گونئي آذربايجان،دا ميللي آياقلانمانين ايکينجي ايل دؤنومو ايله باغلي گونئي آذربايجان قورتولوش پارتيياسي-نين بيلديريشي!
بای بک، آذربايجان | یئیگؤن, ۳-ي قئزاران , ۱۱۰۰۸ اینجی ایل, چولا ۰۳:۳۸ [گ.ؤ] | بیلدیریش
 |
. | رئژيم تورک پاسدارينا، تورک پوليسينه و تورک حربيچيسينه گوونمه مکده هاقليدير. رئژيم بوندان سونراکي بابکلرين و خوردادلارين اولاجاغيندا تورک اولان هر کسي ساتين آلاماياجاغيني گؤزل باشا دوشموشدور. رئژيم بونو ياخشي باشا دوشور کي، مسله کي ندن، دينيندن، سوسييال يئريندن، سياسي باخيشيندان، جينسيتيندن وب.-دان آسيلي اولماياراق هر آذربايجان تورکو کيمليگيني باشا دوشندن سونرا قارشيسيندا دوشمن شووينيزمي آختارماغا و نئچه نسيلين قيصاصيني آلماغا قالخاجاقدير. شووينيست دوشمن آذربايجانين نه اولدوغونو و تاريخده نه لر يازديغيني دريندن بيلير. بو اوزدندير کي، حتّی خامنئيي کيمي ساتقينلارا دا اينانماماغا باشلاييبدير. |
عزيز ميللئتيميز!
بو گونلر ۱۳۸۵ خورداد (۲۰۰۶ مي) آيقلانماسي نين ۲-اينجي ايل دؤنومودور. رئژيم ميلتيميزين گئنيش آکسييالار کئچيرميه جگيني، گوجونو گئلئجک گونلره ساخلاياجاغيني بيلديگي حالدا، تپه دن –ديرناغا قدر سيلاهلانميش گوچو ايله تبريز، خوي، سولدوز، اورمو، زنگان، اردبيل وب. شهرلريميزده حربي اوردو قوروبدور. مشهددن، ايسفهاندان، قومدان و فارسيستانين چئشيتلي شهرلريندن آذربايجانا سؤوق ائديلن باسقي اوردوسونون هر گون آرتماسي، آذربايجانين پانفاشيت فارس شووينيزمي طرفيندن رسمي شکيلده ايشقال آلتيندا اولماسيني آپ-آيدين گؤسترير.
مي آياقلانماسي نين ۲-انجي ايل دؤنومونده آذربايجان ميللي هرکاتي –ا.م.ه- نين گئنيش چاغيريشي اولماديغي حالدا، گنج ميلليتچيلرين تبريز مرکزينده رئژيم اوردوسونا سينگرمه سي ” بيز واريق، اولاجاييق و گونئي آذربايجان تورک جومهوريتيني قوراجاييق ” مئساژي اولو ميلتيميزين دؤنمز ايراده سي نين سيمگه سي کيمي اؤزونو گؤستردي. فانفاشيست فارس شووينيزمي نين بؤلگه ميزده اولان يئرلي باسقي گوجلرينه اينانماماسي و مؤهتمل گؤستريلره هفته لر قالا فارسيستاندان يابانجي تتيکچيلري نين آزئربايجانا آخيزماسي، بير بؤيوک آنلامين کيچيک ايشارتيدير. رئژيم آرتيق تورک آدي داشييان هر کسي اؤز قارشيسيندا گؤرمکده دير. ۲-ايل بوندان اؤنجه ماي آياقلانماسي و کئچميش ايللرين بابک قورولتايلاريندا ميليونلوق گؤستريلر رئژيمي ائله پسيکولوژيک قورخويا سالميشدير کي، حتّی بير فوتبول ياريشماسي دا اونو قارا-قارا دوشوندورمه يه کيفايت ائدير.
