ياشاسين آذربايجان - Long live Azerbaijan

.

حياتا کئچيرديگي نووه پروقرامي و اورانين زنگينلشديريلمه سي ايله باغلي ايشلري دايانديرماق نيتينده اولمايان، بونا گؤره ده غربين تيجاري، ايقتيصادي، مالييه و سياسي سانکسييالاري نين سرتلشه جگيني بيلن رسمي تهران بو مينواللا اروپاداکي پوللاريني “دوندورولما” دان خيلاص ائتمک اوچون قاباقلاييجي آدديملار آتيب. چيخاريلان وسايتين بؤيوک قيسمي آسیا و آفريقانين کيچيک و اورتا بانکلارينداکي حسابلار آراسيندا پايلانيب، بير قيسمي قيزيلا دؤندريليب، بير قيسمي ده قييمتلي کاغيذ و ايستيقرازلارا ياتيريليب.

---

---

قوباد عيبادوغلو: “ايسته نيلن حالدا بو وسايتين اروپا-دان آسیا-يا دوغرو حرکت ائده جگينه شوبهم يوخدور”.

ايرانين اروپا بيرليگي اؤلکه لري نين بانکلارينداکي واليوتا آکتيولري نين اکثريتيني تشکيل ائدن ۷۵ ميليارد دولاري چيخاراراق موختليف دؤولتلرين بانکلارينا يئرلشديرمه سي ديقتي بو اؤلکه نين ايندن سونرا آتاجاغي آدديملارا يؤنلديب. خاطيرلاداق کي، بير قدر اول ايسوئچره (سوئیس) نين UBS و “Credit Suisse” ، آلمان نين “Deutsche Bank” و “Commerzbank” ، داها سونرا فرانسه نين “BNP Paribas” بانکلاري ايرانين ان بؤيوک “ملي” ، “ملت” و “صادرات” بانکلاري ايله بوتون عملياتلاري دايانديريب.

حياتا کئچيرديگي نووه پروقرامي و اورانين زنگينلشديريلمه سي ايله باغلي ايشلري دايانديرماق نيتينده اولمايان، بونا گؤره ده غربين تيجاري، ايقتيصادي، مالييه و سياسي سانکسييالاري نين سرتلشه جگيني بيلن رسمي تهران بو مينواللا اروپاداکي پوللاريني “دوندورولما” دان خيلاص ائتمک اوچون قاباقلاييجي آدديملار آتيب. چيخاريلان وسايتين بؤيوک قيسمي آسیا و آفريقانين کيچيک و اورتا بانکلارينداکي حسابلار آراسيندا پايلانيب، بير قيسمي قيزيلا دؤندريليب، بير قيسمي ده قييمتلي کاغيذ و ايستيقرازلارا ياتيريليب.

ايرانين بانک دايره لرينده کي منبعلرين “The Tehran Times” ، “همشهري” و “کيهان” قزئتلرينه وئرديگي آچيقلامالارا گؤره، اؤلکه پرئزيدئنتي محمود احمدي نژاد-ين گؤستريشي ايله اروپا بانکلاريندان چيخاريلان پوللارين آسیا و آفريقا اؤلکه لري ايله ياناشي، تورکيه، ياخين شرق و پوستسووئت (شوروی) مکاني اؤلکه لري نين بانکلارينا ياتيريلاجاغي گؤزله نيلير. “اساس ديقت ايرانا قونشو اؤلکه لره وئريله جک. روسيه، آذربايجان و تورکيه ايله باغلي واريانتلاري نظردن کئچيريريک” - دئيه ايرانين ان بؤيوک بانکلاريندان بيري اولان “صادرات” ده کي منبع “بازتاب”* آ بيلديريب.

