گونئي آذربايجان ميللي – آزادليق حرکاتي ٫ سيويل بير موباريزه يولوندا ۵ - اولوس
بای بک، آذربايجان | یئیگؤن, ۳۱-ي قئزاران , ۱۱۰۰۸ اینجی ایل, چولا ۰۴:۲۹ [گ.ؤ] | یازی و قوشوق
 |
. | اگر حاکيميت ياخود دئولت جمعيتين ايداره اولونماسي يونونده چئشيدلي اوستروکتورلاري ياراديرسا ايجتيماعي نظارتين تامين ائديلمه سي اوچون جمعيت طرفينده ن نظارت مکانيزملري فورمالاشديريلير. بو ايسه زامان سيناغيندا شوعورلارين اينکيشافي و ده ييشمه سي ايله حياتا کئچيريله بيلر. ايران آدلانديريلميش اراضي مجموعه سينه حاکيم کسيلميش ايسلام حاکيميتي کيمي مووجود اولان ايداره چيليک سيستم لري اونجه قئيد ائتدي ييميز کيمي وطنداش جمعيتي آنلاييشي ايله تام معنادا ضدديت ده اولان کوتلوي جمعيت دوشونجه سينين ياييلماسينا خيدمت ائديرلر. کوتلوي جمعيت دوشونجه سي ايسه حاکيم لرين داها آيدينجا دئسک “سوپر اينسانلار” – ين منافعينين قورونماسينا خيدمت ائده رک دائيما وطنداش جمعيتي نين اينکيشافينين قارشي سيني آلماغا چاليشير. ميثال اوچون اوممت (امت) دوشونجه سي اساسيندا فورمالاشميش “بسيج” قووه لرينين اساس آماجي اينسانلارين حتتا خوصوصي حياتلرينين دائيما نظارتده ساخلانماسي دير. |
دموکراسي نين اوچونجو دالغاسي و گونئي آذربايجان ميللي حرکاتي
اوزمانلار طرفينده ن “وطنداش جمعيتي” آنلاييشي نين، سويوق موحاريبه ده ن سونرا گئنيش آلان دا ياييلديغي ايدديعا ائديلير، (چين ، مرکزي و شرقي آوروپا ، لاتين آمئريکا، قوزئي آتلانتيکا و سائير). آنجاق سويوق موحاريبه نين باشلانغيج نوقطه سي حساب ائديلن گونئي آذربايجان دا همين آنلاييشين اينکيشافي تدقيق ائديلمير. اصلينده بونون منطيقي سببلري ده مووجوددور. گونئي آذربايجان دونيا گوجلري آراسيندا مووجود اولان ضيدديتلي موباريزه لرين منطيقي نتيجه سي اولاراق، سون يوز ايلليک ده ايجتيماعي – سياسي بير واحيد کيمي تعريف ائديلمه ييب و ايران آدلانديريلميش سياسي – ايجتيماعي بير سيستمين ترکيب حيصصه سي کيمي تاني نيب.
محض همين نوقطه ي نظرده ن گونئي آذربايجانين ميللي موقددراتيني تعيين ائتمه حوقوقو اوغروندا موباريزه سي ني بعضي حاللاردا حاقسيز اولاراق سئپاراتيستيک ۱ بير حرکات کيمي وورغولاييرلار. خوصوصيله چئشيدلي دوشونجه سيستملري آلتيندا گيزله نيلن پارس راسيستلري همين حقيقي و حقوقي جهتجه تام آراشديريلماميش موباحيثه لره توخوناراق سون يوز ايلليک ده داوام ائده ن حاقسيزليقلارين آراشديريلماسي نين قارشي سيني آلماغا چاليشيرلار. ظننيميزجه ميللي دوشونجه لي اوزمانلاريميز دونيا دا قبول ائديلميش تئرمين و دوشونجه لر اساسيندا ميللي حرکاتيميزين و عوموميتله گونئي آذربايجانين چاغداش سياسي تاريخي ني، واحيد ايجتيماعي – سياسي بير سيستم کيمي، تام معناسي ايله علمي طرزلرده آراشديرماسيندا بورجلودورلار.
