فيکير موباحيثه سي و شخصيت ترورو - عليرضا اردبيلي (باي بک آچيقلاماسي ايله بيرليکده ياييليب)
بای بک، آذربايجان | اِلگؤن, ۱۱-ي قیروو آی , ۱۱۰۰۸ اینجی ایل, چولا ۲۲:۰۹ [آ.خ] | یازی و قوشوق
 |
. | (دقت: آقاي اردبيلي بدون اشاره به دروغگوئيهاي قبليشان و نيز عدم اشاره به عجز در درک صحيح مسائل مختلف٫ دوباره به انتقاد از رويه برخي افراد يا تشکلات پرداخته است. ايشان در مقاله اي ۱ ٫ به غلط از ارائه سمبل موقت براي حرکت ملي آذربايجان از سوي باي بک ناراحتي ابراز داشته و آنرا به نقد کشيده بودند! پس از مشخص شدن موضوع ۲ ٫ جناب اردبيلي اقدام به دروغگوئي در زمينه تماس با باي بک نموند ۳ . اعتراضات رسمي باي بک در آدرسهاي (۱-۲-۳) موجود ميباشند. لازم به ذکر است که عليرضا اردبيلي در مقاله حاضر نيز٫ که براي اطلاع عموم منتشر ميشود٫ بار ديگر برداشتهاي غلط خود از وقايع و اخبار را به نمايش گذاشته است. وي به جمله اي از يک خبر در مورد يک جنبش ضد آذربايجاني اشاره ميکند و آنرا به فدراليستهاي آذربايجاني ربط ميدهد! در حالي که آن خبر در زمينه افشاگري اقدامات شوونيستهاي فارس در جهت منحرف ساختن مسير حرکت ملي آذربايجان بوده است. البته اگر جناب نويسنده خود و همفکرانشان را نيز عضوي از آن جنبش کذائي ميدانند٫ قضاوت بر عهده آذربايجانيان واقعي خواهد بود. سايت باي بک به عنوان يک مرکز خبري و تحليلي فعاليت ميکند و مسئول نظرات يا نوشته هاي اشخاص نميباشد. سياست کلي و دائمي باي بک اخذ استقلال کامل آذربايجانيان از اشغالگران ميباشد. فدراليسم به عنوان يک راه انحرافي٫ هرچند با عضوگيري از آذربايجانيان دانشمند نيز همراه باشد از سوي باي بک مردود شناخته ميشود٫ آذربايجانيان دانشمند نيز از اشتباه و داشتن انديشه هاي ضد آذربايجاني مبرا نيستند. باي بک) |
(دقت: آقاي اردبيلي بدون اشاره به دروغگوئيهاي قبليشان و نيز عدم اشاره به عجز در درک صحيح مسائل مختلف٫ دوباره به انتقاد از رويه برخي افراد يا تشکلات پرداخته است. ايشان در مقاله اي ۱ ٫ به غلط از ارائه سمبل موقت براي حرکت ملي آذربايجان از سوي باي بک ناراحتي ابراز داشته و آنرا به نقد کشيده بودند! پس از مشخص شدن موضوع ۲ ٫ جناب اردبيلي اقدام به دروغگوئي در زمينه تماس با باي بک نموند ۳ . اعتراضات رسمي باي بک در آدرسهاي (۱-۲-۳) موجود ميباشند. لازم به ذکر است که عليرضا اردبيلي در مقاله حاضر نيز٫ که براي اطلاع عموم منتشر ميشود٫ بار ديگر برداشتهاي غلط خود از وقايع و اخبار را به نمايش گذاشته است. وي به جمله اي از يک خبر در مورد يک جنبش ضد آذربايجاني اشاره ميکند و آنرا به فدراليستهاي آذربايجاني ربط ميدهد! در حالي که آن خبر در