آذربايجان-دا هر شئي بير نفره عؤمورلوک حاکيميتين وئريلمه سينه دوغرو گئدير
بای بک، آذربايجان | اُدگؤن, ۹-ي قويروخدوغان , ۱۱۰۰۸ اینجی ایل, چولا ۱۷:۰۷ [آ.خ] | ایچ ساولار
 |
. | بونو آ.ب.ش کونقرئسي نين هئلسينکي کوميسيونونداکي دينلمه لرده «Freedom House» بين الخالق اينسان هاقلاري تشکيلاتي نين ديرئکتورو کريستوفئر اولکئر دئييب.
او، آذربايجاندا وضعيتين گوندن-گونه پيسلشديگيني قئيد ائديب. بيلديريب کي، دئموکراتيک اينکيشاف ائدن، حساباتلي و شففاف اينستيتوتلارين ياراديلماسي ايله باغلي وضعيت اولدوقجا پيسدير و «Freedom House»ين حسابلامالارينا گؤره، وضعيت گئتديکجه پيسلشير. |
«آزربايجاندا هر شئي بير نفره عؤمورلوک حاکيميتين وئريلمه سينه دوغرو گئدير». بونو آ.ب.ش کونقرئسي نين هئلسينکي کوميسيونونداکي دينلمه لرده «Freedom House» بين الخالق اينسان هاقلاري تشکيلاتي نين ديرئکتورو کريستوفئر اولکئر دئييب.
او، آذربايجاندا وضعيتين گوندن-گونه پيسلشديگيني قئيد ائديب. بيلديريب کي، دئموکراتيک اينکيشاف ائدن، حساباتلي و شففاف اينستيتوتلارين ياراديلماسي ايله باغلي وضعيت اولدوقجا پيسدير و «Freedom House»ين حسابلامالارينا گؤره، وضعيت گئتديکجه پيسلشير.
بوندان علاوه ، اولکئرين سؤزلرينه گؤره، اؤلکه رهبرليگي طبيعي ثروتلرين آذربايجان وطنداشلارينا گله جکده خئيير قازانديراجاغيني تامين ائده جک حياتي اهميت داشييان ايصلاحاتلاري کئچيرمير.
رئسورس (قايناق. باي بک) بلاسي نين آذربايجاندا کؤک آتديغيني قئيد ائدن اوولکئر دئييب کي، آرتان نئفت پوللاري اؤلکه رهبرليگي نين داها شففاف اينستيتوتلار ياراتماق ايديعالاريني دا تاماميله آزالديب:
«بو تنزل سيستئم حاليندا باش وئريب و موختليف ساهه لره، همچي نين سئچکي پروسئسلرينه، آزاد مئديا، وطنداش جمعيتي و موستقيل محکمه لر ساهه سينه ده اؤز تاثيريني گؤسترمکده دير» – دئيه کريستوفئر اولکئر اؤز چيخيشيندا قئيد ائديب. او، عاقيل خليل-ين بيچاقلانماسي، اوچ ژورناليستين حبسده ساخلانماسيني مئديانين تنززولده اولماسي نين گؤستريجيسي کيمي قييمتلنديريب.
اولکئرين سؤزلرينه گؤره، آذربايجاندا هر شئي بير نفره عؤمورلوک حاکيميتين وئريلمه سينه دوغرو گئدير کي، بو تجروبه آرتيق مرکزي آسيا اؤلکه لرينده مؤوجوددور. موطلق حاکيميتله برابر موطلق اقتصادي فساد دا گلديگيني قئيد ائدن اوزمان دئييب کي، آذربايجان حاکيميتي نين نئفت پوللاريني نئجه خرجله مه سي ايله باغلي خالقا تام حسابات وئرمه مه سي اولدوقجا ريسکليدير.
اولکئر آ.ب.ش هؤکومتينه آذربايجانداکي دئموکراتيک قوووه لره دستگي آرتيرماغي تؤوسييه ائديب.
آذربايجاندا ايسه اولکئرين چيخيشي ايله باغلي رئاکسييا بيرمعنالي دئييل. مثلن، موساوات پارتيياسي نين باشقاني ايسا قمبر بو ايرادلاري گئرچکلييه ياخين آدلانديرير.
«گؤزله نيلمز بير شئي يوخدو. اونلارين مؤوقئلري ايله تانيشيق… آذربايجاندا وطنداشلارين دينج يوللا حاکيميتي دييشمک ايمکانلاري مهدودلاشديريليب. بورادا شرح ائديله سي هئچ نه يوخدو».
ايسا قمبر کيمي، حاکيم يئني آذربايجان پارتيياسي نين ايجرا کاتيبي نين موعاويني سيياووش نووروزوو دا کريستوفئر اولکئرين چيخيشيندا سسلنن فيکيرلره تعجوبلنمه ديگيني دئيير:
«Freedom House»ون بوتون حساباتلاري غرضلي اولدوغو کيمي، بو چيخيش دا غرضليدير».
«ايره لي سورولن فيکيرلر، اصلینده آذربايجانداکي رئالليغي اکس ائتديرير»-، سئچکي مونيتورينق مرکزيندن آنار مممدلي بئله دئيير. اونون سؤزلرينه گؤره، آذربايجان وطنداش جمعيتي، آزاد مئديا، موستقيل محکمه ساهه سينده الده ائتديگي نايليتلري ايتيرمکده دير:
«بوردا چيخيش يولو تنززولون سببلري نين آراشديريلماسيدير. دئموکراتييا يؤنونده، خوصوصن سؤز و متبوعات آزادليغي يؤنونده ايصلاحاتلارين آپاريلماسي لازيمدير. اگر بو بئله دوام ائتسه، تاماميله باشقا آذربايجانين شاهيدي اولاجاغيق. مسخره يه قويدوغوموز آفريقا و آسيا اؤلکه لري ايله بير سيرادا دوراجاغيق».
سئچکي پروسئسلرينه خوصوصيله توخونان کريستوفئر اولکئر سئچکي اؤنجه سي موحيطين بير سيرا مسئله لره انگل ياراتديغيني بيلديريب. اونون سؤزلرينه گؤره، بو جور موحيط سياسي ايدئيالارين و پلاتفورمالارين آزاد رقابتينه ايمکان ياراتمير و بونون سايه سينده سربست توپلاشماق و آزاد مئديانين قارشيسي آلينير.
لاکين جناب اولکئر وورغولايير کي، اوکتيابردا کئچيريله جک سئچکيلر بو نؤقسانلارا دوزه ليش ائتمه يه ايمکان ياراداجاق.azadliq
٫بير ميللتين سسي
پایلاش | پرینت
بورا باغلي يازيلار:
- واشينقتوندا آذربايجانلا باغلي دينلمه لر کئچيريله جک
- آجليق آکسيياسي بؤيويور
- آذربايجان-دا نؤوبتي پرئزيدئنت سئچکيلرينه ستارت وئريلدي
- پرئزيدئنتلييه داها بير ناميزد
- آذربايجان دؤردونجو مئداليني قازاندي
- موخاليفت مرکزده ميتينق قراري وئردي
- ائسکودئرو “آذربايجان”ي آلدي
- ژورناليستلر يئنيدن آجليغا باشلايير
- «من تورکم» دئيه ني مهبوس ائديرلر
- تورکيه لي سوروجولر ناخچيوان-لا سرحدده اعتيراض آکسيياسي کئچيريبلر
http://www.baybak.com
بای بک سایتیندان پرینت اولوب
http://www.11008.baybak.com/il_11008_say_658.azr
یازینین اینترنت آدرسی
گوروش کاپانیبدی