گونئي آذربايجان دونيانين ديقتيندن کناردا قاليب - تبريز قوزئيلي
بای بک، آذربايجان | اُدگؤن, ۱۲-ي قوراپيشيرن , ۱۱۰۰۸ اینجی ایل, چولا ۰۵:۰۵ [گ.ؤ] | یازی و قوشوق
 |
. | ايستيقلالچيلار، فدرالچيلار و سولچولار ميلتيميز قارشيسيندا مسئوليت داشيديقلاريني درک ائتمه ليديرلر. اينترنت سايتلاريندا بير-بيريني آچيق و يا دولايي ايتتيهام ائدن بیلگیلر يئرلشديرمک عوضينه، ايراندا باش وئرن حاديثه لر حاقيندا داها چوخ معلوماتي دونيا گوندمينه چيخارماغا و گونئي آذربايجانين گله جگي، بؤلگه ده باش وئرن حاديثه لرين ميلتيميزين طالعيينه تاثيري باره ده موزاکيره لر آچيلماسينا چاليشماليديرلار. بو موزاکيره لر زاماني موختليف، ضيد فيکيرلرين اورتايا چيخماسي طبيعيدير. اساس ايسه اودور کي، بو موزاکيره لر گله جکده ميلتيميز، دؤولتچيليگيميز نامينه ان دوغرو قرارين وئريلمه سينه گتيريب چيخارسين. |
غرب و فارس رئژيمي آذربايجان تورکلريله باغلي معلوماتلارين مشهور ک.ي.و-لري نين گوندمينه چيخماسيندا ماراقلي دئييل.
آ.ب.ش پرئزيدئنتي جورج بوش-ون گلن ايل ژانویه نین ۲۰-سینه دک، يني وظيفه سيني نؤوبتي پرئزيدئنته تهويل وئرنه ده ک ايران-ا ضربه ائنديره جگي باره ده معلوماتلار ياييليب. بو پروسئسده اسرائیلين رولو، بيرلشميش شتاتلارين رهبرليگيندن تمسيل اولونان ” شاهينلرين ” مؤوقئيي، ايرانين ” شهاب ” راکئتلري نين اسرائیلين نووه اوبيئکتلرينه توشلانماسي، آ.ب.ش-اين ايصرارييلا ب.م.ت- نين ايران علئيه اينه تحریملار قبول ائتمه سي، اروپا بيرليگي نين بو تحریملره قوشولماسي حاقيندا بیلگیلر دؤوريييه ده دير. بیلگیلر بونونلا بيتمير.
جورج بوشون چاغيراشييلا آب.ش. کونقرئسي نين ايراندا کشفيات آپاريلماسي اوچون ۴۰۰ ميليون دولار آيريلماسينا ايجازه وئرمه سي، بيرلشميش شتاتلارين ترورچو پ.ک.ک-نين ايران قولو اولان پ.ژ.ا.ک-لا، سنی عربلرين تشکيلاتي اولان “جندالله ” لا، بلوجيستانين موستقيلليگيني ايسته ين قوووه لرله، بو ياخينلاردا بؤيوک بريتانيانين ترورچو تشکيلاتلار سيياهيسيندان چيخارديغي “مجاهدین خلق” (”خالقين موجاهيدلري”) تشکيلاتي ايله امکداشليغي، بيرلشميش شتاتلاردا ياشايان شووينيست پهلويلرين حرکته کئچمه سي حاقيندا معلوماتلار ياييليب. بيرلشميش شتاتلارين عراق اراضيسينده، ايران سرحدي بويونجا ۴ حربي بازا ياراتديغي باره ده بیلگیلار ياييلان عرفه ده ايران ايسه دوشمن عسگرلري اوچون قبير قازير، اينقيلاب کئشيکچيلري کورپوسونون باش کومانداني محمد علي جعفري بيلديرير کي، موحاريبه باشلاياجاغي تقديرده عرب کؤرفزيني باغلاياجاقلار، نئفت داشينماسينا انگل اولاجاقلار و س.
اگر ديقت يئتيريرسينيزسه، سادالاديغيميز، سادالايا بيلمه ديگيميز و داها چوخ مشهور ک.ي.و-لرين گوندمينه گلن بیلگیلاردا گونئي آذربايجان تورکلري نين، اونلارين تشکيلاتلاري نين، عوموميتله، ايراندا، اؤز تاريخي تورپاقلاريندا ياشايان تورکلردن صؤحبت گئتمير. بونون موختليف سببلري وار.
