پلانلي تخرييباتلارا تپکي، بير سويداش يازير: احمد اوبالي نين شرافتيني قوروما ميللي ويجدان مسئله سيدير
بای بک، آذربايجان | تُزگؤن, ۱۱-ي قوراپيشيرن , ۱۱۰۰۸ اینجی ایل, چولا ۲۲:۳۷ [آ.خ] | یازی و قوشوق
 |
. | ميللي هرکاتيميزا آيدينليق گتيرمک اوچون، گئچميشده ميلتيميزه خيانت ائديب، جاسوسلوقلا ياخود پول قازانماغ آماجييلا هرکاتا قوشولنلارين کيم اولدوغو بللي اولماليدير. بو ايشين سونوندا، هر تور داورانيش، دانيشيغ و چاليشماغ داها آنلاملي و داها گوجلو اولاجاقدير.
ميللي هرکاتيميزدا بوشونا تؤرنميش سورونلارين چؤزولمه ديگي آنا قدر، اينانيلماز اولايلارا شاهيد اولماق قاچينماز اولاجاقدير |
(ديققت: سون زامانلاردا تحميل اولونموش بايراغ، هرکاتي منيمسه مک و اينانيلماز شخصي پيسليکلرين ندنيله، بير سيرا يالان و تؤهمت اورتايا چيخيب. سون اولاراق، “آلما” قزئتينده يايينلانان بير مقاله دير کي اوندا احمد اوبالي اوچون آغير ايتتيهاملار وورولوب*. “آلما” قزئتي آذربايجانين ايکي تاييندا ايشه آلينان و ادبيات ساهه سينده قايناغ اولان بير دؤشرگه دير. آدي چکيلن مقاله نين او سيته ده ياييلماسي هر حالده اؤنملي بير اولايدير و گرکليدير کي مقاله ني يازان الينده اولان فاکتلارلا، ووردوغو ايتتيهاملاري سوبوتا يئتيرسين، ياخود يانليش ياپديغينا اعتيراف ائده رک ميللي ويجدان موحاکيميمه سينه چيخسين.
بو و بونا بنزر اولايلارين زامان زامان اورتايا چيخماسي نورمال آلينسادا، بيزيم ميللي هرکاتيميزا آغير ضربه لر وورماقدادير. بونلارا سون قويماغ اوچون، ايلک اولاراق ميللي مفکوره نين بير آن اول قرمزي سينيرلاري، هابئله بايراغ مسئله سي چؤزولمه ليدير. داها سونرا، هم گرچک فعاللار و همده اؤز باشينا اؤندر اولانلارين گئچميشي ايله ايلگيلي فاکتلي معلومات ياييلماليدير. بو بيلگيلري آلماغ اوچون، ان ساغلام يول فعاللارين اؤزلرينه موراجيعت ائتمکدير. بونا باخاراق، باي بک ميللي فعاللارين ساده بيوگرافيلارين (گيزلي سرويسلرين قوللانيلا بيلمه يه جگي شکيلد) يايينلاماغا حاضير اولدوغون بيلديرير.
ميللي هرکاتيميزا آيدينليق گتيرمک اوچون، گئچميشده ميلتيميزه خيانت ائديب، جاسوسلوقلا ياخود پول قازانماغ آماجييلا هرکاتا قوشولنلارين کيم اولدوغو بللي اولماليدير. بو ايشين سونوندا، هر تور داورانيش، دانيشيغ و چاليشماغ داها آنلاملي و داها گوجلو اولاجاقدير.
ميللي هرکاتيميزدا بوشونا تؤرنميش سورونلارين چؤزولمه ديگي آنا قدر، اينانيلماز اولايلارا شاهيد اولماق قاچينماز اولاجاقدير. باي بک)
احمد اوبالي نين شرافتيني قوروما ميللي ويجدان مثله سيدير - باغير افشار
۲۹-۰۶-۲۰۰۸ تاريخينده ، چوخ تاسوفلر اولسون کي “آلما” قزئتي ژورناليستيک ائتيکاسيندان کنار، هئچ بير سند الينده اولمادان ، ميللي چاليشقانلارين ايچينده گوونسيزليک ياراتماق نيتي ايله، آذربايجان ميللي آزادليق يولوندا تمناسيز چاليشان، ميللي هرکاتيميزدا اونودولماز رولو اولان، احمد بئي اوبالي-ني لکله له مه يه باشلاميش و اونو اطلاعات-چي کيمي قلمه آلميشدير.بای بک
سون زامانلاردا بعضي آذربايجان مدييا و ائلئکترون سيته لرينده، دوشمن سئوينديرن، آلچاق سوييه لي يازيلارا راست گلميشديک ، آما “آلما” قزئتينده درج اولان يازي حاقيقتن چوخلاريني شوکا سالدي.
