ياشاسين آذربايجان - Long live Azerbaijan

.

سونوندا دئمه لییم کی بوتون تشکیلاتلاردان کی بو گونه قدر قویماییب لار بو میللت بایراق سیز و سیمبولسوز قالسین تشکر ائتمک لازیمدیر. من خصوصی ایله آد چکمک ایسته ییرم کی گاموح تشکیلاتینا آغیر تنقیدلریمه باخمایاراق، اونلارین اونری بایراغی، یئنی آذربایجان حرکاتیندا ان یوخاری حورمته صاحیبدیر نئیه کی مینلرله آذربایجانلی طرفیندن بابک قالاسیندا فخر ایله دالغالانیبدیر. آما بو تشکیلات و بوتون آذربایجان تشکیلاتلاری گرک تنقیده آچیق اولسونلار کی تنقیدسیز دئموکراسی اولماز. هابئله باشقا تشکیلاتلارین اونری لری ده همان سویه ده تام حورمت و سایقی یا لایق دیر. و هر بیر بایراق و سیمبول کی بیر گون بیر آذربایجانلی طرفیندن فخر ایله دالغالانیبدیر، حورمتله آذربایجانین تاریخی نین پارلاق صحیفه لرینده یئرلشه جک و بیزیم میللتین کئچمیش حورمتلی بایراقلاری ایله، او جومله دن بویوک پیشه وری و خیابانی حرکاتینین بایراقلاری ایله برابر اوتوراجاقلار.

بیرلیک اوچون یئنی سیمبول و سیمگه اونری سی کی مستقیل آذربایجان فعاللاری طرفیندن اورتایا قویولوبدور ^(۱) بیر یئنی اوموت بو مساله نین چوزومو اوچون یارادیبدیر. یالنیز بیر کیچیک آددیم داها لازیمدیر کی تا بو مساله همیشه لیک اورتادان قالدیریلسین. بو فیکیر کی قوزئی بایراغینین هئچ بیر شکیلین و قالیبین دئیشمه مک آنجاق یالنیز آی اولدوزون رنگین دئیشمک ان یاخشی فیکیر دیر کی چوخلو آذربایجان فعاللار طرفیندن حمایت قازانماقدادیر. یالنیز آی اولدوزون قارا رنگ ایله بویاماسی بیر سیرا تنقید لره یول آچیبدیر.

بیر باشقا اونری کی اورتایا قویولوبدور ^(۲)، بودور کی آی اولدوزون رنگی، «ساری» اولسون. آما «ساری» رنگین معناسی ندیر؟

گونئی همیشه «گونش»-ه باغلی دیر و گونشین علامتی اونون «ساری ایشیغی» دیر. قوزئی بایراغیندا اولان «آغ» رنگین ده معناسی وار. قوزئی همیشه سویوق و «قار» ایله باغلی دیر و قارین علامتی اونون «آغ» رنگی دیر. بیر اوجا داغی، سهندی یا ساوالانی، یادا سالیر، قوزئی طرفینده «آغ رنگینده قار» اوتوروب و گونئی طرفینده «ساری یا چالان» توپراغین و اوت علف لرین رنگین یادا سالیر. «ساری» رنگ، آیری طرفدن ایشیق علامتی دیر و آی اولدوزون ایشیغین تمثیل ائدیر.

بوردا بیر چوخ اونملی مساله یه ده دیققت ائتمک لازیم دیر اودا بودور کی بو اونری ده هئچ بیر فیکیر و دوشونجه آیریلیغی گونئی و قوزئی آراسیندا یوخدور یالنیز بیر «جغرافیا» فرقی وار کی اودا طبیعی بیر مساله دیر. «آغ» رنگ قوزئی علامتی دیر و «قار»ین آغ رنگیندن الهام آلینیب و «ساری» رنگ گونئی علامتیدیر و «گونش» دن الهام آلینیب. سیزجه بوندان یاخشی طرح بولونا بیلرمی کی گونئی و قوزئیین بیر فیکیر و دوشونجه ده اولماسینا تاکید ائدیب و فرقلی جغرافیادا یاشاماقلارینی گوسترسین؟

بیر باشقا اونملی مساله ده بودور کی میللی بایراق گرک اوغور گونوموز اوچون حاضیرلانسین یوخ کی یاسلی گونوموز اوچون. یالنیز فیکیرلشک کی بوگون، گونئی آذربایجانین اوغور گونودور و بیزیم میللت اوز میللی حاکمیتین الده ائدیبدیر. ایندی بیز ناسیل بیر یاسلی بایراغی فخر ایله اوغور گونوموزده دالغالاندیراجاییق؟ آیا همان گون ایکی آذربایجان بیرلشه بیلر می؟! یا بیر اوزون پروسس ایکی دولت آراسیندا گرکلی دیر تا بیرلیگه حاضیرلاشسینلار؟ اگر قارا رنگی آغارتماق اولورسا، ساری رنگی داها راحاتلیقلا آغارتماق اولار.

تورکلر همیشه اوغور ایچین چالیشیبلار و ساواشیبلار و بو اوغور ایسته مک منتالیته سی بیزیم بایراقدا اوزون گوسترمه لیدیر و هرطرفلی «ساری» رنگ، «قارا» رنگدن داها یاخشی بو منتالیته نی گوستره بیلر. بو بیر شخصین اونری سی دئییل و سیته لرده گوردوم کی باشقا فعاللاردا بو فیکیرده دیرلر.

