سياسي محبوسلاريميزا آزادليق…! (۱) - اولوس
بای بک، آذربايجان | یئیگؤن, ۲۱-ي قوراپيشيرن , ۱۱۰۰۸ اینجی ایل, چولا ۱۲:۵۵ [آ.خ] | یازی و قوشوق
 |
. | (دقت: باي بک “آذربايجان ميللي مفکوره سي”نه سؤيکنن چاليشمالاري يارارلي بيله رک٫ ايران آدينا هر تؤر چاليشماني تهلوکه لي ده يرلنديرير. بو باخيمدان٫ “ايرانچيليق”٫ “ايران ميللي مفکوره سي” آدي آلتيندا چاليشانلارا٫ “ايران سراسري تشکيلات”لاريندا اؤيه اولانلارا و “ايران بؤتؤولؤگون قورماغ”دا فعاليت ائدنلره شهوبه ايله ياناشار. بلليدير کي آذربايجانين ايچريسينده چاليشماق نه قدر چتين و ياشام تهلوکه ايله قارشي قارشيادير. و اينانيريق کي ايچريده اولان فعاللر اؤز سسلرين چيخارتماغ اؤچون چئشيتلي حيله لره ال وورماليديلار تا هم سسيميز بوغولاماسين و هم ميللي فعاللاري الدن وئرميه ک. آنجاق٫ بونلارن آراسيندا اولان فرقي آنلاماغ بير گؤن و يا بير مقاله ايشي دئييلدير. آرزو ائديريک کي “آذربايجان ميللي مفکوره سي”ني يايماغ و مودافعه ائتمک يولوندا زندانا سالينان٫ شکنجه اولونان و هر تؤر اذيته معروض قالان قادينلار و ارککلريميز بير آن اول اؤزگورلوغلارينا قاووشسونلار. باي بک) |
(دقت: باي بک “آذربايجان ميللي مفکوره سي”نه سؤيکنن چاليشمالاري يارارلي بيله رک٫ ايران آدينا هر تؤر چاليشماني تهلوکه لي ده يرلنديرير. بو باخيمدان٫ “ايرانچيليق”٫ “ايران ميللي مفکوره سي” آدي آلتيندا چاليشانلارا٫ “ايران سراسري تشکيلات”لاريندا اؤيه اولانلارا و “ايران بؤتؤولؤگون قورماغ”دا فعاليت ائدنلره شهوبه ايله ياناشار. بلليدير کي آذربايجانين ايچريسينده چاليشماق نه قدر چتين و ياشام تهلوکه ايله قارشي قارشيادير. و اينانيريق کي ايچريده اولان فعاللر اؤز سسلرين چيخارتماغ اؤچون چئشيتلي حيله لره ال وورماليديلار تا هم سسيميز بوغولاماسين و هم ميللي فعاللاري الدن وئرميه ک. آنجاق٫ بونلارن آراسيندا اولان فرقي آنلاماغ بير گؤن و يا بير مقاله ايشي دئييلدير. آرزو ائديريک کي “آذربايجان ميللي مفکوره سي”ني يايماغ و مودافعه ائتمک يولوندا زندانا سالينان٫ شکنجه اولونان و هر تؤر اذيته معروض قالان قادينلار و ارککلريميز بير آن اول اؤزگورلوغلارينا قاووشسونلار. باي بک)
گيريش
ميللي حرکات منسوبو، گورکملي قادين حرکاتي آکتيويستي، تانينميش ژورناليست و اينسان حاقلاري مودافيعه چي سي شهناز غلامي ايسلام اينقيلاب محکمه سينه چاغريلميشدير. گونئي آذربايجان سوسيال – سياسي موحيطين آغير دورومونو نظر آلساق اينقيلاب محکمه سي نين قرارينين نه اولدوغونو ايندي دن تخمين ائده بيلرديک.