زمينه افشاگري اقدامات شوونيستهاي فارس در جهت منحرف ساختن مسير حرکت ملي آذربايجان بوده است. البته اگر جناب نويسنده خود و همفکرانشان را نيز عضوي از آن جنبش کذائي ميدانند٫ قضاوت بر عهده آذربايجانيان واقعي خواهد بود. سايت باي بک به عنوان يک مرکز خبري و تحليلي فعاليت ميکند و مسئول نظرات يا نوشته هاي اشخاص نميباشد. سياست کلي و دائمي باي بک اخذ استقلال کامل آذربايجانيان از اشغالگران ميباشد. فدراليسم به عنوان يک راه انحرافي٫ هرچند با عضوگيري از آذربايجانيان دانشمند نيز همراه باشد از سوي باي بک مردود شناخته ميشود٫ آذربايجانيان دانشمند نيز از اشتباه و داشتن انديشه هاي ضد آذربايجاني مبرا نيستند. باي بک)
فيکير موباحيثه سي و شخصيت ترورو - عليرضا اردبيلي
آذربايجان ميللي حرکاتي هر باشقا ديري بير اورقانيسم کيمي٬ آکتيو و مؤثر اؤزونو مودافيعه سيستمينه ماليک اولمالي دير. بو اورقانيسم٬ اونو هده له ين ٬ اونون ساغلام ليغي و ساغلام اينکيشاف ينا خلل يئتيرن ائلمنت لري تانيمالي و ضررسيزلشديرمه له لي دير.
ميللي حرکات گوجلنديکجه٬ اونون داخيلي ضعف لري نين داها تهلوکه لي لشمه سي و خاريجدن حرکاتا توشلانان تخريبات لارين داها اينتنسيولشمه سي منطيقي گؤرونور. بو مقاله داخيلي و خاريجي منشألي تهلوکه لر و تخريبات لاري تانيماق مقصديلي يازيلميش دير.
علت و معلول
بيز چوخ واخت علت لري تانيمادان٬ معلول لاري موشاهيده ائديريک. کيمي زامان دا هم علت لردن عومومي ليکده خبريميز وار و هم کنکرت معلول لار آچيقآشکار گؤز اؤنونده ديرلر آمما مع العسف٬ بو عومومي علت لرله او کونکرت معلول لار آراسيندا بير ايلگي تاپماق مومکون اولمور. بيز سانکي سس اؤتورمه ين شوشه ديوار آرخاسيندا بير رقصه باخاريق. بيز اوردا ارکسترين اولماسيندان خبريميز وار و رقصي گؤروروک آمما رقص ائدنلرين تکتک حرکتلريني کنکرت بير موسيقي توني يا موسيقي آلتي له علاقه لنديرمک ده عاجيز قاليريق.
شخصيت ترورو
سايير ياراماز مناسبت طرزلري کيمي٬ شخصيت ترورونون دا 3 قيسيم علت لري اولا بيلر:
۱. داخيلي علت لر: منممنم ليک٬ تجروبه سيزليک٬ ساوادسيزليق و س.
۲. خاريجي علت لر: آذربايجان ميللي حرکاتيني کنترول و بوغماق ايسته ين قووه لرين تخريباتي
۳. يوخايداکي علت لرين تداخولو و ترکيبي
خاريجي علت لر
هله ۱۹۸۰-جي ايللرين سونوندا ايران ميللي تهلوکه سيز شوراسي ايراندا ميللي مسئله ني٬ “تهاجم فرهنگي“له برابر٬ ايکي اساس تهلوکه نين بيري کيمي معين لشديرميشديلر. بو 20 ايل عرضينده ده هم آذربايجان ايلدنايله گوجلنيب و ميللي حرکات کوتله وي لشيب و هم ايران رژيمي اؤزونو غير فارس ميللت لرين جيدي ناراضي ليغي نا توش اولدوغو آنلاييب دير.