من بوردا اونجه کی چاغیریشی یایان مستقیل آذربایجان فعاللاریندان ایسته ییرم کی همان چاغیریشین دوامیندا ایکینجی و یئنی بیر چاغیریش یاییب و همان طرح و قالیبی ساخلایاراق، یالنیز آی اولدوزو «قارا» رنگ یئرینه «ساری» رنگده اولماسینی اعلان ائتسینلر. من بیر شخص اولاراق او موقع ده دئییلم کی تک باشیما چاغیریش یایام، آما او دوستلار بیر جمع اولاراق بو چاغیریشی یایا بیلرلر و منی ده بیر کیچیک اویه کیمی اوز جمع لرینده قبول ائتمه لری منه ان یوخاری فخر اولا بیلر.

سونوندا دئمه لییم کی بوتون تشکیلاتلاردان کی بو گونه قدر قویماییب لار بو میللت بایراق سیز و سیمبولسوز قالسین تشکر ائتمک لازیمدیر. من خصوصی ایله آد چکمک ایسته ییرم کی گاموح تشکیلاتینا آغیر تنقیدلریمه باخمایاراق، اونلارین اونری بایراغی، یئنی آذربایجان حرکاتیندا ان یوخاری حورمته صاحیبدیر نئیه کی مینلرله آذربایجانلی طرفیندن بابک قالاسیندا فخر ایله دالغالانیبدیر. آما بو تشکیلات و بوتون آذربایجان تشکیلاتلاری گرک تنقیده آچیق اولسونلار کی تنقیدسیز دئموکراسی اولماز. هابئله باشقا تشکیلاتلارین اونری لری ده همان سویه ده تام حورمت و سایقی یا لایق دیر. و هر بیر بایراق و سیمبول کی بیر گون بیر آذربایجانلی طرفیندن فخر ایله دالغالانیبدیر، حورمتله آذربایجانین تاریخی نین پارلاق صحیفه لرینده یئرلشه جک و بیزیم میللتین کئچمیش حورمتلی بایراقلاری ایله، او جومله دن بویوک پیشه وری و خیابانی حرکاتینین بایراقلاری ایله برابر اوتوراجاقلار.

بو یئنی اونری ده کئچمیش اونری لر کیمی کئچیجی و موقت بایراق اولاجاق و سون قراری میللتین دئموکراتیک سویه ده سئچیلمیش پارلمان و دولت وئره جک. آما هر کس بیلیر کی بوگون بیر واحید و مشترک بایراق و سیمبول بیزیم حرکته لازیمدیر و بو بیرلیگه ال تاپماق ایچین هامیمیز اوز منلیگیمیزدن کئچمه لییک. بیلیرم کی هر بیر اونری بایراق مینلرله آذربایجان فعالینین اورکلرینده یئرلری وار، نئجه کی بویوک پیشه وری و خیابانی لرین بایراقلاری هامیمیزین اوره گینده یئرلری وار آما هر شئیدن اونجه «آذربایجان» و اونون منافعی هامیمزا ان یوخاری اهمیتی وار. بو گون منطقه ده کئچن پروسس لری دوشونوب و آذربایجانین گلجک گونلرینده بیرلیگه احتیاجینی آنلاییب، کئچمیشده کی بوتون آجی سوزلری اونودوب و بیرلیکده بو تاریخی فرصتی (عزیز دوستلاریم دئمیش کن) الدن وئرمه مه لییک. بوتون تشکیلاتلار و فعاللاردان ایسته ییرم کی تئز موقع توتماسینلار و چوخ درین سالیب چیخماقدان سونرا بو چوخ اونملی و تاریخی مساله نی دوشونوب قرار وئرسینلر. گلین بیرلیکده بوتون کئچمیشده وئریلن اونری لره حورمتیمیزی اعلان ائده رک، هامیمیز بیرلیکده قیزیل کیمی پارلایان یئنی آی اولدوزوموزو اوغور ایله دالغالاندیرماق اوچون چالیشاق.

یاشاسین آذربایجان

(۱): [1] www.11008.bayb…
(۲): [2] www.11008.bayb…
[3] www.11008.bayb…

اونری بایراغین شکیلی:

_ _ _ _ _ _ _
مربوط اُلان یازیلار

• ===> سيمگه، بايراغ و بيرليک قونوسوندا ميللي پارتي بيلديريسي
• ===> گونئی آذربایجانین بایراق مساله سینه بیر باخیش - آیدین تبریزلی

• ايري اوتوراغ، دوز دانیشاغ، گونئيده نه لر اولماليدير؟ - تبريزلي باي بک
• تدابیر شدید امنیتی و بازداشتهای گسترده در آذربایجان و بایکوت خبری در سایتهای بی بی سی فارسی، صدای آمریکا، رادیو فردا، صدای آلمان، رادیو فرانسه و…! - آيدين تبريزي
• مشت نمونه خروار تحریفات سایت آذرگشنسب! - آيدين تبريزي
• آیا مناقشه اتمی ایران با غرب رو به پایان است؟! - آيدين تبريزي
• گونئی آذربایجانین یئنی بیرلیک سیمبولونا گئرافیک آچیسیندان بیر باخیش - آيدين تبريزي
• میللی بیرلیک سیمگه سی، دئموکراتیک سویه ده سئچیلمه لیدیر - آيدين تبريزي
• ایران فقط تهران نیست!؟ - آيدين تبريزي
• “گونئي آذربايجان تورکو آرتيق آزاد اولماق ايسته يير” - آيگون

http://www.baybak.com بای بک سایتیندان پرینت اولوب
http://www.11008.baybak.com/il_11008_say_508.azr یازینین اینترنت آدرسی

یازیده ایشه آلینان اینترنت آدرسلری
[1] www.11008.bayb…: http://www.11008.baybak.com/il_11008_say_454.azr
[2] www.11008.bayb…: http://www.11008.baybak.com/il_11008_say_473.azr
[3] www.11008.bayb…: http://www.11008.baybak.com/il_11008_say_502.azr