گونئي آذربايجان ميللي – دموکراتيک حرکاتي نين گئنيشلندي يي و بورادا جريان ائده ن گئنيش آلانلي ديناميک سيويل موباريزه ژئوپولوتيک نوقطه ي نظرده ن اهميتلي ساييلان گونئي آذربايجان حقيقتلري نين دوزگون تحليلي يونونده ال وئريشلي شرائيط ياراتميشدير. شرائيط ده ن دوزگون بهره لنمه مه مک ايسه ان نورمال حالدا غيري اوبيئکتيولي يين گوستره جي سي حساب ائديلمه لي دير.
اينسان جمعيتي اينکيشاف پروسئسي نين دوز خطلي اولماديغيني و اساسن دالغاواري (گئنيشلنمه و سيخلاشما ايله موشاييعت ائديلن) اولدوغونو نظره آلساق، ايسلام حاکيميتي ني شرق موطلقيتي ياخود توتاليتاريزمين تکراري کيمي قبول ائده بيلريک. ايسلامي حاکيميتي توتاليتار – ايدئولوژيک حاکيميت اولدوغو اوچون، “فرديت” و “فردي ماراقلار” کيمي آنلاييشلارا اهميت وئرمه ييب، جمعيتين ان کلاسيک و کوهنه لنميش مودئلي ساييلان “کوتلوي جمعيت” دوشونجه سينه (ميثال اوچون امت) اينانير.بای بک
بئله اولان حالدا فرديت و فردي ماراقلار ايدئولوژي دا عکسيني تاپميش ايدئآللار و مودئللره قوربان وئريلير. بئله بير حاکيميت ده فورم تاپميش دوولت و اونون استروکتورلاري ايسه فردلر مجموعه سي حساب ائديلن جمعيتين منافعينه خيدمت ائده بيلمز و طبيعي اولاراق ايدئولوژي حقيقتلرين ده ن اورتايا چيخان “خاص” – لارين منافعيني تامين ائدير. همين خاص لار ايسه “سوپر اينسان” حساب ائديلن “رهبر” ياخود “غيري عادي شخصيتلر”- ديرلر و ايداره چي لي يين بوتون مکانيزملري همين سوپر شخصيتلرين اللرينده جمعلشديريلير، سوپر شخصيتلر ايسه غيري عادي اينسانلار ساييلاراق اوزلريني جمعيته جوابده بير شخص کيمي تانيميرلار.
دموکراسي نظرييه چي لرينده ن ساييلان “سارتوري” – نين تعبيرينجه دئسک “توتاليتاريسم جمعيتي بوتوولوکله دوولتين نظارتي آلتينا گئچيرير، يعني اينسانين غيري سياسي حياتي بئله سياسي حاکيميتين نظارتي آلتينا آلينير”. دولت ياخود حاکيميت اوستروکتورلارين ايسه جمعيتي گوج منبعي حساب ائتمه ين سوپر شخصيت ساييلان فردلرين تابع لي يينده اولدوقدا (شرق موطلقيتي نه خاص) قئيد ائديلن لرين داها دا مورکبي ايلله قارشي لاشيريق.
باشقا بير يونده ن الوين تافلر و ساموئل هانتينگونون “اوچونجو دالغا” آدي ايله تانينميش نظرييه لريني تارتيشمادان، شرطي اولاراق موباحيثه سيز قبول ائتسک و ايسلام حاکيميتي نين وارليغيني همين دوشونجه يه اساسن تحليل ائتمه يه چاليشساق ماراقلي نتـيجه لري اورتايا چيخارميش اولارديق. هانتينگونون دموکراسي يا کئچيدين اوچونجو دالغا نظرييه سينده همين دالغانين آوروپا خوصوصيله اسپانييادا باشلانماسي، شرقي آوروپادا داواميتي و نهايت ساوئت ايتتيفاقي نين داغيلماسي ايله نتيجه لندي يي بيلينديريلير. تافلر ايسه وطنداش جمعيتي اوغروندا جريان ائده ن موباريزه نين اوچونجو دالغاسيندا سياسي پارتي يالارا ، مووجود سياسي چرچيوه لره قارشي اينام سيزليغي خاراکتريک جهت کيمي حساب ائدير.
قئيد ائديلنلري نظره آلساق، دموکراسي نين اوچونجو دالغا سي نين ۱۹۶۰ ياخود ۱۹۷۰–اينجي ايللرده ن باشلانماسيني و همين دالغانين ايران آدلانان اولکه يه قده ر چکيلدي ييني بيان ائده بيلريک آنجاق دالغاواري حرکتين منطيقي نتيجه سي اولاراق ايران آدلانان اولکه ده دموکراسي جهدلري نين قاييديش (سيخلاشما) پروسئسي ايله اوزلشدي يي و نتيجه اعتيباري ايله مودئرن دونيادا اورتا عصيرلره خاص اولان حاکيميت فورماسي نين ياراديلماسي ني ايدديعا ائده بيلريک.