اوسته ليک علاوه ائتمک اولار کي ايران رژيمي نين تهلوکه سيزليک اورقانلاري٬ شاه رژيمي نين ساواک مدلي نه بنزر خبرچي لر ايتيفاقي کيمي يوخ٬ آمئريکا بيرلشميش شتات لاري نين مرکزي کشفيات ايداره سي (CIA) مدلي اساسيندا فعاليت ائديرلر. بو اورقانلار٬ (عنعنوي خبرچي ليک و توتوبباسما دان علاوه) درگي لر چيخاريرلار٬ علمي کنفرانس لار کئچيرير و مخاليفت حرکاتينا نفوذ ائديب٬ اونلاري کنترول ائتمک و يؤنلنديرمک له مشغول اولور. بو حاقدا بوگون گئنيش معلومات يميز واردير.
گونئي آذربايجان ميللي آزادلي حرکاتي نين ديش قولو٬ ايچ بؤلومونه نه مالي يارديم ائده بيلير٬ نه ايچه ري يه آدام نفر يول لايير٬ نه هانسي سا ايچه ري ده فعاليت ائدن بير تشکيلات ين رهبرليگي٬ خاريج ده مسکون دور. حرکات ين ديش قولو يالنيز ايکي باخيمدان ايچه ري ده گئدن حاديثه لره تاثير قويا بيلير: دونيا اوزره آذربايجان تورکونون اينسان حاقلاريني مودافيعه ائتمک و حرکاتين نظري اساسلاريني ايشله ييب حاضيرلاماق ايشينده. ميللي حرکاتين نظريه چي ليگي اوزره ايش٬ خاريجده مسکون اولان آذربايجان لي لارين چوخ آز سايي دا بير قوروپونون بوينونا دوشور. منجه آشاغييوخاري وورتوت بير اوناون بئش نفرليک قوروپون خاريج ده رولو بو ساحه ده دانيلماز و عوض اولونمازدير.
بو زومره رژيم اوچون ميللي حرکاتين خاريج بؤلومونون٬ ايچري ده گئدن حاديثه لره ان افکتيو تأثير قويا بيلن حيسه سي ساييلمالي دير. بو زومره اؤزونو٬ رژيم ين ايدئولوژي يا سياسي مصلحت لريله تنظيم ائتمک مجبوريت ينده دئيل٬ اونلاري تهلوکه سيزليک اورقان لارينا چاغيريب٬ ديل لريندن تعهد آلماق اولمور٬ اونلارين علمي٬ سياسي٬ اجتيماعي سابقه و شخصيت لري اونلاري اله کئچيرمه ني٬ پول و زور صاحيب لري اوچون غيري مومکون بير سئودا ائدير. دئمه لي بو اينسان لارين ميللي آزادليق حرکاتينا تاثير قووه لريني محدودلاشديرماق اوچون يالنيز شخصيت ترورو متدو قالميشدير.
شخصيت ترورو٬ ايچينده بولدوندوغوموز وضعيت ده “پان تورکيست“٬ “تجزيه طلب“ و بو کيمي دامغالارلا مومکون دئيل دير. چونکو ميللي حرکاتين سيرالاريندا بو دامغالار رژيم ين ايسته ديگي افکتي وئرمير. بوردا بير تيپ دامغا قالير: ايرانچي٬ فارسچي٬ تماميت ارضي چي. بو سئحيرلي دامغالار ميللي آزادليق حرکاتي ني٬ رضا براهني و هدايت سطانزاده کيمي بريليانت شخصيت لرين فيکري و معنوي يارديم يندان محروم ائتمه لي دير. ديقت ائدين کي٬ آذربايجان ميللي آزادليق حرکاتي اؤز ميللي کادرلاري نين اينتلکتوئل پتانسيل يندن مينيموم درجه ده ايستيافده ائدير. صمد بهرنگي٬ بهروز دهقاني٬ مرضيه احمدي اسکويي٬ ابراهيم عليزاده (خلق مسلمان حرکاتي نين ايدئولوقي)٬ غلامحسين ساعدي و بو سلاله دن يوزلرله ضيالي هره سي بير نؤوع ايله دنياميزي واختسيز ترک ائديبلر و قالانلارين بير چوخ لاري بويونلارينا دوشن مسئوليته جيدي ياناشميرلار يا اساسن بئله بير مسئوليتين اونلارا عاييد الماسيندان خبرلري يوخدور.
