آ.د.ا.پ.پ-اين آيليق حساباتي
بای بک، آذربايجان | تُزگؤن, ۲۱-ي قیروو آی , ۱۱۰۰۸ اینجی ایل, چولا ۲۰:۵۹ [آ.خ] | ایچ ساولار
 |
. | بونونلا بئله همين آذربايجانلي هوقوق فعاللاري «ميللي تهلوکه سيزليک علئيه اينه توپلاشما و البيرليک» ايتتيهامي ايله محکمه ايستينطاقي آلتينداديرلار.
آدي چکيلن شخصلر آزادليغا چيخديقدان سونرا بيلديرميشلر کي، بوتون حبس مودتينده اونلار اعتيرافلاردا بولونماق اوچون تزييقلره معروض قالميش و دينديرمه لر اونلارا ائلان ائديلن ايتتيهام اطرافيندا آپاريلماميشدير. |
تئهراندا ايفطار مراسيمينده توتولموش آذربايجانلي مدني فاللارين دورومو
نويابرين 8-ده آذربايجانلي فاللاردان دؤردو – نشري دايانديريلميش «ديلماج» درگيسي نين باش رئداکتورو عليرضا صرافي، «يارپاق» و «وارليق» ژورناللاري نين امکداشي، يازيچي حسن راشدي، «ياشماق» ادبي درگيسي نين باش يازاري سعيد محمدي (موغانلي) و مدني فعال مهدي نعيمي 50 ميليون تومنليک آغير گيروو موقابيلينده ائوين زيندانيندان آزاد ائديلميشلر.
بونونلا بئله همين آذربايجانلي هوقوق فعاللاري «ميللي تهلوکه سيزليک علئيه اينه توپلاشما و البيرليک» ايتتيهامي ايله محکمه ايستينطاقي آلتينداديرلار.
آدي چکيلن شخصلر آزادليغا چيخديقدان سونرا بيلديرميشلر کي، بوتون حبس مودتينده اونلار اعتيرافلاردا بولونماق اوچون تزييقلره معروض قالميش و دينديرمه لر اونلارا ائلان ائديلن ايتتيهام اطرافيندا آپاريلماميشدير.
اونلار دئمک اولار کي، بوتون حبس مودتيني ائوين زينداني نين تهلوکه سيزليک نازيرليگي طرفيندن ايداره ائديلن 209-جو کورپوسوندا تکادامليق کامئرالاردا ساخلاناراق، فيزيکي و معنوي تزييقلره معروض قالميشلار. حبسده اولدوقلاري دؤورده اونلارا وکيل توتماغا ايجازه وئريلمه ميش و اونلار بير آيدان دا آرتيق مودتده عاييله عوضولري ايله گؤروشدن محروم ائديلميشلر.
بو شخصلر حبسده ساخلانمالارينا و اونلارلا قانونسوز داورانيشا اعتيراض علامتي اولاراق، 11 گون عرضينده آجليق آکسيياسي کئچيرميشلر. آغير شرايت نتيجه سينده اونلارين ساغلامليغي تهلوکه يه دوشموشدور و حاضيردا اونلار حکيم نزارتي آلتينداديرلار.
سپتامبرين 10-دا تهلوکه سيزليک مأمورلاري تئهرانداکي بير ائوده ايفطار مراسيمينه توپلاشميش 19 آذربايجانليني – ژورناليست، اونيوئرسيتئت موعليمي و شاعيري – حبس ائتديلر. آذربايجانين تانينميش سياسي مهبوسلاريندان عباس ليساني نين حيات يولداشي و اوشاقلاري دا اونلارين آراسيندا ايدي.