متبع اورقانلاري نين چئشيتلي ايدئولوگييا، دونيا گؤروشونه ماليک اولماقلاري دوغال مسئله دير، هر کس آزادير کي اولايلاري اؤز دوشوندوگو کيمي آناليز ائتسين، اوبيئکتيولييه گلديکجه او ژورناليستيکدا پئرنسيب و شرافت اؤلچوسودور. کيمسه هئچ بير فاکت اورتادا اولمادان، کيمسه يه دامقا وورا بيلمز. تؤهمئت ووران محکم و قانونلا هيسابلاشماليدير.
احمد بئي اوبالي-يا قارشي باشلاميش تخريبات ، ماهيتجه ايران اطلاعات-نين دئسينفورماسيا (ضد اطلاعات) سيياستي کيمي ، ميلتيميزه قارشي اولان سيياستين يئني ترکيب حيصه سيدير.
بو آنتي-ميللي اويون تاماشاسيني آچانلار، آرخادا دوروب ژورناليستيک ائتيکاسيندان خبرسيز اولان، قلميني پول ايستيقامتلنديرميش آدامي اورتايا ساليللار. بونلار بيلمه ليديلر کي احمد اوبالي ميلت طرفيندن گؤردويو ايشلره گؤره، فارس شووونيستينه قارشي آپارديغي موجاديله سينه گؤره ، تک باشينا بوتون آذربايجانا گونش سالان گوناز-تي.وي يا گؤره آذربايجان ميللي هرکاتي ايچينده يوکسک سايگييا ماليکدير. اونو لکلنديرنلر ميلتيميزن ايچينده نيفرتدن باشقا قازانا بيلمزلر.
کيمسه اوبالي بئيله رقابت آپارماق ايسته ييرسه بويورسون مئيدانا، ايش گؤرسون، بيز ساغلام رقابتي آلقيشلاييريق، هئچ اولماسا گسينلر او گؤرن ايشلرين يوزده بيرني ائتسينلر. اؤلکه ديشينده آز سايلي، بللي چئوره نين شيزوفئرئن ليدئرجيکي و اونو ايداره ائدنلر سانيللار کي، احمد اوباليني تخريب ائتمکله بؤيوک سياسي سيما اولاجاقلار. بؤهتان و شر آتماق فاشيست، توتاليتئر رئژيملرين دييشيلمز عنعنه سي اولموشدور، هيتلئر و ايستالين اؤز موخاليفلريني ايلک اؤنجه عئيني مئتودلارلا حدله ميش و سونرا آرادان آپارميشلار، همان عنعنه بير کولتور اولاراق گونوموزه گدر ايران ايسلام حاکيمييتي نين سيياستينده دوام ائتمکده دير.بای بک
ايراندا فارس رئژيمي چوخ راحاتجاسينا ، هئچ بير فاکت اورتادا اولمادان اينسانلارا “جاسوس” دامقاسي ووروب و اونلاري مه ائدير. من حساب ائديرم کي سياسي و ميللي شرفي اولان هر آذربايجانلي ، توتاليتاريزم گلنغي اولان شخصييت تئرورونا قارشي دورماليدير. بو گون آذربايجاين گونئيينده دؤولتيميز ، ميللي گانون هوکومتيميز يوخور، گزاوتي ميلتين ويجدان محکمه سينه بيراخما مبورييتيندگيک. وطنيميز شيمالي حيصه سينده ايسه سويداشيميز اوبالييا بؤهتان آتانلار عدالتلي محکمه قارشيسيندا جاواد وئرمه لي اولاجاقلار. اونا گؤره ، من ايک اؤنجه اؤز آديمدان، سونرا ديگر سويداشلاريميزين طرفيندن، ” آلما ” قزتيني دوشمن يونوللو يازيسيني پيسله ييب، بو گزئتدن دوزه ليش گؤزله ييريک، اکس تقديرده ، مووافيق اورگانلارا موراجيعت ائده رک اؤز وطنداش بورجوموزو يئرينه يئتيره جگيک.