تنقيد يا تررور
من آدلاريني چکدي ييم بو استاد لارين هامي سي عئيني فيکيرده دئيل لر و بوتون بونلارين فيکيرلري (هر هانسي باشقا فيکير کيمي) تنقيد اولمالي دير. بو اوستادلار عؤمورلريني علم و مدنيت عالمينه حصر ائتميش اينسان لار کيمي٬ طبيعي بير حال کيمي تنقيده دؤزمه ين لره قارشي بير حؤرمت حيسي ياشاميرلار و من ده اونلارين هئچ بيريني تنقيد اولونماز اعلان ائتمک له کيچيلتمک ايسته ميرم آمما من تنقيد له تخريبات و ترور کامپانياسي آراسيندا آيدين بير سرحد گؤرورم.
داخلي علت لر
من يوخاريدا٬ ايشاره ائتدي ييم ۱۵۱۰ نفردن عيبارت زومره يه داخيل اولان بو آز سايلي ادبي٬ سياسي و اجتماعي شخصيتلره قارشي ميللي حرکاتين خارجيندن (کونکرت اولاراق ايران رژيمي نين تهلوکه سيزليک اورقان لاري طرفيندن) هجوم کامپانياسي آپارماق اوچون باشا دوشولن سبب لرين منطقي ليگيني آچماغا چاليشديم. البته کي اينسان لارا قارشي شخصيت ترورو يالنيز حاکميت لرين طرفيندن و يا اونلارين سيفارشي له يوخ٬ بلکه باشقا علت لردن ده ايراه لي گله بيلر. من ۹ ايل اؤنجه بو داخيلي عاميل حاقيندا چوخ تفروعاتي اؤزونده احتيوا ائدن بير مقاله يازميشام (باخ منفي منممنم ليک مسابقه سي٬تريبون ۴٬ ۱۹۹۹٬ قيش٬ ص ص ۹۵۸۰) و حاضيرکي مقاله ده من يالنيز معلول لارا اشاره ائتمک ايستيرم و فرق ائتمز کي٬ بو معلول لارين آرخاسيندا ياتان علت لر خارجي٬ داخيلي يا اونلارين بيرلشمه سيندن عمله گلميش اولسونلار. بيرده وورغولاييرام کي بو علت لري کاته قوريک معين لشديرمک٬ مومکون ده اولسا٬ منيم اوچون ايکينجي درجه لي بير ايش دير.
معلول لار:
موللاي بغداد محمد فضولي٬ سيد جعفر پيشه وري٬ زمانه ميزين قورقودو دوکتور جواد هيئت٬ بوگون آپارتايد رژيمي نين اوين زينداني نين ۲۰۹-جي بندينده ساخلانيلان ضيالي لاريميزا و يوخاريدا آدلاريني چکدي ييم ميللي شخصيت لره عجاييب تهمت و اتهام کامپانيالاريني “اصيل ملت چي“ و “استقلال چي“ليق سنگريندن آپارماق٬ منيم اوچون آبسورد و آنلاشيلمازدير. من اوزون ايللر بو تهمت و افترا کامپانياسي نين شاهدي اولموش بير مشاهده چي کيمي٬ بوردا ساده جه سون زامان لار آپاريلان داها آبسورد کامپانيا لارا بير مختصر اشاره ائديرم و او کامپانيالارين آرخاسيندا هانسي علت لرين اولدوغو موباحيثه سينه داخيل اولماغا اليمده کيفات قدر ماتريال اولماديغينا اعتراف ائديرم. آشاغيداکي سطيرلرده بو کامپانيالارين سون نمونه لريندن شاهيد لر گتيريريم:
