نه قدر يازيرساندا بو دؤنيا دؤزلمير کي دؤزلمير! (۵) - صمد نيکنام
بای بک، آذربايجان | باشگؤن, ۱۷-ي قوراپيشيرن , ۱۱۰۰۸ اینجی ایل, چولا ۱۷:۳۵ [آ.خ] | یازی و قوشوق
 |
. | ائرمنيلرده لاپ چاشيب، سوئد تئلئويزييا کاناللاريندا سندلي فيلم گؤستريرلر کي، گويا شوشا ائرمني شهريدير. باخ بئله آخماق-آخماق ايشلرله مشغولدورلار. نه اولسون !
ائرمنيلرين فعاليتي نتيجه سينده سوئد خاريجي ايشلر نازيرليگي نين رسمي سايتيندا داغليق قاراباغين مرکزي کيمي هله ده ستئپاناکئرت گؤستريلير. نه اولسون ! کوردلرين سوئد درسليک کيتابلاريندا يئرلشديرديگي خريته ده، يالنيز گونئي آذربايجانين دئييل، حتّی آذربايجان جمهوريسي نين دا اراضيسي نين بؤيوک بير بؤلومو “کوردوستان” خريته سينه داخيل ائديليب. نه اولسون ! ملا عمي! دفعه لرله موراجيعت ائتسک ده، آذربايجان دياسپوراسي نين بئله خيردا-خيردا ايشلرله مشغول اولماغا واختي يوخدور. اونلارين داها واجيب ايشلري وار، مثلن : |
نه قدر يازيرساندا بو دؤنيا دؤزلمير کي دؤزلمير!
“جليل ممدقولوزاده“
دياسپوراميزين فعاليتي
سالام ملا عمي! سن همشريلري ان چوخ باکي-دا، بير ده تبريز-ده ملا نصرالدين قزئتيني چيخاراندا و خياباني هرکاتي زاماني گؤرموسن. ايندي او واختدان يوز ايل کئچير. سنين اروپادا ياشايان چاغداش و مودئرن همشريلردن خبرين يوخدور. بيلميرسن، بيزيم دياسپورا بورادا نه قييامت ائدير. ائله بير ايشلر گؤرورلر کي، هئچ باشقالاري نين ميثال اوچون فارسلارين و ائرمنيلرين عاغلينا بئله گلمز.
مثلن، فارسلارين اليندن گلن اودور کي، گونده بئش اون کيتاب يازيب سوئد کيتابخانالارين اؤز کيتابلاري ايله دولدورسونلار، آما بيزيم يازديغيميز کيتابلاري کيتابخانالارا بوراخماسينلار. بلي، گوناه اونلاردادير. يوخسا، ايندي ايسوئچ کيتابخانالاري بيزيم کيتابلارلا دا دولموشدو. سوروشاجاقسان نئجه يني بيزيم کيتابلاري کيتابخانالارا بوراخماسينلار ؟بای بک
بلي ، ملا عمي! بوردا دا گوناه فارسلاردادير. نئجه ليگيني سونرا دئيرم. ان واجيبي اؤز دياسپوراميزين فعاليتيندن يازماقدير.
ائرمنيلرده لاپ چاشيب، سوئد تئلئويزييا کاناللاريندا سندلي فيلم گؤستريرلر کي، گويا شوشا ائرمني شهريدير. باخ بئله آخماق-آخماق ايشلرله مشغولدورلار. نه اولسون !
ائرمنيلرين فعاليتي نتيجه سينده سوئد خاريجي ايشلر نازيرليگي نين رسمي سايتيندا داغليق قاراباغين مرکزي کيمي هله ده ستئپاناکئرت گؤستريلير. نه اولسون !
کوردلرين سوئد درسليک کيتابلاريندا يئرلشديرديگي خريته ده، يالنيز گونئي آذربايجانين دئييل، حتّی آذربايجان جمهوريسي نين دا اراضيسي نين بؤيوک بير بؤلومو “کوردوستان” خريته سينه داخيل ائديليب. نه اولسون !
ملا عمي! دفعه لرله موراجيعت ائتسک ده، آذربايجان دياسپوراسي نين بئله خيردا-خيردا ايشلرله مشغول اولماغا واختي يوخدور. اونلارين داها واجيب ايشلري وار، مثلن : بيرسوئدلي و بير آلمان وطنداشيندان کاغيذلار آلديم. کاغيذلارين مضمونو تخمينن عئيني اولدوغو اوچون، يالنيز سوئدلي نين کاغيذي هاقدا يازيرام.بای بک
يازيردي کي، اولن خواهيش ائديرم سندن باشقا هئچ کيم بو مکتوبو اوخوماسين. ثانيا مومکون اولسا بيز يازيق سوئدليلره کؤمک ائت.
