ياشاسين آذربايجان - Long live Azerbaijan

.

۳ ايل بوندان اؤنجه بايراغ مسئله سينه توخوناراق، اونون گله جکده سورون ياراداجاغينا و سؤاستيفاده چيلرين يارارلانماسينا دايير بيلگيلر وئرميشديم. ۲ ايل اؤنجه گوناز تي.وي-ده قوناغ اولان ماهمودعلي چؤهرقانلي بئيه سورموشدوم کي سيزين اؤنرديگينيز سيمبول ميدير يا کي ميللي بايراغ! جاواب بئله ايدي کي بو بايراغ بير اؤنريدير و ميللي بايراغ اولماسينا گونئي آذربايجانليلار قرار وئره جکلر! ۱ ايل بوندان اؤنجه دئديم کي ميللي فعاللار گرک توپلانيب و ميللي هرکاتيميزدا بير بايراغين اولماسينا و بايراغين نئجه اولماسينا قرار وئريب و ميلتيميزه سونسونلار.

---

۳ ايل بوندان اؤنجه بايراغ مسئله سينه توخوناراق، اونون گله جکده سورون ياراداجاغينا و سؤاستيفاده چيلرين يارارلانماسينا دايير بيلگيلر وئرميشديم.

۲ ايل اؤنجه گوناز تي.وي-ده قوناغ اولان ماهمودعلي چؤهرقانلي بئيه سورموشدوم کي سيزين اؤنرديگينيز سيمبول ميدير يا کي ميللي بايراغ! جاواب بئله ايدي کي بو بايراغ بير اؤنريدير و ميللي بايراغ اولماسينا گونئي آذربايجانليلار قرار وئره جکلر!

۱ ايل بوندان اؤنجه دئديم کي ميللي فعاللار گرک توپلانيب و ميللي هرکاتيميزدا بير بايراغين اولماسينا و بايراغين نئجه اولماسينا قرار وئريب و ميلتيميزه سونسونلار. اؤنرميشديم کي هر تشکيلاتدان نوماينده لر بير آرادا بو سورونو چيزمه ليديلر! ندن کي ايچريده سس آلماغ ايمکاني يوخدور، آما، ميللي فعاللارين بيرگه سؤزونو ميلتيميزين ردد ائتميجگينه اينانيرام دئميشديم.

۱ آيدير کي نئچه يئني ميللي بايراغ گونئي آذربايجانا آداي اولوبدور!

گاموح باشقاني او بايراغا تشکيلات بايراغي دئسه ده، امرينده اولمايان اؤز باشينا فردلر اونا قوتسال بير سابيقه ياراتماغا جهد گؤستريرلر!

کومونيستلر و خالق موجاهيدلري کيمين، بير کوتله يه گيره رک اوردا بايراغ قالديريب و اوردا اولان هرکسي گاموح-چو تانيتديرماغا چاليشيرلار! کوتله نين ميللي قورولتايدا ايشتيراکين موصاديره ائتمگه چاليشيرلار!

داها اؤنجه لرده آچيقلاديغيم کيمين، بئلنچي تشکيلاتلار کي بايراغ و لوگو-نون نه اولدوغون بيلميرلر، هر گون يئني بير اويونبازليغا ال آتيرلار!

شرفلي ميلت اؤز بايراغي آلتيندا ياشار دئين بو تشکيلاتلار، اؤز باشلارينا ميللي بايراغ ياراتيب و، اوتانمازجاسينا، او ميلتين وار اولدوغو بايراغي زيبيل يئرينه قويوب، او شرفلي دئديکلري ميلتي پارچالاماغا قالخيشيرلار!

بودا يئتمزميش کيمين، بير ميلتي ايکي ميلت اولاراق ثبت ائتمگه باشلاييبلار!

بونلارا ندنسه، ميللي فعال دئديگيميز شخصييتلرين باشي سويوغلوغو اولوبدور. اگر ميللي فعاللار زامانيندا بو اينحيرافين اؤنون آلسايديلار، ايندي هر کس اؤزونه پارچا بويامازدي، و هر کس اؤز پارچاسين ميللي بايراغ آدلانديرمازدي!

