“دونيانين هاراسيندا بدبخت بير آدام گؤرسن بيل کي همشهريدير” (۳) - صمد نيکنام
بای بک، آذربايجان | یئیگؤن, ۷-ي قوراپيشيرن , ۱۱۰۰۸ اینجی ایل, چولا ۱۵:۱۳ [آ.خ] | یازی و قوشوق
 |
. | بير گون گوناز تي.وي-ني ايزله ييرديم. همشري بير پروفسور دانيشيردي. همشري پروفسور فردووسي نين شاهنامه سي نين آناسين آغلاتدي و عئيني زاماندا دئدي کي، فارس ديلي يارامازدير. قايداسيزدير، بو ديلده چوخ آز فعل وار، آما تورک ديلينده ۲۲۰۰۰ فعل وار و دونيانين اوچونجو قايدالي ديليدير. پروفسور سونرا علاوه ائتدي کي، “من اؤز اؤولادلاريمي فرانسادان آپارديم…”.
ملا عمي٫ من دوشوندوم کي، پروفسور اؤولادلاريني فرانسه-دن تورکيه يه و يا آذربايجان جمهوريسينه آپاريب کي، بو قدر تعريفله ديگي تورک ديليني اؤيرتسين. آما گؤر نه اولدو. همشري پروفسور سؤزونه دوام ائده رک دئدي: -”من اؤولادلاريمي فرانسه دن کانادا-يا آپارديم کي، اورادا اينگيليس ديلين اؤيرنسين”. گؤردون ملا عمي٫ اينديکي همشريلر چوخ اينکيشاف ائتميشدير، اؤولادلارينا اؤز ديللريني يوخ بلکه، فيرنگ ديللريني اؤيرتمه يه اوستونلوک وئريرلر. ملا عمي٫ |
“دونيانين هاراسيندا بدبخت بير آدام گؤرسن بيل کي همشريدير”.
جليل مممدقولوزاده
ماشاللاه بئله فراسته
سالام ملا عمي! ائشيتديم مندن نيگاران قالميشسان. سني باشا دوشورم ، ملا عمي. ۱۰۰ ايل اؤنجه همشريلرين سنين باشيندا تورپ اکديگيني بيليرم. آما، مندن نيگاران قالما. اونا گؤره کي، اينديکي همشريلر ۱۰۰ ايل بوندان اؤنجه کي کيمي قزئت فيلان اوخومورلار. گله جک نسيلدن خياليم لاپ آرخاييندير. بو دا اونا گؤره کي، اينديکي همشريلر داها چوخ اينکيشاف ائديب و اوشاقلارينا اؤز ديليني اؤيرتمگي واجيب سايميرلار.
ميثال اوچون، بو سوئد-ده خئيلي همشري ياشايير. گئت سوئد کيتابخانالارينا ايسته نيلن ديلده اوشاق کيتابلاري و ادبياتي الده ائده بيلرسن. آما، همشريلرين ديلينده بير دنه ده اولسون کيتاب تاپيلماز. ياخشي، بو اوشاق بو ديلي هارادان اؤيرنسين؟
بو سوئد-ده دؤولتين حسابينا فارس، کورد، عرب، روس، چئچئن، بير سؤزله بوتون ديللرده آنا ديلي کورسلاري وار، همشري ديليندن باشقا. ياخشي، بو اوشاق اؤز ديليني هارادان اؤيرنسين؟
من اوشاقلاريميزين بو احواليني نظره آليب، سوئد ديليندن ايکي اوشاق کيتابي اؤز ديليميزه چئويرديم. همشريلر عالمينده اونلاري چاپ ائده بيلمه ديگيم اوچون، کيتابلاري بير فارس دوستوما وئرديم کي، اونلاري دا بيزيم بو کيتابسيز کؤرپه لر اوچون چاپ ائتسين. بيلميرم اودا باجاراجاق، يا يوخ.
ملا عمي٫ ايسته ييرسن همشريلرين اؤز ديلينه اولان سئوگي و محبتدن داها جانلي فاکت گؤستريم.
بير گون گوناز تي.وي-ني ايزله ييرديم. همشري بير پروفسور دانيشيردي. همشري پروفسور فردووسي نين شاهنامه سي نين آناسين آغلاتدي و عئيني زاماندا دئدي کي، فارس ديلي يارامازدير. قايداسيزدير، بو ديلده چوخ آز فعل وار، آما تورک ديلينده ۲۲۰۰۰ فعل وار و دونيانين اوچونجو قايدالي ديليدير. پروفسور سونرا علاوه ائتدي کي، “من اؤز اؤولادلاريمي فرانسادان آپارديم…”.
ملا عمي٫ من دوشوندوم کي، پروفسور اؤولادلاريني فرانسه-دن تورکيه يه و يا آذربايجان جمهوريسينه آپاريب کي، بو قدر تعريفله ديگي تورک ديليني اؤيرتسين. آما گؤر نه اولدو. همشري پروفسور سؤزونه دوام ائده رک دئدي: -”من اؤولادلاريمي فرانسه دن کانادا-يا آپارديم کي، اورادا اينگيليس ديلين اؤيرنسين”. گؤردون ملا عمي٫ اينديکي همشريلر چوخ اينکيشاف ائتميشدير، اؤولادلارينا اؤز ديللريني يوخ بلکه، فيرنگ ديللريني اؤيرتمه يه اوستونلوک وئريرلر. ملا عمي٫ سن اولسايدين يازاردين: “ماشاللاه بئله فراسته”.
۲۰/۰۶/۲۰۰۸
٫بير ميللتين سسي_ _ _ _ _ _ _
مربوط اُلان یازیلار
- ===> "دونيانين هاراسيندا بدبخت بير آدام گؤرسن بيل کي همشهريدير" (۲) - صمد نيکنام
- ===> "دونيانين هاراسيندا بدبخت بير آدام گؤرسن بيل کي همشهريدير" (۱) - صمد نيکنام
پایلاش | پرینت
بورا باغلي يازيلار:
- “دونيانين هاراسيندا بدبخت بير آدام گؤرسن بيل کي همشهريدير” (۱) - صمد نيکنام
- “دونيانين هاراسيندا بدبخت بير آدام گؤرسن بيل کي همشهريدير” (۲) - صمد نيکنام
- “دونيانين هاراسيندا بدبخت بير آدام گؤرسن بيل کي همشهريدير” (۴) - صمد نيکنام
- نه قدر يازيرساندا بو دؤنيا دؤزلمير کي دؤزلمير! (۵) - صمد نيکنام
- گونئي آذربايجاني ائلچي بئي سيندروموندان قوروياق - صمد نيکنام
- قارا اولدوز ! - صمد نيکنام
- آذربايجان و تورکيه (۱) - صمد نيکنام
- تورکيه و آذربايجان (۲) - صمد نيکنام
- قاراباغدا يول وئريلن سهولري باتی (غربی) آذربايجاندا تکرار ائتمک اولماز - صمد نيکنام
- آذربايجان فئدئراسيونو سوئد (آ.ف.ي)-نين باشقاني ديرلي ستار سئوگين-ه - صمد نيکنام
http://www.baybak.com
بای بک سایتیندان پرینت اولوب
http://www.11008.baybak.com/il_11008_say_316.azr
یازینین اینترنت آدرسی
گوروش کاپانیبدی