آذربايجان و تورکيه (۱) - صمد نيکنام
بای بک، آذربايجان | اِلگؤن, ۱۶-ي زومار آی , ۱۱۰۰۸ اینجی ایل, چولا ۱۹:۱۵ [آ.خ] | یازی و قوشوق
 |
. | خالق جبهه سي نين خوفو
تورکييه پرئزيدئنتي عبدالله گولون ائرمنيستانا سفري آذربايجاندا شوک وضعيتي ياراديب. آذربايجاندا ائله تصوور وار کي، تورکييه اونلار دئيه ني ائتمه ليدير و آذربايجانين خترينه ديممه ليدير. بو ساده و پريميتيو دوشونجه يه اينانانلار و اونو تبليغ ائدنلر آزاد اينسانلار دئييل ، بلکه کؤله فيکيرليديرلر. بو سيرايا بير سياسي-ايجتيماي قوروملارين رهبرلري، چوخسايلي ژورناليستلري و اؤزلليکله، خالق جبهه سي تؤرمه لريني آيد ائتمک اولار. |
(ديققت: بو مقاله باي بک سيته سي نين گؤروشو دئييلدير و يازارين دوشونجه سيني عکس ائتديرير. آزاد مئديا اولاراق، هر تور دوشونجه يه يئر وئرمکله ميللي هرکاتين اينکيشافينا يارديمجي اولماق بيزيم بورجوموزدور. آنجاق يازار اونوتماماليدير کي تورکيه اؤز آدي و گوجوندن سيرف داخيلي منافعسي اوغروندا يوخ، کي تورک اؤلکه لرين اينکيشافي دوغرولتوسوندا قوللانماليدير. تورک اؤلکه لري نين آرالاريندا گوجلو دوستلوغون اولماماسي، بو اؤلکه لرين چؤکمه سي يؤنونده خاريجي گوجلرين طرفيندن ياپيلان سيياستدير. آرتيراق کي عبدالله گول-اون ائرمنيستانا سفري تورکيه ماراخلارينا گؤره يوخ، کي آمريکا و موتتفيقلري نين آيدين امري ايله گرچکلشيب. ائرمنيستان تورکيه نين داخيلي ساواشلارا گيرمه سي، پارچالانماسي و دونيادا يوکسلمه مه سي اوچون چاليشان ان بؤيوک تهلوکه دير. ائرمنيستانلا ايشبيرليگينه گيرمک، او اؤلکه ني تهلوکه سيز حاله گتيرمک دئمک دئييلدير. باي بک)
خالق جبهه سي نين خوفو
تورکييه پرئزيدئنتي عبدالله گولون ائرمنيستانا سفري آذربايجاندا شوک وضعيتي ياراديب. آذربايجاندا ائله تصوور وار کي، تورکييه اونلار دئيه ني ائتمه ليدير و آذربايجانين خترينه ديممه ليدير. بو ساده و پريميتيو دوشونجه يه اينانانلار و اونو تبليغ ائدنلر آزاد اينسانلار دئييل ، بلکه کؤله فيکيرليديرلر. بو سيرايا بير سياسي-ايجتيماي قوروملارين رهبرلري، چوخسايلي ژورناليستلري و اؤزلليکله، خالق جبهه سي تؤرمه لريني آيد ائتمک اولار.
تورکييه هؤکومتينه بئله سادلؤوه و ائموسيونال موناسيبتين اساسي، سيياست، ديپلوماتييا و بوتؤولوکده دؤولت آنلاييشيندان هئچ بير شئي آنلامايان خالق جبهه سي و اونلارين بير ايلليک تسادوفي و فلاکتلي حؤکمرانليغي زاماني قويولوب. بو بير ايلده، خالق جبهه سي آذربايجاني تورکييه نين بير ايالتينه چئويردي. آذربايجان رئسپوبليکاسي نين پرئزيدئنت آپاراتي نين ۵-اينجي مرتبه سيني تورکييه ده ايکي کوادرات مئتيرليک اوفيسه صاحيب اولمايانلارين ايختييارينا بوراخدي. آذربايجاندا ۱۹-اونجو اسرين کؤله ليک تفککورو تبليغ اولماغا باشلادي. آذربايجانلا تورکييه نين تاريخي موناسيبتلرينده باش وئرن تاريخي اولايلار ترسه يوزولدو و ميلت يالان تبليغاتا معروض قالدي.
