آنا ديلي گونو موناسيبتيله، فاخته زماني آمئريکانين سسي راديوسو-نون تي.وي پروقراميندا دانيشاجاق
بای بک، آذربايجان | اُرتاگؤن, ۱-ي بوز آی , ۱۱۰۰۸ اینجی ایل, چولا ۰۳:۴۰ [گ.ؤ] | ایچ ساولار, دئش ساولار
 |
. | بو پروقرامي ديقتله ايزله ييب و او پروقرامام قاتيلاراق، فارس ديلينده اولسا بيله، فاخته خانيمي يالنيز بوراخماماليييق. بلليدير کي فارسلار و اونلارا يارديم ائدن، سؤزده آمئريکا سسي راديوسو چاليشانلاري بو پروقرامي اؤز قازانجلارينا چئويرمک اوچون دايانمادان چاليشاجاقلار. پان-فارس اولان جناب پيمائي ايسه محض آذربايجاندان اولدوغونا گؤره، و قاتي فارسچي اولدوغونا گؤره، رسمن تورکلري يابانجي گؤسترمک اوچون چاغيريليبدير. ايکي طرفلي دئبات قوراللارينا اويولماياجاغي نين بللي اولدوغونا گؤره، تئلفونلا و يا ایميل واسيطه سيله پروقراما قاتيليب و مانقورتلاشميش آذربايجانليلارين فارسچيليق خسته ليگينه قارشي دورماق گرکلي اولاجاقدير. |
آلديغيميز خبرلره گؤره، آذربايجان سياسي مهبوسلاري قوروما کوميته سي و اينسان هاقلاري قورويان قوروم، آ.د.ا.ا.پ-اين سدري، خانيم فاخته زماني ۲۱ فوریه، دونيا آناديلي گونو موناسيبتيله آمئريکانين سسي راديوسو-نون فارسجا بؤلومونون “ميزگردي با شما” (سيزينله ده ييرمي ماسا) پروقرانينا قوناغ اولاجاق.
بيلديگينيز کيمي، هر ايل فوریه نین ۲۱-اي دونيا آناديلي گونو اولاراق قئيد اولونار. بمت و اونئسجو کيمي هؤرگوتلر بو گونه اؤنم وئريلمک چاغريشيندا اولسالاردا، بير چوخلو اؤلکه ، باشدا ايران کيمي ساختا اؤلکه اولماقلا بو چاغريشلارا ائتيناسيز قالاراق، ميلتلره قارشي يوروتدوکلري چيرکين سيياستلرينه داعوام وئريرلر.
باي بک آرتيرير کي ايران آدلانان اؤلکه ده آذربايجان تورکلري ائو صاحيبي اولمالارينا باخماياراق، ديل، کولتور، ايقتيصاد و سيياست کيمي اؤنملي ساهه لرده فارس آزينليغي نين تزييقي آلتيندا ساخلاديليرلار. بو ايل ۲۱ فوریه گونو موناسيبتيله کئچيريله جک اولان تؤرنلرين سايي چوخالاجاقدير. باي بک-ه گلن بيلگيلره گؤره، بو ايل اؤتن ايللردن فرقلي اولاراق، ميللي فاللار و تورک اؤيرنجيلري اؤز شهرلرينده و يا ياشاديقلاري يئرلرده تؤرن کئچيره جکلر. تؤرنلره رسمي ايجازه وئريلمه سه ده، چئشيتلي شکيلده ياپيلاجاق تؤرنلرين باش توتاجاغي گؤزله نيلير.
ياپيلاجاق اولان پروقرامدا، ايران آدلانان اؤلکه ني تمسيل ائده جک کيمي قاتيلاجاق اولان شخص، تبريز دوغوملوسو اولان، کاليفرنيا-دا ياشايان نادير پيماني ايشتيراک ائده جک. نادير پيمائي آريا ايرقينا اينانان، آذربايجاني فارس بيلن و تورکلري چين-دن گلمه اولان وحشي طايفالار تانييان شخصدير. او عربلر و تورکلره تهقير ائديب و اونلاري تميز ايرقدان اولمايان و گئري قالميش اينسانلار کيمي بيلر.
