آ.ک.پ هؤکومتيندن نؤوبتي رذالت
بای بک، آذربايجان | اِلگؤن, ۲۹-ي قوراپيشيرن , ۱۱۰۰۸ اینجی ایل, چولا ۰۴:۳۶ [گ.ؤ] | ایچ ساولار
 |
. | تورکيه نين خاريجي ايشلر نازيري علي باباجان ائرمني ديپلوماتلارييلا گؤروش خبريني تصديقله ييب. تورکيه نين ” حریت ” قزئتي يازيردي کي، جولای ون ۸-اینده سوئیس ده تورک و ائرمني ديپلوماتلاري نين گؤروشو اولوب. علي باباجان جولای-ین ۱۸-اینده ايرانين خاريجي ايشلر نازيري منوچهر متکي ژورناليستلرله صؤحبتينده دئييب کي، اونون تاپشيريغينا اساسن ائرمني ديپلوماتلارلا آرا-سيرا گؤروشلر کئچيريليب. بو گؤروشلرده يوکسک روتبه لي تورک رسميلري ايشتيراک ائديرلر. آذربايجان اراضيلري نين ايشغاليندان عوموميتله سؤز آچمايان باباجان بيلديريب کي، ارمنستانلا تورکيه نين ۱۹۱۵-اينجي ايل حاديثه لرييله باغلي فيکير آيريليقلاري وار و آنکارا پروبلئمين ديالوقلا هلل اولونماسي طرفداريدير. |
تورکيه نين خاريجي ايشلر نازيري علي باباجان ائرمنيستان ديپلوماتلارييلا مخفي دانيشيقلارين آپاريلديغيني اعتيراف ائتدي.
تورکيه نين خاريجي ايشلر نازيري علي باباجان ائرمني ديپلوماتلارييلا گؤروش خبريني تصديقله ييب. تورکيه نين ” حریت ” قزئتي يازيردي کي، جولای ون ۸-اینده سوئیس ده تورک و ائرمني ديپلوماتلاري نين گؤروشو اولوب. علي باباجان جولای-ین ۱۸-اینده ايرانين خاريجي ايشلر نازيري منوچهر متکي ژورناليستلرله صؤحبتينده دئييب کي، اونون تاپشيريغينا اساسن ائرمني ديپلوماتلارلا آرا-سيرا گؤروشلر کئچيريليب. بو گؤروشلرده يوکسک روتبه لي تورک رسميلري ايشتيراک ائديرلر. آذربايجان اراضيلري نين ايشغاليندان عوموميتله سؤز آچمايان باباجان بيلديريب کي، ارمنستانلا تورکيه نين ۱۹۱۵-اينجي ايل حاديثه لرييله باغلي فيکير آيريليقلاري وار و آنکارا پروبلئمين ديالوقلا هلل اولونماسي طرفداريدير.
” تورکيه ائرمني ديپلوماتلارلا گؤروشلري دوام ائتديره جک ” .
خاطيرلاداق کي، تورکيه و ارمنستان هؤکومتلري آراسيندا گيزلي دانيشيقلارين باشلاماسيني ايلک اولاراق ” حریت ” قزئتي يازيب. قزئتين معلوماتينا گؤره، جولای-ین 8-اي سوئیس ده ائرمني و تورک ديپلوماتلاري نين گؤروشو اولوب.
تورکيه نوماينده هئيتينه خاريجي ايشلر نازيرليگي نين يوکسک روتبه لي ديپلوماتي رهبرليک ائديب. آما ” حریت ” قزئتي تورک و ائرمني رسميلري نين گؤروشونده هانسي مسئله نين موزاکيره اولوندوغونو آچيقلاماييب.