سون زامانلاردا ميللي حرکات منسوبلاري نين فيزيکي حذفي ايله برابر تانينميش ميللي اينتلئکت ديسيدئنت لري ميزين اوزون موددتلي تبعيد و زيندانلارا محکوم اولدوغونو نظره آلساق تبريز و بوتوولوکله گونئي آذربايجانين قورخماز سسي آدي قازانميش شهناز خانيم غلامي نين اينقيلاب محکمه سينه چاغريلماسي نده ني ني باشا دوشرديک. محض همين نوقطه ي نظرده ن ميللي حرکات منسوبلاري ني، غيري دوولت وسياسي تشکيلاتلاريميزي “روزا” ۱ - نين اينقيلاب محکمه سي چاغريشي ني سياسي محبوسلاريميزا آزادليق بين الخالق کومپاني ياسي نا چئويرمه يه سسله ييريک.
“بين الخالق کومپاني يا” سانيلديغي کيمي گئنيش معنادا اينسانلارين بير يئره توپلانيلماسي ياخود گئنيش ماددي وسائيطين وارليغي ضرورتي آنلاميندا دئييل دير. اينفورماسي يا عصرينه خاص اولان تئکنولوژي يالارين وارليغي ايله علاقه دار ياريم مجازي فعاليت لرله آز بير زامان موددتي عرضينده بير چوخ نائيليتلري الده ائتمک اولاردي. قئيد ائديلن ياريم مجازي فعاليت مئتودولوگي ياسي اصلينده هدفلر مجموعونون خاراکتئرينده ن آسيلي دير و بورادا بير باشا اينسان حاقلاري نين مودافيعه سي اساسيندا تنظيملنمه لي دير. آنجاق فعاليتلر مجموعه سي و اونلاردان دوغولا بيلن نتيجه لر ميللي حرکاتي ميزين آماللاري و هدفلري يونونده اولمالي و بير سوزله ميللي حرکاتي ميزين اساس يونونه خيدمت ائتمه لي دير. ديگر طرفده ن ايچ و ديش سوسيال – سياسي موحيطين اوزه لليکلرينين بير – بيرلري ايله کسکين فرقلندي يي ني نظره آلساق فعاليت لر مجموعونون کومپلکسلشديريلمه سي حاقدا دوشونمه ييميزي ده ضروري حال حساب ائديريک.
غيري موتمرکيزليک خوصوصيتلرينه تابع اولان ياريم مجازي بين الخالق کامپاني ياسيندا موتمرکيز موديريت سيستم لرين ياراديلماسينا احتياج دويولمور آنجاق بورادا فعاليت مجموعه لري نين کوردي ناسي ياسي ضرورتي لابوددور. ميللي حرکاتي ميزين ايچ و ديش ماددي - معنوي بازاسي نين ايلکين ده يرلنديريلمه سي ميللي حرکاتي پوتانسيئل گوجلرينين کيچيک زامان کسيمينده عوموم ميللي منافع اساسيندا بير يئره توپلانا بيلمه سي ايدديعاسي نا اساس وئرير. “سياسي محبوسلاري ميزا آزادليق” بين الخالق کامپاني يا اوز هدفلرينه ياخينلاشديقجا ميللي آکتيويستلر و تشکيلاتلاريميز آراسيندا ايلکين ايش بيرلي يي تجروبه لري ني ده اورتا چيخارتميش اولاردي. و بو اوزلوينده ايره لي يه دوغرو آتيلميش بير آدديم حساب ائديلير. ايسلامي حاکيميت طرفينده ن ياراديلميش پسيخي – سياسي وضعيتي محض همين کومپاني يا واسيطه سيله ضررسيزله شديريب پسيخي شرائيطي قارشي طرفه يوکله يه بيلريک. و سون نتيجه ده موباريزه آلانين دا يئني ده ن اوستونلويو الده ائده بيلريک.