او سؤزونه دوام ائده رک يازير:
بيز ۵۰ نفره ياخين سوئدليگيک. بير ايداره ده ايشله ييريک. ايداره نين ريسي غئيرتلي، قوچاق و جسور بير آذربايجانليدير. او هر گون سحر ايش ساعاتي باشلاماميش بيزيم هاميميزي سيرايا دوزور و آذربايجان ديلينده وطنپرور شعرلر اوخوتدورور. بونون اوچون بيز ايشه بير ساعات تئز گئتمه يه مجبوروق و اوسته ليک شعرلري اوخوماغا ديليميز ياتمير، چتينليک چکيريک.
مندن کؤمک ايسته ين سوئدلي يازيق، رئيسي نين آديني يازماقدان قورخسا دا، من او ريسي و اونون کيمي بئله وطنپرور ايشلرله مشغول اولان باشقا آذربايجانلي رئيسلرين چوخونو تانيييرام.
ملا عمي! سيز ده تانيماق ايسته سنيز، بويورون تشريف گتيرين باکي-دا کئچيريلن رسمي و غئيري رسمي گؤروشلره و اورادا خاريجده فعاليت گؤسترن آذربايجان دياسپوراسي نين نوماينده لري نين چيخيشلاريني دينلگين.
اورادا بئله سؤزلري چوخ ائشيتمک اولار. اوندا گؤررسينيز کي، بو قوچاقلار، يالنيز بير ايداره ايشچيلريني دئييل، بلکه يئري گلسه بوتون اروپاني آياغا قالديراجاقلار. بونلار ياخشي بيليرلر کي، خالقي آياغا قالديرماق هر شئيدن واجيبدير، يوخسا فارسلار، ائرمنيلر و کوردلر کيمي کيتاب، خريته، فيلم و بئله آخماق ايشلرله مشغول اولماغا ديمز.
آما ملا عمي! منه مکتوب يازان سوئدلي نين خواهيشيني نظره آلاراق، او رئيسي تاپديم و دئديم کي، جاماعاتا زحمت وئرمه، شعرلري اوخوتماسان دا اولار. دئدي، يوخ اوخوماليديرلار. قوي بو سوئدليلر وطنپرورليگي بيزدن اؤيرنسينلر. ماشاللاه بئله فراسته.
سونرا، ملا عمي٫ سنين يازديغين عاغيل دوعاسيني آسديم رئيسين بوينوندان کي، گؤز ديمه سين.
۰۷/۰۷/۲۰۰۸
٫بير ميللتين سسي_ _ _ _ _ _ _
مربوط اُلان یازیلار
- ===> “دونيانين هاراسيندا بدبخت بير آدام گؤرسن بيل کي همشهريدير” (۴) - صمد نيکنام
- ===> “دونيانين هاراسيندا بدبخت بير آدام گؤرسن بيل کي همشهريدير” (۳) - صمد نيکنام
- ===> "دونيانين هاراسيندا بدبخت بير آدام گؤرسن بيل کي همشهريدير" (۲) - صمد نيکنام
- ===> "دونيانين هاراسيندا بدبخت بير آدام گؤرسن بيل کي همشهريدير" (۱) - صمد نيکنام
پایلاش | پرینت
بورا باغلي يازيلار:
- “دونيانين هاراسيندا بدبخت بير آدام گؤرسن بيل کي همشهريدير” (۱) - صمد نيکنام
- “دونيانين هاراسيندا بدبخت بير آدام گؤرسن بيل کي همشهريدير” (۲) - صمد نيکنام
- “دونيانين هاراسيندا بدبخت بير آدام گؤرسن بيل کي همشهريدير” (۳) - صمد نيکنام
- “دونيانين هاراسيندا بدبخت بير آدام گؤرسن بيل کي همشهريدير” (۴) - صمد نيکنام
- گونئي آذربايجاني ائلچي بئي سيندروموندان قوروياق - صمد نيکنام
- قارا اولدوز ! - صمد نيکنام
- آذربايجان و تورکيه (۱) - صمد نيکنام
- تورکيه و آذربايجان (۲) - صمد نيکنام
- قاراباغدا يول وئريلن سهولري باتی (غربی) آذربايجاندا تکرار ائتمک اولماز - صمد نيکنام
- آذربايجان فئدئراسيونو سوئد (آ.ف.ي)-نين باشقاني ديرلي ستار سئوگين-ه - صمد نيکنام
http://www.baybak.com
بای بک سایتیندان پرینت اولوب
http://www.11008.baybak.com/il_11008_say_408.azr
یازینین اینترنت آدرسی
گوروش کاپانیبدی