ان بيرينجيسي اودور کي، ايراندا تورکلرين بوتون تشکيلاتلاري اينسان هاقلاري، دئموکراتييا، ميللي هاقلاريميز اوغروندا دينج موباريزه آپارير و هر هانسي ترورو، راديکالليغي، قان تؤکولمه سيني ردد ائدير. اصلینه قالسا، بورادا بير اينجه مقام وار. ايراندا اهالي نين تن ياريسيني تشکيل ائدن تورکلر، سويداشلاريميز هر هانسي قانلي قارشيدورمادا (موهاريبه ده، تروردا و س.) ماراقلي دئييل.
فارس-موللا رئژيمي سويداشلاريميزين بوتون ميللي و اينساني هوقوقلاريني اليندن آلسا دا تورکلر 1925-اینجي ايلدک (روس و اينگيليسلرين الييله حاکيميته گلن رضا پهلوي نين شاهليغينادک) بيرمنالي شکيلده حاکيميتده اولدوقلاري بير اؤلکه نين-ايرانين طالعيي اوچون مسئوليت داشيديقلاريني درک ائديرلر. ايراندا سايجا اوستونلوک تشکيل ائدن 35 ميليون تورکون سرت، راديکال مؤوقع اورتايا قويماماسي نين بير سببيني يوخاريدا قئيد ائتديگيميز مسئوليت هيسه سينده آختارماق لازيمدير. عکسينه، ۱۹۲۵-اینجي ايلده روس و اينگيليسين الييله حاکيميتي اله کئچيرميش فارسلار فاکتيکي اولاراق اؤلکه نين، بؤلگه نين طالعيي اوچون مسئوليت هيسه سينه صاحيب اولماديقلاريندان اسرين اورتالاريندا قدر شاهليق رئژيمينه، ۱۹۷۹-اونجو ايلده ايسه تئوکراتيک ديکتاتورايا اوستونلوک وئريبلر.
دوز ۲۹ ايل اول فارسلارين دين شوعاعري آلتيندا حاکيميتلريني بير باشقا فورمادا مؤحکملنمه سينه دستک وئرن تورکلر ايسه يا محو اولونوبلار، يا دا حبسخانادا، ان ياخشي حالدا ائو دستاقليغيندا عؤمورلريني باشا ووروبلار. ايندي ده فارسلار (فارس يازاندا اصلینده ميلتي دئييل، ايرانين توتاليتار رئژيميني نظرده توتوروق) فاکتيکي اولاراق نه بوتؤولوکده ايران، نه ده بؤلگه اوچون ناراحاتديلار. اگر ناراحات اولسايديلار نهنگ تبيي و اينساني پوتئنسيالي اولان بير اؤلکه نين دونيايا اينتئقراسيياسينا (یاراشماق-یئرلشماق) جهد گؤستررديلر. بو فارسلارين ماراقلاري باخيميندان مومکون دئييل. ايرانين دئموکراتيکلشمه سي، دونيايا اينتئقراسيياسي ايستر-ايسته مز فارسين ساختاکارليغيني، دونيويليک و دئموکراتيک چوخلوق قارشيسيندا گوجسوزلوگونو اوزه چيخاراجاق.
ايراندا جمعي اوچ ميليون اولان کوردون اورتايا چيخارديغي پ.ژ.اک ترور تشکيلاتي نين آ.ب.ش-اين کشفيات اورقانلاري ايله علاقه دار اولدوغو خبر وئريلير. بئله گؤرونور کي، عراقدا اولدوغو کيمي ايراندا دا ترور آکسييالارينا ال آتان، آبش-اين بعضي دايره لري نين سيفاريشلريني يئرينه يئتيرن پ.ژ.ا.ک کيمي کورد ترور تشکيلاتلاري ايراندا داها چوخ پاي آلماغا چاليشيرلار. ديکتاتور فارس و ترورچو کورد (يئنه ده هر هانسي ائتنيک قروپو دئييل، تشکيلاتي نظرده توتوروق) سايجا آز اولدوغوندان، بيزيم بؤلگه لريميزه کؤچوب گلديکلريندن بو وطن اوچون مسئوليت داشيميرلار.