“روزا” محکمه سي قرارينا تاثير ائتمکله برابر سياسي محبوسلار پروبلئمي ني دونيانين اساس سوسيال - سياسي پروبلئملرينده ن بيرينه چئويره بيلريک. اونوتماياق حيات و جانلاري ني حرکاتي ميز يولوندا قوربان وئره نلر قارشي سيندا هاميميز بورجلويوق…
ايلکين ده ير لنديرمه
سياسي محبوسلار، کميت و کيفيت اعتيباري ايله بير باشا منسوب اولدوغو حرکاتين کميت و کيفيتي ني اوزونده عکس ائتديريرلر. کميت، حرکاتين سوسيال بازاسي نين گئنيشلي ييني اوزونده عکس ائتديريرسه، کيفيت حرکاتين سوييه سي ني نوماييش ائتديرير. محض همين نوقطه ي نظرده ن گونئي آذربايجان دا جريان ائده ن ميللي – آزادليق حرکاتي ني دونيادا جريان ائده ن سوسيال – سياسي حرکاتلارين، هم سوسيال بازا، همده سوييه جهتجه بيرينجي لرده ن اولدوغونو حساب ائده بيلرديک. اولکه داخيلينده بير باشا سوسيال – سياسي فعاليت لره اوستونلوک وئريليرسه، اولکه ده ن کناردا، يعني ديش دا همين سوسيال – سياسي فعاليتلرين بين الخالق ضمانتي نين تاميناتي فعاليتلرين اساس آماجي نا چئوريلير.
ظننيميزجه ديش دا ياشايان سويداشلاريميز و خوصوصيله حرکات ايشتيراکچي لاري هئچ بير زامان ديش دان ايچه سوسيال – سياسي بير تشکيلات ياخود تدبيرلر مجموعه سي نين ايدخالي ايدديعاسيندا اولماييب و اولماياجاق لار. وطنين آزادليق طالعي محض وطنين ايچينده چوزوله بيلر. گونئي آذربايجانا ديش دان ميللي کادر حاضيرلاشديرماق ايدديعاسيندا بولونان شخصلر، هم صدرلر مجموعه سي ياراتماق دان اونجه گونئي آذربايجانين سوسيال – سياسي شرائيطي ايله برابر گونئي تورک ميللتينه خاص اولان پسيخولوگي يانين چالارلاري نين اويره نيلمه سينه چاليشمالي ديرلار.
هر بير سوسيال – سياسي بير ايسته يين الده ائديلمه سي يونونده ايلکين اولاراق هدفلر مجموعه سي نين تام شفافليقلا تعريفينه ضرورت دويولور. هدفلر مجموعه سي آيدين بير طرزده بيان ائديليرسه تاکتيکالار سئچيمي نين منطيقي بير طرزده حياتا کئچيريلمه سينه شرائيط ياراديلير. تاکتيکالار سئچيمي ايسه اوزلويونده مووجود ايمکانلارين دوزگون ده يرلنديريلمه سي ايله باشلانيلمالي دير. ميثال اوچون ديش دا هانسي سا بير خاريجي اولکه ده چوخ سايلي ايشتيراکچي سي اولان بير پيکئتين کئچيريلمه سي اوچون ايلکين اولاراق همين اولکه ده ياشايان ميللي دوشونجه لي سويداشلارين کميتي تعيين ائديجي بير عاميل حساب ائديلمه لي دير عکس حالدا اعلان اولونموش آکسي يا نظرده توتولموش هدفه خيدمت ائتمه ده ن بير باشا ايجتيماعي راي يين حرکاتا قارشي فورمالاشماسي نا خيدمت ائدر.