تحليلي ميزده گونئي آذربايجاني اوزگولويو الينده ن آلينميش واحيد سياسي – ايجتيماعي بير سيستم کيمي قبول ائتسک و تاريخي - ايجتيماعي، سياسي، کولتوره ل و حتتا پسيخولوژي عاميللري نظره آلساق بورادا جريان ائده ن ميللي – آزادليق حرکاتي نين دونيا دموکراسي چابالاري نين ترکيب حيصصه سي کيمي باشا دوشرديک. داها جسارتله بيان ائتمک ايسته سک دونيا دموکراسي حرکاتي نين “اون جبهه سي” - نين اصلينده گونئي آذربايجان اولدوغونو بيان ائده بيلريک. سويوق موحاريبه نين باشلانغيج نوقطه سي نين گونئي آذربايجان اولدوغونو دا نظره آلساق (۱۹۴۵–اينجي ايل ميللي حوکومتين يارانيشي و سوقوطو) ايدديعا ائتدي ييميز “اون جبهه” دوشونجه سي نين نه قده ر ده دوزگون سسلندي ييني درک ائتميش اولارديق.بای بک
گونئي آذربايجان دا باشلانميش ميللي – آزادليق حرکاتي توتاليتاريستي دوشونجه منبعينه ياخين اولدوغو اوچون، تام معناسي ايله منطيقي و دوشونجه لي آپاريلمالي دير. توتاليتاريستي – ايدئولوژيک حاکيميتين کسکين داورانيشلاري و هئچ بير اينساني و سيويل ده يرلره اينانماسي بيان ائتدي ييميز دوشونجه نين اساس گوستريجي سي حساب ائديلير. ميللي – آزادليق حرکاتي ميزين قلبه سي ايسه بير باشا شرق موطلقيتي دوشونجه سينين اساس منبعينه سارسيديجي ضربه ائنديره رک بوتون دونيا يا اوز تاثيريني گوسته ره جک.
وطنداش جمعيتي نين اينکيشافي و ميللي حرکاتي ميز
وطنداش جمعيتي نين اساس آمالي دوولتين، اينسانلارين شخصي حياتينا موداخيله سيني ميني موما ائنديرمک، وطنداش لارين بوتون اينساني، ايجتيماعي و سياسي حوقوقلاري نين قورونماسي نين تاميني و ايداره ائتمه مکانيزيمي ساييلان حاکيميت اوستروکتولاري اوزه رينده ايجتيماعي نظارتين تطبيقي دير. وطنداش جمعيتي اصلينده دوولت و ايجتيماعي حياتين ديفئرئنسي ياسي کيمي باشا دوشولمه لي دير. ۲
اگر حاکيميت ياخود دئولت جمعيتين ايداره اولونماسي يونونده چئشيدلي اوستروکتورلاري ياراديرسا ايجتيماعي نظارتين تامين ائديلمه سي اوچون جمعيت طرفينده ن نظارت مکانيزملري فورمالاشديريلير. بو ايسه زامان سيناغيندا شوعورلارين اينکيشافي و ده ييشمه سي ايله حياتا کئچيريله بيلر. ايران آدلانديريلميش اراضي مجموعه سينه حاکيم کسيلميش ايسلام حاکيميتي کيمي مووجود اولان ايداره چيليک سيستم لري اونجه قئيد ائتدي ييميز کيمي وطنداش جمعيتي آنلاييشي ايله تام معنادا ضدديت ده اولان کوتلوي جمعيت دوشونجه سينين ياييلماسينا خيدمت ائديرلر. کوتلوي جمعيت دوشونجه سي ايسه حاکيم لرين داها آيدينجا دئسک “سوپر اينسانلار” – ين منافعينين قورونماسينا خيدمت ائده رک دائيما وطنداش جمعيتي نين اينکيشافينين قارشي سيني آلماغا چاليشير. ميثال اوچون اوممت (امت) دوشونجه سي اساسيندا فورمالاشميش “بسيج” قووه لرينين اساس آماجي اينسانلارين حتتا خوصوصي حياتلرينين دائيما نظارتده ساخلانماسي دير.