باغير افشار
۰۱/۰۷/۲۰۰۸
آلمان
* طلاعات-چي “ميللي فعال” اين بايراق اويدورماسي
احمد اوبالي آدلي شخص چؤهرقانلي-يا قارشي مرحوم ائلچي بئين آديندان ايستيفاده ائدير
سون واختلار بير چوخ اينتئرنئت فوروملاردا گونئي آذربايجان ميللي اويانيش هرکاتي نين ليدئري (گاموح) ليدئري ماهمودعلي چؤهرقانلي نين عونوانينا تنقيد و تهقيرلر ياغديريلماقدادير. بو کامپانييانين آرخاسيندا ايسه اصلا گونئيدن اولان، بير مودت گاموح سيرالاريندا اولدوغو و سونرادان پوزوجو عمللرينه گؤره قورومدان اوزاقلاشديريلديغي بيلديريلن احمد اوبالي آدلي شخص دايانير. ايراندا گونئي تورکلرينه قارشي رئپرئسسييا (باسقي) و زوراکيليغين گؤرونمه ميش سويييه يه چاتديغي بير واختدا اؤزونو محض “ميللي هرکاتچي” اعلان ائدنلرين گاموح-آ و اونون ليدئرينه قارشي کامپانييا آپارماسي تعجوب و تأسوف دوغورور.
احمد اوبالي کيمدير؟
دونن رئداکسيياميزا چؤهرقانلي-يا ائلئکترون ساواش اعلان ائدن احمد اوبالي آدلي شخصله باغلي بعضي بيلگيلر داخيل اولوب. همين بيلگيلرده احمد اوبالي نين “۳۰ ايله ياخيندير گونئي آذربايجاني ترک ائتديگي و ايران خوصوصي خيدمت اورقاني - اطلاعات-اين تاپشيريغي ايله ايران خاليق موجاهيدلري نين (مجاهدين خلق) سيرالارينا کئچديگي، بير نئچه ايل بو تشکيلاتدا چاليشديغي” دئييلير. ۱۹۹۵-اينجي ايلده - گونئيده ميللي هرکات يئنيدن ديرچلديکدن سونرا اطلاعات-اين احمد اوباليدان پوزوجو عمللري يئرينه يئتيرمک اوچون ايستيفاده ائديلديگيني بيلديرن منبع سونرادان اونون کانادادا گوناز تي.وي ياراداراق، بورادان فارس رئژيميني بير کنارا قويوب، گاموح و چؤهرقانليني آشاغيلاماق مقصدي ايله ايستيفاده ائتديگيني دئيير.بای بک
ميرماهمود ميرعليوغلو:
“ائلچي بئيله چؤهرقانليني اوز-اوزه قويانلار حرکتيندن اوتانسين”
ا.اوبالي نين چؤهرقانلي ايله باغلي سون ايديعاسي ايسه گاموح ليدئريني مرحوم ابوالفضل ائلچي بئيله اوز-اوزه قويماق نيتي داشييير. اوبالي ايديعا ائدير کي، ائلچيبي گونئي آذربايجان اوچون آيريجا بايراق حاضيرلاييب وصيت ائديب، آما اونون اؤلوموندن سونرا چؤهرقانلي ائلچي بئيه خيلاف چيخاراق، اورتايا باشقا بايراق آتيب. بو ايديعانين دوغرو اولوب-اولماديغينا امين اولماق اوچون مرحوم ميللي آزادليق هرکاتي ليدئري نين ياخين سيلاهداشلاريندان بيري، کلاسسيک آذربايجان خالق جبهه سي پارتيياسي نين سدري (ک.ا.خ.ج.پ) ميرماهمود ميرعليوغلو ايله علاقه ساخلاديق.
ميرماهمود بئي اؤنجه کيملرينسه گونئي آذربايجان مسئله سيني قارشيدورما اوبيئکتينه چئويرنلرين اولماسيندان تأسوفلنديگيني دئدي: “آذربايجانين بوتؤولوگو ايله باغلي کيمين هانسي گوجو وارسا، اونو اورتايا قويماليدير. بوردا کيملريسه قارشي-قارشييا قويماق اولماز. بير-بيري ايله هئچ واخت اوتوروب موعين بير مسئله ني موزاکيره ائتمه ين اينسانلارين اوز-اوزه قويولماسي ايسه هئچ بير منطيقه سيغمير. اوسته ليک، بو شخصلردن بيري بوتؤو آذربايجان مسئله سيني گوندمه گتيرميش شخصدير و دونياسيني ده ييشيب. ابوالفضل ائلچي بئي - ماهمودعلي چؤهرقانلي موناسيبتلري ميلتين بوتؤولشمه سي يؤنونده چابالاردان کنارا چيخماماليدير و بونا نايل اولماق ايسته ينلر حرکتلريندن اوتانماليدير”.بای بک
کونکرئت اولاراق، بايراق مسئله سينه گلينجه، ک.ا.خ.ج.پ سدري “سيز مني ياخشي تانيييرسيز، اگر بئله شئي اولسايدي يقين کي، ايندييه قدر موناسيبت بيلديررديم” دئمکله کيفايتلندي.
