ايرانين شيعه-فارس حاکيمييتي نئجه تورک و باشقا ميلتلرين ثروتين منيمسه يير! ايران يئتکيليسيندن ايلگينج آچيقلامالار
بای بک، آذربايجان | باشگؤن, ۲۰-ي قئزاران , ۱۱۰۰۸ اینجی ایل, چولا ۲۱:۵۷ [آ.خ] | ایچ ساولار
 |
. | ۹- شکر مافياسي آدلانان بير دوسييانين ايلک طرفي آيت الله لارين بيري نين داماديدير! بو دوسييانين قاپانماسي اوچون دئولته ۷۰۰ ميليارد تومن اؤنريلميشدير!
۱۰- کيش آداسي نين کي ايران آدلانان اولکه نين اولوسلاراراسي اؤزگور تيجارت مرکزي ساييلير اوچدن بيري و چيتگر پارک-اي حجت السلام علي اکبر هاشمي رفسنجاني جنابلارينا آييددير! بو جنابين ايقتيصادي نهنگ اولدوغو هامي بيلير آما اونون صاحيب اولدوغو گيزلي يا آشکار ماللاردان آد آپارماغ بير سوچ ساييلير! پيس يولدان سروته يئتيشن بو فاسيد عاييله نين هاميسي قاچاق و چيرکين ايشلرله مشغولدولار! جناب هاشمي نين قيزي نين سوروجو آتلارينا هر گون ۱۰۰٫۰۰۰ تومنليک قارپيز وئريلير! عئيني زاماندا عايله سينه چيلله قارپيزي آلا بيلمه يه ن بير تورک گئنجين جسدي تبريز-اين شاهگولي پارکي نين آغاجلاريندا يئلله نير! جناب هاشمي نين اوغلو مهدي ايسه ياناجاغ سئکتورونا |
عباس پاليزار حاکيمييتين گرچک اوزون ايفشا ائتدي.
قضائيه قوووه سي نين آراشديرما و اينجله مه کوميته سي نين باشچيسي ۱۴/۰۲/۱۳۸۷-ده تورک شهري اولان همدان-ين بيلييوروندا ياپديغي دانيشيغدا، ايران حاکيمييتينده اولان باشچيلار، ايلک اللر و ايش باشيندا اولان فيسادکار موللالارين آدين وئره رک، آز اولسادا ميللي سروتلرين نئجه تالانديغين اورتايا چيخارتدي.
جناب پاليزارين دئديکلريندن قيسسا بير اؤزتله مه:
۱- موللالارين بيري گلير و معلوليتي اولان اينسانلارا يارديم ائتمک اوچون بير مرکز آچماغ ايسته ديگيني اورتايا قويور، ندن کي اؤز اوغلونون معلوليتي وار و اونونلا ياخيندان ايگيلنمک ايستيير! مرکزين آدي ثبت اولونور، موللا گليب بيرده مالي يارديم اوچون ديرلي داش معدني نين ايمتييازين ايسته يير! اودا وئريلير! بيرازدان گلير و داها چوخ ماددي يارديم اوچون زنگان-دا بير معدن ايسته يير! بو گونه قدر بو موللا ۴ معدن منيمسه ييب و اينانيلماز گليرلرين اؤز عايله سينه خرجليير! بو موللا آيت الله امامي کاشاني-دير کي ايران گودوکچولر شوراسي اؤيه سي و تهران ايمام جومه سيدير!
