تبريز-ده بازار باغلانيب. خويدا گولوله سسي ائشيديليب. توتولانلار وار
بای بک، آذربايجان | اُرتاگؤن, ۲-ي قئزاران , ۱۱۰۰۸ اینجی ایل, چولا ۲۲:۴۱ [آ.خ] | ایچ ساولار
 |
. | اونلاردان بعضيلري نين آدلاري بلليدير. تبريزده حميد رضائي، محمد يرهون (سوروجودور)، حجت تاري وئرديان (تبريز بازاريندا زرگر ايشله يير)، جمشيد زارعي، احد رضوي و اکبر حسين زاده شخصي گئييملي اطلاعات امکداشلاري و پليس قوووه لري طرفيندن توتولاراق نامعلوم ايستيقامته آپاريليبلار.
خوي-دا هؤکومت قوووه لري دينکلرله آکسيياچيلاري داغيتماغا جهد گؤستريبلر. شهرين بير نئچه منطقه سينده گولوله سسلري ائشيديليب. شهرده آکسيياچيلاردان بيري نين گولوله يه توش گلديگي هاقدا تصديقلنمه ميش خبرلر ياييليب. |
۲۰۰۶-اينجي (۱۳۸۵) ايلده «ايران» قزئتينده آذربايجانليلاري تهقير ائدن کاريکاتورون درجينه اعتيراض اولاراق مي-ين ۲۲-سينده (خرداد-ين ۲-سي) تبريزده و باشقا شهرلرده کئچيريلميش، قانلي قارشيدورما ايله نتيجلنميش آکسييالارين ايلدؤنومو ايله علاقه دار ۲۰۰۸-اينجي ايل مي-ين ۲۱-اينده ايراندا آذربايجانليلارين کئچيرمک ايسته ديگي آکسييالارين باش توتوب-توتماماسي باره ده هله اطرافلي معلومات اولماسا دا، «مئديا فوروم» سايتي گونئي منبعلريندن بير سيرا اينفورماسييالار توپلايا بيليب.
سايتين الده ائتديگي معلوماتا گؤره، مي-ين ۲۱-اينده تبريزين ان بؤيوک بازاريندا (کؤهنه بازاردا) اکثر تيجارت مرکزلري باغلي اولوب. بازارين قيزيل ساتيلان حيصه سي - زرگرلر بازاري تام باغلي اولوب.
قئيد ائدک کي، کؤهنه بازارين اوستو بوسبوتون اؤرتولودور. بو سببدن بازاردا گونگوزلر ده ايشيق يانير. مي-ين ۲۱-اينده بازارين ايچينه دئمک اولار قارانليق چؤکوب. بو تکجه تيجارت اوبيئکتلري نين ايشله مه مه سي ايله علاقه دار اولماييب. اوبيئکتلرين صاحيبلري هم ده ايکي ايل اول تبريز آکسييالاري داغيديلارکن اؤلدورولموش آذربايجانليلارين خاطيره سيني آنماق مقصديله ايشيقلاري سؤندوروبلر.
هؤکومت قوووه لري نين بوتون تزييق و مانعه لرينه باخماياراق شهرين بير سيرا يئرلرينده آکسييالارين باش توتدوغو بيلديريلير.
آکسيياچيلار آراسيندا توتولانلار وار. اونلاردان بعضيلري نين آدلاري بلليدير. تبريزده حميد رضائي، محمد يرهون (سوروجودور)، حجت تاري وئرديان (تبريز بازاريندا زرگر ايشله يير)، جمشيد زارعي، احد رضوي و اکبر حسين زاده شخصي گئييملي اطلاعات امکداشلاري و پليس قوووه لري طرفيندن توتولاراق نامعلوم ايستيقامته آپاريليبلار.
خوي-دا هؤکومت قوووه لري دينکلرله آکسيياچيلاري داغيتماغا جهد گؤستريبلر. شهرين بير نئچه منطقه سينده گولوله سسلري ائشيديليب. شهرده آکسيياچيلاردان بيري نين گولوله يه توش گلديگي هاقدا تصديقلنمه ميش خبرلر ياييليب.
زنجان-دا دؤرد آکسيياچي نين توتولدوغو تصديقلنسه ده، اونلارين آدلاري هله معلوم دئييل.
ميانا، موغان، اهر و خياو (اينديکي آدي مشکين شهر) شهرلرينده ده فؤوقلاده وضعيت حؤکم سورور.
گونئي منبعلري ياخين گونلرده آکسييالارلا باغلي اطرافلي معلومات و شکيللر ياياجاقلاريني بيلديرير.
٫بير ميللتين سسي
پایلاش | پرینت
بورا باغلي يازيلار:
- بزرگترين نمايشگاه صنايع دستي و هديه ايران در تبريز گشايش يافت
- ايجاد شغل و افزايش چند برابر بودجه به کنار٫ راه آهن درکويرستان (فارسستان) به بهره برداري ميرسد ولي در تبريز دهها سال است که يک جاده به بهره برداري نرسيده است!
- خوشحالي مانقوردها از نابودي آذربايجان به بهانه ايجاد مصلاي شوونيسم شيعه-فارس!
- «من تورکم» دئيه ني مهبوس ائديرلر
- محمود احمدي نژاد و تبريز-ده کي گيزلي توپلانتيلار
- قاتلینی به نام پلیس و شهیدانی به نام آذربایجان, شهادت «قادر صدیقی» در نهم خرداد ۱۳۸۷ (عکس)
- يوخا چيخميش ۲۵ ياشيندا آذربايجان-لي سياسي فعالين جنازه سي عايله سينه وئريليب
- رژيم بي شرم فارس براي مقتولين آذربايجاني پرونده سازي ميکنند!
- برای حفظ سلامت و تامین امنیت جانی زندانیان سیاسی آذربایجان به حمایت بین المللی احتیاج داریم - واحید قاراباغلی
- مرگ فعال با سابقه تبریزی در بازداشتگاه اطلاعات تبریز احتمالا با شوک الکتریکی بوده است
http://www.baybak.com
بای بک سایتیندان پرینت اولوب
http://www.11008.baybak.com/il_11008_say_106.azr
یازینین اینترنت آدرسی
گوروش کاپانیبدی