گؤتئبورگ-دا بايراملا باغلي اونودولماز ساعاتلار ياشانيلدي (عکس)

بای بک، آذربايجان | آراگؤن, ۱۱-ي آغلارگؤلر , ۱۱۰۰۸ اینجی ایل, چولا ۰۷:۰۲ [گ.ؤ] | ایچ ساولار

- عراق تورکومنلري نين تانينميش موباريزي لطيف بئي، ايراقدا ياشايان تورکمنلرين دوروموندان قيسساجا سؤز آچاراق، بوتون تورکلرين بايرامين قوتلادي.

- اوستاد م.ع. فرزانه نين حايات يولداشي، اختر خانيم بايرامي تبريک دييه رک اوستاد فرزانه نين يازديغي باياتيلاردان اوخودو.

- ۱۱ ايل اؤنجه گؤتئبورقدا آذربايجان تورکجه سي

سوئد-ين گؤتئبورگ شهرينده ساوالان درنگي نين چاغيريشي اساسيندا٫ چوخ سايلي سويداشلاريميزين ايشتيراکيله، تورکلرين اسکي بايراملارينان اولان ارگنه قون بايرامي قوتلاندي.

دؤرت ساعاتليق پروقرام، ساوالان درنگي نين باشخاني داداش آسلانزاده- نين خوش گلدين دئمه سيله و بير شعر اوخوماقلا باشلاندي.

شنليک آخشاميندا اورفان بئيين ايجراسيله تورکچولوک روحويلا اويقون ميللي ماهنيلار اوخونولدو. شنليک پروقرامي نين آرالاريندا اؤنملي چيخيشلار اولوندو.

- اسميرا بورچالي (گورجوستاندا اولان آذربايجان شاعيري) آذربايجان شهيدلرين بايرام آخشامين ياد ائده رک قاراباغ حاقيندا گؤزل شعرلريندن بيريسين اوخودو.

- شاهين استاژلو، “گونئي آذربايجان اينساني هاقلاري نين مودافيه کوميته سي” باشخاني (دانيمارکدان) اؤز قوتلامالاريندا گونئي آذربايجانين زيندانيلريله باغلي، اؤزلليکله عباس لئيسانليني ايران رئژيمي نين تورمه سينده قهرمانليقلاريندان دانيشدي.

- ۱۱ ايل اؤنجه گؤتئبورقدا آذربايجان تورکجه سي اؤيرتمه ني، ائلياشار بئي اؤز قوتلامالاريندا چوخ سايلي دوستلارين ايللر سونرا بيرداها گؤرمکدن، اؤزئلليکله عراق تورکمنلري نين تانينميش موباريزي لطيف بيي يئنيدن گؤرمه سيندن موتلو اولدوغونو وورقولادي.

- آذربايجان سوئد فدراسييونونون باشقاني ستار بئي آذربايجانليلار ايچينده بيرليک روحون يارادماقدان دولايي، سوئد-ين خاريجي ايشلر نازيرينه گونئي آذربايجاندا اينسان هاقلاريلا باغي يازديغي بير يازي نين ايشتيراکچيلار طرفيندن ايمضالانماسن ريجا ائتدي. (يوزدن چوخ ايمضا توپلاندي)

پراقرامين سون سؤزو ماهميد بيلگين-ه تاپشيريلدي. او اسکي تورکلرين بايرامين قوتلوياراق، موستقيل قوزئي آذربايجاندا نووروز بايراملاري دئولت سويييه سينده گئچمه سينه ايشاره ائده رک، موستئقيل گونئي آذربايجان دئولتي نين ياخين گله جکده قورولماسي ديلگيله بو بايرامين دئولت سويييه سينده گونئيده گئچيريلمه سين آرزولادي.

هابئله شاد و ميلتچي روحونا اويقون آخشامين يارانماسيندا ساوالان درنگي نين ۱۱ ايلليک آپارديغي فعاليتلرده، بو آخشام اؤزون گؤسترير دييه، گؤتئبورگدا گله جک پروقراملارلا باغلي دانيشدي.

خاطيرلادماق لازيمدير کي پروگرامين آپاريجيسي کماله سابير قيزي-دي.

آذربايجان کولتور اوجاغي ساوالان
۲۹/۰۳/۲۰۰۸