کرکوک-ده آغير فاجيعه : بؤلگه ده “جاسوس اويونو”مو گئدير؟
بای بک، آذربايجان | آراگؤن, ۲۴-ي آذر , ۱۱۰۰۸ اینجی ایل, چولا ۰۷:۲۵ [گ.ؤ] | ایچ ساولار
 |
. | همين رئستورانا عادتن کوردلر ييغيشيرميش. بو دفعه ايسه کورد و عربلرين کرکوکله باغلي اورتاق توپلانتيسي وارميش. پارتلاييش همين توپلانتي گئدن واخت باش وئريب. توپلانتيدا سيياستچيلر و حاکيميت آداملاري ايشتيراک ائديرميشلر کي، اونلار آراسيندا هلاک اولانلار چوخدور.
بو حاديثه نين سياسي نتيجه لري نين چوخ اولاجاغيندان احتياط ائديرلر. اصلینده بورادا اينجه مقاملار وار کي، اونلاري ديقتده ساخلاماق لازيم گلير. همين اينجه مقاملار سيراسيندا قوزئي ايراقين گله جگي ايله باغلي سواللار اساس يئر توتور. آمئريکانلارين بؤلگه دن چکيلمه سي ايله تهلوکه سيزليک مسئله سي آکتواللاشير. |
کرکوکده بؤلگه ني سيلکله ين قانلي حاديثه باش وئريب. شهرين کناريندا يئرلشن ” آبدوللاه رئست ” رئستورانيندا کاميکادزئ اؤزونو پارتلاديب. نتيجه ده ۶۰ اينسانين هلاک اولدوغو، ۱۰۰-ه ياخين دا آدامين يارالانديغي حاقيندا معلومات وئريبلر. ايراقين پرئزيدئنتي جلال طلباني درهال کرکوکه گئديب. او، يئرلي رسمي شخصلرله گؤروشوب. حاديثه دن سونرا تورکمنلر ناراحاتديرلار. اونلار ائولرينه چکيليبلر و کوچه لره چيخماغا احتياط ائديرلر. بو اولايين هانسي سببلردن تؤرنديگي باره ده ايسه معلومات وئريلمير.
همين رئستورانا عادتن کوردلر ييغيشيرميش. بو دفعه ايسه کورد و عربلرين کرکوکله باغلي اورتاق توپلانتيسي وارميش. پارتلاييش همين توپلانتي گئدن واخت باش وئريب. توپلانتيدا سيياستچيلر و حاکيميت آداملاري ايشتيراک ائديرميشلر کي، اونلار آراسيندا هلاک اولانلار چوخدور.
بو حاديثه نين سياسي نتيجه لري نين چوخ اولاجاغيندان احتياط ائديرلر. اصلینده بورادا اينجه مقاملار وار کي، اونلاري ديقتده ساخلاماق لازيم گلير. همين اينجه مقاملار سيراسيندا قوزئي ايراقين گله جگي ايله باغلي سواللار اساس يئر توتور. آمئريکانلارين بؤلگه دن چکيلمه سي ايله تهلوکه سيزليک مسئله سي آکتواللاشير. زاتن بو ضيديتين اساسي بير نئچه ايل اول، آمئريکانلارين عراقي ايشغال ائتمه سيندن باشلاييب. اوندا کوردلر کرکوکو ده اؤز اينزيباتي اراضيسينه قاتماق کيمي سرسم فيکره دوشموشدولر. اونلارين بو آدديمي آ.ب.ش-آ گوونمه لري ايله باغلي ايدي.
آنجاق تورکيه گوجونو گؤسترندن سونرا آ.ب.ش دا او جسارتده بولونا بيلمه دي. کوردلرين تورکيه ني قاريشديرماق پلانلاري ايسه بير-بيري نين آردينجا ايفلاسا اوغرادي. هر بير حالدا بونونلا بعضي مهدود دوشونجه لي آداملار خالقلاري بير-بيرينه قارشي قويماق کيمي تهلوکه لي اويونا گئتديلر. ايندي بو دورومدان دوشمنلر ايستيفاده ائده بيلرديلر. چوخ گومان کي، رئستورانداکي پارتلاييش دا بو مقصدله تؤره ديليب. طبيعي کي، ان آساني بو حاديثه ني تورکلرين اوستونه آتيب، بؤلگه ني قاريشديرماقدير. بو، کيملره صرف ائده بيلر؟
بو سواللا باغلي ايستانبولدا باش وئرن بير قتل حاقيندا دا دوشونمک گرکدير. کئچميش چئچئن سهرا کومانديري، جؤوهر دودايئوين سيلاهداشي ايسلام جانيبئکووو ايستانبولدا، ائوي نين قارشيسيندا قتله يئتيريبلر.
