ميللي سيمگه مسئله سيندن يولا چيخاراق ائلچي بئي’ي “سئندروم” آدلانديرماق!! قاراباغ ساواشيندا داشناکسيون’ون يئرينه ائلچي بئي’ي سوروملو گؤرن ذهنييتله هارا گئتمک ايسته ييريک؟! - کورشات مرندلي
بای بک، آذربايجان | تُزگؤن, ۲۵-ي قوراپيشيرن , ۱۱۰۰۸ اینجی ایل, چولا ۱۸:۲۰ [آ.خ] | یازی و قوشوق
 |
. | کئچن گون يئني اؤنريلن ميللي سيمگه مسئله سي ايله باغلي بير يازي يازاراق بو هاقدا اؤز دوشونجه مي بيان ائتميشديم. بعضي اينتئرنئت سيته لرينده يايينلانان بو يازيما سمد نيکنام آدلي بير عزيز قارداشيميز بير تنقيد يازيبدير کي سايقين باي بک سيته سينده يايينلانميشدي*. من يازيمدا اؤنريلن يئني سيمگه نين اولو اؤندريميز و فيکير باباميز رحمتلي ائلچيبي’ه منسوب ائديلبيله جه گيني و دولاييسييلا (کئچن يازيمدا دا قئيد ائتديگيم کيمي بعضي باشقا ندنلر گؤره ده) بو اؤنري نين ان مشروعييتلي و منطيقلي طرح اولابيله جگيني يازميشديم. آما تأسوفلر اولسون کي سئوگيلي قارداشيميز صمد بئي نيکنام تارتيشيلمايا آچيلان سيمگه مسئله سينه دئييل بلکه قونويا بير علاقه سي اولمايان رحمتلي ائلچي بئي’ين شخصييتينه يؤنله رک اولو اؤندريميزه آغير ايتتيهاملار ووروبدور!!!! بو نؤقته ده يازديغيم يازي ندني ايله فقيد ميللي اؤندريميزه يؤنلنديريلن هاقسيزجا ايتتيهاملارا جئواب يازماغي اؤزومه لازيم گؤرورم. |
کئچن گون يئني اؤنريلن ميللي سيمگه مسئله سي ايله باغلي بير يازي يازاراق بو هاقدا اؤز دوشونجه مي بيان ائتميشديم. بعضي اينتئرنئت سيته لرينده يايينلانان بو يازيما سمد نيکنام آدلي بير عزيز قارداشيميز بير تنقيد يازيبدير کي سايقين باي بک سيته سينده يايينلانميشدي*. من يازيمدا اؤنريلن يئني سيمگه نين اولو اؤندريميز و فيکير باباميز رحمتلي ائلچيبي’ه منسوب ائديلبيله جه گيني و دولاييسييلا (کئچن يازيمدا دا قئيد ائتديگيم کيمي بعضي باشقا ندنلر گؤره ده) بو اؤنري نين ان مشروعييتلي و منطيقلي طرح اولابيله جگيني يازميشديم. آما تأسوفلر اولسون کي سئوگيلي قارداشيميز صمد بئي نيکنام تارتيشيلمايا آچيلان سيمگه مسئله سينه دئييل بلکه قونويا بير علاقه سي اولمايان رحمتلي ائلچي بئي’ين شخصييتينه يؤنله رک اولو اؤندريميزه آغير ايتتيهاملار ووروبدور!!!! بو نؤقته ده يازديغيم يازي ندني ايله فقيد ميللي اؤندريميزه يؤنلنديريلن هاقسيزجا ايتتيهاملارا جئواب يازماغي اؤزومه لازيم گؤرورم.
سئوگيلي قارداشيم؛ اؤنريلن سيمگه نين ائلچي بئي رحمتليک طرفيندن تائيد اولون اولماماسي باشقا بير مسئله آما جنابينيزين ائلچي بئي کيمي بير ميللي شخصييتيميزه آتديغينيز ايفتيرالار هئچ عاغيلا سيغان و اوستوندن آز کئچيله جک شئي دئييل…. بير يول منيم يازيم ائلچي بئي رحمتليک حاقيندا دئييل ميللي سيمگه حاقيندا ايدي. سيز ميللي سيمگه ايله او رحمتليگين شخصييتي آراسيندا نئجه بير باغلانتي قوردونوز من اونو آنلاماديم (و اوزولدوم)!!!!