بئله اولان حالدا جمعيت چوخ سايلي جهدلرله ايجتيماعي نظارتين ياراديلماسي يونونده ايلک اولاراق، فردي شوعور و جمعي شوعورون اينکيشاف ائديلمه سينه و آردينجا کولتوره ل، ايجتيماعي، ايقتيصادي و حتتا سياسي قوروملاريني ياراتماسي ايله ايجتيماعي نظارت مکانيزمي ني فورمالاشديرماسينا چاليشير. همين قوروملار و تشکيلاتلارين اساس خاراکتئريک جهتي حاکيميتين بورادا موداخيله ائده بيلمه مه سي دير. وطنداش جمعيـتي اصلينده حاکيميتين الي چاتمايان بير مکان دير و بوردا اينسانلار بير – بيرلري ايله کونوللو، ديکته سيز علاقه ده بولونورلار. توتاليتار حاکيميتي ايسه قئيد ائتدي ييميز کيمي سياسي و حتتا گونده ليک و شخصي ايشلري ده اوز نظارتي آلتيندا ساخلاماغا چاليشير و عوموميتله وطنداش جمعيتي ني باجارديغي قده ر سيخيشديرماغا چاليشير.
گونئي آذربايجان ميللي – آزادليق حرکاتي نين زامان سيناغيندا اينکيشاف نئجه لي يينه اوتري بير باخيشدا حرکاتين ايلک اونجه فردي شوعورون و آردينجا جمعي دوشونجه نين فورمالاشماسي و اينکيشافي نا تام گوجونو صرف ائتدي يي نين شاهيدي اولوروق. شرق موطلقيتي نين حاکيم کسيلدي يي موحيطي و عوموميتله حاکيم دوشونجه ني تام معناسيله درک ائتميش ميللي آيدينلار ميللي موعاريفچي شخصيتلر کيمي جمعيتي تشکيل ائده ن فردلرين شوعورلاريني فورمالاشديريرلار و همين فردلر مجموعه سي نين بير باشا فعاليـتلري نتيجه سي کيمي عمومي شوعور فورمالاشيب گئنيشلنديريلير. يوز ايلليک بير زامان کسيمينده پهلوي لر و ايسلام حاکيميتي طرفينده ن تاثيرسيزلشديريلميش جمعيتين شوعوروندا باش وئره ن اينکيشاف آرتيق وطنداش جمعيتي نين بورادا فورمالاشماسينا شرائيط يارادير.
قئيد ائديلنلري نظره آلساق ميللي – آزادليق حرکاتي ميزدا ميللي دوشونجه نين فورمالاشما پروسئسي نين بير باشا وطنداش جمعيتي نين يارانماسي و اينکيشافي يونونده اولماسيني ايثبات ائتميش اولارديق. بو ايسه اوزلويونده ميللي – آزادليق حرکاتي ميزين ميللي – دموکراتيک بير حرکات اولدوغونو ايثبات ائدير. همين دوشونجه ني گئنيش معنادا بيان ائتمک ايسته سک ميللي حرکاتي ميزين اينکيشافي، وطنداش جمعيتي نين گونئي آذربايجان دا آلترناتيوي اولمايان بير حقيقت کيمي اورتايا چيخارتماسيني قبول ائتميش اولارديق.
