دؤولت باخچالي: “ترورون بئيني بارزاني، يؤنتيمي قنديل، دستکچيسي سئپاراتچيلار، مئهمانداري آ.ک.پ-دير”
بای بک، آذربايجان | تُزگؤن, ۲۳-ي خزل آی , ۱۱۰۰۸ اینجی ایل, چولا ۲۰:۴۵ [آ.خ] | ایچ ساولار
 |
. | آ.ب.ش-اين و آ.ک.پ (آک پارتی)-نين پ.ک.ک-ني بو بؤلگه دن اوزاقلاشديرماق نيتي يوخدور. هؤکومت قلوبال اويونون ايچينه ايتله نيب، آما اويون بللي اولوب. ترورون بئيني بارزاني، يؤنتيمي قنديل، دستکچيسي سئپاراتچيلار، مئهمانداري آ.ک.پ (آک پارتی)-دير. هؤکومتين پ.ک.ک ترورو ايله موجاديله ده تام بير باشي پوزوقلوق نومونه سي گؤستررکن بير هؤکومت سؤزچوسونون ” ببگ ائوي ” ندن دانيشماسي ديقت چکيجي اولوب. |
دؤولت باخچالي: “ترورون بئيني بارزاني، يؤنتيمي قنديل، دستکچيسي سئپاراتچيلار، مئهمانداري آ.ک.پ (آک پارتی)-دير”
اوکتبرين ۱۴-اونده پارتيياسي نين قروپ توپلانتيسيندا چيخيش ائدن م.ه.پ (میللیتچی حرکت پارتیسی) سدري دؤولت باخچالي هؤکومتين اونوانينا آغير ايتتيهاملار سسلنديريب. پ.ک.ک ايله موباريزه ده آ.ک.پ (آک پارتی) هؤکومتي نين مسئوليت داشيديغيني دئين م.ه.پ (میللیتچی حرکت پارتیسی) سدري آ.ک.پ (آک پارتی) ايچينده پ.ک.ک ايله عئيني ديلده دانيشان ميلت وکيللري نين اولدوغونو سؤيله ييب.
دؤولت باخچالي کورسوده چيخيش زاماني الينده کي خريته ني گؤستره رک هؤوسله دن چيخيب: ” ديله ديگيميز ترورون سونا چاتماسي، تورکيه بؤيوک ميلت مجليسي نين وئرديگي عمليات کئچيرمه صلاحيتي نين سمره لي شکيلده ايستيفاده اولونماسيدير. ايندي آرتان ترور آکسييالاري نين ايستيقامتي و هؤکومتين بو مسئله لره ياناشماسي نتيجه سينده يئني دؤنم باشلاييب. آرتيق قانلي آکسييالار فونوندا آ.ک.پ (آک پارتی)- نين کلاسسيک فعاليتي نين- سونو گلمه يه ن تدبير آراييشلاري نين، سؤزده آتشکس چاغيريشلاري نين باش آلداديجي اولدوغو گؤرونور. هؤکومت عوضولري نين ترورلا موجاديله بياناتلاري جمعيته اوميد وئرمکدن بئله اوزاقدير.
ترورلا موجاديله توپلومون بوتون طبقه لري نين اورتاق دستگيله چؤزوله جک ميللي بير پروبلئمدير. بيز هؤکومته تکليفلريميزي چاتديرميشيق، چيخيشلاريميزدا اورتايا قويموشوق. پروسئسلر هؤکومتين ترورلا موباريزه پروبلئمينه بيزيمله عئيني پنجره دن باخماديغيني اوزه چيخارير.
