ياشاسين آذربايجان - Long live Azerbaijan

.

ايلک باشدا حؤرمتلي بؤيوک بئيه (بؤيوک رسولوغلو) ميللي موبريزه ميز يولوندا، حياتي بويو چکديگي زحمتلر و آپارديغي موباريزه يه گؤره کوميته ميز آديندان جان ساغليغي و اوزون عؤمور آرزولاييرام. کوميته نين يارانماسيندا بو گونه قدر شؤوئنيزمين خبر بايکوتو قارشيسيندا خالقيميزين قوربان وئرديکلري، مهبوسلاري و ايشکنجه يه معروض موباريز اينسانلارين هاقلاريني قوروماق اوغروندا کوميته آدينا ۵۰۰-ه ياخين مکتوبلا کامپانييا آپارميشدير. بو واسيطه ايله دونياداکي قوروملارا موراجيعتي ايله و باشقا گونئي آذربايجان اينسان هاقلاري قوروملاري ايله ياناشي گونئي آذربايجان ميللي حرکتيني بلگلنديرمه ده چوخ ده يرلي ايش آپارماغينا اينانيرام.

---

---

ده يرلي وطنداشلار؛
سالام و سايغيدان سونرا،

ايلک باشدا حؤرمتلي بؤيوک بئيه (بؤيوک رسولوغلو) ميللي موبريزه ميز يولوندا، حياتي بويو چکديگي زحمتلر و آپارديغي موباريزه يه گؤره کوميته ميز آديندان جان ساغليغي و اوزون عؤمور آرزولاييرام. کوميته نين يارانماسيندا بو گونه قدر شؤوئنيزمين خبر بايکوتو قارشيسيندا خالقيميزين قوربان وئرديکلري، مهبوسلاري و ايشکنجه يه معروض موباريز اينسانلارين هاقلاريني قوروماق اوغروندا کوميته آدينا ۵۰۰-ه ياخين مکتوبلا کامپانييا آپارميشدير. بو واسيطه ايله دونياداکي قوروملارا موراجيعتي ايله و باشقا گونئي آذربايجان اينسان هاقلاري قوروملاري ايله ياناشي گونئي آذربايجان ميللي حرکتيني بلگلنديرمه ده چوخ ده يرلي ايش آپارماغينا اينانيرام.

خالقيميزين بئله فعاللاري نين اونودولماياجاغينا دا امينم. بو او دئمئک دئييل کي، بؤيوک بيين ايشي کوميته ميزده سونا چاتيب، اونون کؤمگي و يول گؤسترمه سي هر زامان گرکه جکدير. يالنيز بو بير ميللي وظيفه کيمي ديرلنديگينده، سيز ديرلي و خالقيميزين قايغيسيني چکن هموتنلرين يارديمينا ايناناراق ايندي بو وظيفه منيم عؤهده مه دوشور.

حؤرمتلي هموتنلر بيرليک ديريليک دئمکدير و بيلديگينيز کيمي وطنيميزده يئريديلن وحشي آپارتئيدين قارشيسيندا بيرليگيميز ان بؤيوک گوجوموزدور. بو قوتسال يولدا، ييلمادان يورولمادان ال-اله وئريب و تاپدانان هاقلاريميزي دونيايا چاتديرا بيلمک اوچون سيزينله ال سيخيشماغا حاضيرليغيمي بيلديريرم.

شاعيريميز سهند دئميشکن، اوميد بير قيغيلجيم بير قور اولسادا، تونقاللار يانديرار آلوولار قورار. يولوموزون دوغرو اولدوغونا اينانير و سيزينله ايشبيرليگيميزده باشاريلي اولاجاغيميزي اوميد ائديرم.

سونوندا سيز ديرلي دوستلارا ساغليق ديلگيله بو يولدا چکديغينيز و چکجگينيز زحمتلره گؤره يورولماياسينيز دئييرم و ايشلرين داها ياخشي ايره ليله مه سي اوچون، کوميته يه آييرديغيم، [1] elitaskent@yah… ميل آدرئسيم و يا [2] info@dunazhak…. آدرئسي ايله يازيلاشماغينيزي خواهيش ائليرم.

سايقيلاريملا؛
علي تاشکند

٫بير ميللتين سسي
پایلاش | پرینت

---

بعضی عکسلر خبره باغلی اولمایا بیلیر. لطفا دیقتتلی اولون

گوروش کاپانیبدی