دوروم ده يرلنديرمه سي: ايران عيرقچيليگينه قارشي گونئي آذربايجانين خرداد ۱۳۸۵ کوتله اعتيراضلاري نين ايکينجي ايلدؤنومو
بای بک، آذربايجان | تُزگؤن, ۲۱-ي قئزاران , ۱۱۰۰۸ اینجی ایل, چولا ۲۱:۰۰ [آ.خ] | ایچ ساولار
 |
. | بو اولايين آرخا-پلانينا ديقت لازيمدير کي، دينج-ايناملي گونئي آذربايجان ميلتي مي ۲۰۰۶ کوتله اعتيراضلاري نين ايکينجي ايلدؤنومون اوغروندا گئدن حاضيرليقلار ائديردي، لاکين ايران يئتگيليلري عينادلي حربي قوووه لر واسيطه سي و موستملکه چيليک احوال-روحيييه سي ايله آذربايجان فضاسيني دولدوردولار و گونئي آذربايجان ميلتي نين اينسان و ميللي هاقلاري نين تاپداديلار. بو قيسقي نين (Repression) دا باهاسي آغير اولدو و يوزلرجه فردلر و فاللار ايلدؤنومو گونلري عرضينده ياخالانديلار و آذربايجانين هم بؤلگه مرکزلري ساييلان اورمو، زنگان، اردبيل و تبريزده بو عمليات يورودولدو و همده اونلارين پئيک شهرلري سولدوز، قوشاچاي، خوي و باشقالاريندا. هله ده چوخلاري ايتگيندير و اونلاردان هله ده بير سوراق يوخدور. آنجاق اؤيرنچيلر چوخلو شهرلرده بو بوغونتولو شرايته باخماياراق سسلريني چيخاردا بيلديلر، اؤزلليک ايله همدان و تبريزده. |
ساي: ۴۹۴/۲۰۰۸
تاريخ: ۱۰ ژوئن ۲۰۰۸
ب.م.ت، اينسان هاقلاري اوزره عالي کوميسسارليق، ژنو
لوطفا بو قئيدياتي آشاغيداکي قروپلارا چاتديرين:
ساغلامليق حاقي اوزره اؤزل راپورتئرا جاتديراسينيز. ائلجه ده بو قروپلارا دا دخلي وار:
• اؤز-خوشونا توتوقلانما اوزره چاليشان قروپ
• بيان و فيکير سربستليگي نين ايره ليلگيشي و قورونماسي اوزره اؤزل راپورتئر
• چاغداش عيرقچيليک، عيرقي آيري-سچکيليک و يادد-ائلليلره قارشي قاتلاشمازليق اوزره اؤزل راپورتر
• ميللي آزليقلار اوزره موستقيل موتخصيص
• قازيلارين و وکيللرين باغيمسيزليغي اوزره اؤزل راپورتر
اوزو: دايک بئي، و خانيم هاريسون، آمنئستي اينتئرناشنال، لندن
هابئله: اينسان هاقلاريني گؤزتن و اينسان هاقلارينا قوللوقچو
سايين جنابلار
دوروم ديرلنديرمه سي: ايران عيرقچيليگينه قارشي گونئي آذربايجانين خرداد ۱۳۸۵ کوتله اعتيراضلاري نين ايکينجي ايلدؤنومو
ايران عيرقچيليگينه قارشي خرداد ۱۳۸۵ (مي ۲۰۰۶) خالق اعتيراضلاري نين ايکينجي ايلدؤنومو ايله علاقه دار گونئي آذربايجاندا گئدن دوروم هاقدا سيزي بيلگيلنديرمه نيتي ايله بو دوروم قئيديني (Breifing note) هوزورلارينيزا سونوروق. ايکينجي ايلدؤنوم ايله علاقه دار آمنئستي اينتئرناشنالين بوراخديغي تجيلي آکسيا (MDE 13/078/2008, [1] www.amnesty.or…) اؤز علاوه لريميزي آرتيراراق، ديقتينيزي بير نئچه قونويا و گئنل ايلتيشمه 2-دن (ساي: ۴۸۷/۲۰۰۸، تاريخ: ۲۵ فوريه ۲۰۰۸) بري گليشن اولايلارا يؤنلتمک ايسترديک. بو قونولار اوزره، ايمکان داخيلينده سيزه دئتايلي بيلگي گؤندرمک نيتيندگيک.
