عراق-دا گئدن پروسئسلرده تورکمنلره تيکيلن بؤرک! - تبريزلي باي بک
بای بک، آذربايجان | اُرتاگؤن, ۳-ي قويروخدوغان , ۱۱۰۰۸ اینجی ایل, چولا ۱۸:۲۳ [آ.خ] | یازی و قوشوق
 |
. | ندنلردن بيري بودور کي کرکوکده ايسته نيلن رئفئراندومون سونوجو اينديدن بللي اولوبدور، اونو قانوني ياپماغ اوچون لازيمي لوببيچيليکلر ياپيليب، کرکوکده سس وئرنلرين ايسته کي نه اولورسا اولسون، سونوج اينديدن حاضيرلانيبدير! بو آرادا يالنيز شراييتين حاضير اولماسي گؤزله نيلير آما زامان اوزاديقجا کوردلر بؤلگه ده داها چوخ گوجله نيرلر.
بو اولاي گؤسترير کي تورکمنلر و اونلاري دستکليه جک اولان گوجلر نه قدر گئريده قاليبلار. ندن؟ چونکو تورکلر اؤزلرينه مدني ساواشچيلاري آدي قوياراق گرچک ساواش مئيدانيندان قاچماغي ترجيه ائديرلر. تورکلر خياللاريندا ياتماغي داها |
عراقين ايشقاليندان سونرا ايستر ايسته مز گيزلي گرچکلرده اورتاي چيخديلار. ايلک اولاي بو اولدو کي عراقدا ۳ گوجلو بؤلوم ياراندي: ۱- شيعه لر، ۲- سوننيلر و ۳- کوردلر!
بو بؤلملئين يارانيشيندا ان اؤنملي رولو اونلارين داها اؤنجه دن حاضيرليقلي اولمالاري اولوبدور. شيعه لر هرزامان عراقدا حاضير اولوبلار و ساييلاريدا چوخدور، ترور آکتلاريندان اوزاق دورماييبلار، سوننيلر هوکومتي اله گئچيره رک ايللر بويو بير طرفلي گوجه صاحيب اولوبلار، ترور آکتلاريندان اوزاق دورماييبلار، کوردلر همده سونني اولدوقلارينا گؤره داها چوخ يارارلانان بؤلوم اولوبلار، ترور آکتلاردان اوزاق دورماييبلار!
ياني کي، ترورلا مشغول اولان، قورخو يارادان و سياسي آل-وئرين يولون بيلمک عراقين گوج صاحيبي اولان پارچالارا بؤلونمه سينده اؤنملي رول اويناييبدير. آما، ندن تورکمنلر، آشوريلر و باشقا ائتنيک قوروپلاري بو گوج پايلاشيمينا داخيل اولماييبلار؟
تورکمنلرين مين ايللرجه صاحيب اولوب ياشاديقلاري بؤلگه لري کوردلشديرمک پروسئسي ايللردير ستارت وورولوب، ۲۰۰۳-اونجي ايلدنسه بو پروسئس آشکارجاسينا هيز قازانيب.
سون گونلرده عراقدا ايالتلرده اؤنريلن سئچکي قانونو وئتو ائديليب. بو قانونا ردد جاواب وئرنلر کوردلر و سوننيلر اولوبلار! کورد ائله سونني اولاراقدا گوجده پاي آلماقدادير، ياني کورد پارتييالارين ايکي طرفدن عراقدا مانورلارا ناييلييتلري واردير. آما، بو اوچلو گوج پايلاشيميندا تورکمنلره ندن ظولم اولونوب؟
کرکوک و اونا عايد اولان بؤلگه لري فدرال کوردوستان موختارليغينا قاتماغ ايسته ين کورد يئتکيليلري بو قونودا حتّی عراقين آناياساسيني بيله ده ييشديرديلر! دونيانين هئچ بير اولکه سينده آناياسالاردا بئله بير اولاي اولماييبدير!
کوردلر و کوردلري يارادانلار کورکوک بؤلگه لرين اله گئچيرتمکده چوخ جيديديلر. گله جکده ياراناجاق اولان ساختا کوردوستاني زنگين ياپماغ اوچون، کرکوکون نفتي و آذربايجانين دنيزلري اله گئچيريلمه لي ساييليرلار!
کوردلر کرکوک مسئله سينده رئفئراندوما حاضير اولدوقلاري حالده، ندن استانلاردا سئچکيلره قارشي چيخيرلار؟ بو سورونون جاوابيندا چوخلو گرچکلر ياتيبدير.
ندنلردن بيري بودور کي کرکوکده ايسته نيلن رئفئراندومون سونوجو اينديدن بللي اولوبدور، اونو قانوني ياپماغ اوچون لازيمي لوببيچيليکلر ياپيليب، کرکوکده سس وئرنلرين ايسته کي نه اولورسا اولسون، سونوج اينديدن حاضيرلانيبدير! بو آرادا يالنيز شراييتين حاضير اولماسي گؤزله نيلير آما زامان اوزاديقجا کوردلر بؤلگه ده داها چوخ گوجله نيرلر.