اونلاردان بعضيلري، او جومله دن، عباس ليساني نين حيات يولداشي رقيه عليزاده و اونون اوچ اوشاغي، اکرم نجاري، رباب عظيمي و فرهاد رضايي 9 ساعاتدان سونرا آزاد ائديلديلر. سپتامبرين 14-ده يوسف هوشيار، شهباز ابراهيم زاده و محمد عباسپور آزادليغا بوراخيلديلار. اوکتبرين اوللرينده ايسه داها بئش نفر، جنابلار اکبر آزاد، صياد محمديان، عباس نعيمي، حسين حيدري و حسن رحيمي 50 ميليون تومنليک (50000 $) گيروو موقابيلينده تئهرانداکي ائوين زينداني نين 209-جو کورپوسوندان آزاد اولوندولار. اونلارين هاميسي آزادليغا چيخديقدان سونرا بيلديرميشلر کي، حبس اولونمالاري نين آردينجا اؤزلري نين اساس هوقوقلاريندان محروم ائديلميش و دئمک اولار کي، بوتون حبس مودتينده ائوين زينداني نين 209-جو کورپوسونداکي تکادامليق کامئرالاردا فيزيکي و معنوي تزييقلره معروض قالميشلار.
حبس اولونموش کيمليکچي آذربايجانلي طلبه لرين وضعيتي
نهايت، اوکتبرين 28-ده تبريز اونيوئرسيتئتي نين يئددي و اصفهان اونيوئرسيتئتي نين بير طلبه سي گيروو موقابيلينده مووققتي اولاراق، تبريز حبسخاناسيندان آزادليغا بوراخيلديلار.
ژوئنین 17-ده تبريز اونيوئرسيتئتي نين قارشيسيندا توتولموش سجاد رادمهر، آيدين خواجه اي و فراز زهتاب آگوستون 13-ده حبس اولونموش امير مرداني، آگوستون 31-دن حبسده ساخلانان مجيد ماکويي زاده و سپتامبرين 30-دا حبس ائديلميش احسان نجفي ايله بيرليکده 50 ميليون تومنليک گيروو موقابيلينده، همچي نين تبريز اونيوئرسيتئتي نين آگوستون 20-ده حبس اولونموش داها ايکي فعال طلبه سي منصور امينيان و مقصود عهدي 20 ميليون تومنليک گيروولا تبريز زيندانيندان آزاد ائديلميشلر.
بو آذربايجانلي طلبه هرکاتي فعاللاري نين حبس اولونماسي نين آردينجا اونلارين ائولرينده آختاريش آپاريلميش و اونلارا مخصوص کومپیوتئرلر، سی.دی-لر، سندلر و کيتابلار موصاديره ائديلميشدير. سپتامبرين 30-ده حبس اولونموش نجفي ايستيثنا ائديلمکله، قالانلاري اوچ آي مودتينده محکمه سيز و ايتتيهام ائلان اولونمادان تبريز تهلوکه سيزليک ايداره سي نين کامئراسيندا ساخلاناراق، تزييقلره و سورغو-سوالا معروض قالميش، وکيل توتماق و گؤروش هوقوقوندان محروم ائديلميشلر.
بو طلبه لرين عاييله عوضولري نين سؤيله ديگينه گؤره، «تهلوکه سيزليک نازيرليگي نين کامئراسيندا ساخلانديقلاري مودتده اونلارا ايشگنجه وئريلميش، رسمي اورقانلار اونلاري 24 ساعاتليق دينديرمه يه، يوخوسوزلوغا، دؤيولمه يه، آلچالتما و تهقيره معروض قويموشلار». بو شخصلره «ميللي تهلوکه سيزلييه خلل گتيرمک اوچون قانونسوز دسته لر و قروپلاردا عوضولوک» و «دؤولت قورولوشو علئيه اينه تبليغات» کيمي ايتتيهاملار ايره لي سورولموشدور.
همين طلبه لرين دوستو، ظابيط داريوش حاتمي نين آزادليغا بوراخيلماسي دا گيروو قويولماسيندان سونراکي گونلره ساخلانميشدير. او دا ژوئنین 17-دن بري مووققتي حبسده دير. بو آرادا اوکتبرين 6-دا تهلوکه سيزليک قوووه لري طرفيندن حبس اولونموش شبوستر آزاد اونيوئرسيتئتي نين طلبه سي سمد مؤولاقولو دا 10 ميليون تومنليک گيروو موقابيلينده آزادليغا بوراخيلميشدير. اونا قارشي اؤلکه خاريجينده کي قروپلارلا اينتئرنئت علاقه سي ساخلاماق ايتتيهامي ايره لي سورولموشدور.