ايسلام حاکيميتي توتاليتار - ايدئولوژيک بير حاکيميت اولاراق دفعه لرله قئيد ائتدي ييميز کيمي کيچيجيک بير ده ييشيکلي يه قارشي سرت داورانير. حاکيميت اوستروکتورونون اوزونه خاصليغي و ايداره چي ليک آنلاييشي نين بورادا باشقا آنلاملاردا سسلندي يي ني نظره آلساق همين سرت داورانيش سببلري ني درک ائتميش اولارديق. ميللي حرکاتي ميزين اساس دوشونجه لري حساب ائديلن دموکراسي و پلوراليسم ايله اونلارين اساس تامينات چي سي حساب ائديلن وطنداش جمعيتي نين فورمالاشماسي و اينکيشافي منطيقي اولاراق ايسلام حاکيميتين بير باشا گوجونون ضعيفلنمه سينه خيدمت ائدير. محض بو نوقطه ي نظرده ن گونئي آذربايجان دا وطنداش جمعيتي نين اينکيشافي دائيما حاکيميت طرفينده ن سرت داورانيشلارلا قارشي لاشير. قئيد ائتديکلري ميز اصلينده عياني صورتده حاکيميت طرفينده ن پلانلاشديريلان و حياتا کئچيريلن چوخ سايلي آنتي ميللي پروژه لرين يونونو تام معناسي ايله بيان ائدير.بای بک
سونلوق
گونئي آذربايجان ميللي – آزادليق حرکاتي، دموکراتيک بير حرکات اولاراق دونيا دموکراتي يا حرکاتي نين ترکيب حيصصه سي دير. چاغداش دونيا دا شرق موطلقيتي نين اساس بازاسي ياخود منبعي حساب ائديلن اراضي ده (ايران آدلانان اراضي مجموعه سي) بير باشا شرق موطلقيتي نه قارشي موباريزه ده بولونان گونئي آذربايجان ميللي – آزادليق حرکاتي اصلينده چاغداش دونيادا دموکراتي يا موباريزه سي نين اون جبهه سي حساب ائديلمه لي دير. سويوق موحاريبه نين باشلانغيج نوقطه سينده دموکراتي يا پروسسئسي نين حل اولونماسي طبيعي اولاراق دونيا دموکراتي يا حرکاتيندا تعيين ائديجي بير تاثيره ماليک دير.
ميللي آزادليق حرکاتي ميز قئيد ائديلن و بيان ائديلمه ين چوخ سايلي عاميل لره اساسن دموکراتيک بير حرکاتدير و دموکراتي يانين اساس ضمانتچي سي حساب ائديلن “وطنداش جمعيتي” – نين فورمالاشماسي و حقيقي معنادا اينکيشافيندا ماراقلي دير. ايسلام حاکيميتي ايسه “وطنداش جمعيتي” آنلاييشي ايله تام معناسيله ضدديت ده بولونان “کوتلوي جمعيت” دوشونجه سيني تبليغ ائدير. و حاکيميتن تهلوکه سيزليک قوروپلاشمالاري بير باشا “وطنداش جمعيتي” – نين محوينه و اينکيشافي نين قارشي سيني آلماغا چاليشيرلار.
ميللي – آزادليق حرکاتي ميز دموکراتيک بير حرکات کيمي چاغداش دوشونجه لر اساسيندا غيري زوراکي آدلانديريلان سيويل موباريزه مئتودولوژي سي ني موباريزه آلانين دا تطبيق ائدير. دونيا تجروبه سينده ن فرقلي اولاراق همين موباريزه مئتودولوگي ياسينين هر اوچ کاته قوري سي ( غيري زوراکي اعتيراضلار، امکداش سيزليق و سيويل موداخيله) بورادا پارالل (موازي) اولاراق تطبيق ائديلمکده دير. ميللي حرکاتين اينکيشافي نين منطيقي نتيجه سي اولاراق، ميللي آکتيويستلر حاضيرکي دوورده غيري زوراکي موباريزه نين سيويل موداخيله فورماسي نين داها دا گئنيش صورتده ايشله ديلمه سينده مارقلي ديرلار. حتتا کسکين موداخيله فورمالاري حساب ائديلن پارالل دوولت و دوولت اوستروکتورلاري ني ياراديلماسي حاقدا گئنيش صورتده موباحيثه لر جريان ائتمک ده دير. خوصوصي ايله ميللي حرکاتين سول قانادي ۳ طرفينده ن قئيد ائديلن سيويل موداخيله فورماسي نا جهدلر آتيلماق دادير.
حاکيميتين اوزونه خاصليغيندان دوغولان تهلوکه سيزليک سيستمي، اساسن موستقيل ساييلا بيلن ايکي پارالل سيستمده ن عيبارتدير. بير طرفده ن اوزون موددتلي و علمي اساسلارلا پلانلاشديريلميش پروژه لر اوزه رينده چاليشان و بير باشا دئولته باغلي اولان “تهلوکه سيزليک ناظيرلي يي” ديگر طرفده ن داها کلاسيک ساييلان و حربي چي دوشونجه لرينه اساسلاناراق آز زامان کسيمينده هدفه ياخينلاشماق مقصدينده بولونان، “تاخيره سايلينماز پروژه لر” اساسيندا چاليشان “اولکه تهلوکه سيزليک تشکيلاتي”. سون زامانلاردا موشاهيده ائديلن آچيق – آشکار جينايتلر و اوزون موددتلي کوتلوي حبسلر اصلينده “ايسلام اينقيلاب کئشيکچي لري” نظارتي آلتيندا اولان ” اولکه تهلوکه سيزليک تشکيلاتي” طرفينده ن حياتا کئچيريلير. بورادا اساس مقصد ميللي آکتيويستلرين فيزيکي محوي ياخود اوزون موددتلي حبسلرله اونلارين تجريد ائديلمه سي دير.
