سنیم ارک٫ زيبا کرباسي-دان تورکجه بير قوشوغ (شعر)٫ قوشارين سسي ايله بيرليکده
بای بک، آذربايجان | آراگؤن, ۵-ي قئزاران , ۱۱۰۰۸ اینجی ایل, چولا ۰۰:۲۰ [گ.ؤ] | یازی و قوشوق
 |
. | آغ دسمالیوی دولاندیر شئیطان تورو دینجهلن گوشهلرین توزون آل. دردین آلیم، الدن اله بیز… زمانیدی کؤهنه تخته ایشکافلاری آچ دیلابلاری دیندیر بزه-دوزه تاخچالاری |
سنیم ارک
يئنديرمک اؤچون: [1] بورا کليک ائدين
نئجه ترپهشیم ترپشمهسین سو سودان
قیش، قار یاغیشدان
میس مئژمئیییلرده گزن توتلارین آغی قاراسیننان
دییمی نئجه دییم، دهیمهسین نئینیمه
نئینیمی نئجه نئینهدیم، قوشولماسین ائلییمه.
دلیم سننن ….سنیم مننن…. منیم،منیم ارک…. سنیم ارک
او بویدا آللاهین آرخایین چیینلریننن غریب،
آیاق یالین قاشمیش بو شعرین قافاسینا.
قالان به قالان ارک بویونو، بوینومون اوجاسیننان سوروش،
سئوگیمی پارتداتمالاردان چارتلاییب ییخیلمایان، قالان قالاننان.
گوجومو بینؤرهمی، میللتین غیرتلی قالیشلاریننان …قان اَرخه دایانسادا ییخیلمارام
آغ دسمالیوی دولاندیر
شئیطان تورو دینجهلن گوشهلرین توزون آل.
دردین آلیم، الدن اله بیز… زمانیدی
کؤهنه تخته ایشکافلاری آچ
دیلابلاری دیندیر
بزه-دوزه تاخچالاری
سئرچه ساعاتین قور قوی قوقولداسین
وخت وئرمه.
ساری سالفئتلری سال میز اوسته
صاندیقخانادا بوتاخلی بوخچالاری سلقهله.
بنؤوشهلی چینی بولود بوشقابلاری چیخارت گنجهدن،
سازینین نازین آل، بئلین اینجهله،
اوزهرریکلری سال تولاما تورلارا،
چایخانالارداکی یئکهپر سماوارلاری دولدور قئینهسین.
قوناخ گلیر دئییللر، بالا زرخانیم
الدن اله بیز… زمانیدی.
قان گؤزلریمی توتوب
اتکلر، اؤرتوکلر آلتیندا
قانلی دمیرلر اوینور.
دلیم سننن ….سنیم مننن…. منیم، منیم ارک…. سنیم ارک
ییخیلا اگر
اووووووووی، بوی دئمیرم
قوناخ باجی
ائله گلن دانقالارووی توت، یاواش سوزول گئت.
بورا ارک، ارک، ارک مئیدانیدی،
بو لوت هو چکن تبریزدی.bayqush
٫بير ميللتين سسي
پایلاش | پرینت
بورا باغلي يازيلار:
- نوه رضاخان در تبريز به دنبال چيست؟
- اؤنريلن سيمگه تبريز-ين موستقيل ميلتچيلري طرفيندن دالقالانير! (ويدئو)
- سفر دبير كل حزب الله لبنان به تبريز !!
- عزاي فرهنگي در آذربايجان: غارتگران ارک تبريز نابوديش را جشن مي گيرند
- نماز گاه تبريز يا شكنجه گاه اطلاعات؟ افشاگري تازه يي درباره مصلي جديد تبريز
- مشروطه فرماني نين ايمضالانماسي نين ايلدؤنومو موناسيبتيله يوروشه ايجازه وئريلمه دي!
- توتولان اؤيرنجيلري مودافيه اوچون، تبريز-ده گئجه يايينلاري ياپيلير! (عکس)
- “نه” کوبنده دينداران تبريز به رژيم آپارتايد فارس (عکس)
- تبريز-ده زلزله باش وئريب
- مجموعه بازار تبريز بيمه شد
http://www.baybak.com
بای بک سایتیندان پرینت اولوب
http://www.11008.baybak.com/il_11008_say_119.azr
یازینین اینترنت آدرسی
یازیده ایشه آلینان اینترنت آدرسلری
[1] بورا کليک ائدين: http://www.baybak.com/ses11007/ziba-kerbasi-senim-erk-2008.mp3
گوروش کاپانیبدی