آذربايجان جمهوريسي ايللر موستقيلليکدن سونرا، هله روس اتکيسي و روسجاني اوستون توتماغدان قورتولماييب!
بای بک، آذربايجان | اِلگؤن, ۲۹-ي قوراپيشيرن , ۱۱۰۰۸ اینجی ایل, چولا ۲۰:۴۰ [آ.خ] | ایچ ساولار
 |
. | باکي-دان آلديغيميز بيلگيلره گؤره، هله ده روس ديلينده ياييلان قزئتلر، کيتابلار و حتّی روس ديلينده تلويزيونلارين قوللانانلاري اؤز تورکجه ميزدن آرتيقدير! بونا سبب دئولتين کيفايتسيزليگيندن باشقا نه آدي قويماغ اولار؟
آرتيق اينانماليييق کي، قوزئيده کي سويداشلاريميز ۳ نسيلدير اؤز موستقيلليکلرين الده ائديبلر. |
اوزوجو اولاي: اينترنت دونياسيندا آذربايجانليلارين ان چوخ قوللانديغي سيته نين ايلک ۲۵-ده اوچ دنه تورکجه ده چاليشان سيته يئر آلماقدادير! گئري قالاني، روسجا سيته لردير کي چوخو ائروتيک ماتئرياللارلا دولودور، و بير آزيدا عومومي آخداريش، ايميل يادا دوستلاشما سيته لريدير!
آدي گلن سيته لرين بير نئچه سينده هله داها ماراخلي اولايلاردا باش وئرمکده دير! آذربايجان مارکاسييلا دوزه نيلن سيته لرده بعضن ۲ يا ۳ ديلده سئرويس وئريلير، آنجاق هئچ بيري تورکجه ده يايينلانمير!
بلليدير کي ايللر اسارتده اولان ميلتي و باشقا ديل-کولتور باسقيسي آلتيندا اولان توپلومو اؤز کيمليگينه قايتارماغ زامان آلاجاقدير، آنجاق بو اولايدان بئله باشا دوشولور کي آذربايجان حاکيمييتي يئترينجه چاباسي اولماييب. بو يئترسيزليک بيله رک يا بيلميه رک آذربايجان توپلومونون محوينه يارديمجي اولور.
اينترنت ساهه سينه يئترينجه ايمکانات ساغلانماليدير تا بو واسيطه ايله ميللي کيمليگيميز قوروناراق گوجلنسين. آما نه يازيق کي قوزئي حاکيمييتي نين آنتي-ميللي چابالاري سونوجو، ميلتيميزين او تايدا کي بؤلومو هله ده روس اولدوقلارينا داها چوخ اؤنم وئريرلر.
دئولت اولاراق، اؤز آنا ديليميز، آنا يوردوموز و ميللي کيمليگيميزي قوروماغدان، روس کولتورونه گئنيش شکيلده ياييلماغ ايمکاني ساغلانير! بونا خييانتدن باشقا هئچ نه دمک اولماز.
ايللردير کي گونئيده کي سويداشلار سوروشور: گؤره سن ندن هله آذربايجان دئولت باشچيلاري نين سوي آدلاري روسجادا قاليب؟ يوخسا اينديده اؤزلرين روسيه خاديمي اولاراق آپارماغا چاليشيرلار؟
باکي-دان آلديغيميز بيلگيلره گؤره، هله ده روس ديلينده ياييلان قزئتلر، کيتابلار و حتّی روس ديلينده تلويزيونلارين قوللانانلاري اؤز تورکجه ميزدن آرتيقدير! بونا سبب دئولتين کيفايتسيزليگيندن باشقا نه آدي قويماغ اولار؟
آرتيق اينانماليييق کي، قوزئيده کي سويداشلاريميز ۳ نسيلدير اؤز موستقيلليکلرين الده ائديبلر.
۱- mail. ru (روسجا)
۲- odnoklassniki. ru (روسجا)
۳- google. az
۴- yahoo. com
۵- live. com
۶- rambler. ru (روسجا)
۷- google. com
۸- day. az (روسجا)
۹- msn. com
۱۰- google. ru (روسجا)
۱۱- yandex. ru (روسجا)
۱۲- rapidshare. com
۱۳- facebook. com
۱۴- vkontakte. ru (روسجا)
۱۵- youtube. com
۱۶- zaycev. net (روسجا)
۱۷- narod. ru (روسجا)
۱۸- microsoft. com
۱۹- mp3-az. com (روسجا)
۲۰- depositfiles. com
۲۱- tqdk. gov. az
۲۲- ucoz. ru (روسجا)
۲۳- wikipedia. org
۲۴- open. az (روسجا)
۲۵- azercell. com
* بيلگيلر ALEXA سيته سيندن، ۱۸/۰۷/۲۰۰۸ ساعات ۰۶:۰۰-ده آلينيبدير.
([1] www.alexa.com/…)
٫بير ميللتين سسي
پایلاش | پرینت
بورا باغلي يازيلار:
- علی میرفطروس-ون “وطن” و “مدنیت” آنلاییشی اوزره باخیش! - ایشیق سؤنمز
- “بؤلگه لرين دواملي اينکيشافي اوزره اروپا فوندو” داغليق قاراباغ-اي موستقيل دؤولت کيمي گؤستريليب
- ترکان ساکن در جنوب ايران و محروميت از حقوق زبانيشان - مئهران باهارلي
- “جنبش آذربایجان برای دمکراسی و یکپارچگی ایران” آدلی محفل آذربایجان میللی منافعینه خیدمت ائدن بیر قوروپ اولابیلرمی؟ - ایشیق سؤنمز
- بیلدیریش: آلمان-دا ايران حاکيميتي طرفيندن آذربايجان-ليلارا قارشي غير انساني داورانيشلارا اعتراض ائديله جک
- بیانيه سازمان ملل متحد درباره مردمان بومی
- گونئی آذربایجان و بایراق مسئله سی - ايشيق سؤنمز
- زنگان-دا قاز شيرکتي طرفيندن قاز قوللانيمي باره ده تورکجه بيلگيلنديرمه CD-لري ياييلير
- مرتضی نگاهی نین کانادا-دا “هویت ملی ایرانیان چیست؟” آدلی دانیشیغی اوزره باخیش - ایشیق سؤنمز
- صابر رستمخانلی علیهینه “ایران مهر” ایمضاسی ایله یازیلمیش یازییا باخیش - ايشيق سؤنمز
http://www.baybak.com
بای بک سایتیندان پرینت اولوب
http://www.11008.baybak.com/il_11008_say_533.azr
یازینین اینترنت آدرسی
یازیده ایشه آلینان اینترنت آدرسلری
[1] www.alexa.com/…: http://www.alexa.com/site/ds/top_sites?cc=AZ&ts_mode=country&lang=none
گوروش کاپانیبدی