تورکييه ايله آذربايجانين تاريخي موناسيبتلرينده چوخ اؤنملي اولايلار وار. بيز هر شئيي اولدوغو کيمي گؤرمه سه ک، اَيرييه اَيري و دوزه دوز دئمه سه ک تاريخيميزده باش وئرن فلاکتلري و ايستيلاميزا ندن اولايلاري تکرار ائتمک زوروندا قالاجاييق.
ميللي آذربايجان دؤولتي ايله چاغداش تورکييه دؤولتي نين علاقه لري ۱۹۲۰-اينجي ايللره تسادوف ائدير. تورکييه دؤولتي بوتون مثله لرده اؤز ماراقلاري باخيميندان چيخيش ائتميش و نيين باهاسينا اولورسا اولسون اؤز ماراقلاريني قوروموشدور. بونا گؤره هئچ کس تورکييه ني قينايا بيلمز. لاکين، هئچ کسي ده اؤز ميللي ماراقلاري باخيميندان مثله يه ياناشديغينا گؤره دامغالاماق اولماز.
آذربايجان دا هئچ کس قاراگوروهچو جبهه چيلرين شانتاژيندان، دامغاسيندان و هوجومو قورخوسوندان بو مؤوزولارا توخونمور. خالق جبهه سي نين خوفو هله ده ميلتين اوزريندن چکيلمه ييب. خالق هاقليدير. اونا گؤره کي، ميلت هله خالق جبهه سي تؤرتديگي فلاکتلرين شوکونو ياشايير. ائلچيبيدن باشقا خالق جبهه سي نين رهبرلري نين هاميسي ديريدير. اونلاردان بير سواليم وار :
کلبجري نه اوچون ائرمنيلره تهويل وئردينيز و بو ايشده تورکييه پرئزيدئنتي تورقوت اؤزالين رولو ندن عيبارت ايدي؟
۱۹۲۰-اينجي ايل
۱۹۲۰-اينجي ايل آذربايجان خالق جومهوريتي نين دئويرمه پانيني روسلاردان اؤنجه تورکييه جيزدي. آذربايجاندا دؤولتيميزي چئويرمک اوچون چئوريليش کوميته لري ياراديلدي. بو کوميته نين بيري ده روس-تورک بيرليگيندن عيبارت “قافقاز مرکزي ايختيلال کوميته سي” ايدي. بو کوميته آذربايجاني ايشغال ائده جک روس اوردوسونون پلانين جيزدي و آذربايجاني “فتح” ائده جک روس قوشونلارينا کوماندانليغي تورک کومانداني هيلال پاشايا تاپشيريلدي. آذربايجاني ايشغال ائدن روس قوشونلاريني داشييان قاتارلارين اوزرينه تورک بايراغي دالغالاندي. تورکلر روس قوشونلاريني داشييان قاتارلارين اؤنونده گئده رک، روسلارا موقاويمت گؤسترمک ايسته ين آذربايجانليلارا موقاويمت گؤسترمگين دئديلر.
آذربايجان خالق جومهوريتي نين رهبري محمد امين رسولزاده پارلامئنتده تورکلره موراجيعت ائده رک دئدي: “ياپمايين افنديلر”.
آما تورکلر ياپدي، اونا گؤره کي، اونلارين منفعتي ائله ايجاب ائديردي.
باش نازير نصيب بي پارلامئنتده آغلادي، يالواردي و دئدي “اوميد بسله ديگيميز قارداشلاريميز اورگيميزي پارچالايير”. نصيب بيين آغلاماسي بو اورگين پارچالانماسينا مانع اولا بيلمه دي. اونا گؤره کي، اورتادا منفعت وار ايدي.