بو اولاي گؤسترير کي تورکمنلر و اونلاري دستکليه جک اولان گوجلر نه قدر گئريده قاليبلار. ندن؟ چونکو تورکلر اؤزلرينه مدني ساواشچيلاري آدي قوياراق گرچک ساواش مئيدانيندان قاچماغي ترجيه ائديرلر. تورکلر خياللاريندا ياتماغي داها چوخ بيه نيلر و ائله اونا گوره دير کي دئولتچيليکلر صاحيبي اولان تورکلر آرادان گئديب، يئرلرينه تاريخ بويو وار اولمايان ميلتلر سوخولور! ميثال اوچون، کوردلري تاريخين هانچي دؤنمده تاپماغ مومکوندور؟
استانلاردا سئچکيلره گلينجه، و اونو وتو ائتمک ندنينه باخينجا، بللي اولور کي کوردلر و اونلارين موتتفيقلري سوننيلر هئچده گرچک سئچکيلره اينانماييب و ساختاکارليغا اوستونلوک وئريرلر.
بيرده بو سونوجا وارماغ اولور کي کوردلر بو اولاي اوچون حاضيرليقلي دئييللر و سئچکيلرين سونوجوندا ساختاکارليغ ائتمک اوچون هله ليک فيرساتلاري يوخدور. آما باشقا يؤندن باخيليرسا، اورتايا گلن اولايلار بونو گؤسترير کي آزاد سئچکيلره قارشي چيخان ايشقالچيلار چاليشيرلار تا لازيمي فيرساتي الده ائده رک ايسته ديکلري سونوجلارا زمين ياراتسينلار.
کرکوکده هله ده تورکمنلرين سايي چوخدور. آما اوردا بؤيوک بير سورون واردير و اودا بودور کي تورکمنلرين ايچينده ساتقين و وطن خائيني داها چوخدور! تورکمن آدينا پارتييا ياراديب آنجاق کوردلرين آغاليغينا بويون اَين ساتقينلارين سايي گئتديکجه آرتماقدادير. بونون ندني قورخو، پول و يا مقام اولسادا، گله جک اوچون بؤيوک تهلوکه يه چئويريله جگي گؤزله نيلمه ليدير.
اونا گؤره دير کي تورکمنلرين ايلک اؤنجه اؤز آرالاريندا تمزيله مک پروسئسي باشلامالاري بير اؤنملي گرک گؤرونور. سيياست و گرچک دونيادا اولدوغو کيمين، تورکمنلري بير آرايا گتيرن، ياراديلاجاق اولان قورخو اولماليدير. تورکمنلرين ميللي گله جگي ايتيرمک قورخولاري اولماديغي زامانا قدر، کرکوک کي هئچدير، توم وارليقلاري اللريندن آليناجاقدير. ساتقينلار تورکمن توپلوموندان ديشلانمازسالار، کرکوک کوردوستانين اولاجاقدير!
بير ميلتين گله جگين قوروماغ اوچون، اؤرگينده گرچکجيل قورخو يارانماليدير!
تبريزلي باي بک
۲۳/۰۷/۲۰۰۸
کرويدون
٫بير ميللتين سسي
پایلاش | پرینت
بورا باغلي يازيلار:
- وقتي شوونيستها قات ميزنند! اشتباه فجيع فارسهاي دو آتشه در خصوص دو تشکل آذربايجاني و تلاش آنها براي سؤ استفاده - تبريزلي باي بک
- شرفدن دانيشانلار، شرفسيزليکدن اوزاق دورارلار! تحميل ائديلن بايراغ بيزي پارچالاياجاق مي؟ - تبريزلي باي بک
- چگونه ميتوان مانع پشيمان شدن مردم از شروع و دفاع از مبارزات ملي شد؟ - تبريزلي باي بک
- يئکه داش، آتماماغ علامتيدير - تبريزلي باي بک
- يا قارداشيم اول، يا قارشيمدا! - تبريزلي باي بک
- سورولاردان قاچماياغ! بلليدير کي گونئي هرکاتي اوچون بايراغ گرکليدير- تبريزلي باي بک
- آذربايجان و اونا عايد اولان بؤلگه لرده چئشيتلي سورونلارين اولوشومو - تبريزلي باي بک
- عدم احساس مسئوليت و دروغگوئي در حال تبديل “سمبل پيشنهادي” به “بايراغ تحميلي” است - تبريزلي باي بک
- مشروطه يا کشمکش دموکراسي بين تورکها و پادشاهشان چه ربطي به فارسها دارد؟ - تبريزلي باي بک
- “هزاره ها” يا تورکهاي فراموش شده خون میگریند، دریابیمشان! – تبريزلي باي بک
http://www.baybak.com
بای بک سایتیندان پرینت اولوب
http://www.11008.baybak.com/il_11008_say_587.azr
یازینین اینترنت آدرسی
گوروش کاپانیبدی