۲- موللالارين بيري گلير جناب خامنه اي-يه دن قيزلار اوچون قوم شهرينده هوقوق بيلييوردو آچماغ اوچون ايجازه آلير! ايجازه وئريلير، همن ماددي يارديم اوچون دنا تاير فابريکاسي نين ايمتييازي ۱۲۶ ميليارد تومنه ايسته نيلير! فابريکانين قييمتي ۶۰۰ ميليارد تومنيميش! موللا اينديريم ايسته يير، فابريکاني ۱۰ ميليارد تومنه اونا وئريرلر! بودا يئتمزميش کيمين، ۸۰ فاييزين مودتلي واده (اقساط) لرله اؤدمک ايستييرلر! اودا اونايلانير آما قالان ۲۰ فاييزي بيله اؤدمه دن، فابريکاني بورسادا ساتير! بو موللا آيت الله يزدي-دير کي ايران قضائيه گوجونون اسکي باشخاني و قوم هووزه سي نين يئني باشچيسيدير!
۳- آستارا، انزلي و بير چوخلو تورک تورپاغي اولان آنجاق هله ليک فارسلارا وئريلن بؤلگه نين مئشه آغاجلارين کسيب ساتما ايمتييازي آيت الله يزدي- نين اوغلو مهدي-ه وئريلير! ندن کي آتاسي اونون ايشسيز اولدوغون ايديعا ائديب آما همين زامان جناب مهدي آتاسي نين باشچي اولدوغو قضائيه قوووه سينده مودورموش! بو اولايا گؤز يومان دئولت، يئرلي اهالي نين اودون چارپماغين سوچ ساياراق چوخلو اينساني زيندانا ساليب و آغير جزا وئريب!
۴- ايران خودرو (اتوموبيل) فابريکاسي سندسيز و ندنسيز حالده چوخلو ماشيني ياري قييمتينه قضائيه قووه سينه وئرير! همده اوزون واده لي اولاراق! بو واده لرين چوخو اؤدنمه ييب! نهج البلاغه آديندا بير تشکيلات بو اولايدان يارارلانيب و عئيني شراييتده اتوموبيل ايستيير! بو تشکيلاتين صاحيبيلري ايسه آيت الله علي اکبر ناطق نوري، محسن رفيقدوست، حبيب الله عسگراولادي، حسين دين پرور و معزي کيميلرديلر!
داها سونرا اتوموبيل ايسته ينلرين سايي آرتير، حجت السلام فلاحيان (اسکي اطلاعات باخاني) و آيت الله عام الهدي (مشهدين ايمام جومه سي) کي عئيني زاماندا پرسپوليس فوتبال کلوبونون باشقانلارييديلاردا ماشين ايسته ييرلر!
۶- تورک تورپاغي خوراسان-اين ۱۲ معدني آيت الله واعظي طبسي جنابلارينا وئريليب! بو جنابين اوغلو ايران آدلانان اولکه ده بؤيوک فساد افتصادي دوسيياسي، المکاسب اولاييلا دويونله نيب!
۷- پيام هاوا آلانيندا گئنيش قاچاقمالچيليقلا مشقول اولان بير جناب، جناب ناطق نوري-نين هيمايه سي آلتيندا اولادوغو اوچون توخونولمازدير! بو جنابين ۱۱۰۰ قاچاقچيليق دوسيياسي وار!
۸- ايلگينج اولاي، دئولتين ترور آکتلاريندان تورکلرين پايي! تورکمن بؤلگه لري نين گؤروشونه گئدن بير تورک ژنرالين طياره سي بيله رک پارتلاتيلير! بو طياره ده تورک و تورکمن اولان بير چوخلو ساييدا حربي روتبه لي و مجلس نماينده سي وارميش! بو دوسييا ۲۰۰۰ صحيفه دن اولوشوب و اوندا علي اولانلاردان ايسته نيليبدير کي بيلديکلرين کيمسه يه دانيشماسينلار! رحمان دادمان (اردبيل-لي مجلس وکيلي و اسکي دمير يول باشچيسي) و احمد کاظمي- نين طياره لري بيله رکدن پارتلاديليبلار. اورمو-دا پارتلايان طياره ده اؤلدورولن ژنرال کاظمي نين (اسکي يئر گوجلري کومانداني) سوچو، آيت الله خزعلي-يه عييد اولان معدنده فساد اقتصادي آچيقلاماق و بو فساد اوچون او معدني قاپاتماغيميش!
