“دونيانين هاراسيندا بدبخت بير آدام گؤرسن بيل کي همشهريدير” (۱) - صمد نيکنام
بای بک، آذربايجان | اُرتاگؤن, ۳۰-ي قئزاران , ۱۱۰۰۸ اینجی ایل, چولا ۱۸:۲۲ [آ.خ] | یازی و قوشوق
 |
. | موللا عمي! من همشريلردن سنه چوخ شيکايت ائتمک ايستميرم. سن اونلاري هاميدان ياخشي تانيييرسان. منيم بورجوم اودور کي، سه نين وصيتي نين بير پارچاسيني بير داها اونلارا خاطيرلادام. چونکي هاميسيني بيردن هضم ائتمزلر. عمل ائده جکلر يا يوخ، اونو دئيه بيلمرم، اؤزونوز بيلرسينيز. بويورون، بو دا موللانصرالدين همشريلره وصيتيندن کيچيک بير بؤلوم:
“اوٌلا، آي ايراني-ويرانين خاک پاکي نين يئتيم بالالاري همشريلر! اوٌلا، گرک بير-بيرينيزله ال-اله وئره سينيز، يعني ممدعلي گرک ياپيشسين حسن-ين اليندن، حسن کربلايي قاسيم-ين اليندن، کربلايي قاسيم – اوستا جعفر-ين اليندن، اوستا جعفر – مشهدي هاقوئردي نين اليندن. خولاسه، جمعي همشريلر گرک ياپيشسينلار بير-بيري نين اليندن، يعني بيرلشسينلر”! |
“دونيانين هاراسيندا بدبخت بير آدام گؤرسن بيل کي همشهريدير”
(جليل مممدقولوزاده)
(۱)
سالام موللا عمي
۱۹۰۷-اينجي ايل ژانويه نين ۱۹-او موللا نصرالدين ژورنالي نين ۳-اونجو ساييندا همشري (همشهري - باي بک)لرين سنه يازديغي کاغيذي، داها دوغروسو شيکايت مکتوبونو اوخودوم. اوسته ليک ، سنين اونلارا يازديغين جاوابي دا اوخودوم.
موللا عمي يازيرسان کي، “اوللر همشريلري تعزيه مجليسينه، يا غئيري مجليسلره قويماياندا، همشريلر چؤمبه لرديلر قاپي نين آستاناسيندا و دينمز-سؤيله مز اوتوروب باشلاريني سالارديلار آشاغي و اؤز-اؤزلرينه دئيرديلر :
- اللاه، شوکور اولسون درگاهينا”!
سونرا علاوه ائديرسن :
“من او وعده لر ائله بيلرديم کي، همشريلر قويون-قوزودورلار. آما، ايندي باکي-دا همشريلري تعزيه مجليسلرينه قويماياندا، گؤتوروب ملانصرالدين-ه شيکايت يازيرلار.
ائي منه کاغيذ يازان همشريلر، آچين قولاغينيزي و گؤرون سيزه نه دئييرم ! اگر ايسته ييرسينيز کي، سيزي ده آدام حساب ائديب مجليسلره قويسونلار، گرک منيم بير نئچه وصيتيمه عمل ائدسينيز ” .
هه، موللا عمي، ايندي وضعيت سن گؤرن دئييل. سنين زامانيندا همشريلري آدام يئرينه قويمايان، مسجيده و باشقا ايجتيماعي يئرلره بوراخمايانلار، ايندي همشريلري مسجيده ده بوراخيرلار، اوسته ليک اونلارلا بيرگه قورولتاي دا کئچيريرلر و همشريلره ائله گلير کي، آرتيق اونلاري آدام يئرينه قويورلار. يوخ موللا عمي، بو قورولتايلار و هاي-کويلر سني آلداتماسين. سئوينمه و فيکيرلشمه کي، همشريلر بيرلشيب و اؤز باشلارينا چاره قيلماق فيکرينده ديرلر. يوخ، موللا عمي بونلار ائله سنين “بدبخت” آدلانديرديغين “جيريق-ميريق” همشريلردير.
بيليرسن، موللا عمي! ايش اوندادير کي، بو همشريلر، سنين وصيتينه عمل ائتمير. يعني، سنين دئديگين کيمي بيرلشميرلر. کئچيرتديکلري قورولتايلاردا اؤز آرالاريندان بير آدام تاپيب اؤزلرينه باشچي سئچه بيلميرلر. اوسته ليک، سنين مصلحت گؤردويون ابراهيم بئيين “سياحتنامه”سيني ده اوخويان يوخدور. بوتؤولوکده، همشريلرين اوخوماقلا آراسي يوخدور. ائله، اونا گؤره ده قزئت چيخارتميرلار.
موللا عمي! من همشريلردن سنه چوخ شيکايت ائتمک ايستميرم. سن اونلاري هاميدان ياخشي تانيييرسان. منيم بورجوم اودور کي، سه نين وصيتي نين بير پارچاسيني بير داها اونلارا خاطيرلادام. چونکي هاميسيني بيردن هضم ائتمزلر. عمل ائده جکلر يا يوخ، اونو دئيه بيلمرم، اؤزونوز بيلرسينيز. بويورون، بو دا موللانصرالدين همشريلره وصيتيندن کيچيک بير بؤلوم:
“اوٌلا، آي ايراني-ويرانين خاک پاکي نين يئتيم بالالاري همشريلر! اوٌلا، گرک بير-بيرينيزله ال-اله وئره سينيز، يعني ممدعلي گرک ياپيشسين حسن-ين اليندن، حسن کربلايي قاسيم-ين اليندن، کربلايي قاسيم – اوستا جعفر-ين اليندن، اوستا جعفر – مشهدي هاقوئردي نين اليندن. خولاسه، جمعي همشريلر گرک ياپيشسينلار بير-بيري نين اليندن، يعني بيرلشسينلر”!
(مولانصرالدين ژورنالي ۱۹۰۷. ۳-اونجو ساي).
۱۸/۰۶/۲۰۰۸
٫بير ميللتين سسي
پایلاش | پرینت
بورا باغلي يازيلار:
- “دونيانين هاراسيندا بدبخت بير آدام گؤرسن بيل کي همشهريدير” (۲) - صمد نيکنام
- “دونيانين هاراسيندا بدبخت بير آدام گؤرسن بيل کي همشهريدير” (۳) - صمد نيکنام
- “دونيانين هاراسيندا بدبخت بير آدام گؤرسن بيل کي همشهريدير” (۴) - صمد نيکنام
- نه قدر يازيرساندا بو دؤنيا دؤزلمير کي دؤزلمير! (۵) - صمد نيکنام
- گونئي آذربايجاني ائلچي بئي سيندروموندان قوروياق - صمد نيکنام
- قارا اولدوز ! - صمد نيکنام
- آذربايجان و تورکيه (۱) - صمد نيکنام
- تورکيه و آذربايجان (۲) - صمد نيکنام
- قاراباغدا يول وئريلن سهولري باتی (غربی) آذربايجاندا تکرار ائتمک اولماز - صمد نيکنام
- آذربايجان فئدئراسيونو سوئد (آ.ف.ي)-نين باشقاني ديرلي ستار سئوگين-ه - صمد نيکنام
http://www.baybak.com
بای بک سایتیندان پرینت اولوب
http://www.11008.baybak.com/il_11008_say_254.azr
یازینین اینترنت آدرسی
گوروش کاپانیبدی