هئچ قوصورا باخمايين آما سيز اينسان سئوئرليگي، وطن سئورليگي، تواضعکارليغي، دئوريمجيليگي ايله برابر هومانيسليگي هر کسه بللي اولان و ميلتيميزين آراسيندا اينانيلماز بؤيوک بير مؤوقئيه صاحيب اولان رحمتليک ائلچي بئي’ي ايتتيهام ائتمکله حددينيزي آشميرسينيز مي؟ او دا نئجه اتيهاملار… غدارليق، خالقي بيله رک اؤلومه گؤندرمک و ميلته توزاق قورماق کيمي آغير و عئيني حالدا نامردجه و اينصافسيزجا ايتتيهاملار…
سيز داها دا ايلري گئده رک قاراباغ ساواشيندان روسلاري و ائرمني داشناکلاريني دئييل رحمتليک ائلچي بئي’ي سوروملو توتورسونوز…! يازيقلار اولسون!!! بو نه چاش باشليق!!! بو نه جسارت!!! او بؤيوک اينسانين روحونو اينجيدن بو سطيرلري يازاندا ايچينيزده هئچ بير اوتانج و گوناه هيسسي دويمادينيز مي؟!!! سيزين ايلري سوردويونوز بو ايديعالار داها چوخ ائرمنيلرين و فارسلارين ايديعالارينا بنزه يير (بو گونه قدر موخاليف، مووافيق، طرفدار ، قئيري طرفدار، سياسي، غئيري سياسي، قوجا، گئنج، عاغيللي، عاغيلسيز هئچ بير آذربايجان تورکوندن بئله سؤزلر ائشيدمه ديم).
عزيز قارداش؛ لوطفا گئدين و ائلچي بئي’ين شخصييتيني آراشديرين سونرا قالخيب او اينسانين حاقيندا يازي يازين. قاراباغ ساواشي نين تاريخيني ده اوخويون لوطفا. آما فارس قايناقلاريندان دئييل تورک قايناقلاريندان اوخويون. (تورک قايناقلاريني فاشيستجه بولسانيز و يا سيزجه غدارليق ايچريرلرسه ان آزيندان گئدين طرفسيز يابانجي قايناقلار تاپين اوخويون).
داها سونرا دا عزيز قارداشيميز صمد نيکنام آذربايجان ميللي حرکتي’نين مدني و قانسيز، قاداسيز بير حرکت اولدوغونوندان دولايي و هابئله آذرايجان’ين بير اروپا توپلومو اولدوغو سببي ايله بيزيم هر هانسي بير شيددت و سرئتليکدن اوزاق اولماميز گرکديگيني سؤيله يير. دوغرودور! بيزجه ده آذربايجان ميللي حرکتي مدني بير حرکتدير و اينساني چيزگيلردن چيخماماليدير. بونو دانانين عاقلي دنگه سينه شوبهه ائدريک بئله. بيز او قدر اينسانجيليق کي ائرمنيلرين ميلتيميزه قارشي ايشله ديکلري جينايتلره عئيني مئتودلارلا جواب وئرمه مه ميز گرکديگيني دوشونوروک. عکسي تقديرده بيز ده اونلارين سوييه سينه (هئيوانليق سوييه سي) دوشريک.
آما حرکتيميزين مدني بير حرکت اولدوغوندان دولايي “غدار و قان تؤکن” ائلچي بئي’ي حرکتيميزدن اوزوق توتماق ايسته ين دوستوموزدان بير سوال سورماق ايسته ييرم: “عزيز قارداش مادم اروپا و باتي او قدر گوللوک گولوستانليقدير کي سيلاهدان و قاندان سؤز بئله آچماق جاييز دئييل بس اروپاداکي بو سون تئکنولوژي اوردولار نه اوچون بسله نير؟ داها بير نئچه ايل قاباق اروپانين تک موسلمان توپلومو اولان بوسني هرزگوين سويقيريم ائديلنده مدني و اينسانجيل اروپا نييه دورموشدو باخيردي و آنجاق بوسنالي موسلمانلار اؤز دوغما تورپاقلاريندا اقللييته دوشندن سونرا اروپانين يادينا دوشدو کي قولاغي نين ديبينده بير تراژئدي جريان ائدير؟ بس نييه مدني اروپا قاراباغ’دا کي اينساليق عييبي قارشيسيندا سسسيزدير و حتّی ائرمنيلردن يانادير؟ باتيليلار عراق’دا، افقانيستان’دا، سومالي’ده، ويئتنامدا، چئچئن’ده، کيريم’دا،……… نه ايش گؤرورلر؟
دئمک کي دونيا سيزين دوشوندويونوز قدر گوللوک گولوستانليق دئييل. البتته کي بيز اينسان سئور، مدني، شيددتدن يانا اولمايان و “قانسيز، قاداسيز”يق آما عاغليميز دا باشيميزدادير و چئوره ميزده نه اولوب بيتديگيندن ده خبرسيز دئييليک!! اينسان هاقلاري، دئموکراسي، سيويل توپلوم، دييالوق، بونلار هاميسي گؤزل شئيلردير و بيز ده اونلارا اينانيريق آما بزن سيزين قارشينيزداکي اونلارا اينانمايا بيلير. ايشته او زامان سيزين اينانمانيز دا بير شئيه يارامير!!!
