سيمگه، بايراغ و بيرليک قونوسوندا ميللي پارتي بيلديريسي
بای بک، آذربايجان | اُدگؤن, ۲۶-ي قوراپيشيرن , ۱۱۰۰۸ اینجی ایل, چولا ۲۰:۱۸ [آ.خ] | بیلدیریش
 |
. | تورک، و تورک تاريخي گونش ايله دوغوب، آلتين مدنييتلر ياراديب و ده يرلي گله جگه صاحيب اولاجاقدير.
بونا گؤره، اؤنريلن سيمگه نين آنا قاليبين بينه رک، آيپارا و اولدوزون قارا يئرينه ساري اولماسي، دوشونجه و اؤنري اولاراق کامويونا سونوروق. بلليدير کي چوخونلوغون قراري بيزيم سايقي دوياجاغيميز و قوروماسي اوچون ساواشاجاغيميز قرار اولاجاقدير. |
“داياناجاغي اولمايان ميلت محو اولاجاقدير”
سويداشلار،
ايللردير عصارتده اولان ميلتيميزين گلجگي و قالاجاغي اوچون چئشيتلي اؤنريلر اورتادا وار. بونا طبيعي ياناشاندا، بير چوخو گرچکدن فايدالي و ميللي هيسلي ديرلر. آما يازيقلار اولسون کي بئله فايدالي اؤنريلرين گئنيشلنمه سي اوچون هئچ بير آدديم آتيلمير.
نظرده آلينان فايدالي اؤنريلردن بيري، سون گونلرده يئنيدن گوندمه داشينان ميللي سيمگه و بايراغ مسئله سيدير. قاچينيلماز بير گرچکدير کي گونئي هرکاتينا بير سيمگه سئچيلمه ليدير و هامي او سيمگه نين اطرافيندا موقدس اؤزگورلوک ساواشينا دوام وئرمه ليدير.
ميللي پارتي، اؤيه لر و يئتکيليلر سون گونلرده گونئي هرکاتي اوچون سيمگه سئچيمينه اؤز گؤروشلرين آچيقلايير.
گونئي هرکاتي ماهييتجه بير چوخلو بنزر حرکتلردن فرقليدير. اونون ايلک فرقي بودور کي بير ميلتين ايکييه بؤلونموش پارچالاري نين بؤيوک قيسمي اسارت آلتيندادير و گونئي هرکاتي بو اسارته سون قويماغ اوچون وارليغا گليبدير. بو وارليغا داياغ اولاجاقلاردان بيريسه، موشترک سيمگه، و يا بير باشقا دئييشله، گئچيجي بايراغ اولاجاقدير.
گونئي هرکاتينا نوفوز ائدن، سياسي منطيقدن خبرسيز اولان و يا منجيل دوشونجه يه ماليک اولان شخصلرين داغيتيجي تاثيرلرينه قارشي، دئييلن سيمگه نين هر نه تئزراخ سئچيلمه سي واجيب گؤرونور.
گئرکلي اولان بيرليک ياراتماغدير. بيرليک ياراتماغا اؤنريلن منطيقلي طرحلر نظردن گئچيريليب و اينجه لنمه ليديرلر. سون زامانلاردا اؤنريلن ميللي سيمگه ده ائله بو باخيمدان اينجلنمه لي، و هر نه تئزليقلا نبير سونوجا وارماليدير.
اؤنريلن سيمگه نين آذربايجان ميللي بايراغي-يلا چوخ فرقي يوخدور. اورتادا اولان فرق آيپارا-اولدوزون قارا اولماسيدير. اونا سبب آچيقلايان سيمگه نين سونوجولاري، گونئيين اسارتده و ياسدا اولماسي اولوبدور.
ميللي بايراغيميزا ساديق قالان بو سيمگه نين طرحينه ميللي پارتي اؤز اؤنريسين اورتايا قويور. ميللي پارتي بئله دوشونور کي ميللي سيمگه ميزي قارا ايله يوخ، کي ساري بويا ايله به زه مه ميز يارارلي اولاجاقدير.
تورک، و تورک تاريخي گونش ايله دوغوب، آلتين مدنييتلر ياراديب و ده يرلي گله جگه صاحيب اولاجاقدير.
بونا گؤره، اؤنريلن سيمگه نين آنا قاليبين بينه رک، آيپارا و اولدوزون قارا يئرينه ساري اولماسي، دوشونجه و اؤنري اولاراق کامويونا سونوروق. بلليدير کي چوخونلوغون قراري بيزيم سايقي دوياجاغيميز و قوروماسي اوچون ساواشاجاغيميز قرار اولاجاقدير.
ميللي سيمگه گونئي هرکاتينا هر نه تئزراخ سونولورسا، بير او قدر گوج بيرليگي و يول بيرليگينه شاهيد اولاجاييق.
گونئيده کي فعاللاريميز اؤنريلن سيمگه ني بير چوخلو آذربايجانلي آکتيويست طرفيندن بيه نيلديگين بيلديريبلر. اگر ميللي پارتي اؤنرديگي بويا آيپارا و اولدوزا سئچيلمزسه، ان آزيندان او قونودا بير فيکير اورتايا سورولموش اولوبدور.
ميللي پارتي-نين بيلديريلري بو اؤنملي زاماندا اينترنت واسيطه سيله يايينلانير.
ميللي پارتي
۱۰/۰۷/۲۰۰۸
تبريز
٫بير ميللتين سسي
پایلاش | پرینت
بورا باغلي يازيلار:
- بورچالي و کرکوک مسئله سي آذربايجان و تورک دونياسييلا ديرک علاقه ده دير
- اؤز ديليميزده اوخوللارا دوغرو، ميللي پارتي-نين بياناتي
- سانمايين اؤلوم قهرمانلاري اونوتدورا بيلر، امانيلر اؤرکلرده ياشاياجاق - ميللي پارتي بيلديريسي
- ۲۱ آذر بايرامينيز قوتلو اولسون
- ۲۱ آذر قوتلاماسي اوچون ميللي پارتي آچارليغ داغيتيب (عکس)
- ميللي پارتي دونيا آذربايجانليلاري نين همرايليک گونونو تبريک دئييب
- ميللي پارتي-نين بياناتي: ۲۰ ژانويه، آذربايجانين يئنيدن دوغوشو تکرار اولاجاق
- آنا ديلي و آنا يوردوموز، ميللي پارتي بيلديريسي
- مدنييتلر ياشدا اولان “اوغوز بايرامي”نيز قوتلو اولسون
- “عباس لئيسانلي، اؤزگورلوک سيمبولو”, ميللي پارتي بيلديريسي
http://www.baybak.com
بای بک سایتیندان پرینت اولوب
http://www.11008.baybak.com/il_11008_say_502.azr
یازینین اینترنت آدرسی
گوروش کاپانیبدی