“دونيانين هاراسيندا بدبخت بير آدام گؤرسن بيل کي همشهريدير” (۲) - صمد نيکنام
بای بک، آذربايجان | تُزگؤن, ۴-ي قوراپيشيرن , ۱۱۰۰۸ اینجی ایل, چولا ۲۲:۴۸ [آ.خ] | یازی و قوشوق
 |
. | بيز بيرلشن دئييليک
سالام ملا عمي ! سن بيزي هريفلييه بيلمزسن. سن بيزيم بو همشريلري بيرلييه چاغيرماقلا آلدادا بيلمزسن. ۱۰۰ ايلدير بير-بيريميزه کيشي کيمي سؤز وئرميشيک بيرلشميه جگيک. اسرين اوللرينده همشريلري بيرلييه چاغيريرسينيز. قزئت قالمادي کي همشريلرين بيرلشمه سيندن يازماسين. احمد بئي “ارشاد-دا” بيزي اله ساليب دئدي کي، “همشريلر قزئت اوخومور، بوتون ايران عالمينده بير دنه گونده ليک روزنامه يوخدور”. “اتحاد” ، “آچيق سؤز”، الغرض بيزيم حاليميزا هاميدان چوخ يانان باخ ائله بو ملانصرالدين ايدي. داها نه لر يازمادينيز. |
“دونيانين هاراسيندا بدبخت بير آدام گؤرسن بيل کي همشريدير”.
جليل مممدقولوزاده
بيز بيرلشن دئييليک
سالام ملا عمي ! سن بيزي هريفلييه بيلمزسن. سن بيزيم بو همشريلري بيرلييه چاغيرماقلا آلدادا بيلمزسن. ۱۰۰ ايلدير بير-بيريميزه کيشي کيمي سؤز وئرميشيک بيرلشميه جگيک. اسرين اوللرينده همشريلري بيرلييه چاغيريرسينيز. قزئت قالمادي کي همشريلرين بيرلشمه سيندن يازماسين. احمد بئي “ارشاد-دا” بيزي اله ساليب دئدي کي، “همشريلر قزئت اوخومور، بوتون ايران عالمينده بير دنه گونده ليک روزنامه يوخدور”. “اتحاد” ، “آچيق سؤز”، الغرض بيزيم حاليميزا هاميدان چوخ يانان باخ ائله بو ملانصرالدين ايدي. داها نه لر يازمادينيز.
سيز يازدينيز همشريلر ده سيزين سؤزونوزه باخيب گئتدي بيرلشدي، يعني “عدالت پارتيياسيني” قوردولار.
ملا عمي ! اؤزونده ياخشي بيليرسن، نه قدر کي، “عدالت پارتيياسي” قورولماميشدي، بيزه همشري دئسه لر ده، بيز هؤکومت آداملاري ايله جان دئييب جان ائشيديرديک. هامي بيزيم دوستوموز ايدي. “هوممت” دئييردي بيزيم طرفه کئچين، سوسياليستلر دئييردي بيزه سس وئرين، بولشئويکلر دئييردي سيز پرولئتارياتسينيز کئچين بيزيم جبهه يه، موساوات دئييردي قانيميز-جانيميز بيردير کئچين موساواتين طرفينه. خولاسه ، بيزيم اوستوموزده شيديرغي داعوا گئديردي. آما موللا ه مي، نئجه کي، سنين سؤزونه باخيب اؤز پارتيياميزي قوردوق و بيرلشديک، ائله باشيميزين بلاسي دا اوندا باشلاندي.
يئرلي پارتييالار و هؤکومت آداملاري گؤردولر کي، يوخ همشري داها آييليب، بيرلشير، هاقدان، هوقوقدان دانيشير.
ائله بو زامان يئرلي وارليلار و هؤکومت آداملاري قاباغيميزي کسيب دئديلر: نه ايسته ييرسينيز بيزدن، آرازي کئچيب دوه کيمي ديزينيزي قاتلايا-قاتلايا گليبسينيز، بلکه نئفتدن ده سيزه بير پاي آييراق. بئله گئتسه سيز يئرلي اهاليني ده يولدان چيخاراجاقسينيز ” .
هه موللا ه مي، ايش بو سؤزلرله بيتمه دي. ۱۹۱۸-اينجي ايل مارچ آييندا ايسماعيليييه بيناسيندا ميتينق چاغيرديلار. او ميتينقده دوننجن جاندان-قاندان دانيشان موساواتين رهبري، چيخيش ائده رک دئدي : “اير بورادا ياشايان ايرانليلار دوز دئييرلرسه، قوي ايرانا گئديب اورادا هؤکومتي اله آلسينلار”. بولشئويکلر ده عدالتين رهبري اسدوللا قاففارزاده ني “ايش” دالينجا گؤندريب اؤلدورتدولر. بونونلا دا، بيرلشميش همشريلرين قارا گونو، يني سورگونلر، زيندانلار و نهايت اعداملار باشلاندي.
ملا عمي٫ ايندي سن ده آشيميزا زهر قاتما. قوي اوتورموشوق. تشکيلات آدي ايله آلينان يارديملاري اؤزباشينا خرجله ييريک و کيمسه يه حسابات وئرميريک. ميتينق کئچيرمک و درنک قورماق آدي ايله بير نئچه مين دولار آليب خرجله ييريک، سفرلر، سياهتلر و سايرلر قوللوغوموزدادير. ملا عمي سنين سؤزونه باخساق ايت ده گئدر ايپ ده، هله اوسته ليک بيزه ده دئيرلر کي، الينيزدن بير ايش گليرسه گئدين اؤز باشينيزا چاره قيلين. بو سؤزو عصرين اولينده بير کره دئييبسه، اينديکيلر لاپ دريميزي سويار. من اونلاري قيناميرام ملا عمي٫ سيياست بئله ايجاب ائدير.
الغرض ملا عمي٫ ال چک ياخاميزدان ۱۰۰ ايلدير سؤز وئرميشيک، بيز بيرلشن دئييليک.
۲۳/۰۶/۲۰۰۸
٫بير ميللتين سسي_ _ _ _ _ _ _
مربوط اُلان یازیلار
پایلاش | پرینت
بورا باغلي يازيلار:
- “دونيانين هاراسيندا بدبخت بير آدام گؤرسن بيل کي همشهريدير” (۱) - صمد نيکنام
- “دونيانين هاراسيندا بدبخت بير آدام گؤرسن بيل کي همشهريدير” (۳) - صمد نيکنام
- “دونيانين هاراسيندا بدبخت بير آدام گؤرسن بيل کي همشهريدير” (۴) - صمد نيکنام
- نه قدر يازيرساندا بو دؤنيا دؤزلمير کي دؤزلمير! (۵) - صمد نيکنام
- گونئي آذربايجاني ائلچي بئي سيندروموندان قوروياق - صمد نيکنام
- قارا اولدوز ! - صمد نيکنام
- آذربايجان و تورکيه (۱) - صمد نيکنام
- تورکيه و آذربايجان (۲) - صمد نيکنام
- قاراباغدا يول وئريلن سهولري باتی (غربی) آذربايجاندا تکرار ائتمک اولماز - صمد نيکنام
- آذربايجان فئدئراسيونو سوئد (آ.ف.ي)-نين باشقاني ديرلي ستار سئوگين-ه - صمد نيکنام
http://www.baybak.com
بای بک سایتیندان پرینت اولوب
http://www.11008.baybak.com/il_11008_say_297.azr
یازینین اینترنت آدرسی
گوروش کاپانیبدی