه جگيک!

تعارف ائتمه دن بير بيريميزين سهولرين گرچکجيل اولاراق آيدينلاتاغ و هاميليقجا اونو دوزلتمگه چاليشاغ. من دئميرم هر بيليمين اوستاسييام! هامي نين سهوي اولا بيلر، آما، سهوي آنلايان گرک منطيقله اونا توخونسون!

سؤز اوزاندي، بايراغ مسئله سين بوندان آرتيق يولوندان جايديرماياق! بو سورونا چؤزوم بولماقدير کي بيزلرين نقدر مدني، دئموکرات و آيدين اولدوغوموزو بللي ائده جکدير. بايراغين سئچيلمه سيله باشلايان اينکيشافا اينديدن قوجاغ آچماليييق.

سورونلاري چؤزمکدنسه، اوتوروب يئني سورونلار ياراداق کي هئچده اؤنملي دئييلديلر! بايراغ مسئله سي ايچريدن گوندمه چيخيبديرسا، دئمک اونلارديرلار کي ايسته ييرلر گله جک خورداد-لاردا بايراغلا چيخيش ائتسينلر! بونا کيمين اعتيراضي اولاجاقدير؟ خاريجده کئفله مشقول اولانلار مي؟

يارالانماميش يئردن قان چيخارتماياق

تبريزلي باي بک
۰۳/۰۸/۲۰۰۸
کرويدون

* [1] www.11008.bayb… و [2] www.11008.bayb…

** [3] www.11008.bayb…

٫بير ميللتين سسي

_ _ _ _ _ _ _
مربوط اُلان یازیلار

• ===> تنظیم کنندگان اطلاعیه سمبل حرکت ملی چه چیزی را با چه ابزاری می خواهند تحمیل می کنند؟ - اوغوز ارگین
• ===> موصاحيبه، موزاکيره يا موحاکيمه؟ گوناز تي.وي نين چاغريشينا باخيش - تبريزلي باي بک
• ===> بير گون يوخيدي، ائله بو گونده يوخدور! تبريزلي باي بک
• ===> خطاب به "دانشجويان ترک دانشگاه تهران" در مورد بايراق - مارالان تبريزلي
• ===> تکذیب کنندگان نترسند! اتحادی نخواهد بود - ائلشن گؤنئيلي
• ===> تکذيبيه يا فحش نامه؟ نظري بر به اصطلاح تکذيبيه تائيد سمبل پيشنهادي از سوي دانشجويان تورک دانشگاه تهران
• ===> بیانیه تحلیلی جمعی از دانشجویان دانشگاهها در حمایت از سمبل ملی آذربایجان جنوبی
• ===> چرا اساسي ترين و ساده ترين اصل را ناديده ميگيريم؟ پيشنهاد يا تحميل سمبل؟ - تبريزلي باي بک
• ===> آقايان محترم! با دستاويز کردن اطلاعيه فعالان مستقل حرکت ملی، سر منشأ اختلافات جديد نباشيد - اوغوز ارگين
• ===> گونئي آذربايجان ميللي سيمگه سي! - بؤيوک رسولوغلو
• ===> عدم احساس مسئوليت و دروغگوئي در حال تبديل "سمبل پيشنهادي" به "بايراغ تحميلي" است - تبريزلي باي بک
• ===> آذربايجان و اونا عايد اولان بؤلگه لرده چئشيتلي سورونلارين اولوشومو - تبريزلي باي بک
• ===> بير ميلتين ايکي بايراغي ...! - اولوس
• ===> دویغوسال بوتوولوک وسواسی و یالانچی «توهم» لار! - آیدین تبریزلي
• ===> سورولاردان قاچماياغ! بلليدير کي گونئي هرکاتي اوچون بايراغ گرکليدير- تبريزلي باي بک
• ===> میللی بیرلیک سیمگه سی، دئموکراتیک سویه ده سئچیلمه لیدیر - آيدين تبريزي
• ===> گونئي آذربايجان’ا اؤنريلن ميللي سيمگه لرده اونودولان خوصوص؛ مشروعیت - قزيلباش بؤروسوي
• ===> اعلام حمایت جمعی از دانشجویان آذربایجانی دانشگاه تهران از طرح سمبل ملی
• ===> گونئی آذربایجانین یئنی بیرلیک سیمبولونا گئرافیک آچیسیندان بیر باخیش - آيدين تبريزي
• ===> ايري اوتوراغ، دوز دانیشاغ، گونئيده نه لر اولماليدير؟ - تبريزلي باي بک
• ===> گونئی آذربایجانین بیرلیک سیمبولونا یئنی بیر چاغیریش گرکلیدیر - آيدين تبريزي
• ===> سيمگه، بايراغ و بيرليک قونوسوندا ميللي پارتي بيلديريسي
• ===> آذربايجان ميللي ديره نيش تشکيلاتي (آ.م.د.ت) آدينا يايينلانان ساختا يازي و ايديعالار ايله باغلي بيلديريش
• ===> تاريخ فشرده پرچم آزربايجان جنوبي در سده بيستم - مهران بهاري
• ===> ميللي سيمگه مسئله سيندن يولا چيخاراق ائلچي بئي’ي "سئندروم" آدلانديرماق!! قاراباغ ساواشيندا داشناکسيون’ون يئرينه ائلچي بئي’ي سوروملو گؤرن ذهنييتله هارا گئتمک ايسته ييريک؟! - کورشات مرندلي
• ===> "گونئي آذربایجاني ائلچی بئی سينديروموندان قوروياق" يازيسينا اؤتري بير باخيش - خزر گؤنئیلی
• ===> بو ميلتين آييني، اولدوزونو قارالتمايين! - چينگيز گؤيتورک
• ===> گونئی آذربایجانین بایراق مساله سینه بیر باخیش - آیدین تبریزلی
• ===> يئکه داش، آتماماغ علامتيدير - تبريزلي باي بک
• ===> ميللي-آزادليق موباريزه ميز مودئرن ومدني خاراکترلي حساب ائديلير، آنجاق قانلي- قاداسيز ده دئييل...! بونو اونوتماياق...! - اولوس
• ===> به سوي اتحاد ملي! اطلاعيه در خصوص سمبل پيشنهادي براي حرکت ملي آذربايجان جنوبي
• ===> گونئي آذربايجاني ائلچي بئي سيندروموندان قوروياق - صمد نيکنام
• ===> چگونه ميتوان مانع پشيمان شدن مردم از شروع و دفاع از مبارزات ملي شد؟ - تبريزلي باي بک
• ===> آذربايجان ميللي حرکتينده "بوتؤولوک" آنلاييشي و ميللي سيمگه مسئله سي - کورشات مرندلي
• ===> در پی ارائه سمبل حرکت ملی آذربایجان جنوبی
• ===> گؤنئي آذربايجان حرکاتي اؤچون سيمبول گرکلي مي دير؟ آنار ائلين
• ===> ميلي اؤنديريميز ائلچي به ي و گونئي آذربايجان بايراغي قونوسو - آيتان ار اوغلو
• ===> ميللي سيمبول سئچمک اوچون، “بای بک”-دن ميللي دوشونجه لي سويداشلارا چاغيريش