آ.ک.پ (آک پارتی) هؤکومتي نين پ.ک.ک ايله موباريزه بياناتلاري نين تاثيري بله ديييه لره سئچکي گونو اونودولاجاق. هؤکومتين ترورلا موجاديله مسئوليتيني اؤز چيينيندن آتيب تورکيه سيلاهلي قوووه لرينه يوکله مک جهدلري اوزه چيخيب. پارلامئنتده موزاکيره لر زاماني تورکيه سيلاهلي قوووه لرينه سرحددن او ياندا پ.ک.ک ترورچولارينا قارشي عمليات کئچيرمک صلاحيتي وئرن تبمم قرارنامه سي حاقيندا سؤز آلان هؤکومت تمسيلچيسي نين ترورلا موجاديله ني ت.س.ق-نين (تورک سیلاحلی قوه لری) عؤهده سينه قويماسي و ” نه ايسته ديلرسه، وئرديک ” سؤزلري تام بير مسئوليتسيزليکدير. بو سؤزلر ” نه ائدک، بيز ت.س.ق-يا هر جور دستگي وئريريک، آما اوردو ترورون قارشيسيني آلا بيلمير ” آنلامي داشييير. تبمم قرارنامه سي هؤکومته وئريليب، تورکيه سيلاهلي قوووه لرينه دئييل.
قرارنامه ده کي ايمضا باش نازيره آيددير، همين ايمضا ايله مسئوليت هؤکومته عايددير ” . ت.ب.م.م-ده تئزکره (قرارنامه) موزاکيره لري زاماني آ.ک.پ (آک پارتی)- نين آديندان چيخيش ائدن بير ميلت وکيلي نين سئپاراتچي ترور تشکيلاتي نين فيکيرلريندن ايستيفاده ائتديگيني، تبليغات آپارديغيني دئين دؤولت باخچالي سؤيله ييب: ” آ.ک.پ (آک پارتی) بير داها پ.ک.ک و بارزاني ايله عئيني مؤوقئده دايانيب. تأسوف کي، بونون اوچون اوجا مجليس کورسوسو آلت ائديليب. بو کيرلي بير ذهنيتدير، ان آزي پ.ک.ک قدر سئپاراتچي، آلچاق و اخلاقسيزدير. ” سايين ميلت وکيلي ” دئييلن همين زات بو خريته يه ايشاره وورور. بونو قبول ائتمک مومکون دئييل. آيدين گؤرونور کي، هؤکومتين ترورلا موباريزه ايله باغلي ستراتئگيياسي يوخدور. هؤکومت الي سيلاهلي ترورچو ايله ديپلوماتيک بازارليغا حاضيرلاشير.
آ.ب.ش-اين و آ.ک.پ (آک پارتی)-نين پ.ک.ک-ني بو بؤلگه دن اوزاقلاشديرماق نيتي يوخدور. هؤکومت قلوبال اويونون ايچينه ايتله نيب، آما اويون بللي اولوب. ترورون بئيني بارزاني، يؤنتيمي قنديل، دستکچيسي سئپاراتچيلار، مئهمانداري آ.ک.پ (آک پارتی)-دير. هؤکومتين پ.ک.ک ترورو ايله موجاديله ده تام بير باشي پوزوقلوق نومونه سي گؤستررکن بير هؤکومت سؤزچوسونون ” ببگ ائوي ” ندن دانيشماسي ديقت چکيجي اولوب. بو مثله ني گوندمه گتيرن هؤکومت عوضوونه و ايستنمه يهن وضعيتي قاشيياراق ايجتيماي ريي تورکيه سيلاهلي قوووه لرينه قارشي تهريک ائدن مئديايا بير مسئله ني خاطيرلاتماق ايسته ييرم. ايراقدا عسگرلريميزين باشينا چووال کئچيريلنده باش نازير اردوغانين کايسئريده سفريني دايانديرماييب، عکسينه، آوتوپارکين آچيليش مراسيمينه قاتيلماسي اونودولماييب.