سوسيال – سياسي حرکتلر اصلينده جمعي حرکتلر کيمي باشا دوشولمه لي ديرلر و چاغداش دونيادا جمعي حرکت لر کلاسيک حرکتلرده ن کسکين دره جه ده فرقله نيرلر. چاغداش دونيادا جمعي حرکتلر شخص ياخود شخصلر اطرافيندا بيرلشمک خوصوصيتي ني اوزونده عکس ائتديره بيلميرلر. يعني فردلرين، فرديتليغي تام معناسي ايله قبول ائديلديکده ن سونرا جمعي حرکتين فورمالاشديريلماسينا عملي زمين يارانير. کلاسيک حرکاتلار ايدئولوژيک اوزه کلي اولدوقلارينا گوره ايدئولوژي دان توره نن “اينسان” نومونه سي ني اورتايا آتيرديلار و فردلر اوزلريني مودله ياخينلاشديرماق ياخود اوخشاتماق اوچون اوز فرديتلرينده ن ايمتيناع ائتمه لي ديرلر. بونون عکسي اولاراق چاغداش دونيا دا اينسانلارين فرديتليغي نفي ائديلمير و فرديت جمعيتين اساس آتري بودي کيمي قبول ائديلير.
سون زامانلار دا گونئي آذربايجان ميللي – آزادليق حرکاتيندا موشاهيده ائديلن بعضي چاخناشمالار و آنلاشيلمازليق لار اصلينده قئيد ائتدي ييميز فرديت آنلاييشينا کلاسيک طرزده ياناشمادان اورتايا چيخميشدير. اييرمي ايل موددتي عرضينده گونئي آذربايجان ميللي – آزادليق حرکاتي نورمال اولاراق تام اينرژي سي ني سوسيال بازاني فورمالاشديرماغا صرف ائتميشدير. ميللي حرکاتي بطنينده فورمالاشميش اورتا و گنج نسيل ايستر – ايسته مز چاغداش دونيا اوزه لليکلري ني قاوراياراق بير چوخ حاللاردا حيات طرزلرينده بئله ياشاديرلار. کلاسيک تشکيلات فعاللاري ايله ياشلي نسيل ايسه بير چوخ حاللاردا کلاسيک فرديت دوشونجه سي ني دائيما حرکاتا تزريق ائدير و تشکيلاتلانما پروسئسلرينده جيددي مانعه لر يارادير. آنجاق گونون رئالليغي حساب ائديلن تشکيلاتلانما پروسئسي تام معناسيله حياتا کئچمکده دير.
عومومي منظره
سياسي محبوسلارا آزادليق دوشونجه سي اصلينده ميللي – آزادليق حرکاتي بطنينده فعاليت گوستره ن بوتون شخصيت و تشکيلاتلارين اورتاق بير نوقطه سي حساب ائديلمه لي دير. هر بير سوسيال ياخود سياسي آکتيو ايلک اونجه ميللي حرکات فعاللارينين تهلوکه سيزلي يي نين تامينين ده مسئوليت داشي مالي دير. باشقا بير يونده ن غيري موتمرکيز بير آکسيون ياخود کامپاني ياني حياتا کئچيرمک ده چئشيدلي دائيره و تشکيلاتلارين بير – بيرلرينه تابعليک ياخود حتتا بير يئرده فعاليتينه بئله احتياج دويولمور. هر بير تشکيلات موستقيل اولاراق سئچدي يي مئتودلارلا، اساس هدفه ياخينلاشماغا چاليشمالي دير. فعاليت لرين کوردينا سي ياسي ايسه تلورانسليغي ني قورويوب ساخلايا بيلن شخص و ياخود قوروملار اوزه رينه دوشمه لي دير.
فعاليت آلاني ني، گئنيش اولماسينا باخماياراق قئيد ائديلدي يي کيمي کسکين صورتده بير – بيرلرينده ن فرقلنن ايچ و ديشا بولمک اولاردي. ديش دا سربست فعاليـت دوشونجه سي ايله آکسيون ياخود کامپاني يايا قوشولماق ضرورتي مووجوددورسا ايچ ده سيمووليک و دولايي فعاليت مئکانيزمينه اوستونلوک وئريلمه لي دير.
