د.ا.ک آدينا ايديعاچيلار بين الخالق محکمه يه وئريلجک
بای بک، آذربايجان | اُرتاگؤن, ۶-ي قوراپيشيرن , ۱۱۰۰۸ اینجی ایل, چولا ۱۳:۲۱ [آ.خ] | ایچ ساولار
 |
. | سابير روستمخانلي: “ايران رئژيمينه خيدمت ائدنلر ايشيميزي گؤزدن سالماق ايسته ييرلر”.
دونيا آذربايجانليلاري کونقرئسي نين (د.ا.ک) همسدرلري سابير روستمخانلي و فريدون پرويزنيا دونن قوروم اطرافيندا سؤز-صؤحبتله باغلي متبوعات کونفرانسي کئچيرديلر. اولجه س.روستمخانلي بير نئچه هفته اؤنجه تشکيلاتين X قورولتايي نين يئکونلاري ايله باغلي متبوعات کونفرانسي کئچيرديگيني خاطيرلاتدي. “کونفرانسدا بيلديرميشديک کي، آلمان-ين کؤلن شهرينده تشکيلاتين X قورولتايي کئچيريليب |
سابير روستمخانلي: “ايران رئژيمينه خيدمت ائدنلر ايشيميزي گؤزدن سالماق ايسته ييرلر”.
دونيا آذربايجانليلاري کونقرئسي نين (د.ا.ک) همسدرلري سابير روستمخانلي و فريدون پرويزنيا دونن قوروم اطرافيندا سؤز-صؤحبتله باغلي متبوعات کونفرانسي کئچيرديلر. اولجه س.روستمخانلي بير نئچه هفته اؤنجه تشکيلاتين X قورولتايي نين يئکونلاري ايله باغلي متبوعات کونفرانسي کئچيرديگيني خاطيرلاتدي.
“کونفرانسدا بيلديرميشديک کي، آلمان-ين کؤلن شهرينده تشکيلاتين X قورولتايي کئچيريليب و ۱۴۸ نوماينده ايشتيراک ائديب. بو تشکيلاتدا آذربايجانين اروپا اؤلکه لرينده کي سفيرليکلري نين نوماينده لري، دؤولت قوروملاري تمسيل اولونوب. تام دئموکراتيک شکيلده قورولتايدا ايکي همسدر سئچيليب. بوندان باشقا، توپلانتيدا سسوئرمه يولو ايله نزارت-تفتيش کوميسسيياسي و ايداره هئيتي فورمالاشديريليب. قورولتايا چوخلو سايدا تانينميش قوناقلار قاتيليب. تورکييه نين ” سهوw ” تي.وي کانالي جانلي ياييم وئريب. بونونلا بئله بعضي آداملار د.ا.ک-اينقورولتاييني شوبهه آلتينا آلماق ايسته يير. اونلار بيزدن سونرا بئلژيک-ين بروکسل شهرينده ۳۵-۳۰ نفرين ايشتيراکي ايله توپلانتي کئچيريب و بو گون د.ا.ک-اين آدينا ايديعا ائدير” ،-دئيه س.روستمخانلي بيلديردي.
“د.ا.ک بيزيک و موللا رئژيمينه خيدمت ائدنلر بيزيم ايشيميزي گؤزدن سالماق ايسته يير” ، دئين س.روستمخانلي او آداملارين آذربايجان دياسپورونو ضعيفلتمه يه چاليشديقلاريني بيلديردي: ” آما بو مکرلي نيت باش توتماياجاق. د.ا.ک ايداره هئيتي نين عوضولري، نزارت-تفتيش کوميسسيياسي نين سدري بو گون متبوعات کونفرانسيندا ايشتيراک ائديبلر”.
قورومون گونئيدن اولان همسدري فريدون پرويزنيا ايسه د.ا.ک-اين آدينا ايديعا ائدنلرين آرزوسونون گؤزونده قالاجاغيني دئدي: “اونلار بيزيم يولوموزدا انگل اولا بيلمز. همين شخصلر بيزيم فيکيرلريميزي گونئي و قاراباغ مسئله لريندن يايينديرماق ايسته يير. بيزيم آماجيميز آذربايجانين بوتؤولوگونو تمين ائتمکدير. کيم بو نيتيميزي دستکله ييرسه، بيزيم دوستوموزدور. ياخين آيلاردا د.ا.ک آدينا ايديعا ائدنلري بين الخالق محکمه يه وئره جگيک. بو گون گونئيده ۳۵ ميليون سويداشيميزين هوقوقلاري تاپدانير. بو کيمي مسئله لري بين الخالق تشکيلاتلارين موزاکيره سينه چيخارماق ايسته ييريک. ايش او حدده چاتيب کي، موللا رئژيمي ۱۶ ياشلي تورک بالاسينا آزادليق شوعاعري سسلنديرديگي اوچون ۶ آي حبس وئريب”.
قورومون آذربايجان نوماينده ليگي نين رهبري ايسماييل آغايئو ايسه گؤروله جک ايشلردن دانيشدي. او، بابک-ين آد گونونون ياخينلاشديغيني و بو مقصدله نوماينده ليگين خيزي داغلارينا يوروش کئچيرمه يه حاضيرلاشديغيني دئدي.
د.ا.ک ايداره هئيتي نين عوضوو، پروفسور واقيف آرزومانلي قورومون X قورولتايي ايله باغلي کيتاب نشر ائتمگي مصلحت گؤردو. اونون فيکرينجه، بو آدديم د.ا.ک آدينا ايديعا ائدنلره توتارلي جاواب اولا بيلر.
سوندا بروکسل توپلانتيسي نين تانينماماسي باره ده بيانات وئريلدي. س.روستمخانلي بيلديردي کي، بو گون آذربايجاندا اؤز قوهوم-اقرباسيني باشينا ييغيب پارتييا يارادانلار وار: “د.ا.ک-اين بروکسل قورولتايي دا محض بو پارتييالاري خاطيرلادير”.musavat
٫بير ميللتين سسي
پایلاش | پرینت
بورا باغلي يازيلار:
- آذربايجان-لي مجلس وکیلی ايقدير-دا فاحشه ساخلايير
- پ.ک.ک ايران-تورکييه گاز کمريني پارتلاتدي
- “قيرميزي کؤرپو” ده گلمه کورد-لرله داعوا دوشدو
- ارمنيستان جومهورباشخاني موحاريبه باشلاياجاغيندان دانيشدي، اوزمانلار دوشمنين تهديديني تصادوفي سايميرلار
- باکي-دا ايشلميش آمريکا جاسوسو پ.ک.ک-چي چيخدي
- طاليبوو-لارين پ.ک.ک-چي اورتاغي حبس ائديلدي
- واسيف طاليبوو ايران-دا تورپاق ساحه سي آلدي
- ولي کيچيک پاشا آتش پوسکوردو: “بو ايديعانامه يوخ، ايفتيرانامه دير”
- تورکيه نين ارمنستان-لا هاوا سرحديني آچديغي خبري ياييلدي
- تورکيه-ده “ائرگئنئکون” ايشينده سورپريز حاديثه
http://www.baybak.com
بای بک سایتیندان پرینت اولوب
http://www.11008.baybak.com/il_11008_say_309.azr
یازینین اینترنت آدرسی
گوروش کاپانیبدی