آ.ک.پ (آک پارتی) مئدياسي ايينه ني اؤنجه اؤزونه باتيرماليدير. م.ه.پ (میللیتچی حرکت پارتیسی) اولاراق تورکيه نين بير و بوتون اولاراق گؤرن بير سياسي آنلاييشين تمسيلچيلريگيک. بونو بير ميللي وارليق سببي، موقدس بير وطن وظيفه سي ساييريق. وئريله جک تورپاقلاريميز، واز کئچيلمز اينسانيميزين اولماديغيني دايم ايفاده ائتميشيک. بو مثله ده ان کيچيک گوزشت بئله وطنه خيانتدير. نه يازيق کي، بو وضعيتيميزدن نصيبيني آلمايانلارين ت.ب.م.م-ده يئر آلماسي چوخ بؤيوک اوغورسوزلوقدور. داها اؤنجه ده بؤلوجولوگون سؤزلو آکسييالارينا شاهيد اولدوق.
تورکيه بؤيوک ميلت مجليسينده کي موزاکيره لر زاماني آ.ک.پ (آک پارتی) آديندان دانيشان ميلت وکيلي نين ” گاوير داغيندان او طرفه کئچيلممه ليدير ” سؤزلري بارزاني نين، پ.ک.ک-نين جيزديغي ختدير. حاقيندا سؤزو گئدن ميلت وکيلي نين سؤزلري سئپاراتچي تشکيلاتين هارايا چاتديغيني آيدين شکيلده گؤسترير. بو زيروه لرين صاحيبي اولان شخص نه مقصدله خاطيرلاتما جورأتي گؤسترير؟ بهس ائتديگي خطي آچيقلاماقلا نه مقصدي گودور؟ بو سوالا وئريلن جاواب هر شئيي اورتايا چيخاراجاق.
بيزيم سورغولاديغيميز مثله آيديندير. آ.ک.پ (آک پارتی)-چي ميلت وکيلي نين گاوير داغي ايله سيواس آراسيندا گؤسترديگي او خط بارزاني نين، پ.ک.ک-نين جيزديغي ختدير. بو ذهنييت ان آزي پ.ک.ک قدر سئپاراتچي و خيانتکاردير. ميلت وکيلي دئديگيميز بو شخص سئپاراتيزمي دستکله يير. اوسته ليک بعضيلري بيزي ايتتيهام ائتمه يه چاليشير. ايندي ۴۰ ايلليک بير پارتييايايا، بيزه يولو سيزمي گؤستره جکسينيز؟ بيز قلوبال اويونون فرقيندگيک. بو بيزه و وطن اؤولادلارينا ان بؤيوک خيانتدير. ايندي دئييل، آما صاباح بونون جاوابيني وئره جگيک ” .
دؤولت باخچالي اردوغانين ” آغزي اولان دانيشير ” سؤزلرينه ايسه بئله جاواب وئريب: ” بو باش نازير اردوغانا ياراشان بئله اوسلوب، دانيشيق طرزي اونون نه قدر بؤيوک چاره سيزليک ايچريسينده اولدوغونو گؤسترير. رجب تايييب اردوغانين شيمالي ايراقدا بوفئر بؤلگه قورولماسي تکليفينه وئرديگي تپکي کورد ليدئري بارزانيدن بئله سرت اولوب”.axcp
٫بير ميللتين سسي
پایلاش | پرینت
بورا باغلي يازيلار:
- حاکيميتين آ.خ.ج.پ-ني پارچالاماق اوچون يئني پلاني وار
- گونئي آذربايجان دونيانين ديقتيندن کناردا قاليب - تبريز قوزئيلي
- پ.ک.ک روسيه نين اينشاعات بازاريندا
- ايران رئژيمي آرازين ساهيلينده کوردلر اوچون شهر سالير
- مينسک قروپونون فعاليتي نتيجه وئرمير
- قارانليقدان گؤرونن ايشيق
- روسيه ايمپئريياسي پارچالانير
- بوتؤو آذربايجان خالق جبهه سي پارتيسي نين سدري دنيز بايکال-ا مکتوب گؤندريب
- موخاليفت بيرگه موقاويمت تشکيل ائتمک باره ده راضيليغا گليب
- آ.ک.پ هؤکومتيندن نؤوبتي رذالت
http://www.baybak.com
بای بک سایتیندان پرینت اولوب
http://www.11008.baybak.com/il_11008_say_1456.azr
یازینین اینترنت آدرسی
گوروش کاپانیبدی