ميللي حوکومتيميزين يادگاري عاليم اوستاديميز محمد علي فرزانه٬ هدايت سلطانزاده و بير چوخ ميللي انسان لاريميزين فيکير و عمل بيرليگي نين نتيجه سينده يارانميش آذربايجان فدرال دموکرات حرکاتي حاقيندا بو سؤزلري چوخ ديرلي يازيلار مؤلفي اولان مهران بي بهاري يازيب دير*: “در حال حاضر شماري از جريانات و گروههاي سياسي آزربايجاني معاصر معتقد به تماميت ارضي ايران- که امروزه جرياني حاشيه اي در سياست ترک و آزربايجانند- در گام بزرگي به عقب، از پيشنهاد پرچم براي آزربايجان جنوبي، حتي از طرح و بحث اين موضوع نيز ابا دارند. نمونه اينگونه جريانات، ج.ف.د.آ (جنبش فدرال و دمکرات آزربايجان) است“ (وورغولار مندن ديرلر آمما ايملا اورژينال متن ده اولدوغو کيمي ده نقل اولوب)
”باي بک“ آدلي بير بي ده بو سؤزلري يازير**: “لازم به ذکر است که جنبش کذائي فوق با گردهم آمدن برخي از سلطنت طلبها٫ مشروطه چي ها و فدرال خواهان فارس پرست ايجاد شده است و هدف آن منحرف کردن موج مليگرايي در آذربايجان است“ (بو جومله ني يک شکست ديگر براي جنبش مسخره “آذربايجان براي حفظ فارسها” ميباشد - [1] www.11008.bayb… خبريندن آلان يازار٫ اونو آذربايجان فدرالچيلارينا ياپيشديرماغ ايستير. باي بک)
ايران رژيمي نين فئدرالچي سايت لار آچماسي خبريني ده ائله همان بي يازير: “ايران حاکيمييتي آذربايجان آدينا چاليشان پاسيو و خطسيز سيته لرين فيلتئرين آچاراق، گونئيده ياشايانلاري ايستر ايسته مز پاسيو و ختسيز اولماغا سوروتليير. باي بک-اين ميللييتچي و ايستيقلالچي داورانيشلارينا قارشي، ايرانچي و يا فئدئرالچي سيته لرين آچماسييلا موباريزه ائديلير.“ (بوجمله ايران دئولت يئتکيليلري “باي بک” سيته سينه قارشي باشقا سيته لرين فيلترين گؤتوروبلر! - [2] www.11008.bayb… آدلي خبردن آلينيب و يازار اونو آذربايجان فدرالچيلارينا ياپيشديرماغ ايستير. باي بک)
سون زامان لار پيدا اولموش و صاحيبي نامعلوم ايمضالاردان بيري “ گؤنئیلى آذربایجان “ دير. بو ايمضاني داشايان يازي دان ۳ اؤرنک***:
“ آقای هدايت [سلطانزاده] … جنابعالی و همفکرانتان مانند رضا براهنی و ضیاء صدرالاشرافی از ایران و ایرانی دم می زنید . لطفا کمی مغز قدیمی تان را تکان دهید!“
“ آقای سلطان زاده می خواهد دوباره آذربایجان جنوبی را در خدمت منافع نامشروع فاشیستهای فارس قرار دهد و زیر پوشش دموکراسی در ایران فارس که خود یکی از بزرگترین دروغهای قرون ۱۹، ۲۰ و ۲۱ می باشد دوباره فعالان فرهنگی و سیاسی آذربایجان جنوبی را به جانفشانی برای حفظ این تمامیت ارضی کذایی بسیج کند.“
. “هدف تمامی فدرالیستها اعم از ترک، فارس و … در وهله اول حفظ تمامیت ارضی کذایی ایران فارس است و تله ای است که آنان برای جلوگیری از رسیدن ملل تحت ستم به دولتهای ملی مستقل با حاکمیت سرزمینی مشخص پهن کرده اند. این شگرد کثیف ماکیاولیستی ضروری است از سوی فعالان سیاسی آذربایجان جنوبی نقد شده و ابعاد شوم آن برای ملت ترک آذربایجان جنوبی تشریح گردد.“
(مارخلي بودور کي بو بي يين سئچديگي تاخما آد دا تورک ديلي قايدالاري باخيمندان تام يانليش دير!)
