ياشاسين آذربايجان - Long live Azerbaijan

.

ايراندا ۱۴ ميليون شاگيرد و ۳ ميليونا ياخين اؤيرنجي تحصيل اوجاقلارينا گئتديلر. مکتبلرين زنگي نين چالينماسي ايله سينيفلره يوللانميش بو اوشاقلارين ۶۰ فايزي نين آنا ديلي فارسجا دئييل. اونلارين اکثريتي آذربايجان تورکجه سينده، قالاني ايسه تورکمن، کورد، عرب و باشقا ديللرده دانيشسالار دا، مکتب و اونيوئرسيتئتلرده فارسجا دانيشيب يازماق مجبوريتينده ديرلر. پرئزيدئنت احمدي نژاد بو مجبوريتي

(يارپاق قزئتي نين باش يازاري ايواز طاهانين ايراندا يئني تسيل ايلي نين باشلانماسي موناسيبتي ايله شاگيردلر و اؤيرنجيلره آچيق مکتوبو)

ايراندا ۱۴ ميليون شاگيرد و ۳ ميليونا ياخين اؤيرنجي تحصيل اوجاقلارينا گئتديلر. مکتبلرين زنگي نين چالينماسي ايله سينيفلره يوللانميش بو اوشاقلارين ۶۰ فايزي نين آنا ديلي فارسجا دئييل. اونلارين اکثريتي آذربايجان تورکجه سينده، قالاني ايسه تورکمن، کورد، عرب و باشقا ديللرده دانيشسالار دا، مکتب و اونيوئرسيتئتلرده فارسجا دانيشيب يازماق مجبوريتينده ديرلر.

پرئزيدئنت احمدي نژاد بو مجبوريتي اونوداراق محبت آنلاميني داشييان “مهر” آييندا مکتبه گئدئن اوشاقلارا سئوگيدن دانيشدي: “امينم کي، بو ايلده بيزيم گنج نسليميز عدالت، سئوگي بسله مک و اؤلکهنين هر طرفلي اينکيشافينا داير سؤزلري اؤيرنه جک.”

منجه بو سؤزلر “عدالت”-اي هايقيران پوپوليست سياستچيلرين يالنيز عدالتسيزليک دوغوران ايقتيصادي گؤتوروشونون باشقا بير گؤستريجيسيدير. يوخسا کيم بيلمير کي، ديلي دانيلميش هر بير وارليق “کيمليک” گرگينليگينه سوروکلنه رک اينکيشاف ائده بيلمز. عدالتدن، سئوگيدن و اينکيشافدان بو ساياق دانيشماق اوشاقلارين گؤزونه باخاراق اونلارين هم قرآن کريمده، هم آناياسادا، هم ده اولوسلاراراسي اينسان هاقلاري بياننامه لرينده آچيق-آشکار وورغولانميش ديل و دوشونجه آزادليغيني آياق آلتينا آليب تاپدالاماقدان باشقا بير شئي دئييلدير.

صؤحبت “بشريتين ان گؤزل، موکممل و ان ياخشي طالعي”-ايندن گئديرسه، گوج قورولوشلاري و گوج کورسولرينه ديرسکلنميش آداملارين سئوگي مکتوبلاري تکجه سوسقون کوتله يه ارمغان ائديلممه ليدير، حاقيني ايسته ين وطنداشلارا دا گؤندريلمه ليدير. يوخسا آغزيني آچيب ان واجيب، ايلکين و دانيلماز حاقيني، يني آناسي دانيشان ديلده دانيشماق ديلگيني ديله گتيرنلرين يئري حبسخانالارين قارانليق کامئراسي اولورسا، او محبت مکتوبلاري اسيرليک بلگه سينه چئوريله جک.

سئويملي اؤيرنجيلر! اؤز آنا ديلينيزي مومکون يوللارلا اؤيرنمکله گئرچک کيمليگينيزي قورويون.

سئوگيلر و سايقيلارلا
ايواز طاها
تبريز
۲۲/۰۹/۲۰۰۸

• یئنی بیر کیتاب: معیار دیل - يازار: دکتر ايواز طاها

http://www.baybak.com بای بک سایتیندان پرینت اولوب
http://www.11008.baybak.com/il_11008_say_1310.azr یازینین اینترنت آدرسی