ايستانبول پليسي نين وئرديگي معلوماتا گؤره، قتلي تورکيه ده ايندييه قدر راستلانمايان گولوله لر واسيطه سي ايله حياتا کئچيريبلر. سيلاه ايسه ” ک.ق.ب ” - نين سياسي قتللرده ايستيفاده ائتديگي خوصوصي سيلاه اولوب. بونونلا اورتايا سوال چيخير – ياخين شرقده جاسوس ساواشيمي باشلاييب؟ او باخيمدان کرکوکده ده خالقلاري قارشي-قارشييا قويماق اوچون اينتيحار هوجومو اولماييب کي؟ چونکي حاديثه لرين منطيقي اولدوقجا دولاشيق مقاملارا گئديب چيخير. اورتادا ايسه بؤلگه خالقلاريني بير-بيرينه قارشي قويان حاديثه لر وار.
بو منطيقدن چيخيش ائتسک، بئله نتيجه آليريق کي، آمئريکانلارين ايقاردان گئتمه سيندن سونرا بؤلگه ني ضيديتلر ايچينده گؤرمک ايسته ينلر فاللاشيرلار. ماراقليدير کي، ايسرايلين پرئزيدئنتي ده ايراني حربي يوللا جزالانديرماق احتيياجي نين اورتادان قالخديغيني بيان ائديب. عوضينده بؤلگه اوچون داها تهلوکه لي اولان داخيلي ضيديتلر تاکتيکاسي نين علامتلري گؤرونور. اؤزو ده بو، پاکيستان و افقانيستاندان توتموش اورتا شرقه قدر اولان موسلمان اؤلکه لرينده موشاهيده ائديلير. بو فاکتين اوزرينده دوشونمک لازيم گلير.
قاييداق کرکوک مسئله سينه. اورادا ائله بير سويييه ده قان آخيديليب کي، صولحون يارانماسي چوخ چتين اولاجاق. ان تهلوکه ليسي ايسه اينسانلارين ائتنيک منسوبيته گؤره بير-بيرينه دوشمن کسيلمسي احتيمالي نين آرتماسي ايله علاقه ليدير.
اگر کوردلر، عربلر و تورکمنلر بير-بيري ايله ديل تاپماسا، اوزون مودته اورادا سابيتليگين اولماسيني گؤزله مه يه ديمز. افقانيستاندا اولدوغو کيمي، ناتو-نون دئوره ده اولماسي ايله تئررورون ميقياسي آزالماياجاق. گئتديکجه داها يوکسک سويييه ده تئررور اولايلاري باش وئره جک. بو دا عراقدا دورومو اولدوقجا چتين بير مجرايا يؤنلده بيلر. ايندي طلباني کرکوکده عربلره و تورکمنلره ايضاح ائتمه ليدير کي، کوردلره اوستونلوک وئرمه نين منطيقي نه يه باغليدير. يعني عراق رهبرليگي اؤز وطنداشلارينا قارشي سيياستيني دييشمه ليدير. صدام حسين-ي آيري-سئچکيليک ائتمکده گوناهلانديرانلارين اؤزلري نين باشقا بيچيمده آيري-سئچکيليک ائتمه سي قبولئديلمزدير.
بئله ليکله، کرکوکده اولايلار چيخيلمازا ديرندي. ايندي اوراني دا ايراقين تهلوکه سيز مکاني آدلانديرماق اولماز.
کوردلر تهلوکه سيزليگي تامين ائده بيلمه ديلر. بوندان سونرا نه لر اولا بيلر؟ عراقدا سابيتليگين تاميني اوچون عراقليلارين گوجو يئته جکمي؟ بو سواللارين جاوابي بيرمعنالي دئييل.
٫بير ميللتين سسي
پایلاش | پرینت
بورا باغلي يازيلار:
- کوردلر کرکوک-ي ايشقال ائدير، تورکيه، آمريکا و بؤيوک بريتانيا گؤز يومور!
- بي.بي.سي فارسي تاريخ کرکوک را موذيانه تحريف ميکند!
- کرکوک-ده بمب پارتلاییشی زامانی ایکی عراق-لی عسکر حیاتینی ایتیریب
- کرکوک مسئله سينده آنلاشما يوخدور
- باتي اؤلکه لري کرکوک اوچون يئني يوخو گؤروبلر!
- عراق سئچکيلرينده کرکوک-و کورد کيمي گؤسترمه چابالاري وار
- ب.م.ت-ده تمسيل اولونمايان ميلتلر و خالقلار تشکيلاتي کرکوک پروبلئمي حاقيندا کونفرانس کئچيريب
- بيانيه در واکنش به حوادث اخیر کرکوک
- کرکوک-ده قانلي پارتلاما، کوردلر اؤز آرالاريندا بومبالي سالديري دوزنلييرلر
- هیأت علمای عراق اشغال کرکوک (منطقه تورکمانها) توسط اکراد را غير قابل قبول ميداند
http://www.baybak.com
بای بک سایتیندان پرینت اولوب
http://www.11008.baybak.com/il_11008_say_2005.azr
یازینین اینترنت آدرسی
گوروش کاپانیبدی