دونن اينانيلماز بير بيانات اوخودوم و قانيم داماريمدا دوندو! گاموح، اؤنجه ساده بير سيمبول، داها سونرا اؤنري اولان بير بايراغ و داها سونرا اؤز تشکيلاتلارينا اؤزل بير بايراغ آدلانديرديقلاري پارچاني، ميللي بايراغ آدلانديريب و اونا قوتلاما تؤره ني توتماغ اوچون، تقويمده اؤزل بير گون آييريبدير!*

آتالار دئميشکن، اؤلويه اوز وئرنده کفنين باتيرار!

گاموح-ا سورماغ لازيمدير کي سيز نئجه بوقدر آلچاغ بير اويون باشلاتيب و نئجه ميللي ضياليلارين نورمال ايسته کين هئچه ساييرسيز؟

بو نه تشکيلاتدير کي هر گون بير هاوايا اوينايير؟ بير گون ايرانچي، بير گون فئدئرالچي، بير گون کونفئدئرالچي، گئجه لر ايستيقلالچي و …

بو نه تشکيلاتدير کي هر يئتکيليسيندن ده ييشيک سؤزلر چيخير؟ بير گون بايراغ بيزيمدير، بير گون بايراغ سيزيندير، بير گون بيز دئمه ديک، بير گون هامي بيزيمدير و …

اؤزلرينه ميللي فعال عادي وئرن آذربايجانليلارا بيرداها سسله نيرم کي بو سورون بيزي ييپرانديراجاق قدر بؤيويوبدور. بو و بونا اوخشايان اليفبا سورونونا کسکين بير قرار وئريلمه ديگي سورجه، هر گون داها دا چوخ تديرگين اولوب و بير بيريميزدن بئزجاييق.

من ريجا ائديرم کي گاموح تشکيلاتي منيمسه مک عادتين بير کنارا آتسين، باشقا تشکيلاتلار کي عئيني سهوي ايشله مگه باشلاييبلار دايانسينلار و هاميليقجا توپلانيب بيرگه قرار وئرسينلر.

هامي بيلير کي تک به تک، هامي ميللي هرکاتيميزا يارديم ائديب. بيري آز و بيري چوخ چاليشيب، آنجاق، دوشونجه لرين بير يؤنده ايلرله مه سي اوچون، اؤنجه توپلومون وار اولدوغونا اينام يارانماليدير. توپلومون وار اولدوغونا هامي اينانيرسا، دئمک او توپلومدا هامي نين سچمک و سئچيلمک حاقي اولاجاقدير. گاموح يا باشقاسي بو حاقي اونلارين اؤيه سي اولمايانلاردان آلا بيلمز.

ميللي بايراغ وار، چوخونلوغوموز اينانيريق کي ميللي بايراغيميز ۹۰ ايلدن چوخدور کي اسمک ده دير. بير ايل، اون ايل يا يوز ايلده اسارتده قالساق، بير ميلتيک و بير بايراغيميز وار. سياسي و هوقوقي باخيمدان او ميللي بايراغي دالقالانديرا بيلمه سک ده، اونا اينانم و سئوگيميز سونسوزدور. هرکسين ده ييشيک تعريفلري اولا بيلير، آنجاق اونو تحميل ائتمکله ميللي هرکاتي ييپراتماغين هئچ ياراري اولا بيلمز.

بيري پاسدارليق هاواسيندا، فيليسطين عشقيله بير بايراغ ياراتير، بيريسه بايراغين ترکيبينه بير آغ چيزگي بوراخير، بيري قارالير، بيري بوزاردير و.س. بو ايشلر بيزي يانليش يولا چکمکده دير.

گئچن ايل يازديم کي بيزيم به ينمه ديگيميز کوردلرين بير بايراغي دالقالانماقدادير. اونلارا سياسي يا هوقوقي باخيمدان کيمسه اعتيراض ائتمير! عربلرين اونلارجا تشکيلاتلاري وار، آنجاق هاميسي بير بايراغ قالديريرلار! بيزسه، آديميزا دئموکرات و مدني قويوب، بير بايراغ خسته ليگينه علاج تاپا بيلميريک!

زامان الدن گئدير، هامي اويانماليدير.