رئژيم تورک پاسدارينا، تورک پوليسينه و تورک حربيچيسينه گوونمه مکده هاقليدير. رئژيم بوندان سونراکي بابکلرين و خوردادلارين اولاجاغيندا تورک اولان هر کسي ساتين آلاماياجاغيني گؤزل باشا دوشموشدور. رئژيم بونو ياخشي باشا دوشور کي، مسله کي ندن، دينيندن، سوسييال يئريندن، سياسي باخيشيندان، جينسيتيندن وب.-دان آسيلي اولماياراق هر آذربايجان تورکو کيمليگيني باشا دوشندن سونرا قارشيسيندا دوشمن شووينيزمي آختارماغا و نئچه نسيلين قيصاصيني آلماغا قالخاجاقدير. شووينيست دوشمن آذربايجانين نه اولدوغونو و تاريخده نه لر يازديغيني دريندن بيلير. بو اوزدندير کي، حتّی خامنئيي کيمي ساتقينلارا دا اينانماماغا باشلاييبدير.
بس بيز نئجه؟ دوشمنيميزي نه درجه تانيييريق؟ خورداد (مي) آياقلانماسي بيزيم تديرگينليگيميزه ان دوغرو جاوابي وئردي. ماي هرکاتي، تام شکيللنمه ميشيک، آما ياخين گله جکده ميلتلشمه يولوندا بؤيوک آدديملار آتاجاييق مئساژيني وئرميش اولدو. بو آياقلانما دونيادا بيز ده واريق، مئساژيني آل قانلا يازميش اولدو! فارس شووينيزمي بوتون دينچي، سولچو، ساغچي و ميللييتچيسي ايله بو مئساژين دونيايا ياييلماسينا انگل اولماغا چاليشسا دا سونوجدا اوغورسوز قالدي. مي (خورداد) آيقلانماسي بير ميللي-آزادليق هرکاتي کيمي دونيانين زيروه سينده يازيلدي. بو چاغداش آياقلانماميزين ايلکيديرسه، سونونون قلبه سي نين قاچيريلمازليغيني دامغالادي. مي آياقلانماسي ميلتيميزين بير ميلت کيمي اولوشماسيندا بؤيوک و دانيلماز رول اوينادي. ميلتيميز، مي-دن سونرا فارس شووينيزمينه قارشي پسيکولوژيک اوستونلويه ال تاپدي.
قوتسال تورپاغيميزين هله چوخ ياز گؤرمه ميش لاله لرله سوواريلماسي، رئژيم زيندانلاري نين گنجلريميزدن دول-بوش اولماسي، آنا، آتا، اوشاق، ائش، باجي و قارداشلارين گؤز ياشي آخيزماسي، ميلياردلار دوللارا قارشين عاييلهلرين شهر دوستاغي اولماسي، شخصيته و جينسه تجاووس اولونماسي وب..لارينا رغمن، رئژيم بو اولو ميلتين بؤيوکلوگو قارشيسيندا چؤکدو! و سؤزسوز کي، ياخين ايللرده ” دونيانين سون آپارتئيد رئژيمي تورکلر عليله چؤکدو! ” خبري ايله بير چؤکوشون سون آشاماسي دا گؤرونه جکدير.
خورداد (مي) ۲-اينجي ايل دؤنومونون منظره سي:
۱- تبريزده ياييلان بير بيلديريشله رئژيم قورخو ايچينده چولقانير. فارسيستاندا تورکلره قارشي ائيتيملنميش ايکي مئتيرليک ديل بيلمزلري آذربايجانا گؤندرير. بو اؤزل گوجلري تبريزين باغشومال و گنجوييان ستاديوملاريندا حاضيرباش ساخلايير.
۲- رئژيم، تبريزين بازار آغيزينداکي بوتون تيکينتي داملاريندا تتيکچيلريني و کاماراچيلاريني يئرلشديرير.
۳- آذربايجاندا، اؤزلليکله تبريزده کي (موبايل) ال تئلئفونلاريني ايلتيشيم شبکه سيندن چيخاريلير.
۴- تبريزين بازار، باغيرخان، بيليميورد بؤلگه لري بوتونلوکله قوروغا آلينير. بو مکانلاردا ۳-نفردن آرتيق ييغينجاقلار وحشيجه سينه داغيديلير.