سئرژ سارکسيان، سئچکيلردن سونرا روسیه نين “Rossiyskaya qazeta” درگيگيسينه وئرديگي موصاحيبه ده، رسمي آنکارا ايله هئچ بير شرط اولامادان ديپلوماتيک گؤروشلر کئچيرمه يه حاضير اولدوقلاريني بيلديرميشدي. سارکيسيانين، ” ديپلوماتيک يوللاردان ايستيفاده ائده رک پروبلئملريميزي هلل ائده بيلريک ” سؤزلري ديقت چکميشدي. ۱۰ گون اؤنجه ايسه “The Wall Street Journal” قزئتينده نشر اولونان موصاحيبه سينده سرکيسيان ارمنستان-تورکيه موناسيبتلري نين ياخشيلاشديريلماسي اوچون ” آچيق قاپي ” يارانديغيني و ايکي اؤلکه آراسينداکي موناسيبتلرين نورماللاشديريلماسيندان باشقا بير يولون اولماديغيني وورغولاميشدي: ” اوميديم وار کي، هؤکومتلريميز بو آچيق قاپيدان کئچه بيلر ” .
تورکيه نين باش نازيري رجب تايييپ اردوغانين ” قوندارما ائرمني سويقيريمي ” ايديعالاري نين، اورتاق کمیسیون تشکيل اولوناراق آراشديريلماسي تشببوسونو ده جاوابلانديران سارکيسيان، موناسيبتلرين نورماللاشاجاغي تقديرده بونون رئاللاشا بيله جگيني بيلديرميشدي. موناسيبتلرين نورماللاشماسي باره ده دانيشان سارکيسيان ” ايندي فاليته کئچمک اوچون جسور و دوشونولموش حرکت ائتمه ليگيک. ارمنستان و تورکيه ابدي دوشمن اولا بيلمز و اولماماليدير ” دئميشدي. سارکيسيان، ايکي اؤلکه نين ايشبيرليگي نتيجه سينده، تاريخي قرب-شرق دهليزي نين آچيلماسينا نايل اولا بيله جگيني ده ديله گتيرميشدي: ” موناسيبتلريميزي نورماللاشديرماق و تورکيه-ارمنستان سرحدي نين آچيلماسي اوچون، تورکيه دؤولتي و خالقينا يئني بير ديالوق تکليف ائديرم ” .
ائکسپئرتلر حساب ائديرلر کي، سوئیس ده کي گيزلي گؤروشلرين کئچيريلمه سينده آبش-اين دا تاثيري اولوب. سارکيسيانين بو آچيقلامالاريندان سونرا، تورکيه نين ده بو يؤنده آدديملار آتا بيله جگي بيلديريلير. موزاکيره لردن آبش و آوروپا بيرليگي نين عوضوو اولان بعضي اؤلکه لر ده معلوماتلانديريليب. سارکيسيان بو آچيقلامالارلا کيفايتلنميه رک، تورکيه پرئزيدئنتي آبدوللا گولو ۲۰۱۰ دونيا شامپیونشیپ قروپ اويونلاري چرچيوه سينده ۶ سپتامبر ۲۰۰۸-اینجي ايلده ايروان-دا کئچيريله جک ارمنستان-تورکيه اويونونا دعوت ائديب: ” بو سفر، موناسيبتلريميزده رمزي ده، اولسا يئني بير باشلانغيج اولار ” . سئرژ سارکيسيان حساب ائدير کي، تورک همکاري آبدوللا گول اونون دعوتي اساسيندا تورکيه و ارمنستان ميللي فوتبول کوماندالاري نين ايرواندا کئچيريله جک قارشيلاشماسيني ايزله مه يه گلسه، بو، ايکي اؤلکه موناسيبتلرين سيمووليک ستارتي اولاجاق.
سارکيسيانين بو ايسماريجلاري، مخفي کئچيريلن و يالنيز ايندي اوزه چيخان گؤروشلردن سونرا عبدالله گول-ون ايروانا گئديب-گئتميه جگي ماراقلا گؤزله نيلير. خاريجي ايشلر نازيرليگيندن ايسه بونون جاوابي نين هله چوخ تئز اولدوغو بيلديريلير. عئيني زاماندا دا قئيد اولونور کي، ماچلا باغلي سفر رسمي خاراکتئر داشيماديغي اوچون اولماديغي اوچون، اونون رئاللاشا بيله جگي ايستيثنا دئييل.