ايرانين گونئي آذربايجانا ائتديکلري هؤکومت طرزي باره ده سيزه آرديجيل بيلگي گؤندرميشيک کي، بو حؤکم-سورمه تام سؤمورگه چيليک تيپليدير، نئجه کي بورادا جاماعاتين سسينه قولاق-آسان بئله بير يئتگيلي يوخدور. ميثال اوچون 30 نفره دک گونئي آذربايجانلي فردلرين “بسيجي” قوووه لر طرفيندن قانون اؤتسينده قتله معروض اولمالاريني يازميشيق (ساي: ۳۴۴/۲۰۰۶، تاريخ ۲۸ ژوئن ۲۰۰۶) و اوسته ليک بو باره ده گونئي آذربايجان ميلتي نين طلبيني سيزه چاتديرميشيق کي، دؤولت بو خوصوصدا سورغو آپارسين (ساي: ۴۲۰/۲۰۰۶، تاريخ ۴ دسامبر ۲۰۰۶). قتله معروضلارين ايکيسي نين آدي حسين فتحي پور و توحيد آذريون ايديلر. ايندي ايکي ايل سونرا آلديغيميز اؤزل بيلگيلر و بعضي راپورتلارا گؤره ([2] www.oyrenci.co…) اونلارين قارداشلاري (رحيم و عسگر فتحي پور و حسين آذريون) سولدوزدا اؤزل قوروقچو واحيدلري طرفيندن عومومون گؤز قاباغيندا کؤته يه معروض اولاندان سونرا توتوقلانميشلار. بو عمليات يوزباشي عئينوللا نووروزپور طرفيندن يورودولموش. راپورتلارا گؤره اونلار ايکي گوندن سونرا ضمانت قارشيليغيندا بوراخيلميشلار. بونو دئمک ايسته ييريک کي، ايران يئتگيليلرين بو ساياقدا حرکتلري اؤزباشيناليق، غضب و اؤتکم ايله داورانمالريني يادا سالير و تأسوفله بو يارديمسيز اينسانلار گونئي آذربايجان ميلتي نين موقددراتيني و نه دورومدا اولدوغونو تمسيل ائديرلر.
بو اولايين آرخا-پلانينا ديقت لازيمدير کي، دينج-ايناملي گونئي آذربايجان ميلتي مي ۲۰۰۶ کوتله اعتيراضلاري نين ايکينجي ايلدؤنومون اوغروندا گئدن حاضيرليقلار ائديردي، لاکين ايران يئتگيليلري عينادلي حربي قوووه لر واسيطه سي و موستملکه چيليک احوال-روحيييه سي ايله آذربايجان فضاسيني دولدوردولار و گونئي آذربايجان ميلتي نين اينسان و ميللي هاقلاري نين تاپداديلار. بو قيسقي نين (Repression) دا باهاسي آغير اولدو و يوزلرجه فردلر و فاللار ايلدؤنومو گونلري عرضينده ياخالانديلار و آذربايجانين هم بؤلگه مرکزلري ساييلان اورمو، زنگان، اردبيل و تبريزده بو عمليات يورودولدو و همده اونلارين پئيک شهرلري سولدوز، قوشاچاي، خوي و باشقالاريندا. هله ده چوخلاري ايتگيندير و اونلاردان هله ده بير سوراق يوخدور. آنجاق اؤيرنچيلر چوخلو شهرلرده بو بوغونتولو شرايته باخماياراق سسلريني چيخاردا بيلديلر، اؤزلليک ايله همدان و تبريزده.
ايلدؤنومو ايله علاقه دار، ايران يئتگيليلري يوروده جک باسقيلاريني آدليم فاللارا قارشي دوزنله دي و گوونلي اؤزل خبرلر و هوقوق مودافيعه چيلرين راپورتلارينا اساسن ([3] www.savalanses…) بو قاپالي موهاکيمه لر تئهراندا شعبه ۱۰۵ اينقيلاب محکمه سينده آپاريلميش کي، موهاکيمه يه معروضلار بونلار ايدي: عبدالله عباسي جوان، بهروز صفري، خانيم. ليلا صفري، عليرزا متينپور، جليل غنيلو، يعقوب مرندلي، محمد نصرتي، مير قاسم سيدين زاده، صالح کامراني، سعيد متينپور و دکتر محمد علي حيدري. بونلارين چوخوسو اوچون سيزه ايلتيشمه لر تقديم ائتميشيک، نه ايسه اونلارين ضمانت ايله بوراخيلمالاري باره ده ايمکانلاريميزين آزليغي اوچون هله ده ايلتيشمه حاضيرلايا بيلمه ميشيک. بلليدير کي، بو موهاکيمه لر بو فعاللاري قاداقدا ساخلاماق اوچون ايدي و ائله بو حساب ايله يوزلر تانينميش فعاللار دا اورمو، تبريز، زنگان و اردبيلده محکمه لره چاغريليب و ايلدؤنومونده ايشتيراک ائتمه مک اوچون اونلارا حؤکم وئريلميشدير.
ايران يئتگيليلرين اؤز-خوشونا عمللري گونئي آذربايجانلي اؤيرنچيلرينه ده يورودولدو و بو دا فرقلي مئتودلارلا اولدو، ميثال اوچون: کورسلاردان دايمي ياخود اؤتري محروم اولونما، سيناقلاردان (امتحان) محروم اولونما، درگي ياييملاما ايمتييازلارين لغو ائتمه. ايمکان داخيلينده گونئي آذربايجان اؤيرنچيلري نين اوزرينه گتيريلن موصيبتلر باره ده سيزه بير يئتگين راپورت حاضيرلاماق نيتيندگيک.