اهل حق مذهبيندن اولان مهبوسلارين دورومو
اهل حق مذهبيندن اولان و 5 ايلدن آرتيق بير مودتده اورميه زيندانيندا محکوملوق چکن مهبوسلارين بئش نفري – سهندعلي محمدي، بخشعلي محمدي ، عبادالله قاسمزاده، مهدي قاسمزاده و يونس آقايان ايشلرينه باخيلماسي زاماني هوقوقي پروسئدورلارين پوزولماسينا، حبسخانا مأمورلاري نين آلچالديجي داورانيشينا، اونلارين مذهبيني تهقير ائتمه سينه اعتيراض علامتي اولاراق، جاري ايلين سپتامبر آيي نين 15-دن اعتيبارن آجليق آکسيياسينا باشلاميش و بو زامان سؤزوگئدن زيندانين تکادامليق کامئرالارينا کؤچورولموشلر. بونا باخماياراق، آدي چکيلن شخصلر آجليغي دوام ائتديريرلر و اولکي 25 گونلوک آجليقدان سونرا اونلارين هضم اورقانلاريندا يارانميش خسته ليکلر، ائلجه ده اورمييا زينداني نين روتوبتلي و غئيري-گيگييئنيک تکادامليق کامئرالاريندا ساخلانما نتيجه سينده اونلارين فيزيکي دورومو تهلوکه لي حدده چاتميشدير. بئله کي، اونلار بير نئچه دفعه قان قوسموشلار و ياريهوشسوز حالداديرلار.
آذربايجانلي مدني فعال و سياسي مهبوس عباس ليساني نين وضعيتي
آذربايجانين تانينميش مدني فعالي عباس ليساني اوکتبرين 29-دا چرشنبه گونو 30 آيليق محکوملوق مودتيني باشا ووردوقدان سونرا يزد حبسخاناسيندان آزادليغا چيخميشدير.
آذربايجانداکي 2006-جي ايلين مي (خرداد 1385) اعتيراضلاري ايله علاقه دار 18 آي اردبيل زيندانيندا ساخلانان عباس ليساني دؤولت قورولوشو علئيه اينه تبليغات ايتتيهامي ايله دوغما شهري نين (اردبيل) 112 کيلومئترليگينده يئرلشن اهرده 12 آيليق حبسده اولارکن، 2008-جي ايلين فوریه آييندا قانونسوز شکيلده وطنيندن 2000 کيلومئتر مسافه ده اولان يزد مرکزي حبسخاناسينا کؤچورولموشدور.
بو مدني فعال زينداندا بير نئچه دفعه تهلوکه سيزيليک و حبسخانا مأمورلاري نين آيري-سئچکيليک سجيييه لي داورانيشينا اعتيراض اولاراق، آجليق ائتميش و اونا هئچ واخت مأذونيت ايجازه سي وئريلمه ميشدير.
اوکتبرين 16-دا ليساني تهلوکه سيزليک نازيرليگي نين يزد شؤعبه سينه کؤچورولموش و 10 ساعات سورغو-سوالا توتولموشدور. اردبيلدن گلميش تهلوکه سيزليک مأمورلاري نين دا ايشتيراک ائتديگي همين دينديرمه زاماني اونا زينداندان آزاد اولدوقدان و اردبيله قاييتديقدان سونراکي پلانلاري باره ده سواللار وئريلميشدير.
بوندان اؤنجه ايسه اردبيل پروکورورو و تهلوکه سيزليک ايداره سي ليساني نين عاييلهسينه تزييق ائتميشدير کي، ليساني گرک يزد زيندانيندان آزاد اولدوقدان سونرا فارسلارين ياشاديغي بير شهره کؤچسون؛ اونلار حدله ميشلر کي، عکس تقديرده اردبيلده و آذربايجانين ديگر شهرلرينده هر هانسي حاديثه اولدوقدا، بيز اونو حبس ائده جگيک.