پایلاش | پرینت

---

بورا باغلي يازيلار:

• شرفدن دانيشانلار، شرفسيزليکدن اوزاق دورارلار! تحميل ائديلن بايراغ بيزي پارچالاياجاق مي؟ - تبريزلي باي بک
• گونئي آذربايجاني “لاتينلشديرمه”نين ايکينجي پرده سي! تبريزلي باي بک
• ايري اوتوراغ، دوز دانیشاغ، گونئيده نه لر اولماليدير؟ - تبريزلي باي بک
• بایراق یا دیل الفباسی، هانچی سی داها اُنملیدیر؟ - تبريزلي باي بک
• اوتوروب گؤزله مه يک، قاراباغ بيزيم قالاجاق دئيه ک - تبريزلي باي بک
• اکونومي کيريزي هاردان باشلاييب و هارا گئدير؟ - تبريزلي باي بک
• آذربايجاندا خاتمی سئونلره سورولور: “خاتمی ايکي دؤورده ده سئچکي گزيلريني ندن شيراز-دان باشلاييب؟” - تبريزلي باي بک
• “تبریزلی بای بک” ایمضاسی ایله آذربایجان میللی مسئله سی اوزره یازیلمیش دوشونجه لره باخیش - ایشیق سؤنمز
• وقتي شوونيستها قات ميزنند! اشتباه فجيع فارسهاي دو آتشه در خصوص دو تشکل آذربايجاني و تلاش آنها براي سؤ استفاده - تبريزلي باي بک
• شوونيسم فارس در سازمان ميراث فرهنگي و ادامه سياست کرد کردن آذربايجان! - تبريزلي باي بک

---

---

http://www.baybak.com بای بک سایتیندان پرینت اولوب
http://www.11008.baybak.com/il_11008_say_707.azr یازینین اینترنت آدرسی

azeribaybak[at]gmail.com

یازیده ایشه آلینان اینترنت آدرسلری
[1] www.11008.bayb…: http://www.11008.baybak.com/il_11008_say_622.azr
[2] www.11008.bayb…: http://www.11008.baybak.com/il_11008_say_704.azr
[3] www.11008.bayb…: http://www.11008.baybak.com/il_11008_say_703.azr