ايکي مقام
يوخاري سطيرلرده من آز سايي دا اولان آذربايجان ميللي ضيالي لارينا قارشي آپاريلان٬ هجوم و هجوم کامپانيا لارينا ايشاره ائتديم. بو آرادا مارخلي مقام لار دا آز دئيل دير.
۱. ميللت يميزين ان لياقتلي ضيالي لاري گولونج بهانه لرله٬ ايتتيهام لانديريلديغي حالدا٬ بير سيرا يارامازليقلارين مؤلفلري اولان صلاحيت سيز آداملار٬ هئچ بير مانعه يا تنقيدله قارشي لاشمادان٬ تخريبات لارينا دوام ائتديريلر. بو آداملارين سياهي لار تأسسوفله اوزون دور: بورون سينديران٬ بارماق سينديران٬ قولاق پارتلادان٬ اؤز اعترافلارينا اساسن ايران رژيمي نين تهلوکه سيزليک اورقانلاري لا شوبهه لي علاقه لرده اولان لار٬ حاضيرکي ايران دا استان بؤلمه لريني (ايران رژيمي نين ايدئولوقو سيد هاشيم هدايتي کيمي) “فدراليستي“ اعلان ائدن و س. قئيد ائديم کي٬ بو شخص لر٬ قولدورلوق لاريني و شوبهه لي فعاليت لريني٬ آذربايجان لاريين فعاليت محيط لرينده و آذربايجان آکتيويست لرينه قارشي آپارميش لار و ائله بوگون ده آذربايجان تشکيلات لاري نين اداره هيئت لرينده و سايير فونکسيالاردا٬ فعال ديرلار.
۲. بير چوخ ايتتيهام کامپيانيالاري٬ صاحيبلري نامعلوم اولان ايمضالار آلتيندا آپاريلير. بير چوخ حال لاردا دا بو کامپانيالار٬ گويا ايستيقلال طرفدارلاري آپاريرلار. آمما ماراخلي دير کي همن ايمضالارلا٬ بير ياريم صحيفه ده اولسا٬ ايستيقلال حاقيندا اثباتاً بير يازي نشر اولماييبدير. بئله ليکله آذربايجان ين آز ساييلي فيکير و علم صاحيب لري٬ نه اينکي صلاحيتي نين اولوباولماماسي حتي ماهيت لري و هويت لري معلوم اولمايان شخص لر (يا کؤلگه لر؟!) طرفيندن شخصيت ترورونا معروض قاليرلار.
سون سؤز
اينکيشاف ائتميش دونيادا٬ علم و علمي قايناقلار ايل دنايله يئني لشدي يي حالدا٬ ايراندا پورداوود و محمدعلي فروغي٬ کيمي رضاخان دؤرونون ياريم ساواد مؤليف لري ان معتبرنظريه چي لر کيمي هله ده اعتبارداديرلار. باشقا طرفدن٬ رژيم حميد امير احمدي کيمي يوکسک سويه ده تحصيل آلميشلاري تمام وخت اختيارينا آليب٬ “مرکز مطالعات راهبري“٬ “مرکز مطالعات ملي“ و “فصلنامه مطالعات ملي“ کمي اورقان لار ياراديب دير. خاريج ده فارس شاهچي لار٬ جبهه ملي چي لر و کمونيست لر بيربيرلينه ياخينلاشيب٬ عنعنوي سکوت و مودافيعه دن٬ هجوما کئچيب لر. بوتون بو قارا قووه لر٬ حتي ترجومه ايشينده٬ ترجومه اوچون هانسي اثرلرين سئچيلمه سي و ترجومه ده امانت دارليق دا فارس راسيسمي نين مصلحتي ني هر نه دن اوستون توتورلار.
