ياشاسين آذربايجان - Long live Azerbaijan

.

بو گون آمريکا دؤولت دئپارتامئنتي نين ۳-اونجو ان يوکسک سويييه لي رسميسي ويلليام بورنس اروپا ايتتيفاقي نين خوصوصي نوماينده سي خاوير سولانا ايله بيرليکده ايرانين اتم مسئله لري اوزره رسميسي سيد جليلي ايله گؤروشور. ايرانين خاريجي ايشلر نازيري منوچهر متکي تئهراندا ژورناليستلره دئييب کي، دانيشيقلار موثبت آدديمدير، آنجاق داها آرتيق گؤروشلرين کئچيريلمه سينه احتيياج اولا بيلر.

---

---

آمريکا بيرلشميش شتاتلاري و ايران سون ۳۰ ايل عرضينده ايلک دفعه بيرباشا يوکسک سويييه لي دانيشيقلارا باشلاييبلار.

اونلار تهرانين اتم پروقرامي اطرافيندا يارانميش موباحيسه لري موزاکيره ائده جکلر.

بو گون آمريکا دؤولت دئپارتامئنتي نين ۳-اونجو ان يوکسک سويييه لي رسميسي ويلليام بورنس اروپا ايتتيفاقي نين خوصوصي نوماينده سي خاوير سولانا ايله بيرليکده ايرانين اتم مسئله لري اوزره رسميسي سيد جليلي ايله گؤروشور.

ايرانين خاريجي ايشلر نازيري منوچهر متکي تئهراندا ژورناليستلره دئييب کي، دانيشيقلار موثبت آدديمدير، آنجاق داها آرتيق گؤروشلرين کئچيريلمه سينه احتيياج اولا بيلر.

“بو گون موختليف طرفلر آراسيندا دانيشيقلار کئچيريلير، - دئييب جناب موتککي، - بوگونکو گؤروشدن سونرا ديگر دانيشيقلار دا اولا بيلر. بوتون طرفلرين فيکيرلري موزاکيره ائديلديکدن سونرا بيز بير راضيلاشما ايمضالايا بيلرک. بوگونکي دانيشيقلارا حاضيرليغي نظره آلاراق بيز ژنو دانيشيقلاريني موثبت و کونستروکتيو حساب ائديريک”.

ايران و آ.ب.ش آراسيندا موناسيبتلر ۱۹۷۹-اونجو ايلده ايراندا ايسلام اينقيلابي نين باش وئرمه سيدن سوندا دوندورولموشدو.

آمئريکانين دؤولت کاتيبي کوندوليزا رايس دونن واشينقتوندا دئييب کي، بيرلشميش شتاتلار موناسيبتلرده اينکيشافا اوميد ائدير.

“من آرتيق بير نئچه دفعه دئميشم کي، ايران چتين و قورخولو دؤولتدير، - دئييب دؤولت کاتيبي، -بو اؤلکه بيزيم دوستلاريميزا، بين الخالق صولحه و سابيتلييه تهلوکه يارادان سيياست يئريدير، تروريزمي مودافيعه ائدير، اتم سيلاهي ياراتماق اوچون نووه تئکنولوژيسي حاضيرلايير. آنجاق بيز هر زامان دئميشيک کي، هر بير دؤولتين اؤز کورسونو دييشمک ايمکاني وار. آمئريکانين دايمي دوشمنلري يوخدور، آمئريکا ايرانين بين الخالق ايجتيمايتله ياخشي علاقه لر ياراتماق اوچون اؤز سيياستيني دييشه جگي حالدا دستک وئره جگيميزه داير ايشاره نين آرخاسيندا دوراجاق ” .

خانيم رايس آمئريکانين، نؤوبتي آدديملار اوچون بوگونکو دانيشيقلارين نتيجه لريني گؤزليه جگيني دئييب.bbc

٫بير ميللتين سسي
پایلاش | پرینت

---

بعضی عکسلر خبره باغلی اولمایا بیلیر. لطفا دیقتتلی اولون

گوروش کاپانیبدی