بو ايسه اصلينده بير طرفده ن ميللي فعاللارين سيرالاريني ياراديجي ميللي قووه لرده ن سئيره کلشديرمه يه، ديگر طرفده ن ياراديلميش پسيخي – سياسي شرائيطده “وطنداش جمعيـتي” – نين اينکيشافي ني انگل له مه يه يونه لير. آز زامان کسيمينده حياتا کئچيريلن همين پروژه لر اصلينده ” تهلوکه سيزليک ناظيرلي يي” طرفينده ن حاضيرلانميش و اوزون موددتلي زامان کسيمينه احتياجي اولان آنتي ميللي پروژه لرين حياتا کئچيريلمه سي اوچون شرائيط يارادير.بای بک
ميللي - آزادليق حرکاتي نين آکتيويست لري قئيد ائديلن حقيقتلري نظره آلاراق ديش دا دونيا ايجتيماعيتي ايله سيخ علاقه قورماغا و گوجلرين بيرلشمه سي يونونده عملي آدديملار آتماقداديرلار. دونيا سوييه سينده تانيلا بيلن غيري دئولت تشکيلاتلارين يارانماسي و ائففئکتيو فعاليـتلري و عوموميتله غيري دوولت تشکيلاتلاري نين فعاليت لرينين تنظيملنمه سينه آتيلان جهدلر قئيد ائتديکلريميزين عياني ثوبوتودور. ايچ ده ايسه سيويل موداخيله غيري زوراکي موباريزه نين چئشيدلي نووعلري آرتيق موباريزه مئتودلاري کيمي داها چوخ ايشله ديلمک ده دير.
۲- differential
۳- بورادا شرطي اولاراق حرکات داخيلي داها آکتيو موباريزه يه اوستونلوک وئره نلر نظرده توتولور و عنعنوي سول آنلاييشينا هئچ بير عائيداتي يوخدور.
۱. G. Sharp, Non- Violent Action, Boston, 1974
۲. Introduction to Non – Violence By T. Paullin, The Pasifist Reasearch, Ohiladelohia, Pennsylvanivania
۳. The Role of Non-Violent Action in the Downfall of Apartheid, S. Zunes, Department of Politics, University of San Francisco, San Francisco, USA
۴. Non-Violent Action: The Theory and Practice, Carter, April, London: Housmans, 1966
۵. Why Nonviolence? Introduction to Theory and Strategy, B. Irwin - G. Faison, edited by D. H. Albert , 1974
۶. The Technique of Nonviolent Action, Gene Sharp
۷. The Methods of Nonviolent Protest and Persuasion, Gene Sharp
۸. An Essay on the History of Civil Society, Adam Ferguson, L. L. D.
۹. The Politics of Nonviolent Action By Gene Sharp
۱۰. Civil Society and Social reconstruction, George F. Mc Lean
۱۱. Freedom, Cultural Traditions and Progress, Philosophy in Civil Society and Nation Building, Tashkent Lectures, 1999, by George F. McLean
۱۲. Gene Sharp’s Theory of Power, Review Essay, Journal of Peace Research, vol. 26, no. 2, 1989, pp. 213-22, Brian Martin
۱۳. Müstəqillik: İkinci Cəhd, Əbülfəz Elçibəy, Kələki, 1993
۱۴. Qeyri- Zoraki Mübarizənin Nəzəriyyəsi və Taktiksı, Niyazi Mehdi - Hikmət Hacizadə, Baki, 1998
۱۵. Avropa və Azerbaycanda Vəətəndaş Cəmiyyəti İdeyasının Müqayisəli TıhliliT Dilarə MüslümzadəT Fəlsəfə Elmləri NamizədiT baki