دوزدور، آ.ب.ش-اين تورکييه ده کي سفيرين روسس اويلسون بيانلاييب کي، پ.ژ.ا.ک-لا هئچ بير علاقه لري يوخدور و پ.ژ.ا.ک-اي ترور تشکيلاتي ساييرلار.
يئري گلميشکن، آ.ب.ش-اين، ب.م.ت- نين، آ.ب- نين ايرانا تحریملاري نين، تزييقلري نين آرتديغ بير زاماندا تورکييه نين ايرانلا ائنئرژي ساهه سينده موعين امکداشليغا گئتمه سي و آنکارا-تئهران علاقه لري نين نورمال وضعيتي ده تورکلرين بؤلگه اوچون مسئوليتي نين بير نومونه سيدير. آما مسئله بوندادير کي، عراقدا اولدوغو کيمي آ.ب.ش ايرانين گله جگيني يازاندا تورکييه يئنيدن کناردا قالا بيلر، عئيني زاماندا اوچ ميليون کورد ايراندا ۳۵ ميليون تورکدن اؤنملي رول اوينايا بيلر. بير سؤزله، غرب تورکلرين بؤلگه اوچون بؤيوک مسئوليت داشيماسي عاميليني اؤز ماراقلاري اوچون تهلوکه سايير. قربين منطيقييله ” بولانيق سودا باليق آسان توتولور ” .
ايکينجيسي ايسه هم فارس-موللا رئژيمي نين، هم ده آ.ب.ش-دا باشدا اولماقلا غربين ايراندا ياشايان تورکلرين نوفوز و حاکيميت صاحيبي اولماسيندان قورخماسيدير. آرتيق بير عصره ياخيندير کي، تورکلره اؤز ديلينده دانيشماغا، تحصيل آلماغا ايمکان وئرمه يه ن، زامان-زامان سويداشلاريميزي قيران فارس رئژيمي تورکلري اينگيليسدن، روسدان، آمريکاليدان، حتّی يهوديدن تهلوکه لي دوشمن سايير. آذربايجان تورکلري نين بؤيوک آذربايجانين کيچيک بير حيصه سينده اؤز موستقيل دؤولتيني-آذربايجان جمهوریسيني ياراتماسيني فارس رئژيمي سينيره بيلمير. روسييا، ائرمنيستانلا بيرليکده قاراباغين ايشغاليندا، خوجالي فاجيعه سينده، شوشانين ايشغاليندا فارس-مانقورت رئژيمي نين اويناديغي رول، ايشغال آلتينداکي تورپاقلاريميزين تالان اولونماسي، خزرين دورومو مسئله سينده ايرانين باشيميزا آچديغي اويونلار، گونئي آذربايجاندا سويداشلاريميزا قانلي رئپرئسسييالاري، قتلياملاري و س. مسئله لري اونوتماق مومکون دئييل.
فارسين تورکه قارشي بو دوشمنچيليگيني گؤروننده بعضي سويداشلاريميزين ايراني دارماداغين ائتمک ايسته ين آ.ب.ش-اي دستکله مسيني باشا دوشمک اولور.
غربين ايراندا نهنگ انرژي-سياسي ماراقلاري نين اولماسي فاکتدير. آما آ.ب.ش، آ.ب ايراندا ۳۵ ميليون تورکون حاکيميته نزارت ائتمه سيني غئيري-مومکون سايير. چونکي دونيايا اينتئقراسييا اولونان، بشري ديرلري يوکسک قييمتلنديرن، دئموکراتييايا اوستونلوک وئرن و دئموقرافيک ايمکانلاري، اينساني پوتئنسيالييلا اوستون اولان آذربايجان تورکلري بؤلگه نين طالعييني موعينلشديره بيلر. اونو دا نظره آلماق لازيمدير کي، حاضيردا ايران رهبرليگينده آذربايجانا خئيري-بحري اولمايان تورکلرين تمسيلچيليگي ده غربي دوشونمه يه (اسلينده شوبهلنمه يه) مجبور ائدير.
