ياشاسين آذربايجان - Long live Azerbaijan

.

دين پرده سي آرخاسيندا ظولم و ايستيبداد سيياستي يورودن، ايسلامين و بوتون موترققي بشريتين مينيللر بويو فورمالاشديرديغي، قورودوغو هومانيزم (انساني) پرينسيپلرينه، اخلاقي و معنوي ديرلره، اينسان هوقوق و آزادليقلارينا مئيدان اوخويان آمانسيز رئژيمين گيرووونا چئوريلميش گونئي آذربايجانين قهرمان تورک ميلتي! سيزه ايستيبداد و مشققتلر ايچريسينده بوغولان، ظولمون، عدالتسيزليگين عرشه ديرنديگي، مؤوهوماتين ايدراکا مئيدان اوخودوغو قوجا شرقده يوخدان بير دؤولت يارادان، اونو

---

---

آذربايجان رئسپوبليکاسيندان (جمهوري) ايران آدلانان خالقلار حبسخاناسينا و عکس ايستيقامته عنوانلانان موختليف ايتتيهام، قيناق و يومشاق حده لرله موشاييت اولونان ” آچيق مکتوب ” لار بير-بيريني عوض ائدير. بو يازيشمالار بيزه آرتيق تاريخين آرشيوينه گؤمولموش سووئت ايمپئريياسي نين (شوروي) جان اوسته اولدوغو ايللرده باش وئرن پروسئسلري خاطيرلاتسا دا (قورباچووا، زورري بالايانا، سيلوا کاپوتيکيانا و باشقالارينا عنوانلانان آچيق مکتوبلاري نظرده توتوروق)، دوشونجه لريميزين ايفاده سي اوچون محض بو ژانردان ايستيفاده ائتمک قرارينا گلديک.

طبيعي کي، گونئي آذربايجان تورکلرينه قارشي باسقي و تزييقلري اؤز سيياستي نين آنا خطي حساب ائدن شووينيست فارس-موللا رئژيمينه، اونون ايدئولوژي و سياسي ليدئرلرينه موراجيعت ائتمک نيتيندن چوخ اوزاغيق.

محض بو باخيمدان، آچيق مکتوبوموزون حدفي، ايران آدلانان اؤلکه نين آپاريجي خالقي اولان، سيويل دونيادان تجريد ائديلميش بو توتاليتار دؤولته اؤز قاني و جاني باهاسينا ياشام قارانتي وئرن آذربايجان تورکلريدير!

عزيز سويداشلاريميز!

دين پرده سي آرخاسيندا ظولم و ايستيبداد سيياستي يورودن، ايسلامين و بوتون موترققي بشريتين مينيللر بويو فورمالاشديرديغي، قورودوغو هومانيزم (انساني) پرينسيپلرينه، اخلاقي و معنوي ديرلره، اينسان هوقوق و آزادليقلارينا مئيدان اوخويان آمانسيز رئژيمين گيرووونا چئوريلميش گونئي آذربايجانين قهرمان تورک ميلتي!

سيزه ايستيبداد و مشققتلر ايچريسينده بوغولان، ظولمون، عدالتسيزليگين عرشه ديرنديگي، مؤوهوماتين ايدراکا مئيدان اوخودوغو قوجا شرقده يوخدان بير دؤولت يارادان، اونو اروپانين بئله حسد آپاراجاغي دئموکراتيک عنعنه لره، اصيل خالق حاکيميتي نين پرينسيپلرينه اويغون اينکيشاف ائتديرن بابالاريميزين بيزه بخش ائتديگي موقدس ايستيقلال گونو عرفه سينده موراجيعت ائتمگيميز تسادوفي دئييل.

۹۰ ايل اؤنجه ائرمني-روس حربي بيرلشمه لري نين اونمينلرله اينسانيميزي قتله يئريره رک ايشغال ائتديگي آذربايجان آدلانان قديم تورک جوغرافيياسي نين قوزئيينده آز قالا بارماقلا ساييلاجاق آيدينلارين، فيکير و سؤز آداملاري نين ميسيلسيز شوجاتي، قطعيتي نتيجه سينده آذربايجان خالق جومهوريتي اعلان اولوندو. وطن سرحدلريندن کناردا آذربايجان ميللي شوراسي طرفيندن ائلان اولونان ايستيقلال طيفليسدن گنجه يه، داها سونرا ايسه خيلاصکار قافقاز تورک-ايسلام اوردوسونون شانلي عسگر و ظابيطلري نين قاني و جاني حسابينا باکي-يا قدم قويدو و تئزليکله قوزئي آذربايجانين بوتون اراضيلري اوزرينده نزارتي اله آلدي. بايراقلارين ان گؤزه ليني باشيميز اوزرينده دالغالانديردي، ايستيقلال مارشلاري نين ان مؤحتشميني ديليميزه، کؤنلوموزه، قان يادداشيميزا ابدي ميراث قويدو.