۱۶. Azərbaycanda Vətəndaş Cəmiyyəti: Xəyal və Düşüncələrdən Gerçəkliyə, Xalid NiyazovT Azərbaycan Qazeti
۱۷. Vətəndaş Cəmiyyəti: Miflər və Reallıq, Vladimir Litvin, Ukrayna Ali Radasının Sədri
۱۸. Vətəndaş Cəmiyyəti və Milli İdeologiya: Azərbaycanda Siyasi Prosesin Fəlsəfəsi. Məmmədzadə İ.R, Baki , 1995.
۱۹. مختصری دربارهی تطور جامعهی مدنی ، بستر تاریخی، اندیشهها و ارزشها، ب. بي نياز(داريوش) ، منبع سايت اخبار روز
۲۰. جامعه مدني و دشمنانش، فرشيد ياسائي
۲۱. جامعه مدنی و تئوری سیاسی - علی اعتمادی
۲۲. روز19 ارديبهشت، مجموعه مقالات و خاطرات، جنبش دانشجوئي آدربايجان، ارديبهشت ۱۳۸۶
۲۳. مقدمه ا ي کوتاه بر سازمان يابي حرکت ملي آذربايجان، اولوس، ۲۰۰۸
۲۴. چگونگي شکل گيري وزارت اطلاعات در گفتگو با سعيد حجاريان،
۲۵. درباره سازمان اطلاعات موازي، امضاء محفوظ، منبع سايت گويا
۲۶. کالبد شکافي وزارت اطلاعات جمهوري اسلامي، محسن سخن سنج، منبع سايت اخبار روز
۲۷. پاسخ دکتر محسن رضائي به نقدها درباره پيشنهاد تحول در دستگاه اطلاعاتي کشور در گفت و گو با بازتاب
۲۸. موج سوم، آلوين و هيدي تافلر. مترجم: شهيندخت خوارزمي، ناشر: انتشارات خوارزمي، ۱۳۶۷
۲۹. موج سوم دموکراسي در پايان سده بيستم، ساموئل هانتينگون، مترجم احمد شمسها، انتشارات روزنه، ۱۳۸۱
۳۰. جامعه مدني ، جامعه اخلاقي، عبدالکريم سروش، آفتاب شماره ۱۸، شهريور ۱۳۸۱
۳۱. جامعه سياسي – جامعه مدني و توسعه ملي، امير احمدي، انتشارات نقش و نگار.
٫بير ميللتين سسي_ _ _ _ _ _ _
مربوط اُلان یازیلار
- ===> گونئي آذربايجان ميللي – آزادليق حرکاتي ٫ سيويل بير موباريزه يولوندا ۴ - اولوس
- ===> گونئي آذربايجان ميللي – آزادليق حرکاتي ٫ سيويل بير موباريزه يولوندا ۳ - اولوس
- ===> گونئي آذربايجان ميللي – آزادليق حرکاتي ٫ سيويل بير موباريزه يولوندا ۲ - اولوس
- ===> گونئي آذربايجان ميللي – آزادليق حرکاتي ٫ سيويل بير موباريزه يولوندا ۱ - اولوس
پایلاش | پرینت
بورا باغلي يازيلار:
- گونئي آذربايجان ميللي – آزادليق حرکاتي ٫ سيويل بير موباريزه يولوندا ۱ - اولوس
- گونئي آذربايجان ميللي – آزادليق حرکاتي ٫ سيويل بير موباريزه يولوندا ۲ - اولوس
- گونئي آذربايجان ميللي – آزادليق حرکاتي ٫ سيويل بير موباريزه يولوندا ۳ - اولوس
- ميللي-آزادليق موباريزه ميز مودئرن ومدني خاراکترلي حساب ائديلير، آنجاق قانلي- قاداسيز ده دئييل…! بونو اونوتماياق…! - اولوس
- بير ميلتين ايکي بايراغي …! - اولوس
- گونئي آذربايجان ميللي – آزادليق حرکاتي ٫ سيويل بير موباريزه يولوندا ۴ - اولوس
- تخريب اکوسيستم آذربايجان: تالاب “تُزلي گؤل” (میقان) اراک در حال نابودي تدريجي!
- سياسي محبوسلاريميزا آزادليق…! (۲) - اولوس
- اي ارک تو را به نام آزادي… - اولوس
- نه ائتمه لي…؟!!! کيمسه جاواب وئره جک مي…؟!!! - اولوس
http://www.baybak.com
بای بک سایتیندان پرینت اولوب
http://www.11008.baybak.com/il_11008_say_260.azr
یازینین اینترنت آدرسی
گوروش کاپانیبدی