۹- شکر مافياسي آدلانان بير دوسييانين ايلک طرفي آيت الله لارين بيري نين داماديدير! بو دوسييانين قاپانماسي اوچون دئولته ۷۰۰ ميليارد تومن اؤنريلميشدير!
۱۰- کيش آداسي نين کي ايران آدلانان اولکه نين اولوسلاراراسي اؤزگور تيجارت مرکزي ساييلير اوچدن بيري و چيتگر پارک-اي حجت السلام علي اکبر هاشمي رفسنجاني جنابلارينا آييددير! بو جنابين ايقتيصادي نهنگ اولدوغو هامي بيلير آما اونون صاحيب اولدوغو گيزلي يا آشکار ماللاردان آد آپارماغ بير سوچ ساييلير! پيس يولدان سروته يئتيشن بو فاسيد عاييله نين هاميسي قاچاق و چيرکين ايشلرله مشغولدولار! جناب هاشمي نين قيزي نين سوروجو آتلارينا هر گون ۱۰۰٫۰۰۰ تومنليک قارپيز وئريلير! عئيني زاماندا عايله سينه چيلله قارپيزي آلا بيلمه يه ن بير تورک گئنجين جسدي تبريز-اين شاهگولي پارکي نين آغاجلاريندا يئلله نير!
جناب هاشمي نين اوغلو مهدي ايسه ياناجاغ سئکتورونا چنگه سالاراق گنج قيزلاري ايشه آلماغ آدييلا اونلاري پيس يولا ساليب و حتّی عرب اولکله يرينه ساتماغلا مشغولدور! بو جناب آذربايجانين يئرالتي خزينه لرين، آيت الله ملکوتي-نين (تبريزين اسکي ايمام جومه سي) اوغلو ناصر ايله بيرليکده تالاماقدا فعاللييت ائدير!
بو يازي دانيشيغيين اؤزتيندن و قيسسا اولاراق بير سيرا يارديمجي بيلگي ايله بيرليکده باي بک اوچون حاضيرلانيب.
٫بير ميللتين سسي
پایلاش | پرینت
بورا باغلي يازيلار:
- سمينار، آراشديرما: کوچوک ارمني-نين بؤيوک جينايتي
- محمد ساوي از ساوه آزربايجان, مستنسخ تنها نسخه موجود ديوان لغات ترک محمود كاشغري
- بعد از ماهها سکوت مرموز٫ بالاخره قاتلان پيرمرد مدرسه ساز تورک محاکمه ميشوند
- واکنش نمايندگان تورک به دروغبافيها و جعليات نماينده کرد نصب شده در بوکان چه بوده است؟
- توقف مرمت خانه نصيرالدوله تخريب تنها بناي قاجاري تهران را به دنبال دارد
- گزارشی از سومين جلسه دانشجويان تركمن دانشگاه های اردبیل
- ستوکهولم آذربايجانليلاري، بايرامين ايلک گونونو ايران رئژيمينه اعتيراض آکسيياسي ايله کئچيرديلر (عکس و ويديو)
- «ايران-آذربايجان» مارشروتو اوزره اویوشدوروجولارين داشينماسي ايله مشغول اولان ايکي قروپدان ۳۳ ک.گ اویوشدوروجو واسيطه آشکارلانيب
- آذربايجاندا جزا چکن ۲۰ ايران وطنداشي نين اؤلکه سينه وئريلمه سي مسئله سينه باخيلير
- ۱۵ آذربايجان حربچيسي ايران وطنداشلاري ايله البير اولاراق نارکوتيک داشيماقدا سوچلانير
http://www.baybak.com
بای بک سایتیندان پرینت اولوب
http://www.11008.baybak.com/il_11008_say_178.azr
یازینین اینترنت آدرسی
گوروش کاپانیبدی