تورکيه و ارمنستان آراسيندا مخفي شکيلده حياتا کئچيريلن رسمي و غئيري رسمي علاقه لرين قورولماسي پروسئسي آرتيق بير نئچه ايلدير کي، دوام ائدير. تورکيه متبوعاتي نين آچيقلاديغي سون معلوماتلارا اساسن، حاضيردا بو اؤلکه ده ۷۰ مينه ياخين ارمنستان وطنداشي چاليشير. ايکي اؤلکه آراسيندا رسمي ديپلوماتيک موناسيبتلرين اولماماسينا رغمن، ارمنستان وطنداشلاري نين تورکيه ده سربست شکيلده حرکت ائتمه لري و فعاليت گؤسترمه لري اوچون هؤکومتين خوصوصي گؤستريشي اولدوغو بيلديريلير. بو ايل ارمنستان وطنداشلاري نين تورکيه نين توريزم بؤلگه لرينده چاليشمالاري و ايستيراحت ائتمه لري اوچون ده گئنيش شرايت ياراديليب. بئله کي، مؤوسومون سونونادک تورکيه نين آنتاليا، بودروم و ديگر بؤلگه لرينه ۶۰ ميندن چوخ ائرمني توريستي نين گله جگي پروقنوزلاشديريلير. ائرمني منشالي ايش آداملاري نين ارمنستان و روسیه دا داخيل اولماقلا پوستسووئت (اسکی شوروی) مکانيندا فعاليت گؤسترن توريزم شيرکتلري تورکيه نين اوخشار قوروملاري ايله ياخيندان امکداشليق ائدير. رسمي آنکارانين اينکارئديجي بياناتلارينا باخماياراق، هر ايکي اؤلکه مئدياسي ارمنستانلا تورکيه آراسيندا تيجارت دؤوريييه سين ۲۰۰ ميليون دولارا چاتديغيني يازير.
قئيد ائدک کي، ” خالق جبهه سي ” قزئتي ارمنستان ديپلوماتلاري ايله مخفي گؤروشلرده ايشتيراک ائدن تورکيه تمسيلچيلري باره ده جيدي معلوماتلار الده ائديب. آزاجيق صبر ائدين و اونلارين کيمليگي باره ده سيزي معلوماتلانديراجاغيق.
اؤنجه اونو بيلديرک کي، ” خالق جبهه سي ” قزئتي هله 2 ايل اؤنجه تورکيه-ارمنستان موناسيبتلري نين مخفي طرفلري باره ده توتارلي فاکتلارا و فوتوشه کي للره اساسلانا معلومات ياييملاميشدي. او زامان ارمنستانين رسمي دايره لري، ائرمني اصيللي ايش آداملاري و دياسپور تمسيلچيلرييله گؤروشلر کئچيرن يوکسک روتبه لي مأمورلارين آدلاريني دا آچيقلاميشديق.
الده ائتديگيميز معلوماتا گؤره، ارمنستان ديپلوماتلاري، ايش آداملاري، غئيري-هؤکومت تشکيلاتلارييلا گؤروشلرين کئچيريلمه سينده علاقه لنديريجي فونکسيياسي نين تورکيه خاريجي ايشلر نازيرليگي نين قافقاز و مرکزي آسیا اوزره ديرئکتورلوغو حياتا کئچيرير. بئرنده کئچيريلن گؤروشده ده محض بو قورومون رهبرليگي، تورکيه خاريجي ايشلر نازيرليگي نين موستشارلاريندان بيري و تورکيه نين آلمانيياداکي سفيري ايشتيراک ائديبلر.
