ياشاسين آذربايجان - Long live Azerbaijan

.

(ديقت: باي بک سيته سينده يايينلانان مقاله لره گلن جاوابلاري عئينن يايينلاماغ بيزيم ايش بورجوموزدور. آنجاق بو او دئمک دئييلدير کي باي بک يازيلارين هاميسين اونايلايير. باي بک بير سيياست ايله ايشله يير وغ اودا بودور کي: ايلک اولاراق گونئي آذربايجان اؤزگورلوگونه قاووشدورولسون، ايکينجي اولاراق ايکي تايدا بيرليک موباهيسه سي آچيلسين، اوچونجوسوسه بيرلشمک پروسئسينه باشلاتيلسين. بونلاري بيريئرده اولماغلا بيربيريندن آيري يؤروتمک بيزيم گله جگيميز اوچون اؤنملي اولدوغونا اينانيريق. اگر بو پروسئسلرين بيرينه دوشونوب او بيريلرين سونرايا بوراخساق، او زامان هئچ بير قازانج الده ائده بيلمه يه جه ييک. باي بک بيرليک ياراتماغ کاراکتئرلي هر بير اولايين آرخاسيندا اولاجاغينا، هابئله داغيتيجي ايشلرله ساواشاجاغينا فخر ائديب و بو سيياستينه دوام ائده جک. بو مقاله يه گلينجه، داها اؤنجه بيلديريلديگي کيمين، بو گونلرده اؤنريلن طرح بير سيمگه اولاراق سونولوب. ائلچي بئي يا باشقا اؤندرلريميزين اؤنريب اؤنرمه ديگيندن آسيليي اولماياراق، اگر گؤرونور کي بو طرح گونئي هرکاتيندا اولان داغيتيجي منيمسمه لرين اؤنون آلاير، ندن اونا قارشي چيخيلسين؟ بو طرح باي بک باخيميندان، ها بئله بير سيرا خارييجده ياشايان و بير چوخلو ايچريده چاليشان فعاللين اونايين آليبدير. اگر غيري دئموکراتيک داورانيشلاردان اوزاق اولماييب و موصاديره چي قوووه لرين چيرکين سالديريلارينا باش اَيسک، دئمک گونئي هرکاتيندا بايراغ اؤرتيمي و آيريليق تؤرتيمي دوام ائده جک. بو طرح يا ميللي فعاللارين بيرگه اونايلاديغي طرح باي بک طرفيندن گونئي آذربايجان ميللي هرکاتي سيمگه سي اولاراق قبول اولاجاقدير. باي بک)

(ديقت: باي بک سيته سينده يايينلانان مقاله لره گلن جاوابلاري عئينن يايينلاماغ بيزيم ايش بورجوموزدور. آنجاق بو او دئمک دئييلدير کي باي بک يازيلارين هاميسين اونايلايير. باي بک بير سيياست ايله ايشله يير وغ اودا بودور کي: ايلک اولاراق گونئي آذربايجان اؤزگورلوگونه قاووشدورولسون، ايکينجي اولاراق ايکي تايدا بيرليک موباهيسه سي آچيلسين، اوچونجوسوسه بيرلشمک پروسئسينه باشلاتيلسين. بونلاري بيريئرده اولماغلا بيربيريندن آيري يؤروتمک بيزيم گله جگيميز اوچون اؤنملي اولدوغونا اينانيريق. اگر بو پروسئسلرين بيرينه دوشونوب او بيريلرين سونرايا بوراخساق، او زامان هئچ بير قازانج الده ائده بيلمه يه جه ييک. باي بک بيرليک ياراتماغ کاراکتئرلي هر بير اولايين آرخاسيندا اولاجاغينا، هابئله داغيتيجي ايشلرله ساواشاجاغينا فخر ائديب و بو سيياستينه دوام ائده جک. بو مقاله يه گلينجه، داها اؤنجه بيلديريلديگي کيمين، بو گونلرده اؤنريلن طرح بير سيمگه اولاراق سونولوب. ائلچي بئي يا باشقا اؤندرلريميزين اؤنريب اؤنرمه ديگيندن آسيليي اولماياراق، اگر گؤرونور کي بو طرح گونئي هرکاتيندا اولان داغيتيجي منيمسمه لرين اؤنون آلاير، ندن اونا قارشي چيخيلسين؟ بو طرح باي بک باخيميندان، ها بئله بير سيرا خارييجده ياشايان و بير چوخلو ايچريده چاليشان فعاللين اونايين آليبدير. اگر غيري دئموکراتيک داورانيشلاردان اوزاق اولماييب و موصاديره چي قوووه لرين چيرکين سالديريلارينا باش اَيسک، دئمک گونئي هرکاتيندا بايراغ اؤرتيمي و آيريليق تؤرتيمي دوام ائده جک. بو طرح يا ميللي فعاللارين بيرگه اونايلاديغي طرح باي بک طرفيندن گونئي آذربايجان ميللي هرکاتي سيمگه سي اولاراق قبول اولاجاقدير. باي بک)