باي بک بيلديرير کي فارسچيلارين ايشقال ائتديگي آمئريکانين سسي راديوسونون فارسجا بؤلومونه دعوت ائديلن قوناغلار، يا فارسلاردان مودافيه ائتمه ليديرلر يادا فارسلارين طرفيندن آتشه توتولاراق سوسدورولماليديرلار. بيز اينانيريق کي خانيم زماني بو پروقراملار و اونلارين ماهييتيني بيلير و ائله اونا گؤره ده حاضيرليقلي و داياناجاقلي اولاجاقدير. فاخته خانيم-اين گئجه گوندوز چاليشمالاري سونوجو، اولوسلاراراسي بير چوخلو هؤرگوت آذربايجان و اؤزلليکله ده گونئي سورونلارييلا تانيش اولوبلار و چوخ زامان ايلگيلي آدديملار آتيبلار. باي بک آرتيرير لي خانيم زماني اؤز چاليشمالاري سونوجو، فارس مئديالاري و يا آمئريکا کيمي اؤلکه لردن فارس ديلينده ياييلان مئديالاري فتح ائديب و آذربايجان هاقلاريني، فارس عاصيميله سيياستي نين گرچک اوزونو، ايقتيصادي و اينساني هاقلارين ازيلمه سيني، آچيقجاسينا سرگيلييب و فارسلارين قارشيسينا چيخاريب.
بئله ديرلي چاليشمالارين داها گئنيشله نيب و گوجلنمه سي اوچون، آذربايجان ميللي فعاللاري بيرگه چاليشيب و فاخته زماني ايله ايش بيرليگي آپاريب، يا اونو دستکله مکله، فارس حاکيمييتيني آذربايجاندا يوروتدوگو چيرکين سيياستدن دولايي باسقي آلتينا سالماليديرلار.
بو پروقرامي ديقتله ايزله ييب و او پروقرامام قاتيلاراق، فارس ديلينده اولسا بيله، فاخته خانيمي يالنيز بوراخماماليييق. بلليدير کي فارسلار و اونلارا يارديم ائدن، سؤزده آمئريکا سسي راديوسو چاليشانلاري بو پروقرامي اؤز قازانجلارينا چئويرمک اوچون دايانمادان چاليشاجاقلار. پان-فارس اولان جناب پيمائي ايسه محض آذربايجاندان اولدوغونا گؤره، و قاتي فارسچي اولدوغونا گؤره، رسمن تورکلري يابانجي گؤسترمک اوچون چاغيريليبدير. ايکي طرفلي دئبات قوراللارينا اويولماياجاغي نين بللي اولدوغونا گؤره، تئلفونلا و يا ایميل واسيطه سيله پروقراما قاتيليب و مانقورتلاشميش آذربايجانليلارين فارسچيليق خسته ليگينه قارشي دورماق گرکلي اولاجاقدير.
پروقرام فارس ديلينده ياپيلاجاق، آنجاق اونون اؤزتي تورکجه يه چئوريليب و يايينلاناجاقدير.
چاغ: ۲۰/۰۲/۲۰۰۹ (۰۲/۱۲/۱۳۸۷ گ.ي)
چولا: ۲۱:۰۰ (تبريز واختي)
اينتئرنئتدن ايزله مک اوچون:
هيزي آز اولان اينتئرنئت باغلانتيسي اوچون، ۵۶ ک
[1] www.voanews.co…
هيزي چوخ اولان اينتئرنئت باغلانتيسه اوچون، ۲۵۶ ک
[2] www.voanews.co…
٫بير ميللتين سسي
پایلاش | پرینت
بورا باغلي يازيلار:
- ونکوورلي قادين ايران آذربايجانليلاري نين ايرقچيلييه معروض قالديقلاريني ايفشا ائدرک حياتي ايله ريسک ائدير
- مصاحبه سایت يوردنت با خانم فاخته زماني، دبير انجمن دفاع از زندانيان سياسي آذربایجانی (آداپ)
- فاخته زماني ايران آدلانان اؤلکه ده فارس و شيعه اولمايان ميلتلرين ازيلمه سيندن دانيشيب
- سخنرانی فاخته زمانی در نشست کمیسیون عالی حقوق بشر سازمان ملل متحد در خصوص مسائل اقلیتهای ملی٬ اتنیکی٬ مذهبی و زبانی
- فاخته زماني آمئريکانين سسي راديوسونون تي.وي پروقراميندا فارس شووونيستلرين قورخويا سالدي
- فاخته زماني ايله آذربايجان سسي راديوسو دانيشيغي (سس)
http://www.baybak.com
بای بک سایتیندان پرینت اولوب
http://www.11008.baybak.com/il_11008_say_2494.azr
یازینین اینترنت آدرسی
یازیده ایشه آلینان اینترنت آدرسلری
[1] www.voanews.co…: http://www.voanews.com/wm/live/live-persian-v.asx
[2] www.voanews.co…: http://www.voanews.com/wm/live/live-persian-vb.asx
گوروش کاپانیبدی