تاريخين آغير دؤنمينده، ايمپئرييالارين، غضبلي و آزغين گوجلرين ديش-ديشه گلديگي بير زاماندا مؤوجودلوغونون هر آنيني دؤيوشلردن کئچيره رک ۲۳ آيليق قهرمانليق سُلنامه سي ياشادي. قوزئي آذربايجان تورپاقلاري “بولشئويزم” آدي آلتيندا يئنيدن ديرچلن روس شووينيزمي نين ايشغالينا معروض قالسا دا محض آذربايجان خالق جومهوريتي نين تاريخي مؤوجودلوغو وطنيميزين روسيه-نين ايالتلريندن بيرينه چئوريلمه سينه ايمکان وئرمه دي. روس-سووئت ايمپئريياسي نين نهنگ و آمانسيز رئپرئسسييا ماشيني ۷۰ ايل ميللي شعوروموزا مئيدان اوخودو، دوشونن باشلاريميزي، دانيشان ديللريميزي، ووران اللريميزي کسدي. آنجاق آذربايجان خالق جومهوريتي نين بيزه ميراث قويدوغو آزادليق و ميللي ايستيقلال مفکوره سيني قان يادداشيميزدان سيله بيلمه دي. بو مفکوره نين اوزرينده يئنيدن ديرچلديک، يئنيدن بايراقلارين ان گؤزه ليني باشيميز اوزرينه قالديرديق!

تانري نين بيزه بخش ائتديگي نعمتلردن ان ديرليسينه - ايستيقلاليميزا قوووشدوغوموزا باخماياراق، روحوموز هله ده راحاتليق تاپماييب. قوزئي آذربايجان تورپاقلاري نين ۲۰ فايزي تاريخي تورپاقلاريميزدا روسيه، فرانسه و بو کيمي تورک سويونا قنيم کسيلن گوجلرين ياراتديغي ائرمنيستان آدلانان قوندارما بير دؤولتين و اونو هيمايه ائدنلرين ايشغالي آلتيندادير. گونئي آذربايجان ايران آدلانان بير اؤلکه نين ايداره چيليگيني اله کئچيرن شووينيست رئژيمين باسقيسي آلتيندا اينله يير. وطنيميزي اوستانلارا بؤلنلر اينسانليغا قنيم کسيلن رذيل ايمپئرييالارين ” پارچالا، هؤکوم سور ” سيياستيني داوام ائتديرير، سايي ۵۰ ميليوندان چوخ اولان بير ميلتين يئگانه دؤولتيني گؤزدن سالماغا، بيزي قارشي-قارشييا قويماغا چاليشير، دوشمنلريميزين گوجلنمه سينه سي گؤستريرلر.

بو گون داغليق قاراباغ دا داخيل اولماقلا آذربايجان رئسپوبليکاسي نين اراضيلري نين ۲۰ فايزي نين (يوزده ايگيرميسي) ائرمنيستان طرفيندن ايشغال اولونماسيندا ايرانين فارس-موللا رئژيمي نين ” خيدمتلري ” دانيلمازدير. ائرمنيستاندا کئچيريلن سئچکي کامپانيياسي مودتينده بو اؤلکه نين هم ايقتيدار، هم ده موخاليفتدن اولان سيياستچيلري موحاريبه دؤورونو ميثال گتيره رک، ايرانلا همسرهد اراضيده يئرلشن، تاريخي آذربايجان تورپاغي اولان مئغري رايونونو ائرمنيستان اوچون ” حيات يولو ” آدلانديريرديلار.

ايرانين فارس-موللا رئژيمي آذربايجان اراضيلريني ايشغال ائدن، اونمينلرله سويداشيميزي آمانسيزجاسينا قتله يئتيرن، يوزمينلرله اينسانيميزي اؤز يورد-يوواسيندان ديدرگين سالان، بشر تاريخينده ميثلي گؤرونمه ميش بير فاجيعه يه - خوجالي سويقيريمينا قانلي ايمضا آتان ائرمنيستانين اؤز تجاووزکار سيياستيني داوام ائتديرمه سينه يارديم گؤسترمکله، بو اؤلکه نين جينايتلرينه شريک اولوب.

ايرانين مؤوجود رئژيمي بو گون ده ائرمنيستان اوچون ” حيات يولو ” فونکسيياسيني ممنوعنيتله يئرينه يئتيرير، ايشغالچي اؤلکه ايله سياسي، حربي، ايقتيصادي و ديگر ساهه لرده، ائلجه ده غصب اولونموش آذربايجان تورپاقلاري نين سروتلري نين ايستيثمار اولونماسيندا ان ياخين موتتفيق کيمي امکداشليق ائدير.

بونونلا ياناشي، ايرانين فارس-موللا حاکيميتي اؤلکه اراضيسينده مسکونلاشان بير اوووج ائرمنينين تحصيل، مدنيت و ديگر ساهه لرده ميللي آزادليقلاريني تانيديغي حالدا، ۳۵ ميليونلوق آذربايجان تورکونون ان عادي هاقلارينا بئله قانلي سيپر چکير، ميلتيميزي آسيميلاسيون ائتمه يه، ” ايرانلي ” آدلانان جفنگ بير ايدئيانين آلتيندا فارسلاشديرماغا جهد گؤسترير.