۵- تئهراندا پاسدار احمدينژادلا کسينتيسيز ايلتيشيم قورولور. بئله کي، احمدينژاد بو قونده بوتون رسمي توپلانتيلاريني لغو و يا قيسسا ائده رک بيرباشا تبريز آياقلانماسيني خبرلريني ايزله يير.
۶- مي-اين ۲-اينجي ايل دؤنومو ياخينلاشديقجا تکجه تبريزده دئييل، اورمودا، خويدا وب.-شهرلرده ده توتوقلامالار باشلايير.
۷- رئژيم الينده گيروو توتموش مينلرجه ائو، دوکان، قييمتلي کاغيذ و داشينماز سندلرين صاحيبلريني چاغيرير و يا تئلئفونلا آرييير، کوچه يه چيخماماق اوچون اونلاري اويارير. بير اوياريلميش فالين دئديگينه گؤره، اونون کوچه ده توتولماسي حاليندا جاسوسلوق ايتتيهامي ايله محکمه اولاجاغيني سويله ميشديرلر.
۸- بير ايقتيساتچي ميللي فالين حسابلاماسينا گؤره، رئژيمين بير بيلديريش قارشيليغيندا خرجله ديگي پارا ميقدادي ” مرند شهري نين بير هفته ليک بودجه سي نين 5 ميثليدير!!! ”
رئژيم آذربايجان ميللي هرکاتي نين وارليغيندان ائله قورخويا دوشوبدور کي، هر گئجه قارا ماي (خورداد) يوخوسو گؤرور. سؤزسوز کي، شووينيست وارکن آذربايجان تورک ميلتي نين سوسقونلوغو پانفاشيست فارس رئژيمي اوچون آغ و ميلتيميزين هر آياقلانماسي دوشمن اوچون قارا ساييلاجاقدير.
ياشاسين بوتؤو آذربايجان تورک ميلتي!
ياشاسين گونئي آذربايجان ميللي هرکاتي!
اونودولماز اولسون خورداد (مي)-دا تؤکولن آل قانلار!
گونئي آذربايجان قورتولوش پارتيياسي – قورتولوش
۲۰۰۸/۰۵/۲۲
٫بير ميللتين سسي
پایلاش | پرینت
بورا باغلي يازيلار:
- گونئي آذربايجان قورتولوش پارتيياسي نين شووئنيست ايران فارسچي رئژيمي نين سون وحشيليکلريله باغلي بيلديريشي
- گونئي آذربايجان قورتولوش پارتيياسي نين ايران آدلانان دؤولتين ائييتيم سيستئمي آلتيندا آچيلان اوخوللارلا باغلي بيلديريشي!
- گونئيده قالديريلان ميللي سيمگه ايله باغلي “گونئي آذربايجان قورتولوش پارتي”سينين بيلديريشي
- گونئي آذربايجان قورتولوش پارتيياسي نين شهيد اماني-له باغلي رسمي بيلديريشي
- قورتولوش پارتيياسي-نين هفته ليک يورومو: تورکيه، ايران ايليشگيلرينده پ.ک.ک و پ.ژ.ا.ک مانووراسي!
- گونئي آذربايجان قورتولوش پارتيياسي يورومو: آ.ب.ش و عراق گوونليک آنلاشماسي
- هفته ليک يوروم ۳: ائکونوميک کيريز و گونئي آذربايجان
- قورتولوش پارتيياسي نين هفته ليک يورومو: باکي ديپلوماتي، يوخسا تئهران مامورو!؟
- ۵+۱ و عرب اؤلکه لري نين نيويورک توپلانتيسي و فارسچي رئژيمين اوزونتوسو، قورتولوش پارتيياسي نين هفته ليک يوروم
- پروفسور محمدتقي زهتابي-نين ايشکنجه اولماسي نين شکيللري!
http://www.baybak.com
بای بک سایتیندان پرینت اولوب
http://www.11008.baybak.com/il_11008_say_109.azr
یازینین اینترنت آدرسی
گوروش کاپانیبدی