بوندان سونرا گرکليدير کي تشکيلاتلاريميز اؤز تشکيلاتي لوگولارين داشيييب، ميللي بايراغدان واز گئچسينلر. تا او زامانا قدر کي هاميليقجا بير بايراغا قرار وئرمه ييبلر، باشقا پارچالاري داشيماقدان اوزاق گزمه ليديلر.

واحيد آذربايجان ياراتماغ اوچون واحيد دوشونجه لازيمدير. بو دوشونجه ني ياراتماغ و اينکيشاف ائتديرمک اوچون چئشيتلي تشکيلاتلار ياراتماغلا يوخ، کي دوزگون چاليشماغ لازيمدير.

بيزيم آذربايجانين تشکيلاتلاري بايراغ داعواسين کنارا بوراخيبدا، بونجا ايل نه لر ياپميشيق دئسه لر نه اولار؟

سون چاره ميز بايراغسيز ساواشماغ اولاجاقدير، ان آزيندان بيرلشميش آذربايجان رئال اولانا قدر

۰۵/۰۷/۲۰۰۸
کرويدون

* [1] www.gamoh.biz/…
[2] www.azr.baybak…

بو مقاله يه باغلي اولان يازيلاريم

٫بير ميللتين سسي
پایلاش | پرینت

---

بورا باغلي يازيلار:

• گونئي آذربايجاني “لاتينلشديرمه”نين ايکينجي پرده سي! تبريزلي باي بک
• ايري اوتوراغ، دوز دانیشاغ، گونئيده نه لر اولماليدير؟ - تبريزلي باي بک
• بایراق یا دیل الفباسی، هانچی سی داها اُنملیدیر؟ - تبريزلي باي بک
• يارالانماميش يئردن قان چيخارتماياق! - تبريزلي باي بک
• اوتوروب گؤزله مه يک، قاراباغ بيزيم قالاجاق دئيه ک - تبريزلي باي بک
• اکونومي کيريزي هاردان باشلاييب و هارا گئدير؟ - تبريزلي باي بک
• آذربايجاندا خاتمی سئونلره سورولور: “خاتمی ايکي دؤورده ده سئچکي گزيلريني ندن شيراز-دان باشلاييب؟” - تبريزلي باي بک
• “تبریزلی بای بک” ایمضاسی ایله آذربایجان میللی مسئله سی اوزره یازیلمیش دوشونجه لره باخیش - ایشیق سؤنمز
• وقتي شوونيستها قات ميزنند! اشتباه فجيع فارسهاي دو آتشه در خصوص دو تشکل آذربايجاني و تلاش آنها براي سؤ استفاده - تبريزلي باي بک
• شوونيسم فارس در سازمان ميراث فرهنگي و ادامه سياست کرد کردن آذربايجان! - تبريزلي باي بک

---

---

http://www.baybak.com بای بک سایتیندان پرینت اولوب
http://www.11008.baybak.com/il_11008_say_382.azr یازینین اینترنت آدرسی

azeribaybak[at]gmail.com

یازیده ایشه آلینان اینترنت آدرسلری
[1] www.gamoh.biz/…: http://www.gamoh.biz/habergoster.asp?id=749
[2] www.azr.baybak…: http://www.azr.baybak.com/il_2008_say_2649.azr
[3] www.baybak.com…: http://www.baybak.com/Baybak/?p=4625
[4] www.11007.bayb…: http://www.11007.baybak.com/1512.azr
[5] www.baybak.com…: http://www.baybak.com/Baybak/?p=4545
[6] www.baybak.com…: http://www.baybak.com/Baybak/?p=4138
[7] www.11007.bayb…: http://www.11007.baybak.com/1074.azr
[8] www.baybak.com…: http://www.baybak.com/Baybak/?p=3139
[9] www.baybak.com…: http://www.baybak.com/Baybak/?p=2817
[10] www.baybak.com…: http://www.baybak.com/Baybak/?p=2246
[11] www.baybak.com…: http://www.baybak.com/Baybak/?p=1568
[12] www.baybak.com…: http://www.baybak.com/Baybak/?p=1372
[13] www.baybak.com…: http://www.baybak.com/Baybak/?p=806
[14] www.azr.baybak…: http://www.azr.baybak.com/il_2007_say_1256.azr
[15] www.azr.baybak…: http://www.azr.baybak.com/il_2007_say_309.azr