سپتامبرين 10-دا تهلوکه سيزليک مأمورلاري تئهرانداکي بير ائوده ايفطار مراسيمينه توپلاشميش 19 آذربايجانليني – ژورناليست، اونيوئرسيتئت موعليمي و شاعيري – حبس ائتميشديلر. عباس ليساني نين حيات يولداشي و اوشاقلاري دا اونلارين آراسيندا ايدي.
حبس اولونموش ديگر آذربايجان مدني فعاللاري نين دورومو
مؤعتبر قايناقلاردان آلينان بيلگيلره گؤره، اورميه مرکزي حبسخاناسينداکي آذربايجانلي سياسي و ويجدان مهبوسلاري دايم حبسخانا رهبرليگي و تهلوکه سيزليک قوروملاري نين موختليف تزييقلرينه معروض قالير و يارارسيز شرايتده ساخلانيليرلار.
آذربايجان ميللي فعاللاريندان هوشنگ نقي زاده، عارف الوفي و وحيد بهادري نين زيندانداکي شرايتي تام يارارسيزدير. اونلار حبس ائديلندن بري نارکومانلار، جينايتکارلار و دلدوزلارلا بير يئرده، اؤزو ده گيگييئنيک باخيمدين الوئريشسيز شرايتده ساخلانيليرلار، اونلارا عاييله عوضولري مونتظم گؤروشمک ايمکاني دا وئريلمير. بو فهاللار اورميه ده بين الخالق آنا ديلي گونو تدبيرلرينده ايشتيراک ائتديکلرينه گؤره توتولموش و محکوم ائديلميشلر.
اردبيلده ميللي فعاللاردان رحيم حاجي زاده هله ده حبسده ساخلانماقدادير. او، جاري ايلين سپتامبر آيي نين 25-ده اردبيل شهر تهلوکه سيزليک قوووه لري طرفيندن حبس ائديلميش و اوچ گون تهلوکه سيزليک ايداره سي نين کامئراسيندا ساخلانديقدان سونرا اردبيل مرکزي حبسخاناسي نين 7-جي کورپوسونا کؤچورولموشدور. اونا قارشي قورولوش علئيه اينه تبليغات آپارماق و ميلتچيليگي يايماق ايتتيهامي ايره لي سورولموشدور.
بو ايل آگوستون 5-دن اورميه حبسخاناسيندا اولان آذربايجانلي گئنج شاعير و يازار ابراهيم رشيدي 5 آيليق محکوملوق مودتيني باشا ووردوقدان سونرا نويابرين 5-ده چرشنبه گونو آزادليغا چيخميشدير. رشيدي زينداندا پيس بير شرايتده ساخلانميش، اونا هر هانسي کيتاب و درگي اوخوماق قاداغان ائديلميش، حبسخانا مأمورلاري و تهلوکه سيزليک اورقانلاري چئشيدلي تزييقلر گؤسترميشلر.
نهايت، آذربايجان ميللي فعاللاريندان عدالحجت تاريورديان تبريزده «قانونسوز ييغينجاقلاردا ايشتيراک يولو ايله ايجتيماعي آساييشي پوزماق» ايتتيهامينا اساسن آلتي آيليق شرطي حبس و 40 شاللاق جزاسينا محکوم ائديلميشدير. اوللر محکوم اولونماديغينا گؤره، حاکيم بو حؤکمون ايجراسيني 2 ايللييه تاخيره سالميشدير. تاريورديان 2008-جي ايل مي-ين 21-ده آذربايجانداکي 2006-جي ايل مي نوماييشلري نين ايکينجي ايلدؤنومونده تبريزده توتولموش و ايکي هفته مووققتي حبسده ساخلانديقدان سونرا گيروو موقابيلينده آزادليغا بوراخيلميشدي.
آ.د.ا.پ.پ
11/11/2008
٫بير ميللتين سسي
پایلاش | پرینت
بورا باغلي يازيلار:
http://www.baybak.com
بای بک سایتیندان پرینت اولوب
http://www.11008.baybak.com/il_11008_say_1713.azr
یازینین اینترنت آدرسی
گوروش کاپانیبدی