تأسوفلر اولسون کي، ۱۹۹۱-اينجي ايل آذربايجان موستقيل اولاندان سونرا، بوتون بو تاريخي حاقيقتلر خالقدان گيزله ديلدي. بيز بونلاري دئمه ليگيک. اونا گؤره دئمه ليگيک کي، کلبجر حاديثه سي باش وئرمه سين. بير ده اونا گؤره دئمه ليگيک کي، هامي بيلسين کي، هر دؤولتين اؤز ماراغي و منفعتي وار. بيزيم اوچون آذربايجان دؤولتي نين ماراغي و منفعتي هر شئيدن اوستوندور. بيرده اونا گؤره دئمه ليگيک کي، آيدين اولسون کي، هئچ کسين ايپي نين اوستونه اودون ييغماق اولماز.
۲۰۰۸-اينجي ايل سپتامبرين ۶-سي تورکييه پرئزيدئنتي عبدالله گولون ائرمنيستانا سفري تورکييه دؤولتي نين ماراقلاري اوزرينده کؤکله نيب. بونا گؤره گوله گولمه جه يازانلار، سيياستچي دئييل، کؤله ديرلر.
گول عاغيللي آدامدير
تورکييه نين ماراق و منفعتيني قوروماق اونون بورجودور. او، تورکييه آنا ياساسينا آند ايچرکن دئمه ميشدي کي، آذربايجانين ماراقلاريني نظره آلماق شرطي ايله، تورکييه نين منفعتيني قوروياجاق. او اؤز ماراقلاريني رئاللاشديرماق اوچون حتّی ائرمني اوردوسونو داشييان قاتارين اوستونه تورک باياغي دا سانجا بيلر. نئجه کي، ۱۹۲۰-اينجي ايلده روس قاتاري اوزرينه تاخديلار. بوتون بونلار بيزه، هر شئيدن اؤنجه و ايلک نؤوبه ده اؤز ميللي ماراقلاريميز اوزرينده دوشونمگي، بيرلشمگي و بير سؤزله ميلت اولماغي باجارماغي خاطيرلادير.
کؤله فيکيرلي جبهه چيلرين شانتاژيندان، حدسينده و هوجوموندان قورخماق لازيم دئييل.
بو فاکتلار آذربايجانين درسليک کيتابلارينا سالينماليدير. ميلته اؤزونه اينام هيسسي آشيلانماليدير. ميلته خاطيرلاماق لازيمدير کي، اؤزو ايسترسه و ايراده ائدرسه هر شئيه قاديردير.
موستقيلليک، موستقيل اؤلکه، موستقيل دوشونجه و ميللي منفعت اوزرينده قورولور.
صمد نيکنام
۰۶/۰۹/۲۰۰۸
٫بير ميللتين سسي
پایلاش | پرینت
بورا باغلي يازيلار:
- “دونيانين هاراسيندا بدبخت بير آدام گؤرسن بيل کي همشهريدير” (۱) - صمد نيکنام
- “دونيانين هاراسيندا بدبخت بير آدام گؤرسن بيل کي همشهريدير” (۲) - صمد نيکنام
- “دونيانين هاراسيندا بدبخت بير آدام گؤرسن بيل کي همشهريدير” (۳) - صمد نيکنام
- “دونيانين هاراسيندا بدبخت بير آدام گؤرسن بيل کي همشهريدير” (۴) - صمد نيکنام
- نه قدر يازيرساندا بو دؤنيا دؤزلمير کي دؤزلمير! (۵) - صمد نيکنام
- گونئي آذربايجاني ائلچي بئي سيندروموندان قوروياق - صمد نيکنام
- قارا اولدوز ! - صمد نيکنام
- تورکيه و آذربايجان (۲) - صمد نيکنام
- قاراباغدا يول وئريلن سهولري باتی (غربی) آذربايجاندا تکرار ائتمک اولماز - صمد نيکنام
- آذربايجان فئدئراسيونو سوئد (آ.ف.ي)-نين باشقاني ديرلي ستار سئوگين-ه - صمد نيکنام
http://www.baybak.com
بای بک سایتیندان پرینت اولوب
http://www.11008.baybak.com/il_11008_say_1092.azr
یازینین اینترنت آدرسی
گوروش کاپانیبدی