جولاي آيي نين ۱۰–اوندا کورشات مرندلي آدلي بير هموطنيميز “باي بک” سايتيندا ياييلان “آذربايجان ميللي حرکتينده بوتؤولوک آنلاييشي و ميللي سيمگه مسئله سي” آدلي يازيسيندا “فيکير باباميز ائلچي بئي” دئيه رک “بوتؤو آذربايجان بيرليگي”نين (ب.ا.ب)) چاپ ائتديرديگي “موختصر آذربايجان تاريخي” آدلي کيتابا ايستيناد ائدير و گونئي آذربايجانا بايراق تکليفينده بولونور.

ائلچي بئيين موباريزه فلسفه سي آذربايجان جمهوريسي اوچون يارارسيز اولدوغو کيمي، گونئي آذربايجان اوچونده يارارسيز و چوخ تهلوکه ليدير. ائلچي بئيين موباريزه فلسفه سي “آزادليق قان طلب ائدير” شوعاعرينا کؤکلنميشدي. قوزئي آذربايجاندا باش وئرن ۲۰ ژانويه، خوجالي و قاراباغين ايشغالي کيمي فلاکتلرين کؤکونده دايانان بو “سياسي فلسف ” و اونون اساسيندا يورودولن سيياست ايدي.

۱۹۹۰-اينجي ايل ژانويه آيي نين ۱۹-او ساعات ۳-ده آذربايجان دؤولت تهلوکله سيزليک کوميته سي نين سدري واقيف هوسئينوو ائلچي بئي و اعتيبار مممدووو چاغيريب دئينده کي، “جاماعاتي کوچه لردن ييغيشديرين، اوردويا گئجه ساعات ۱۲-ده شهره گيرمک امري وئريليب” ، ائلچي بئي دئميشدي “آزادليق قان طلب ائدير” و بوندان سونرا خالق جبهه سي نين فعاللاري اوردونون شهره گيره جگيندن خبرسيز اهالي نين، کوچه لره چيخماق پروسئسيني اينتئنسيولشديرديلر.

۲۰ ژانويه فاجيعه سي ايله باغلي ۲۰۰۵-اينجي ايلده “تاريخيميزين فاجيعه سي و فاجيعه ميزين تاريخي” آدلي سيلسيله يازيلار يازديم و باکي-دا چيخان ائکپرئس قزئتينده چاپ اولدو. اورادا خالق جبهه سي و اونون رهبري ائلچيبگين يوروتدويو سيياست اينجله نيب.

خوجالي فاجيعه سي ده، ۲۰ ژانويه فاجيعه سي کيمي آذربايجان ميلتي نين طالعيينه يازيلماميشدي و اونون قارشيسيني آلماق اولاردي. خوجالي فاجيعه سي نين قارشيسيني آلماق اوچون اعتيبار مممدووون دئديگي کيمي، هم کيفايت قدر سيلاح و هم ده جانلي قوووه وار ايدي. آذربايجان حربچيلري تدبير گؤمک عزمينده ايديلر و تدبير ده گؤرولموشدو، لاکين ايجرا اولمادي و ياخود قارشيسي آليندي. نتيجه ده، ائرمني سيلاهلي قوووه لري آرخايينليقلا دينج اهاليني قيردي و فاجيعه باش وئردي.