کامپاني يا ايشتيراکچي لاري ميللي دوشونجه لي شخصيتلر و ميللي حرکاتي بطنينده فعاليت گوسته رن سوسيال و سياسي تشکيلات و قوروملارديرلار. بورادا ژورناليست ليک فعاليتينده بولونان شخص و قوروملاريدا علاوه ائتمه لي ييک، اصلينده اينفورماسي يا ايله بير باشا علاقه لي اولان اينسان حاقلاري مودافيعه سي نين تشکيلي نين نظرده توتولدوغونو خاطيرلاتساق ژورناليستيک فعاليتي نين بوراردا اهميتلي بير عاميل اولدوغونو اونجه ده ن بيان ائتميش اولارديق.
کامپاني يانين تاثير مکانيزمي ايکي يونلو اولمالي دير. بير طرفده ن رگي اونال اولاراق دونيا ايجتيماعيتي قارشي سيندا گونئي آذربايجان سياسي محبوس پروبلئمي نين آکتووال بير مووضوعا چئويريلمه سيني تامين ائتمک ديگر طرفده ن لوکال بير طرزده گونئي آذربايجان سياسي محبوس آنلاييشين دا حاکيميته قيرميزي خط لرين مووجودلوغونو ايثبات ائتمک دير. بونون اوچون ايلک اونجه دونيا ايجتيماعيتي ايله سيخ علاقه لر قورولمالي چوخ سايلي اينستيتوت، قوروم و تانينميش شخصيتلرين يارديمي ني الده ائتمک ضرورتي مووجوددور. هدفلر ايسه تام معناسي ايله آيدين دير:
لوکال اولاراق :
• سياسي محبوسلوغا سوروکله نن آکتيويستلري ميزين محبوسا چئوريلمه سي نين قارشي سيني آلماق،
• سياسي محبوس لاريميزا قارشي ايشله ديلن غيري اينساني موناسيبتين آرادان قالديريلماسي،
• ويجدان و دوشونجه محبوسلاري نين آزادليغينين تاميني،
• محکوميت دوورونده سياسي محبوس عائيله لري نين معنوي و ماددي تاميناتي نا چاليشماق.
و رئگيونال (بؤلگه سل) اولاراق:
• گونئي آذربايجان حقيقتلريني دونيا ايجتيماعيتينه تانيتديرماق،
• گونئي آذربايجان ميللتي نين پارچالانميش خالقلار ايستاتوسونون تاميني،
• و نهايت گونئي آذربايجان دا جريان ائده ن ميللي – آزادليق حرکاتي نين دونيا دموکراسي حرکاتي نين ترکيب حيصصه سي اولدوغونون ايثباتي.
(آردي وار)
۱- شهناز غلامي
٫بير ميللتين سسي
پایلاش | پرینت
بورا باغلي يازيلار:
- بير ميلتين ايکي بايراغي …! - اولوس
- سياسي محبوسلاريميزا آزادليق…! (۲) - اولوس
- اي ارک تو را به نام آزادي… - اولوس
- نه ائتمه لي…؟!!! کيمسه جاواب وئره جک مي…؟!!! - اولوس
- داها هئچ واقت سوسماياق… - اولوس
- گونئي آذربايجان ميللي – آزادليق حرکاتي ٫ سيويل بير موباريزه يولوندا ۱ - اولوس
- گونئي آذربايجان ميللي – آزادليق حرکاتي ٫ سيويل بير موباريزه يولوندا ۲ - اولوس
- گونئي آذربايجان ميللي – آزادليق حرکاتي ٫ سيويل بير موباريزه يولوندا ۳ - اولوس
- گونئي آذربايجان ميللي – آزادليق حرکاتي ٫ سيويل بير موباريزه يولوندا ۴ - اولوس
- گونئي آذربايجان ميللي – آزادليق حرکاتي ٫ سيويل بير موباريزه يولوندا ۵ - اولوس
http://www.baybak.com
بای بک سایتیندان پرینت اولوب
http://www.11008.baybak.com/il_11008_say_439.azr
یازینین اینترنت آدرسی
گوروش کاپانیبدی