ايران يئتگيليلري طرفيندن ايکينجي ايلدؤنومه قارشي يورودولن باشقا بير حرکتي ده قئيد ائتمک لازيمدير کي، بو دا گونئي آذربايجان اوزرينه سيريلان بيلگي قيتليغي ايدي. بونا باخماياراق، گونئي آذربايجان فاللاري بو چکيلن پرده لري ييرتا بيلديلر و ايچريده گئدن هاقسيزليقلار بير-به-بير اينتئرنئتده اوزه چيخدي. تأسوفله شرايتدن آسيلي اولاراق، خبرلر دئتاي باخيميندان بير آز سئيرک ايديلر و اوميد ائديريک کي، توتوقلو قالان شخصلر حاقيندا اطرافلي معلومات اله گلسين. نه ايسه، ايران (فارس) مرکزلي موخاليفت قروپلاري نين داورانيشلاريني دا ديقتينيزه چاتديرماليييق کي، بونلار ايستر اؤلکه ايچريسينده ايسترسه ده ائشيگينده، حاکيميت ايله سوکوتدا محض اويوشوق دورومدا بولوندولار. بو بير کسکين سنددير کي، ايراندا غئيري-فارس ميلتلر ايران اينسان هاقلاري قوروملاريندا دا ديشلانميشلار و غئيري-فارسلارين مودافيعه سي يالنيز سيزين عؤهدهليگينيزده اولان مانداتلار ايله ساغلانا بيلر.
ان سوندا دا بونو قئيد ائتمک ايسترديک کي، گئنل ايلتيشمه ۲-دن بري (ساي: ۴۸۷/۲۰۰۸، تاريخ ۲۵ فوريه ۲۰۰۸)، چوخلو فعاللار اؤز-خوشونا توتوقلانميشلار. چاليشيريق کي، اونلارين حاقيندا ان آزي بير گئنل ايلتيشمه حاضيرلاياق. اوميد ائديريک کي، هر فورصتده سيز گونئي آذربايجان ميلتي نين اينسان و ميللي هاقلاريني مودافيعه ائده جکسينيز.
حؤرمتله؛
بؤيوک رسولوغلو
دونيا آذربايجانليلاري نين هاقلاريني مودافيعه کوميته سي نين سدري
٫بير ميللتين سسي
پایلاش | پرینت
بورا باغلي يازيلار:
- تدابیر شدید امنیتی و بازداشتهای گسترده در آذربایجان و بایکوت خبری در سایتهای بی بی سی فارسی، صدای آمریکا، رادیو فردا، صدای آلمان، رادیو فرانسه و…! - آيدين تبريزي
- مرگ فعال با سابقه تبریزی در بازداشتگاه اطلاعات تبریز احتمالا با شوک الکتریکی بوده است
- آنها می خواهند قلم خود را داشته باشند٫ کمکشان کنید - عليرضا جوانبخت
- ابراز نگرانی سازمان عفو بين الملل از شکنجه ۹ فعال حقوق فرهنگی آذربايجان
- ابراز نگرانی « سازمان عفو بین الملل» نسبت به شکنجه ۴ فعال مدنی آذربایجانی در زندان اوین
- فارس مدنیت راسیستلری نین آذربایجان میللی مسئله سی قارشیسیندا چتینلیک چکمه مسئله لری - ايشيق سؤنمز
- اطلاعیه سازمان عفو بین الملل در خصوص آخرین وضعیت «عباس لسانی»، فعال مدنی برجسته آذربایجانی
- صابر رستمخانلی علیهینه “ایران مهر” ایمضاسی ایله یازیلمیش یازییا باخیش - ايشيق سؤنمز
- گلین بو داشی اته یینیزدن تؤکون! “میللی سیمگه اونریسی یا میللی سیمگه ***” یازیسینا تنقید - آیتان ار اوغلو
- “آزاد تريبون” سيته سي نين مسئولو ايديعا ائتديگي ژورناليسمين ائتيکاسنا صاديق قالا بيلمه دي!
http://www.baybak.com
بای بک سایتیندان پرینت اولوب
http://www.11008.baybak.com/il_11008_say_184.azr
یازینین اینترنت آدرسی
یازیده ایشه آلینان اینترنت آدرسلری
[1] www.amnesty.or…: http://www.amnesty.org/en/library/info/MDE13/078/2008/en
[2] www.oyrenci.co…: http://www.oyrenci.com/News.aspx?newsId=2983
[3] www.savalanses…: http://www.savalansesi.com/2008/05/blog-post_909.html
گوروش کاپانیبدی