ايرانلي آژانس يازير: موغام موسيقيسي ايران موسيقيسيدير، باکي موسيقيچيلريده ائله بئله دئيير!
بای بک، آذربايجان | اُرتاگؤن, ۲۷-ي قوراپيشيرن , ۱۱۰۰۸ اینجی ایل, چولا ۲۲:۴۹ [آ.خ] | ایچ ساولار
 |
. | باخين بو تئرمينلره: ايرانلي اولان آذربايجانلي! اردبيل ايران شهريدير آما باکي آذربايجان شهريدير! موغام موسيقيسي ايران موسيقيسيدير! آذري ياني فارس! موغام موسيقيسي آذربايجان کولتورنوندور! ايران کولتورو ايله آذربايجان کولتورو بير عاييله دنديرلر! بيز سيزيک، سيز بيز دئييلسيز! ايران ياني ايران آما آذربايجان ياني ايران! |
گئچن گونلرده اردبيل شهرينده موغام ياريشمالاري گئچيريلدي. موغام موسيقيسي دونيانين دوزنلي و تاريخ صاحيبي اولان موسيقيلريندن ساييلير. بو موسيقي نين دوغوش يئري آذربايجاندير.
ايرنا خبر آژانسي نين يازديغينا گؤره، باکي-دان ياريشمايا گليب و ياريشماچيلار آراسيندا حاکئمليک ائدن توفيق باکيخانوو دئييب کي: موغام موسيقيسي ايران موسيقي آييله سينه آييددير! او بيلديريب کي ايران موسيقيسي آييله سيندن اولان موغام موسيقيسي گئچميشلرده چوخ درين ايليشگيلري اولوبدور!
هر حالده ايران آژانسلارينين اويونبازليغينا بلد اولموشوق و بو سؤزلري باکيلي موسيقيچيلردن ائشيتمه ميش کيمين ساييريق! آما، گؤره سن دوغوردان دا توفيق باکيخانوو بئله سؤزلري آغزينا گتيريب يا يوخ؟
داها اؤنجه باي بک خبر وئرميشدير کي ايران آدلانان اولکه ده اولان فارس حاکيمييتي چاليشير تا آذربايجانليلارين ميللي ده يرلرين ايرانلي آدينا فارس کولتورونه گيرديرسين! بو دوغرولتودا، ساپي بيزدن اولان بالتالارين يالاخچيليقلاريدا تهلوکه لي اولور. ياخين گئچميشده موغام موسيقيسيني آذربايجاندان قوروماغ اوچون! ودود موذن زاده آدلي بير آذربايجانلي موغنني! ايران حاکيمييتيني اؤنلم آلماغا چاغيرميشدير! بو گونده توفيق باکيخانوودان بئله سؤز ائشيدنده، آدام قالير کي گرچک نه دير؟
آذربايجان موغننيلرينه بير شئيلر اولور! دييه سن هونرلرين آد چيخارتماغ يولوندا، يا دا پول قازانماغ يولوندا قوربان وئرمگه باشلاييبلار! خوجالي سويقيريمي ايلدؤنومونده اسرائيل-ده کونسئرت وئرن آشيق زولفييه! آذربايجان تورکجه يسين بوراخيب روسجا ماهني سسلنديرن بير چوخلو آدام! و.س کيمي اولايلار آدامي لاب چاش باش سالير.
اردبيلده گئچيريلن يارشماني آذربايجانلي موسيقي اوستادينين خاطيره سينه ياپيبلار دئييلير! اوستاد سليمي آدينا حاضيرلانان بو ياريشمانين خبرين وئرن ايرنا آگئنتليگي، اوستاد سليمي باره ده بئله يازير: اؤنلو آذري تار چالان، آذربايجان موسيقيسي نين اوستادي اولان الي سليمي، اردبيللي اولان ايرانلي آتا آنادان، باکي شهرينده دوغولوبدور!