خوجاليني موهاسيره دن چيخارتماق و اهاليني خيلاص ائتمک تدبيري نين قارشيسيني کيم آلدي و نه اوچون آلدي؟ قيرغينلارين تؤرمه سينه و قيرغيني ياراتماق اوچون دوشمنه فورصت يارادان هانسي سيياست ايدي ؟. بو مسئله لردن خبري اولان کومانديرلردن، آغداملي ائلدار باکي-دا اؤلدورولدو. آللاهوئردي آغدام-دا مينايا دوشدو، قاتير ممد آدلانان يعقوب، خسته خانادا اؤلدو. خالق جبهه سينه منسوب اولان فهمين حاجييئو ياشايير.

بو هاقدا آختاريش آپارماق ايسته ينلره بير عونوان دا گؤستريرم.

همن واخت آذربايجان خالق جبهه سي نين ايداره هئيتي نين عوضوو، مينگچئوير-ين ايجرا باشچيسي فايق بخشعليئو، باش نازير هسن هسنوو-ون تئلئفون دانيشيغيندان ائشيتديکلريني قزئتلره دانيشدي. گئدين تاپين اوخويون و آختارين يورودولن سيياستين کؤکونو تاپين.

قاراباغ مسئله سينه گلديک ده ايسه، بيرينجيسي، خالق جبهه سي و ائلچيبگين يوروتدويو “سيياستين” نتيجه سي بوندان آرتيق اولمازدي، بورادا دئتايللارا وارماق فيکرينده دئييلم. ايکينجيسي، ائلچي بئي-ين اؤز دئديگينه گؤره ، روسيه پرئزيدئنتي بوريس يئلتسين اونا دئميشدي کي، داغليق قاراباغ-دا ياشايان ائرمنيلرين موختاريتيني قايتارين قوي ياشاسينلار. ائلچي بئي: يوخ اولماز يئميشدي. ائلچي بئي بو هاقدا سهو ائتديگيني راديودان اعتيراف ائتدي.

بوتؤو آذربايجان بيرليگي نين يايديغي “موختصر آذربايجان تاريخي” کيتابي هاقدا اونو دئييم کي :

بيرينجيسي ، بو کيتابدا هامي نين شکلي سيرايا دوزولوب او جومله دن ائلچي بئي-اينده شکلي وار. آما پيشه وري نين شکلي يوخدور. گؤره سن ندن بئله دير؟

ايکينجيسي، آذربايجان تاريخيندن دانيشان بو کيتابدا افشارلار سولاله سيندن و بو سولاله نين بانيسي نادر شاهدان دا اثر-علامت يوخدور.

بوندان باشقا، بو کيتابدا قاجارلاردان ايران ظولمکارلاري کيمي آد آپاريلير. کيتابين يازيسيندان فرقلي اولاراق، دئمه لييم کي، قاجارلار ايران ظولمکاري دئييل بلکه، آذربايجانين فخر ائده جگي بؤيوک بير سولاله دير. فارس شووينيستلري نين ان مورتجئ جيناهي نين سيياستيني تبليغ ائدن “بوتؤو آذربايجان بيرليگي”نين کيتابي بو فيکيرلري ايله، قاجارلاري دئييل بلکه، آذربايجان ميلتيني تحقير ائتميشدير.