ديرلي سويداشلاريميز!

ماي آيي (خورداد) تکجه آذربايجان رئسپوبليکاسي اوچون يوخ، هم ده گونئي آذربايجان تورکلري اوچون موقدس باشلانغيجلار آييدير. تسادوفي دئييل کي، ۲ ايل اؤنجه وطنيميزين گونئيينده باشلايان ميللي آزادليق هرکاتي نين تشککول تاپماسي، ميللي اويانيشين ايلک مرحله سينه قدم قويماسي دا محض بو آيا تسادوف ائدير.

…رئژيم آمانسيزدير، غداردير، آنجاق ابدي دئييل! بو دونيا هئرون، هيتلئر، ستالين و اونلار کيمي بشر تاريخي نين لعنتلعنميشلر سيياهيسيندا يئر آلان يوزلرله شر حؤکمدارلارينا قالماديغي کيمي، سيزينله ياناشي ايران آدلي اؤلکهده، اؤز تاريخي تورپاقلاريندا ياشايان ديگر خالقلارا دا ايضطيراب وئرن رئژيمه ده قالماياجاق. يئتر کي، ديليميزي، قان يادداشيميزي، ميللي-معنوي ديرلريميزي، ميللي کيمليگيميزي و ان نهايت، بيرليگيميزي قوروماغي باجاراق!

گونئي آذربايجانين قهرمان خالقي!

سايي ۳۵ ميليون اولان بير ميلتين ياشاديغي اؤلکه ني ايداره ائدن رئژيمين سيزين سويداشلارينيزين قوردوغو دؤولتين اراضيلريني ايشغال آلتيندا ساخلايان بير اؤلکه ايله نينکي يوکسک سويييه ده امکداشليغا، حتّی اونسيته بئله جسارت ائتمه سي آنلاشيلان دئييل. بو گون ايران آدلي اؤلکه ني ميثلي گؤرونمه ميش توتاليتار اوسوللارلا ايداره ائدن فارس-موللا بيرليگي نين ائرمنيستانا وئرديگي دستگين قارشيسي نين آلينماسي ايشغال آلتينداکي آذربايجان تورپاقلاري نين آزاد ائديلمه سي اوچون موهوم اهميت کسب ائدن عاميللردن بيري کيمي ديرلنديريلمه ليدير. چونکي ايشغالچي اؤلکه نين ديگر هيمايداري - روسييا ايله اورتاق سرحددي يوخدور و ايران-ائرمنيستان سرحدلري نين قاپاديلماسي ان آزي تجاووزکارين ” حيات يولو ” ندان محروم اولماسي دئمکدير.

عزيز سويداشلاريميز!

شرفلي تاريخيميز، ميسيلسيز مدنيتيميز، بؤيوک دؤولتچيليک عنعنه لريميز، يئنيلمز ميللي روحوموز هئچ بير حالدا هاقلاريميزين اؤزگه لر طرفيندن موعينلشديريلمه سينه، تورپاقلاريميزين ايشغال ائديلمه سينه زمين ياراتمير. بيز ميلت اولاراق بو رذالته لاييق دئييليک و قارشيميزداکي گوجون کيمليگيندن آسيلي اولماياراق، قارشيميزا آتيلان سوني مانعه لري ياريب کئچمه لي، وار اولدوغوموزو سوبوتا يئتيرمه ليگيک.

بو مکتوبو اؤتن عصرين ۷۰-۶۰-جي ايللرينده قوزئي آذربايجان تورکلري نين ياتميش شوورونداکي بوتؤولوک توخومالاريني يئنيدن اويادان بؤيوک شاعير بختييار واهابزاده نين ” گولوستان ” پوئماسيندان سئچديگيم بير بند شئييرله يئکونلاشديريريق:

قوي قالخسين آياغا روحو تبريز-ين،
بابک-ين قيلينجي پارلاسين يئنه!
اونلار بو شرطلرله سؤزونو دئسين:
زنجيري کيم ووردو شير بيلگينه؟!

ايندي زنجيرلري قيرماغين، تورپاغينا، ميلتينه و اؤز ايراده سينه حاکيم اولمانين زامانيدير.
“قاراباغين آزادليغي تبريزدن کئچير” ، - دئييردي ابولفضل ائلچي بيگ…

ايستيبادا، ايشغالا سون قويمانين يولو ايسه سؤزده، فيکيرده، ايشده بيرليگيميزدن، بوتؤولوگوموزدن کئچير.
قزاميز موبارک اولسون!

“خالق جبهه سي” قزئتي

٫بير ميللتين سسي
پایلاش | پرینت

---

بعضی عکسلر خبره باغلی اولمایا بیلیر. لطفا دیقتتلی اولون

گوروش کاپانیبدی