آدي چکيلن دؤولتلرين دونيا مالييه-بانک سيستئمي ايله اينتئقراسيياسي گوجلو، غرب اؤلکه لري ايله مالييه تماسلاري ايسه سيخدير. ان باشليجاسي اودور کي، آذربايجان، روسیه و تورکييه آ.ب.ش و اروپا بيرليگي نين بوتون تزييقلرينه رغمن ايرانا قارشي ماليييه، تيجاري، ايقتيصادي و سياسي تحریملره قوشولماييب. ساده جه بير فاکت: ايرانين ان بؤيوک “بانک ملي” بانکي نين هر اوچ اؤلکه ده نوماينده ليکلري وار. بو باخيمدان آ.ب-دکي بانکلارين دئپوزيت حسابلاريندان چيخاريلان و يا قييمتلي کاغيذلارلا ايستيقرازلارا ياتيريلميش وسايتلرين ناغد پولا دؤندريلن حيصه سي نين بير قيسمي نين آذربايجانا دا گليشي مومکوندور. ايلکين حسابلامالارا گؤره، ايلين سونونادک ايرانين آذربايجانا يؤنلده جگي ماليييه آخيني نين حجمي ۳ ميليارد دولارا چاتا بيلر.

ايقتيصادچي-اؤزمان قوباد عيبادوغلو دئيير کي، بو، کيفايت قدر بؤيوک مبلغدير و آذربايجان بانکلاري نين بئله دئپوزيتلري قبول ائتمکده موعين چتينليکلري اولا بيلر: ” چونکي دئپوزيتلرين قبول ائديلمه سي اونلارين ايداره اولونماسي ايله باغلي طلب و عؤهده ليکلري آرتيرير. گومان ائديرم کي، بو، ساده جه، بير مئساژدير کي، آيري-آيري اؤلکه لر اروپا بانکلاري نين ايرانا قارشي سانکسييالارينا قوشولماسين. ايسته نيلن حالدا بو وسايتين اروپادان آسیايا دوغرو حرکت ائده جگينه شوبهه يوخدور. وسايتلر بؤلوشدورولوب آسیا اؤلکه لري نين ماليييه و بانک بازاريندا يئرلشديريله جک ” .

ايران ميللي بانکي نين آذربايجاندا چوخدان ايشله ديگيني دئين ايقتيصادچي بيلديردي کي، سؤزوگئدن قوروم موعين شبکه يه ماليکدير: ” بو بانک ايرانين ان بؤيوک بانکي حساب ائديلير. اولا بيلر کي، همين بانک آذربايجاندا فاليتيني گئنيشلنديرسين. يني اونون اؤز نيظامنامه کاپيتاليني آرتيرماسي، فعاليتيني گئنيشلنديرمه سي، بو بانکين واليوتاسي ايله همين وسايتلرين موعين ياتيريملارا يؤنلديلمه سي احتيمالي اولا بيلر. آما ۳ ميليارد دولار سويييه سينده وسايتين يؤنلديلمه سينه اينانميرام”.

ق.عيبادوغلو بيلديردي کي، بوتؤولوکده گؤتورنده ايران ميللي بانکي نين بيردن-بيره بؤيوک کاپيتاللا آذربايجان بانک بازاريندا ايشتيراک ائتمه سي هئچ اؤلکه اوچون ده او قدر آرزوولونان دئييل: “ايران ميللي بانکي وسايتلري داها چوخ موختليف اؤلکه لرده اولان فيلياللارينا کؤچوره جک. بو باخيمدان آذربايجانا دا وسايت گله بيلر. لاکين بو قدر بؤيوک وسايتين گله جگينه و ياخود بانکلاردا يئرلشديريله جگينه اينانميرام”.

اؤزمانين سؤزلرينه گؤره، قازاخيستان و روسیه ايله موقاييسه ده بو گون آذربايجان بانکلاري نين پوتئنسيالي او قدر ده يوکسک گؤرسنمير: ” سون ايللر آذربايجاندا بانک کاپيتالي داها دا گئنيشله نيب. بوتؤولوکده من آذربايجان بانک کاپيتالي نين بو کيمي بؤيوک مبلغلري قبول ائتمه سينه، او جومله دن يئرلشديرمه سينه حاضير اولدوغونو دئيه بيلمرم”.musavat

* بازتاب آژانسي باغلانيب آنجاق عيني سيستم تابناک آدينا چاليشير. (باي بک)

٫بير ميللتين سسي
پایلاش | پرینت

---

بعضی عکسلر خبره باغلی اولمایا بیلیر. لطفا دیقتتلی اولون

گوروش کاپانیبدی