البتته کي بو گونکو دونيادا اينسان هاقلاري، دئموکراسي، سيويل توپلوم، دييالوق آدلي ديرلر وار آما نه يازيق کي و تأسوفلر کي “گوج” منمتيقي هله ده اؤز يئريني دونيا سيياستينده قورويور.
سايين صمد بي؛ عذر ديليه رک سؤيلريرم کي يانيليرسينيز. رحمتليک ائلچي بئي دونيا دا گلميش کئچميش ان اينسانجيل و هومانيست ليدئرلردن بيري اولاراق سونسوزا قدر آذربايجان ميلليتي’ نين و حتّی دونيا تورکلري نين کؤنلونده کي تاختيني قوروياجاقدير و سيزين ياخديغينيز قارالار دا او رحمتلييه ياپيشماز. آيريجا بيز آذربايجان ميللي حرکتي’ نين اينساني، مدني، سيويل و چاغداش بير حرکت اولدوغونا اينانيريق آما هم ده اينانيريق کي:
“بايراغي بايراق ياپان اوستونده کي قاندير، تورپاق اوغروندا اؤلن وارسا وطندير”
و ائله بونا گؤره ده تئکرار بوتون ميللي فعاللاريميزا سسلنرک هرکسي گئج قالمادان، فورصتلري يانديرماييب اؤنريلن ميللي سيمگه اطرافينا توپلاناراق واحيد آذربايجان’ا دوغرو يورومه يه و ميللي اؤندرلريميز محمد امين رسولزاده و فتحعلي خان خويلو طرفيندن يوکسلديلن ميللي بايراغيميزي بوتؤو آذربايجان’يميزين اوستونده دالقالانديرينجايا قدر ميللي موجادله يه دوام ائتميه چاغيريرام…!
ياشاسين بؤيوک تورک ميلتي
ياشاسين بؤيوک آذربايجان
ياشاسين ميللي موجادله ميز
کورشاد مرندلي
۱۵/۰۷/۲۰۰۸
* [1] www.11008.bayb…
٫بير ميللتين سسي_ _ _ _ _ _ _
مربوط اُلان یازیلار
- ===> "گونئي آذربایجاني ائلچی بئی سينديروموندان قوروياق" يازيسينا اؤتري بير باخيش - خزر گؤنئیلی
- ===> ميللي-آزادليق موباريزه ميز مودئرن ومدني خاراکترلي حساب ائديلير، آنجاق قانلي- قاداسيز ده دئييل...! بونو اونوتماياق...! - اولوس
- ===> گونئي آذربايجاني ائلچي بئي سيندروموندان قوروياق - صمد نيکنام
پایلاش | پرینت
بورا باغلي يازيلار:
- “گونئي آذربایجاني ائلچی بئی سينديروموندان قوروياق” يازيسينا اؤتري بير باخيش - خزر گؤنئیلی
- آذربايجان ميللي حرکتينده “بوتؤولوک” آنلاييشي و ميللي سيمگه مسئله سي - کورشات مرندلي
- “دونيانين هاراسيندا بدبخت بير آدام گؤرسن بيل کي همشهريدير” (۱) - صمد نيکنام
- “دونيانين هاراسيندا بدبخت بير آدام گؤرسن بيل کي همشهريدير” (۲) - صمد نيکنام
- “دونيانين هاراسيندا بدبخت بير آدام گؤرسن بيل کي همشهريدير” (۳) - صمد نيکنام
- “دونيانين هاراسيندا بدبخت بير آدام گؤرسن بيل کي همشهريدير” (۴) - صمد نيکنام
- “دونيانين هاراسيندا بدبخت بير آدام گؤرسن بيل کي همشهريدير” (۵) - صمد نيکنام
- گونئي آذربايجاني ائلچي بئي سيندروموندان قوروياق - صمد نيکنام
- قارا اولدوز ! - صمد نيکنام
- آذربايجان و تورکيه (۱) - صمد نيکنام
http://www.baybak.com
بای بک سایتیندان پرینت اولوب
http://www.11008.baybak.com/il_11008_say_493.azr
یازینین اینترنت آدرسی
یازیده ایشه آلینان اینترنت آدرسلری
[1] www.11008.bayb…: http://www.11008.baybak.com/il_11008_say_448.azr
گوروش کاپانیبدی