باخين بو تئرمينلره: ايرانلي اولان آذربايجانلي! اردبيل ايران شهريدير آما باکي آذربايجان شهريدير! موغام موسيقيسي ايران موسيقيسيدير! آذري ياني فارس! موغام موسيقيسي آذربايجان کولتورنوندور! ايران کولتورو ايله آذربايجان کولتورو بير عاييله دنديرلر! بيز سيزيک، سيز بيز دئييلسيز! ايران ياني ايران آما آذربايجان ياني ايران!
گؤره سن بئلنچي اولايلارا قوزئي آذربايجاندا تپکيلر نه اولار؟ هئچ گؤره سن اوردا کيميسه بو اولايلارلا ماراخلانير مي؟ سانميرام دئسم، انشاالله کي يانيليرام!
آرتيراق کي عباس نيکروان آدلي سالماسلي موسيقيچي، بو ياريشمانين تووهين ائديجي اولدوغونا گؤره، هابئله باتي آذربايجاندا يئتکيليلرين موسيقيميزي ساتيشا قويدوقلارينا اعتيراض اولاراق ياريشماني ترک ائتميشدير!
قوزئيلي و گونئيلي گرچک آذربايجانليلارين ميللي چابالارينا کؤلگه سالماغ ايسته ين شووينيستلر و ساتقينلارا نه ائتمک اولور؟ بلکي کولتورل چاليشمالاريميزي داهادا چوخ گئنيشلنديرمه ليگيک؟ بلکي اؤز وارليقلاريميزا داها چوخ باغليليق ياراتماليييق؟
ايرنادان اوخويون، آما فارسجا يازيليب، همده گونئي اليفباسيندا:
[1] www.irna.ir/Vi…
ايراندا موغام موسيقيسينه سايقيسيزليق ائدنلره اعتيراض اولاراق، آبباس نيکروان ياريشمادان آيريليب!
[2] www.11008.bayb…
٫بير ميللتين سسي
پایلاش | پرینت
بورا باغلي يازيلار:
- گلین بو داشی اته یینیزدن تؤکون! “میللی سیمگه اونریسی یا میللی سیمگه ***” یازیسینا تنقید - آیتان ار اوغلو
- فيکير موباحيثه سي و شخصيت ترورو - عليرضا اردبيلي (باي بک آچيقلاماسي ايله بيرليکده ياييليب)
- مرگ فعال با سابقه تبریزی در بازداشتگاه اطلاعات تبریز احتمالا با شوک الکتریکی بوده است
- فارس ایستعماری نین ایسلام چتری آلتیندا رجز اوخوما حئکایه سی - ایشیق سؤنمز
- شرفدن دانيشانلار، شرفسيزليکدن اوزاق دورارلار! تحميل ائديلن بايراغ بيزي پارچالاياجاق مي؟ - تبريزلي باي بک
- “آزاد تريبون” سيته سي نين مسئولو ايديعا ائتديگي ژورناليسمين ائتيکاسنا صاديق قالا بيلمه دي!
- دوروم ده يرلنديرمه سي: ايران عيرقچيليگينه قارشي گونئي آذربايجانين خرداد ۱۳۸۵ کوتله اعتيراضلاري نين ايکينجي ايلدؤنومو
- گونئي آذربايجاني “لاتينلشديرمه”نين ايکينجي پرده سي! تبريزلي باي بک
- عليرضا بئي اردبيلي, تنقید ائتدیینیز یازی مستقیل فعاللار طرفیندن ياییملانان موراجیعت-له علاقه سی یوخدور - ا. اورمولو
- میللی کیملیک” مقوله سی و “موطلق آد” یوخسا “دئییم تانیما” (ترمینولوژی) چتینلیگی - ایشیق سؤنمز
http://www.baybak.com
بای بک سایتیندان پرینت اولوب
http://www.11008.baybak.com/il_11008_say_511.azr
یازینین اینترنت آدرسی
یازیده ایشه آلینان اینترنت آدرسلری
[1] www.irna.ir/Vi…: http://www.irna.ir/View/FullStory/?NewsId=105992
[2] www.11008.bayb…: http://www.11008.baybak.com/il_11008_say_497.azr
گوروش کاپانیبدی