گله جکده ايرانين سياسي قورولوشو يئنيدن بيچيلنده آذربايجان تورکلري نين اؤنه چيخماسي پئرسپئکتيوي قربي ناراحات ائدير (غربين دئموکراتيک، دونيوي تورکييه يه موناسيبتي گؤز اؤنونده دير). بلکه ده محض بونا گؤره دير کي، يوخاريدا قئيد ائتديگيميز کيمي دونيانين ان مشهور کيو-لري گونئي آذربايجاندا باش وئرن اولايلاري، ايراندا تورک فاکتورونو، فارس-موللا رئژيمي نين سويداشلاريميزا قارشي رئپرئسسييالاري ديقتدن کناردا قويور.
بورادا گونئي آذربايجان تورکلري نين تشکيلاتلانماماسيني، اوزون ايللر دونيادا فارس کيمي تقديم اولونماسي نين دا موهوم رولونو وورغولاماق لازيمدير. خاريجده کي گونئيلي سويداشلاريميزين اکثريتي ايندي- ايندي فارس دئييل، تورک اولدوقلاريني باشا دوشمه يه باشلاييبلار.
اوچونجو ايسه اودور کي، دونيا فاکتيکي اولاراق، گونئي آذربايجاندا، او جومله دن ايراندا فعاليت گؤسترن تورک پارتييالاري، تشکيلاتلاري حاقيندا معلوماتسيزدير. داها دقيق دئسک، تئوکراتيک- ديکتاتورا رئژيمي ايراندا تورک سياسي تشکيلاتلاري نين فاليتي ساده جه اولاراق، قاداغاندير، مومکون دئييل.
بوتون حاللاردا گونئي آذربايجان تشکيلاتلاريني اوچ قروپا بؤلمک اولار. ايران رئژيمي نين موداخيله سي نتيجه سينده تشکيلاتلاريميزين گونئي آذربايجانين گله جک طالعيي، ميللي مسئله لرده واحيد مؤوقئيه گلمه مه سي ناراحاتچيليق دوغورور. فيکريميزجه، موختليف جريانلارا مخصوص سويداشلاريميزين موزاکيره سين قارشيدورماسي گونئي آذربايجان پروبلئميني دونيانين گوندمينه گتيريلمه سينه مانعچيليک يارادير.
ايستيقلالچيلار، فدرالچيلار و سولچولار ميلتيميز قارشيسيندا مسئوليت داشيديقلاريني درک ائتمه ليديرلر. اينترنت سايتلاريندا بير-بيريني آچيق و يا دولايي ايتتيهام ائدن بیلگیلر يئرلشديرمک عوضينه، ايراندا باش وئرن حاديثه لر حاقيندا داها چوخ معلوماتي دونيا گوندمينه چيخارماغا و گونئي آذربايجانين گله جگي، بؤلگه ده باش وئرن حاديثه لرين ميلتيميزين طالعيينه تاثيري باره ده موزاکيره لر آچيلماسينا چاليشماليديرلار. بو موزاکيره لر زاماني موختليف، ضيد فيکيرلرين اورتايا چيخماسي طبيعيدير. اساس ايسه اودور کي، بو موزاکيره لر گله جکده ميلتيميز، دؤولتچيليگيميز نامينه ان دوغرو قرارين وئريلمه سينه گتيريب چيخارسين.axcp
٫بير ميللتين سسي
پایلاش | پرینت
بورا باغلي يازيلار:
- حاکيميتين آ.خ.ج.پ-ني پارچالاماق اوچون يئني پلاني وار
- ايران رئژيمي آرازين ساهيلينده کوردلر اوچون شهر سالير
- مينسک قروپونون فعاليتي نتيجه وئرمير
- بوتؤو آذربايجان خالق جبهه سي پارتيسي نين سدري دنيز بايکال-ا مکتوب گؤندريب
- پ.ک.ک روسيه نين اينشاعات بازاريندا
- قارانليقدان گؤرونن ايشيق
- روسيه ايمپئريياسي پارچالانير
- دؤولت باخچالي: “ترورون بئيني بارزاني، يؤنتيمي قنديل، دستکچيسي سئپاراتچيلار، مئهمانداري آ.ک.پ-دير”
- موخاليفت بيرگه موقاويمت تشکيل ائتمک باره ده راضيليغا گليب
- روسيه گونئي آذربايجاندا حربي بازا قورور
http://www.baybak.com
بای بک سایتیندان پرینت اولوب
http://www.11008.baybak.com/il_11008_say_349.azr
یازینین اینترنت آدرسی
گوروش کاپانیبدی