فارس شووينيستلري نين تبليغاتيندان فرقلي اولاراق، تاريخ هله قاجارلار سولاله سي نين بانيسي آغا محمد شاه قاجار کيمي داهي و عدالتلي سرکرده يئتيشديرمه ميشدير. آذربايجان حاکيمي وليعهد عاباس ميرزه يه فارس ظولمکاري دئين جريان، آذربايجان ميلتينه تاريخ يازمير، بلکه ميلتيميزين تاريخيني ساختالاشديرماغا جهد ائدير. بو بير حاقيقتدير کي، قاجارلار تورک سولاله سيدير و اونلارين ظولمکارليق درجه سيني اؤلچمک اوچون بوتؤو آذربايجان بيرليگينده بير اؤلچو واحيدي يوخدور. مشهور آلمان شاعيري بئرتولئت برئشتين سؤزو ايله دئسک، “حاقيقتي بيلمه يه نلر ناداندير، اونو بيله رکدن تهريف ائدنلر ايسه آخماقدير (جينايتکاردير-باي بک)”.

آدي چکيلن کيتابين باشقا مؤوزولاري دا بئلجه ياراماز و يئترسيزدير.

بو کيتاب هاقدا سونونجو اولاراق اونو دئييم کي، بو کيتابا هئچ بير تاريخچي موتخصيص راي يازماميش و اونو تاريخي اثر کيمي تصديق ائتمه ميشدير. اونا گؤره ده، کيتابدا يازيلانلار هئچ بير علمي اهميت داشيمير.

ائلچي بئيين يوروتدويو موباريزه فلسفه سيندن فرقلي اولاراق، گونئي آذربايجان ميللي آزادليق موباريزه سي ميللي، مدني و قانسيز-قاداسيز بير موباريزه دير. آذربايجانين چاغداش ميللي موباريزه سي مودئرن و مدني خاراکتئر داشييير.

بيزيم آزادليغيميز “قان طلب” ائتمير بلکه، مدني ميلتلرين الده ائتديگي نايليتلره يييلنمک، ساوادلانماق، بير-بيريميزين فيکرينه سايغي ايله ياناشماق، اينسانلارين فيکرينه حؤرمت ائتمک و بوتون بونلاري تکميللشديره رک، ميللي دئموکراتييا طلب ائدير. ميلتي قان تؤکمکله قورتارماق اولماز. بلکه عکسينه : “کسسه هر کس تؤکولن قان ايزيني - قورتاران داهي اودور يئر اوزونو” . (هوسون جاويد) .

آذربايجان اروپانين ترکيب حيصه سيدير. اروپا ميلتلري نين آپارديغي مدني و دئموکراتيک موباريزه قايدالاريني بوتؤو آنلامدا قبول ائده رک، اونو وطنيميزين کونکرئت شرايتينه تطبیق ائتمه ليگيک.

۱۱/۰۷/۲۰۰۸

_ _ _ _ _ _ _
مربوط اُلان یازیلار

• ===> آذربايجان ميللي حرکتينده "بوتؤولوک" آنلاييشي و ميللي سيمگه مسئله سي - کورشات مرندلي

• “دونيانين هاراسيندا بدبخت بير آدام گؤرسن بيل کي همشهريدير” (۱) - صمد نيکنام
• “دونيانين هاراسيندا بدبخت بير آدام گؤرسن بيل کي همشهريدير” (۲) - صمد نيکنام
• “دونيانين هاراسيندا بدبخت بير آدام گؤرسن بيل کي همشهريدير” (۳) - صمد نيکنام
• “دونيانين هاراسيندا بدبخت بير آدام گؤرسن بيل کي همشهريدير” (۴) - صمد نيکنام
• نه قدر يازيرساندا بو دؤنيا دؤزلمير کي دؤزلمير! (۵) - صمد نيکنام
• قارا اولدوز ! - صمد نيکنام
• آذربايجان و تورکيه (۱) - صمد نيکنام
• تورکيه و آذربايجان (۲) - صمد نيکنام
• قاراباغدا يول وئريلن سهولري باتی (غربی) آذربايجاندا تکرار ائتمک اولماز - صمد نيکنام
• آذربايجان فئدئراسيونو سوئد (آ.ف.ي)-نين باشقاني ديرلي ستار سئوگين-ه - صمد نيکنام

http://www.baybak.com بای بک سایتیندان پرینت اولوب
http://www.11008.baybak.com/il_11008_say_448.azr یازینین اینترنت آدرسی