بو ايدئولوژيک باسقي نين قارشي سيندا بيز يالنيز علم و اينتلکت گوجونه دايانا بيلريک. علم و اينتلکت ايسه نادر اولان بير شئي لرديرلر کي بازاردا ساتيلميرلار. ميللي حوکومت دئوريلرکن٬ او زامانين آز ساييلي ضيالي لاري گئدرگلمزسورگون لر و اؤلوم له مئيدان لاريندا محو اولدولار. سونرا نئچه نسيل آذربايجان ضيالي لاري دونيا پرولتارياتي ني زنجيردن خيلاص ائتمک سئودايندا ياراديجي ليق قابليت لري و حتي جانلاريني قويدولار. نتيجه ده ۱۹۸۰-جي ايللرين سونوندا آذربايجان يئني ميللي رنسانس ينا حاضيرباشلايارکن٬ يوکسک سويه لي ضيالي لار زومره سي باخيميندان کاسيب ليق چکيردي. بو باخيمدان جناب هدايت سلطانزاد ه کيمي ميللي شخصيت لر٬ بير عؤمور آلني آچيق موباريزه و بير استعداد دولو عؤمورون بويو آپارديقلاري آختاريش و مطالعه نتيجه سينده الده اولموش اينتلکت اعتباريله٬ آذربايجان ميللي حرکاتي نين مدرن دونيانين مورکب شرايطينه اويقون٬ نظري اساس لاري نين فورمالاشماسينداکي امگي٬ دانيلمازدير و تاريخي اهميته ماليک دير.
جناب سلطانزاده نين سون ايللرده اينتنسيو علمي ايشلري٬ نه آذربايجانلي و نه غير آذربايجانلي هئچ قلم صاحيبي نين ايشي له موقاييسه اولوناسي دئيل. اوزوک اگر قاشي لار تاني نارسا٬ ميللي حرکتلرده٬ دوشونن بئينلر و ميللي مفکوره نين داشيجي لاريلا تاني نارلار. دئديکلريمي اساسلانديرماق اوچون من٬ جناب سلطانزاده نين مقاله لري نين لينک لري و تريبون رئداکسياسي نين چاپا حاضيرلاديغي بير نئچه مقاله نين قايناق لار سياهي سيني بو مقاله يه علاوه ائديرم (وئريلن آدرسلر مقاله ده رفئرئنس اولاراق قوللانيلماديغي اؤچون يايينلانميرلار. باي بک). قايناق لارين آکتوئل ليک لريني گؤسترمک اوچون من بير سيرا اثرلرين نشر تاريخلري نين رنگي ني دييشديرميشم. فارسجا اولان قايناقلار ائله بو سياهي ده اولان قدرديرلر.
سون دا بير داها وورغولامالي يام کي٬ فئدراليسم ده٬ هم هر هانسي باشقا سياسي فيکير٬ مدل يا پلاتفورم کيمي٬ تنقيد اولمالي دير آنجاق من يوخاريدا نقل ائتدي ييم اوچ ايمضاني داشايان سطيرلري٬ سياسي تنقيد يوخ٬ يالان فاکت لارلا شخصيت ترورو کيمي ديرلنديريرم.
۲۰۰۸ اوکتيابرين سونو
استکهلم
عليرضا اردبيلي
۱ -
عوموم ميللي قرارلار وئرمک مئکانيزملري - عليرضا اردبيلي
[3] www.11008.bayb…
۲-
جمعي قرار آلما سورونلاريميز٫ حورمتلي عليرضا اردبيلي-يه - سئزر ياشار
[4] www.11008.bayb…
عليرضا بئي اردبيلي, تنقید ائتدیینیز یازی مستقیل فعاللار طرفیندن ياییملانان موراجیعت-له علاقه سی یوخدور - ا. اورمولو
[5] www.11008.bayb…
عليرضا اردبيلي بايراق مسئله سي ايله باغلي باي بک سايتي ايله علاقه ساخلاماميشدير!
[6] www.11008.bayb…
(اوخوجونون داها دقتلي اولماسي اؤچون٫ جناب اردبيلينين بيله رک اؤنوتدوغو رئفئرنسلر بوردا يازيليرلار. نرمالده بير يازار قوللانديغي جومله لري هاردان آليبدير قونوسونا آچيقليق گتيرمه ليدير تا اوخوجو او يازيني بؤتؤو اولاراق اوخويوب و يازارين الده ائتمک ايسته ديگي قونونو داها دؤزگون آنلاسين.)