آقيل سمدبئيلي:
“چؤهرقانلي هله ابوالفضل بئي ساغ اولاندا اونون ليدئرليگيني بيرمعنالي قبول ائديب و بورادا باشقا هئچ نه صؤحبت مؤوزوسو اولا بيلمز”
ائلچي بئين کورکه ني، مرحوم ليدئرين اؤلوموندن سونرا بوتؤو آذربايجان بيرليگينه (ب.ا.ب) رهبرليک ائتميش آقيل سمدبئيلي ده بؤيوک بيله ماهمودعلي چؤهرقانلي آراسيندا هر هانسي ضيديتين اولماديغيني وورغولاماقلا ياناشي بيلديردي کي، بايراق مسئله سي ائلچي بئين اؤلوموندن سونرا گوندمه گليب: “ابوالفضل ائلچي بئين ساغليغيندا ماهمودعلي چؤهرقانلي اونون ليدئرليگي ايله باغلي بيرمعنالي فيکير سسلنديريب، اونو ليدئر کيمي قبول ائتديگيني دئييب، بورادا باشقا هئچ نه صؤحبت مؤوزوسو اولا بيلمز. هر ايکيسي نين بير-بيرينه قارشيليقلي سايغيسي اولوب. ائلچي بئي چؤهرقانلي نين سياسي فيقور کيمي تانينماسي ايستيقامتينده بؤيوک ايشلر گؤروب. عئيني زاماندا، بايراق مسئله سي ابوالفضل بئي ابديته قوووشاندان سونرا مئيدانا چيخيب. چؤهرقانلي آمريکايا گئتديکدن سونرا تشکيلاتي نين بايراغيني گونئي آذربايجانين بايراغي کيمي تقديم ائتمه يه باشلادي. بايراق مسئله سي ايله باغلي يارانان پروبلئم ابوالفضل ائلچي بئين اؤلوموندن سونرايا تسادوف ائديب. آما ابوالفضل بئي ساغليغيندا بايراق مسئله سينه توخونارکن بيلديريب کي، گونئيده باشقا بايراق اولماياجاق، موستقيل آذربايجانين بايراغي گونئي آذربايجانين دا بايراغي اولماليدير. ائلچي بئي بو فيکيرلريني “بوتؤو آذربايجان يولوندا” کيتابيندا دا سسلنديريب”.
آقيل بئي ايسته نيلن حالدا رحمتليک ائلچيبيله گاموح ليدئريني اوز-اوزه قويانلارين حرکتي نين باشادوشولن اولماديغيني و بئله لري نين هله ده وار اولماسيندان تأسوفلنديگيني دئدي.
ناطيق موختارلي
* [1] almaqezeti.com…
٫بير ميللتين سسي
پایلاش | پرینت
بورا باغلي يازيلار:
- گلین بو داشی اته یینیزدن تؤکون! “میللی سیمگه اونریسی یا میللی سیمگه ***” یازیسینا تنقید - آیتان ار اوغلو
- ايرانلي آژانس يازير: موغام موسيقيسي ايران موسيقيسيدير، باکي موسيقيچيلريده ائله بئله دئيير!
- تاثير متفاوت استفاده از کلمات قوم و ملت براي آذربايجان از زبان اشخاص مختلف! - تبريزلي باي بک
- مرگ فعال با سابقه تبریزی در بازداشتگاه اطلاعات تبریز احتمالا با شوک الکتریکی بوده است
- شماره هفتم نشریه توپراق منتشر شد
- گونئي آذربايجان-دا فؤوقلاده وضعيت
- فارس ایستعماری نین ایسلام چتری آلتیندا رجز اوخوما حئکایه سی - ایشیق سؤنمز
- فيکير موباحيثه سي و شخصيت ترورو - عليرضا اردبيلي (باي بک آچيقلاماسي ايله بيرليکده ياييليب)
- “آزاد تريبون” سيته سي نين مسئولو ايديعا ائتديگي ژورناليسمين ائتيکاسنا صاديق قالا بيلمه دي!
- “جنبش آذربایجان برای دمکراسی و یکپارچگی ایران” آدلی محفل آذربایجان میللی منافعینه خیدمت ائدن بیر قوروپ اولابیلرمی؟ - ایشیق سؤنمز
http://www.baybak.com
بای بک سایتیندان پرینت اولوب
http://www.11008.baybak.com/il_11008_say_346.azr
یازینین اینترنت آدرسی
یازیده ایشه آلینان اینترنت آدرسلری
[1] almaqezeti.com…: http://almaqezeti.com/?mod=view&id=3104
گوروش کاپانیبدی