گؤرونور آ.ک.پ هؤکومتي اؤلکه داخيلينده ايتيريلن نوفوزونو کومپئنساسييا ائتمک اوچون، خاريجي عاميللردن داها جيدي شکيلده يارارلانماق فيکرينه دوشوب و اينديکي مقامدا ان الوئريشلي سايديغي ” ائرمني کارتي ” ني اورتايا آتير. اولسون! هر حالدا بو گون قارداش اؤلکه ده حاکيمييتده اولان کونکرئت شخصلرين مؤوقئيينه گؤره باش وئرنلرين گؤلگه سيني تورکيه جومهوريتي نين اوزرينه سالماقدان چوخ اوزاغيق. بونونلا ياناشي، حساب ائديريک کي، رسمي آنکارانين ” يئني ” باخيشلاري نين باکيدا دا نظره آلينماسي مقصدويغون اولاردي.
باش وئرنلره آذربايجاندا دا موناسيبت بيرمنالي دئييل. هؤکومت رسميلري مومکون قدر صبرلي داورانير، سياسي پارتييالارين تمسيلچيلري ايسه حاديثه لرين مانعور خاراکتئرلي اولدوغونو بيلديريرلر. بير چوخلاري نين قناعتينه گؤره، ارمنستانلا ديپلوماتيک تماسلار تورکيه ايله بو اؤلکه آراسيندا سرحدلرين آچيلماسينا گتيريب چيخارماياجاق. بير کيمسه ني سدالؤهولوکده، ياخود احتياطلي داورانماقدا گوناهلانديرماق نيتيميز يوخدور. آنجاق بوتون بونلارين قارشيليغيندا اورتاليغا تبيي بير سوال چيخير: سرحدلرين قاپالي اولدوغونا امينسينيزمي؟
پ.س. آذربايجانين مئديا قوروملاري نين، خوصوصيله ده تو-لرين نظرين: داها اؤزونوزو الدن ساليب ” ” ساري گلين ” اي ائرمني موسيقيسي کيمي تقديم ائتديلر ” ، نه بيليم ” بولند ارسوي بئله دانيشدي ” ، ” اوغور ديندار ائله کونوشدو ” دئمگين. سيزين انديشه لرينيزين تورکيه نين ديني-سياسي و مدني ائليتاسي اوچون بير ايينه اوجو بؤيوکلوکده ده اؤنه مي يوخدور. چونکي ايستانبول کوچه لرينده ” هاميميز ائرمنيييک ” رذالتيني ستيموللاشديرانلار و بونا گؤز يومانلاردان يوکسک ديرلر گؤزله مه يه ديمز. بو گون تأسوف کي، بيزده اولدوغو کيمي تورکيه ده ده اؤزونو بللي اولمايان سببدن اروپا (غرب) قارشيسيندا ” تميزه چيخارماق ” اوچون ائرمني سابونويلا يويونانلارين سايي يئترينجه دير. تورک تورکه دستک… قولپ اولماسين، يئتر!axcp
٫بير ميللتين سسي
پایلاش | پرینت
بورا باغلي يازيلار:
- تورکيه نين جنوبي قافقازدا آکتيوليگينه زمين يارادان بؤلگه سل و سياسي سببلر - ائلنور ائلتورک
- حاکيميتين آ.خ.ج.پ-ني پارچالاماق اوچون يئني پلاني وار
- تخريب اکوسيستم آذربايجان: تالاب “تُزلي گؤل” (میقان) اراک در حال نابودي تدريجي!
- آذربايجانين اونلو اوزاني آراز ائلسس کانادادا کونسئرت وئره جک
- گونئي آذربايجان دونيانين ديقتيندن کناردا قاليب - تبريز قوزئيلي
- پ.ک.ک روسيه نين اينشاعات بازاريندا
- ايران رئژيمي آرازين ساهيلينده کوردلر اوچون شهر سالير
- مينسک قروپونون فعاليتي نتيجه وئرمير
- قارانليقدان گؤرونن ايشيق
- روسيه ايمپئريياسي پارچالانير
http://www.baybak.com
بای بک سایتیندان پرینت اولوب
http://www.11008.baybak.com/il_11008_say_524.azr
یازینین اینترنت آدرسی
گوروش کاپانیبدی