*
تاريخ فشرده پرچم آزربايجان جنوبي در سده بيستم - مهران بهاري
[7] www.11008.bayb…
[8] www.sozumuz.bl…
**
ايران دئولت يئتکيليلري “باي بک” سيته سينه قارشي باشقا سيته لرين فيلترين گؤتوروبلر!
[9] www.11008.bayb…
يک شکست ديگر براي جنبش مسخره “آذربايجان براي حفظ فارسها”
[10] www.11008.bayb…
***
نگاهی اجمالی بر ایران گرایی (فارسگرایی) بعضی از فعالان آذربایجانی در قالب حمایت از فدرالیسم- گؤنئیلى آذربایجان
[11] www.azadtabriz…
٫بير ميللتين سسي
پایلاش | پرینت
بورا باغلي يازيلار:
- تدابیر شدید امنیتی و بازداشتهای گسترده در آذربایجان و بایکوت خبری در سایتهای بی بی سی فارسی، صدای آمریکا، رادیو فردا، صدای آلمان، رادیو فرانسه و…! - آيدين تبريزي
- مرگ فعال با سابقه تبریزی در بازداشتگاه اطلاعات تبریز احتمالا با شوک الکتریکی بوده است
- فارس ایستعماری نین ایسلام چتری آلتیندا رجز اوخوما حئکایه سی - ایشیق سؤنمز
- “آزاد تريبون” سيته سي نين مسئولو ايديعا ائتديگي ژورناليسمين ائتيکاسنا صاديق قالا بيلمه دي!
- گلین بو داشی اته یینیزدن تؤکون! “میللی سیمگه اونریسی یا میللی سیمگه ***” یازیسینا تنقید - آیتان ار اوغلو
- هویت قهوهخانهای روشنفکران نسل گذشته آذربایجان - سید حیدر بیات
- دوروم ده يرلنديرمه سي: ايران عيرقچيليگينه قارشي گونئي آذربايجانين خرداد ۱۳۸۵ کوتله اعتيراضلاري نين ايکينجي ايلدؤنومو
- عوموم ميللي قرارلار وئرمک مئکانيزملري - عليرضا اردبيلي
- حمید تبریزلی ایمضاسی ایله “گفتمان هویت طلبی در آذربایجان – ۱” آدلی یازیلمیش مقاله یه باخیش - ایشیق سؤنمز
- ابراز نگرانی سازمان عفو بين الملل از شکنجه ۹ فعال حقوق فرهنگی آذربايجان
http://www.baybak.com
بای بک سایتیندان پرینت اولوب
http://www.11008.baybak.com/il_11008_say_1627.azr
یازینین اینترنت آدرسی
یازیده ایشه آلینان اینترنت آدرسلری
[1] www.11008.bayb…: http://www.11008.baybak.com/il_11008_say_962.azr-
[2] www.11008.bayb…: http://www.11008.baybak.com/il_11008_say_1506.azr-
[3] www.11008.bayb…: http://www.11008.baybak.com/il_11008_say_765.azr
[4] www.11008.bayb…: http://www.11008.baybak.com/il_11008_say_792.azr
[5] www.11008.bayb…: http://www.11008.baybak.com/il_11008_say_799.azr
[6] www.11008.bayb…: http://www.11008.baybak.com/il_11008_say_868.azr
[7] www.11008.bayb…: http://www.11008.baybak.com/il_11008_say_498.azr
[8] www.sozumuz.bl…: http://www.sozumuz.blogspot.com/2008_07_01_archive.html
[9] www.11008.bayb…: http://www.11008.baybak.com/il_11008_say_1506.azr
[10] www.11008.bayb…: http://www.11008.baybak.com/il_11008_say_962.azr
[11] www.azadtabriz…: http://www.azadtabriz.org/news/archives/16722
گوروش کاپانیبدی